الجزء 11

قعدنا انا وغسان اتونسنا لي الساعة 2 ما حسينا بالوقت جرى سريع ياخ 😊..

هيا ووريف كانو ماشين اتصلو علي قمت قلت لي غسان خلاص حا امشي لي بكرة..

قال لي طيب تمام خلي بالك من نفسك

قلت ليه : طيب وانت كمان .. 😍.

مشيت مع هيا وريف ... وريف في المواصلات قالت لينا انا همشي المستوصف تمشو معاي ؟

قلنا ليها خلاص ما مشكلة بنمشي معاك ..

وصلنا المستوصف لقينا دكتور اويس خلاص اخر مريض هيدخل عليه.. بعد طلع دخلت وريف ونادتنا ..

وريف : اويس 😊..

د. اويس : اووه وريف اخبارك شنووو

وريف : الحمدلله تمام .. بعد شوفتك .. ديل صحباتي هيا وحنين

د. اويس : اتشرفنا 😉

انا : شرف الله مقدارك 😄

هيا : تسلم 😊..

انا حسيت انو وريف مبسوووطة شديد يعني ملاامح وشها بتديك انها ملكة الدنيا وما فيها من السعادة .. جابت لينا موية ضيفتنا ادتني احساس المستوصف دة حقها هي .. 😂😂..

د. اويس : انتو مع وريف في نفس المجال

انا : ااي نفس ااي شي..

د. اويس : والله ما شاءالله ..

قعدنا مع الدكتور زي نص ساعة كدة والله طلع ظريف شديد .. وكسار كمان قلت لي وريف بعد طلعنا الدكتور دة حلوووو شديد ..

قالت لي : ااي والله كسااار احلي مافيه طووولوو ولونوو الحلبي دة شعرو المغلف اناقتو وصوتو الهادئ😍

هيا : 😳😳 وريف ؟ معقول 😂😂.. طلعتي خطيرة يا بت امي ..

وريف : 😂😂😂

مازن ومروج كانو طالعين من الجامعة سوا اليوم دة المهم مروج قالت لي مازن انا عندي ليك بشارة

قال ليها اها بشري

قالت ليه جبت ليك رقم ابوها .. 😊😊

قال ليها تسلمي ياخ تسلمي شديد ..

قالت ليه ولو العفو يااخ انحنا اخوان في النهاية وانا عارفة انت ما حاتقصر معاي في غسان

قال ليها ايوا اكيد لو عاوزاهو الليلة يجي البيت بجيبو واجي بس قولي لي انت ..

قالت ليه ماللدرجة دي 😄 انا بس عاوزاهو يقتنع من نفسو ويجيني .. بس وانا في بالي في حاجة وما عليك الا تساعدني .. 😏

قال ليها طيب ما عندك ااي مشكلة

بعد كدة كل واحد علي طريقو ..

مازن في البيت اتذكر انو مروج ما ورتو اسم ابوي قام كتب الرقم في النمر بوك ظهر ليه (مصطفي) اسم ابوي ..

قام اتصل انا واخواتي في البيت ومعانا امي وابوي وجود 😍 بنشرب في الشاي.. بس جااتو المكالمة.. ابوي طلع برا من الجوطة واحنا كملنا ونستنا.. بعد 15 دقيقة بالتحديد كدة ابوي جا داخل قال لي امي يا (منى) تعالي دقيقة امي طلعت معاهو طبعا احنا اصلا ما حسينا بالموضوع لانو عادي لما ابوي يكون عاوز يتكلم مع امي بناديها كدة ..

قامو طلعو برا قالت ليه خير في شنو ..

قال ليها والله يا منى خير في واحد طلب يد البنت وقال دايرها انا قلت ليه بتي عندها راي اشوفها واديك خبر..

قالت ليه كدي يا يمة من وين وشغال شنو

قال ليها مهندس معمار وقال انو شافها في الجامعة وهي بنت محترمة وكل شي وهو زول جادي لو وافقنا ممكن يجو تعارف الخميس الجاي ..

