الجزء 6

غسان : مرووج في شنووو يا مروج .

مروج : مالك قمت جاري فجأة خلعتني 😕😕 خفت عليك والله ..

غسان : 😑 مافي شي انا ماش البيت ...

مروج : طيب.. 😏😏 "بتحلمي حبيبتي كان بخلي ليك 😏"

انا طلعت من الجامعة وهيا جارية بوراي تحنس فيني .. يابت ولا سامعة بتقول في شنو.. بس ركبنا المواصلات..

هيا : يابت انت متخلفة دة شنو البتعملي فيه دة ..

انا : عملت شنو يا هيا ..

هيا : يا سجم انت هو ما بحبها

انا : وانا مالي يحبها ما يحبها يصطفل 😑

هيا : والله انتوو غايتو 😂..

وصلت البيت اخلاقي طايرة فوق طوالي اقرب سرير رقدت فيه .. بقيت بتكلم مع نفسي انا ليه زعلانة كدة مالي ومالو دي حياتو هو .. لكن كيف ما يبعد يدها عنو 😕.. يا حنين بطلي تفكير عليك الله ..

مع زعلتي ديك قمت نمت .. لكن قبل انوم قفلت تلفوني .. بعد صحيت زي الساعة 8 بليل كدة لقيت وريف مرسلة رسالة SMS وهيا برضو وغسان 😒 قمت لبست توبي وقلت لي اختي وعد تمش معاي نشتري رصيد.. لما جيت امي قالت لي جهزي االشاي .. بس ختيت الكرت والتلفون في الطربيزة برا ومشيت اعمل الشاي فجأة اسمع ليك جود بت اختي عمرها 3 سنة كدة بتقول : الليلة حا اكل ليك لثيييييدك . قمت كوركت فيها من المطبخ طبعا حسي في البيت ماشاءالله .. اوعك جوووود بجي بدقك والله 😤😤.. بعد خلصت الشاي جيت لقيت الكرت مأكول 😕.. قدر ما حاولت انزلو بالارقام الظاهرة حلف كان ينزل المهم حتي ناس زين حظروني لمدة يوم 😥 قمت مشيت جبت تلفون اختي ولاء طوالي نزل عندها 😭😭 وفي النهاية اكتشفت انو جود كانت قاصدة كرت اختي وعد بس لما كوركت فيها عرفت انو عندي كرت واكلتو 😪 اصلو اليوم معكس معاي من شفت وش البنت ديك ..

زي الساعة 9 كدة غسان اتصل علي .. مارديت 😑 مع انو كان نفسي اتكلم معاهو ياخ 😐 . المهم رقدت نمت تاني للصباح

مشينا الجامعة دخلنا محاضرتنا يلا في المحاضرة ادونا سمنار ووزعونا قروبات كل قروب فيه 5 نفر يلا وريف وهيا اتفرقو مني 😐😐 لانو حروفنا ما واحدة .. المهم وريف قالت ماشة كالعادة قلنا ليه خلاص يا ستي لي بكرة وانا وهيا جري بوراها االهايس الركبتا احنا اليي وراها طوالي ..

قلت لي هيا : هيا انا حاسة امو تصرفنا ما كويس اسي لو سألناها مالو اصلا الموضوع ما خطير يعني

قالت لي : عايني ما تكتري كلامك انا حاسة انو في شي حاصل مع الزولة دي وما عاوزة تورينا .. انت عارفاها اصلها هادئة وما بتتكلم كتير ويعدين يعني لو ما انحنا ما كانت حا تصحاب زول يابت في الجامعة دي ..

قلت ليها : ماهو نفس انا وانت ما مصاحبين غير بعض .. احنا الثلاثة ما لينا غير بعض

قالت لي : فهمتك بس انحنا ممكن نحتك بغيرنا لكن وريف لا حصل شفتيها قعدت مع زول براها كدة 😑

انا : لا والله ما حصل 😐..

هيا : اها شفتي ..

وصلناا الموقف لقينا وريف نزلت قمنا مشينا وراها لقينا امها مستنياها .. سلمت علي امها انا هنا قلت لي هيا نرجع يابت .. قالت لي : لا يا طيرة ياتو يوم ام وريف بتستناها هنا تعالي نشوف في شنو وبعدين قلتي غسان شافها في الدكتور وما جات قالت لينا ..

مشينا تابعناهم ركبو ليهم هايس برضو ركبا الوراها المهم نزلو جمب مستوصف الدكتور اويس 😳 .. شفناها في اخر لحظة قمنا نزلنا

هيا : مستوصف اويس دة بتاع شنو

انا : بتاع الامراض النفسية 😓

هيا : عرفتي كيف 😕

حنين : اقري اليافطة دي .. 😐

هيا : كدي تعالي ندخل طيب

انا : 😫 يا بت لو دخلنا بتشوفنا انت مجنونة .

هيا : اها نعمل شنو..

انا : نخليها تطلع وبعدين ندخل انحنا نسأل الدكتور في شنو ..

هيا : فكرة كويسة ننتظر

في الجامعة وبالتحديد في محل المباني الجديدة قاعد والهم مالي وشوو وبفكر في زولتو .. حنين 😌✋ المهم حتي الفطور اباهو وحاول يتصل علي وانا عاملة تقيلة ما رديت .. رغم اني مشتااقة اسمع صوتو 😍 ..

دخل اجتماعو سااكت كل المهندسين بشاركو وبدو رايهم وهو ولا سامعم اصلا بقولو في شنو .. الا المهندس مازن نبهو ..

