الجزء 8

انا انتبهت لي مازن مكشر وشنو كدة 😩 طوالي قلت لي غسان عن اذنك انا حا امشي اشوف هيا .. واخليك تتونس مع صاحبك .. قال لي تمام

مشيت لي هيا جمب المزيرة لقيتها واقفة وسرحان ومشرة وشها برضو .. لما جيت وقفت جمبها ما حست بي ..

انا : هيا ؟ في شنو مالك حبيبتي

هيا : لا لا مافي شي

انا لاحظت انو هيا بتتكلم وما قادرة تعاين لي في وشي ..

معقولة بس صحباتي يكونو كتومات كدة صحبتنا مبنية علي ياتو اساس طيب 😡.. انا زعلت شديد .. وبقيت ساكتة قبلت منها .. براها اظنها راجعت نفسها قالت لي خلاص يا حنين حا اوريك في شنو ..

قلت ليها اقولي سريييع طيب 😒..

قالت لي : حنين انا بحب مازن 😐

قلت مازن ولا انا سمعت غلط ؟ المهم في اللحظة دي مش صبت فيني مطرة ضربتني صااقعة عديل 😨.. بقيت واقفة صنم ما قادرة اسألها 😳..

هيا : يابت انت مشيتي وين .. قعدت تلولح لي بيدها في عيوني

انا : لا بس صدمتيني بالموضوع 😄.. 😥 "ما لقيتي الا مازن"

هيا : بس هو ما بحبني وانا كبعا ما قلت ليه ولا عبرت ليه ومستحيل اعملها دي عشان ما يقول خفيفة وبتاع لكن صداقتنا متينة شديد .. نفسي اخليه يحبني 😐..

انا : طيب حبيبة .. بس انت نهوووهاااائي مااااتعملي ااي حركة كدة ولا كدة خلي الموضوع زي مااااهو فهمتي ؟

هيا : طيب..

💥💥💥💥💥💥💥

طلعت من الجامعة ودموعها جارية طوالي مشت مستوصف الدكتور اويس ملامح وشها بتبين انها كانت بتبكي وبنبرة صوووت حااادة كدة قالت للمسجل .. عاااوزة اشوف الدكتور 😡..

قال ليها بعد الجوا يطلعو ادخلي .. طبعا المسجل بعرفها حق المعرفة ..

استنت 5 دقايق ودخلت فتحت الباب بأندفاااع شديد .. الدكتور اتخلع ..

قال ليها : في شنو ياوريف ...

قالت ليه : انا متين اتعالج يا اويس 😢.. صحباتي حسو انو انا ما طبيعية وانت امس قلت لي خلاص تاني ماعندك ااي شى ليه بتكذب علي 😢..

قال ليها : اول شي روقي واستهدي بالله .. وقولي لي حصل شنو ..

اويس قام جاب ليها موية غسلت وشها..

قالت ليه : قالو لي انت ما بتقعدي معانا بقيتي تمشي من بدري و انك ما طبيعية الايام دي ..

د.اويس : طييب هم قاصدين انك ما طبيعية عشان بقيتي ما بتقعدي معاهم.. وريف علاقتك كيف بصحباتك ..

وريف : هم صحباتي شديد بس في الجامعة.. يعني اول ما دخلت برلومة كانو هم ساعدوني للقاعة واكتشفت انهم ظريفين معاي ومنها بقيت ما بحوم مع غيرهم لكن طيوبات والله ..

د.اويس : طيب علاقتك بيهم قوية ليه ما حاولتي تحكي ليهم ..

وريف : 😐😐 ما بقدر .. بخلوني ما اظن تاني يمشوو معاي .

ما بقدر الا احكي ليك انت ..

د.اويس : لا ابدا ما بخلوك نهاائي بس حاولي افتحي معاهم الموضوع .. خليك واثقة..

وريف : 😊طيب بحاول

د.اويس : تمام .. واتأكدي انا مستعد اسمعك للنهاية .. بس خليك واثقة انك كويسة وما عندك حاجة.. وتاني ما نسمح لي اوهام زي دي تجينا مفوهم..

🌊🌊🌊🌊🌊🌊🌊

بعد رجعت البيت رقدت حبة كدة قبل ما انوم.. حاتني رسالة من وريف بتقول فيها - انا اسفة يا حنين وبعتزر من تصرفي بتاع الليلة دة بكرة عاوزة الاقيكم واحكي ليكم قصتي -

بس فرحت واطمنت انو وريف لسة معتبرانا اخواتها المابتخبي عنهم حاجة وبقيت مستنية متين تاني يوم دة يجي ..

بس يلا كل ما احاول انوم يجي في خيالي صورة غسان 😍 واقعد واضحك برااي .. قمت شلت التلفون فتحت رقمو كنت مسجلاهو ب ابتهال قمت عملت تعديل للأسم وقلبتو .. ( اميري 😍) ..

تاني يوم من الصباح مروووج جات بدري اليوم دة .. لقت مازن قاعد وسرحاان .. فعملت فيها ظريفة وسألتو مالك الحاصل عليك شنو مااك طبيعي ...

قال ليها والله يا مرووج ماف شي الا وجع الحب.. 💔

قالت ليه دي منو سعيدة الحظ دي احكي فضفض احنا اصحاب في النهاية .. وانا حكيت ليك قصتي ..

قال ليها بحب لي بنت لي زمن طويييييل بس المشكلة الحب من طرف وااحد ..

قالت ليه دي منو الشالت قلبك كدة

قال ليها بت اسمها حنين بتقرا هنا يعني حاولت معاها وكلمتها بس بتتحاهلني شديد وبعدين بحسها ما بتطيقني ذااتو..

- مرووج وشها اتنفح زي البلون 😳 اتصدمت من ناحية انو الاتنين بحبوها .. بس فكرت انها دي نفس البنت الواقفة في طريقها حا تخرب االموضوع كلووو لانو احتمال مازن يضحى عشان صاحبو وكدة ... المهم سكتت وعملت نفسها ما بتعرفها اسااسا .

قالت ليه والله يا مازن البت ما غلطت

قال ليها بعد عدل قعدتو .. كيف ؟

قالت ليه انت البنت دي لو بقت تتجاوب معاك حا تقول عليها خفيفة وما محترمة وما ادراك .. وما براك كلكم بتفكرو كدة 😒

قال ليها لكن ما للدرجة تتقفل كدة ..

قالت ليه البت التقيلة هي البت التمام ..

قال ليها تفتكري كدة ؟

قالت ليه : انت الزولة دي مادام بتحبها ما تصل البيت خليك زول جادي 😐😐 قاعد مالك للان اثبت ليها انك ما زي باقي الشباب خليها تعرف انك زول جادي وزول مسؤلية وعرس وكدة ..

قعد يضحك كدة وقال ليها انت عارفة انا فكرت قبل منك في الفكرة دي لكن ما اعتقد انها حا توافق...

قالت ليه وبأبتسامة خبيثة كدة.

. خلي الموضوع دة علي وانا بجيب ليك رقم ابوها طواالي .. 😏😏

يتبع ...