قالت ليه طيب اليجي نشوفو انحنا ونعمل المشوري مع اخوانك.. حتي نوافق

قال ليها يا مرا استهدي بالله انا لازم اسأل بتي اول ما موافقة ما يجي اصلا 😑..

قالت ليه خلاص اسألها لكن دة مهندس وزيو ما بتلقي تاني ..

قال ليها مرا دة كلام شنو بتك ولاء ما جاها المهندس وابتو .. واسي جاها الدكتور عمار .. اتفاءلي دايما بالاحسن...

اسي نسيتيني الموضوع الاساسي .. اتكلمي مع حنين شوفي رايها شنو وانا بعدين بتكلم معاها ..

قالت ليه خلاص تمام ..

امي وابوي رجعو عادي وكأنو مافي شي جهزنا الغدا واتغدينا وبعد المغرب امي في المطبخ قالت لي تعالي ساعديني في الشاي قمت مشيت معاها .. ابوي طلع واخواتي برا

قالت لي والله يا حنونة جاك عريس قال دايرك .. وابوك قال اشوف رايك شنو

انا فتحت عيوني قدر قعر الكباية قلت ليها يا امي عريس شنو يا امي انا اخلص جامعتي اول..

قالت لي دة اصلا مافيه اتنين احنا ذاتنا ما حانخليك تعرسي قبل الجامعة بس جاي ساي خطوبة وهو قال شافك في الجامعة .. وعجبتيو ..

قلت ليها شافني في الجامعة دة منو ياربي 😕

قالت لي بري والله ابوك نسى يوريني اسمووو لكن شغال مهندس معاكم في الجامعة .. وقال بعرفك وشافك وعجبتيه عشان كدة

انا قلبي قرب يقيف 😍😍😍 ياربي يكون غساان 😍 يا الله ياخ بس حبيت اعمل فيها تقيلة شوية قدااام امي ..

قلت ليها طيب ما عارفة والله افكر واديك خبر 😶😶

قالت لي طيب خلاص .. فكري براااحتك لو ما عاوزاهو نهاائي ما مشكلة ما بنجبرك..

انا : 😍 "هو غسان برفضوو"

مشيت برا خشمي مبتسم برااهو يااربي غساان معقول بالسرعة دي 😊.. طيب ع الاقل كان اتصل وراني وسبحان الله قبل ما اكمل كلامي فعلا اتصل (حمااتو بتحبو 😂) ..

😍😍 بقيت شايلة التلفون وارقص وانطط براي في الحوش اخواتي قالو دي جنت رسسسمي 😂😂...

قمت رديت في آخر رنة للجرس قرب يقفل 😂😂 قلت ما ابقي خفيفة وااسألو.. اخير انتظر لما هو يفاتحني بالموضوع 😊

انا : الووو

غسان : غريبة اول مرة تردي من اول مكالمة دايما بتكون الخامسة والسادسة خير في شنووو

انا : مافي شي بس

مبسووووطة 😊😊

غسان : ربنا يديم بسطتك الباسط شنو ابسطيني معاك ..

اما : 😏😏😏 عامل فيها ما عارف يعني ..

غسان : لا جد ما عااارف في شنووو..

انا : "عامل لي فيها الود تقيل مش 😒 سمح بوريك التقلة" لالا مافي شي والله بس كدة يومي حلو من الصباح يمكن عشان اتصالحنا ..

غسان : 😂😂 ربنا ما يحرمني منك وتكوني دايما مبسووطة

انا : تسلم 😍😍..

اتونست مع غسااان كتتيييير لكن اصلو ما جاب لي سيرة المهم قلت ما علينا امكن عاوز يفاجئني.. 😍

قمت قعد علي كدة..😍

عاوزين تعرفو احداث القصة الجاية اعملو لي متاابعة

وياريت تعلقو ب اسم اكتر شخصية عجبتكم في القصة 😍