الجزء 18

قلت ليه يا بابا هي القصة كلها عن غسان انا دايرني وانا دايراهووو...

قال لي انا رسلتك الجامعة دي عشان تقري ولا عشان تحبي يابت 😒😒😒..

قلت ليه خليني اخلص الموضوع اول 😄 وبعدين بنتفاهم في موضوع الحب دة ..

قال لي اها تمي ..

قلت ليه البنت دي بتحب غسان وهو ما معبرها فبقت تحقد علي انا ومازن دة انا بكرهوو شدييييد 😔 ما بتبلع لي لما عرف انو غسان دايرني .. اتفقو سوا 😐

ابوي فجأة قام علي حيلو انا كنت هطير من محلي 😳😳 ..

قال لي والله مازن دة ما يصل البيت .. والاسمو غسان دة اصلا لو زول جادي كان جا انت الاتين تبعدي منهم

انا فرحت شدييييد 😍😍😍😍 يا سلااااااام من فرحتي لما عيوووووووني دمعووو مشيت لي ابوي حضتنو شديد بستو يمين وشمااال

انا : بحبببببببببك يا بابا 😍😍😍😍

ابوي ضماني عليه باسني من رااسي وقال لي ربنا يحفظك يا بتي 😊😊

اما مبسوووطة شديد عشان ما حا اتزوج مااااازن 😍😍😍 احلي فرحة في حياتي عقباااال تجي الفرحة الاكبؤ وكون لي غسااان .. صحباتي وانا وكلنا حتي امي بقت ترقص معانى 😂😂😂..

هيا : ما قلنا ليك ابووك زول عسل خلاص .. 😍😍

انا : 😂😂😂😂 ااي براااحة الحاجة ما تغير بتطردنا دلنا في ابوي ولا بتهظر ..

هيا : 😂😂 ربنا يخليهم ليك يارب ..

وريف : جد مبسسسسسسسووووطة انا اها بالنسبة لي غسسان 😳

انا : ااااااااي صااااح 😐 قال لي ابعدي منهم الاتنين 😥

هيا : يابت روووووووقي زي ما دي اتخلت ديك بتتحلى ان شاءالله 😉😉 ماتشيلي هم ..

انا : ان شاءالله 😍❤ بقيت بثق في كلامكم والله 😂

وريف : ماكنتي بتثقي فينا ولا شنو 😒😒

انا : 😂😂😂 ربنا يحليكم لي واخدمكم في اعراسكم ياارب .. انت مع اويس وانت يا هيا ربنا يديك ولد الحلال التستاهلي والبستاهلك ..

هيا وريف : اميييييييييييين 😍😍..

احنا حا نمشي بعد كدة .

انا : عليكم الله بيتو معااي الليلة عليكم الله نمشي كلنا الجامعة من هناك كل واحدة تمشي 😍😍

وريف : قالت لي يابت اهالينا قلنا ليهم بنجي الليلة ..

انا : هاك دي التلفون اتصلي ب اهلك كلميهم وانتي كمان يا هيا

هيا : خلاص تماام ما عندك مشكلة ..

وريف وهيا اتصلو علي اهاليهم وحنسوهم يقعدو معاي اليوم دة .. وبالجد مبسوووطة شديد 😍😍..

فجأة اتذكرت غساااااااان 😍 اشتقت ليه ياااخ طولت ما اتكلمت معاااهو .. 😄

هيا : فعلا والله غسان العسل المز

انا : والله ولا بتفاهم معاك 😒 عسل في عينك

هيا : 😂😂 لا البنت ولا امها دة شنو يا اخواني ..

وريف : انت ذاتك ما بتتكلمي في الحساس مالك...

هيا : اها خلاص اويس كيف 😍

وريف : لالا دي منطقة خطرة ما تجي بجمبها

انا : غسااان ما اظن يتكلم معاي تاني 😞..

هيا : ليه مالو ما يتكلم معاك تاني هو لاقي ولا لاقي 😒

انا : ما كدة بس انا لي اسبوع ما برد عليه وقافلة تلفوني معقولة تاني يتكلم معاي 😔

بهناك غسان قرر يمشي زيارة لي اويس في البيت .. اويس كمان اهلو الكرم والجود عملوو ياداااك الغدا صفرة غسان ما اظن اكل زيها قبل كدة 😂😂 وبعدها حابو الشاي ومسكو ليك لي بعد المغرب جابو الشاي وعملو ليهم كيكك انوااع يدوك احساس انو جاااي يخطب بيتهم 😂.. اهلو زاااتو اتميفو لي غساان شديد لقوهو زول محترم وزول شايل حيلو وعااقل .. وظريف 😍..

بعد الحاجات دي كلها حتي طلعو برا البيت لقو فرصة ما بعض .

اويس : نورت البيت الليلة والله

غساان : تسلم والله دة نورك العاكس ..

وهم مع بعض انا اتصلت ع غسان 😍 .. غسان طلع التلفون لقاهو "حنيني 😍" ابتسم باتسامة خفيفة كدة 😍 ورجع دخلوو 😒

ولا رد علي التلفون الواطي 😒..

اويس : اها قررت شنووو ..

غسان : قررت اخطب حنين 😍 اصلا حايك عشان اكلمك اول زول لازم يعرف انت

اويس : الف مبروووك مقدما ربنا يتم ليكم علي خير ياارب ..

غسان : امييييييين جمعا .. بس يا اويس انا في فكرة في بالي 😉.

اويس : فكرة شنوو.

غسان : اوريك (......) 😉 اتفقنا ..

اويس : 😂😂😂 اتفقنا 😊

غسان : تمام.. اهاااا انت العرس متين .

اويس : لسة لما تجي الخطوبة اول اكلم الحاجة ونمشي .. اصلا ام وريف عارفة من زماان كلمتها قلت ليها انا بتك داايرها ..

( راااجل والله 😍)

غسان : تمام ربنا يتم ليكم علي خير يارب ..

انا : شفتوو ما قلت ليكم خلاص تاني ولا حا يشتغل بي 😥😥..

هيا : يابت اهدي اهدي ان شاءالله كمان بنوضح ليه القصة ورانا شنوو احنا 😊

انا : تسلمممو لي والله .. 😘

اويس مشا لقي امو في البرندة قااعدة.. جا قعد جمبها ..

قالت ليهةالله يرضى عليك يا ولدي .. (احلي دعوة من الام 😍) ..

قال ليها يا امي انا عاوز اخطب لي بت والله بت محترمة بت ناس زولة رزينة وعااقلة

امو (نبيهة) قعدة تزغرد وفرحت فرح شددديد قالت ليه دي بت منو يا ولدي ساكنين وين وشفتها وين ..

قال ليها : ساكنين بحري .. بعرفها لي 5 سنة كانت بتتعالج عندي ..

امو من قولت بتتعالج دي قامت نااااطة .. قالت ليه كيف بتتعاالج عندك يا ولد مجنننونة يعني 😕😕.

قال ليها يا ا

مي ما مجنونة ..

ما خلت يكمل كلامووو طوالي قاطعتوو ... اهااا ما محنونة كيف انت مش بتعالج المجانين 😟😟😟..

قال ليها امي وريف حالتها غير بس حصلت ليها حادثة زمان وهي اتأثرت بيها ما يعني هي طبيعية مية في المية .. واسي بقت احسن من الاول كمان 😑😑😑

قالت ليه ابدااااااااا ما راضية بيها من عارف امكن حالتها ترجع ليها تاني

اويس : 😕😕😕😕

اعملو لي متابعة 😍