قال ليه : في شنو يا غسان مالك ما شاركت واديتنا رايك

- اتخلع وسرحتو فكت ويادوب اتذكر انو في اجتماع .. المهم بقي يتمتم وهو طبعا ما فاهم حاجة لانو اصلا ما كان متابع 😌

انا وهيا قاعدين مستنين فجأة وريف طلعت هي وامها مبسووطة والفرحة في وشها تقول ليها شهر ما صحكت ..

المهم انا وهيا قمنا دخلنا لقيناةالبنت البتسجل الارقام قلنا ليها انحنا عاوزين االدكتور شخصيا ما لي علاج بس دخلتنا لانو كان ناس وريف اخر ناس وكانو حا يقفلو..

انا : سلام عليكم دكتور اويس

اويس : وعليكم السلام .. اتفضلوو

هيا : انحنا صحبات وريف ..

اويس : مرحب بيكم ..

انا : انحنا لينا زمن ملاحظين وريف بقت بتمشي بدري وقبل كدة شفناها طالعة من هنا ولما سألنها اختصرتنا ما جاوبتنا وجد انحنا قلقنا عليها شديد 😥.. عاوزين نعرف في شنو ..

اويس : اممم والله ياريت بقدر اوريكم بس معليش 🙄.

هيا : 😒 ليه ما بتقدر تورينا .. الموضوع خطير 😳.

اويس : لا الحمدلله ما خطير .. لكن انتو قلتو انكم ص

حباتها يوم قعدوها واسألوها عبرو ليها انكم خايفين عليها .. لانها هي فعلا محتاجة ليكم جمبها .

قلت ليه : تسلم والله يا دكتور.. يلا يا هيا .. طلعنا من غرفتو

هيا : 😒 غايتو ما فهمنا ااي شي .

قلت ليها : 😓 بالعكس هو فهمنا كل شي

قالت لي : كيف ؟

قلت ليها اول شي دة دكتور نفساني .. يعني وريف مريضة..

وماكانت مريضة زمان بس حصلت ليها حاجة خلت نفسيتها تتغير لأنو قال لينا اسألوها 😐😐..

هيا : 😐😐 مسكينة يااخ ربنا يشفيها عشان كدة ما بتخطلت بالناس .

انا : انا مصدومة شديد وخايفة عليها بس قلت لي هيا : امكن .. يلا نرجع البيت ..

عد اسبوع والحال في حالو وكل مرة نحاول نسأل وريف بنتراجع نخاف انها تزعل غير كدة انا لسة ما اديت غسان وش

اسبوع مر زي السم 😑 المهم كالعادة في الجامعة هو هو الروتين يلا كان عندنا بكرة السمنار الادونا ليه الاسبوع الفات واحنا ما اتذكرناهو الا الليلة .. زي الساعة 3 كدة قمت مشيت للناس المعاي يلا غسان شافني وانا ما انتبهت وواصلت طريقي للبنات عشان نبدا نحضر ونقسم السمنار ونحفظ ومية شغلة 😥 .. غسان اتصل علي فكر ارد ما ارد ارد ما ارد المهم في النهاية رديت .. 😍.. الوو

غسان : في عينك .. 😒😒 .

انا : نفسي ادخل بالتلفون واخنقو واجي راجعة😒 في شنو ؟

غسان : المقعدك لحد اسي شنو الساعة 3 جات 😒

انا : عاوزة اخلط كمان استأذن منك 😒

غسان : 😏😏 لا جادي مالك قاعدة للان خير ان شاءالله .

انا : عندي سمنار عاوزة اكتبو بعد اخلص بمش

غسان : معاك صحباتك ؟

انا : "شكلو خايف علي 😍" ما معاي مشو لانهم كتبو من بدري

غسان : ولما صحباتك كانو بكتبو كنتي وين انت 😑..

انا : 😏 يلا عاوزة اكتب انا ..

غسان : خلي بالك من نفسك تمام لما تطلعي اعملي لي جرس .

انا : يلا مع السلامة

قعدت مع صحباتي اكتب في السمنار كان كتير خلاص وتقديمو بكرة وماف ااي طريقة نكتب بكرة .. والوقت اتأخر الساعة 7 جات 😞 ويادوب خلصت .. قمت مشيت موقف المواصلات ولا عربياية مافي 😢 واهلي اتصلو علي قلت ليهم جاية لو كنت عارفة ماف عربية كنت قلت لي ابوي تعال لي 😥..

انا : 😥😥 وووب علي اللليلة اعمل شنو هنا المعاي في الداخلية والداخلية قريبة برجلوهم بمش انا بخاف .. فجأة كوريلا جات وقفت جمبي 😍 قلبي عاوز يطير من الفرح 😍😍

قال لي: 😡 انت قاعدة للان في الجامعة

قلت ليه : والله يادوب خلصنا 😐

قال لي : يخلخل ضروسك كدي مرة تانية الساعة 2 تجي والقاك في الجامعة دي تاني 😒

قالت : حاااضر غسان 😐..

قال : حا اقرش عربيتي هنا واجيك ..

انا : 😫😫 شنووو

غسان قرش عربيتو جمب ناس الحرس وجا قال لي يلا نمش

قلت : غسان نمش وين انت مجنون 😒

قال لي : 😂😂 اوصلل الموقف واركبك مواصلاتك عشان تطيري بتكم ولا ناوية تبيتي هنا 😒

انا : وعربيتك ؟

غسان : انا بكرة بسوق عربيتي.. يلا اتحركي ما تقيفي زي العمود

مشينا ركبا حافلة وانا قعدت في مقعد جمب الشباك وهو قعد في المقعد جمب الشباك التاني القصادي رغم الجمبي كان فاضي لانو كان ماعاوز الناس تفهمني غلط 😍

انا بقيت مصدومة وبعاين ليه وحسست باهتمامو الزايد وحنيتو وخوفو علي 😍 وسماااحتو كمان 😍..