الجزء 19

اويس ما اتناقش مع امو زيادة طلع خلاها لكن زعلاان شديد وبقي يفكر كيف يقنع اموو كيف ..

بالنسبة لينا احنا قاعدين انا وصحباتي بنشرب في شاي الشاي المغرب كدة الساعة 8 ابوي جا داخل .. قام مازن اتصل عليه .. ابوي بقي يكورك .. انا طوالي مشيت وقفت ورا الباب

مازن : في شنو يا عم مصطفى

ابوي : ما عندي بنات للعرس الله معاك وماتجي تاني وما تتصل علينا

مازن : 😳😳 في شنو وضح لي بس..

ابوي : مااافي حاجة اوضحها ليك انا .. امش اسأل البنت ديك بتوضح ليك 😡😡

مازن : 😳😳😳 "مروج 😕"

ابوي قفل الخط في وش ماازن وتاني اصلو ما رجع اتصل الموضوع حق مازن اتقفل علي كدة 😍😍😍..

لو ما اتأخر الوقت كنت عملت حفلة شااااااااي 😍 .. لكن المشكلة انا في غسان المطنشني دة داني ضهرو عديييل بالواضح كدة 😒😒...

قعدت مع صحباتني نتونس لما نمنا الصباح بدري قمنا جرررري ع الجامعة محاضرتنا دخلناها ومستنيا متين تنتهي عشان اشوف غسااان 😟 ..

بس انتهت جري طلعت برا لما نشيت شنطتي لحقوني ليها هيا ووريف 😂😂 اويس عمل لينا مفاجأة جا الجامعة 😍 سلم علينا .. في النهاية اكتشفنا اصلا جاي لي غسان 😂😂 احترنا صداقتهم زادت بسرعة 😍

المهم قمنا قلنا خلاص نمشي لي غسان مشينا لقيناهو قاعد يرسم ويشكل برااهو في حاجات ما تفهما زااتو شنو اويس سلم عليه وهيا ووريف سلمو عليه .. ورجع قعد 😒😒 وكأني ما واقفة 😥😥 المهم قمت زعلت شديد قلت هووي يا حنين ما مرغوب فيك هنا اخر احفظي كرامتك واطلعي ..

قمت طلعت كدة جمب الباب لاقتني مروج 😏😏😏 عاينت ليها كدة بأستحقار ومشيت يلا مروج كانت طاالبة انو توقف الشغل هنا عاوزة.. عاوزة امضى بس وتغوور من وشنا 😒 اخسن زاااتو شكلها قنعت خلاص .. المهم انا واصلت طريقي.. وريف وهيا ما كلعو معاي 😐 ما مشيت خطوتين من المبني لاقاني مازن ومعاهو صاحبو جا وقف اعترض طريقي ..

قال لي عايني انا والله خلاص زاااتي ما عاوزك انا واحدة بتجيب لي مشاكل ما عاوزها .. بس انا عاوز اعرف ليه وافقتي وجيتي رفضتي تاني

مارديت عليه عاوزة امشي مسك يدي

قال لي ردي 😑

قلت ليه فك لي يدي كمان دي حركات جديدة ..

قال لي ما بفكها الا اعرف ..

قلت ليه والله اصرخ الم الدنيا دي فيك

قال لي صرخي الا تجاوبي الليلة ..

انا خفت وقلبي وقع 😨💔 بس لا ارديا لخظت الخوف بتعنل اكتر من كدة بقيت بكورك .. غساااااااااااااااااان 😭

بس قولت غسان .. اويس وغسان جو جارين 😡😡😡

غسان مسك ليك مازن من هدومو وجراهو لما وقع .. صاحبو جاي يتشفتن يادوب لما كان ماسك يدي خشمو مافتحو 😒.. كان عاوز يضرب غسان بس لحقو اويس في اخر لخظة انا قعدت ابكي بكا شديد خلاص شايفاهم قداامي بتشاكلو المهم اويس وغسان في النهاية مسكوهم جلدوهم جلد نضيف خلاص 😍😍😍😍..

انا حبي زاااد لغساان 😍😍 غير انو سممممممح ووجيييه كمان راااجل وشجاااع 😍😍 ربنا يخلي لي بطلي دة 😍..

اويس من خلال خبرتو المهنية لاحظ انو مازن ما طبيعي

قال لينا الزول دة ما طبيعي انا المرة الفاتت كنت عاوز اعلق بس نسيت ..

قلت لت ليه اصلا دي ماحركات زول طبيعي نهاااائي 😒😒.

هدو حبة مشيت اقول لي غسان شكرا .. ولا قال لي بتقولي في شنو مشا خلاني 😒😒..

تاني اصلو لا بتكلم معاهو لا بشتغل بيه الواطي الجزمة 😠 قايل روحو منو .. 😒👊..

المهم نجي للموضوع الكان جاي فيه اويس لي غسان .. اويس كان متضايق شديد جاي بس عشان يتكلم مع غسان .. وبالمرة ينفذو خطتهم الامس .. اتفقو عليها ..

انا مشيت البيت زعلاانة شديد وعيني طالعة طوالي نمت ما صحيت الا بعد المغرب ...

ابوي جا قال لي يا حنين جيبي شاي انا قاعد في الغرفة .. وديت ليه الشاي ..

قال لي اقعدي جمبي هنا يابتي عاوز اتكلم معاك

قلت طيب يا ابوي .. قعدت جمبو خت يدو ع كتفي ..

قال لي يابتي والله جاك عريس لقطططططة موظف في شركة اها انتي راايك شنوو

قلت ليه يا ابوي انت دة شنو العرسان البقو يهلو فجأة ديل .. حمر لي 😄😄 قلت ليه طيب افكر واديك خبر .. تمام ..

قال لي ع راااحتك اصلو ما تستعجلي ..

المهم انا حاولت اتصلت ع غسان تاني ما رد .. قلبي قال لي ادوافقي بالعريس بدل وجع الراس دة 😒..

اويس رجع البيت وحاول يتكلم مع الحاحة نبيهة تاتي عساها توافق .. المرة دي كان في اصرار شديد منو هو

قال ليها يا امي البنت دي والله عاجباني شديد وبنت محترمة ومؤدبة وكلوو انتي عاوزة شنو اكتر من كدة ..

قالت ليه لكن يا ولدي انت قلت انها كانت بتتعالج

قال ليها يا امي اتعالجت وبقت احسن من الاول .. انا وريتك عشان بعدين ما تقولي دس علي كان عرفتي من زول تاني ..

يمة انا ما عندي زول في الدنيا دي غيرك ورضااك اهم حاجة عندي

قالن ليه الله يرضى عليك يا ولدي بس انا.. واخدت ليه سكتة كدة في السكتة دي اعصاب اويس باظت واعصابنا احنا برضو باظت

في النهاية قالت ليه خلاص يا ولدي موافقة عليها بس اشوفها اول 😍😍😍😍.. اويس فرحتو كانت ما بتتوصف باس مو في راسها وضمتوو 😍😍.. اصلا و

حيد امو هو وبتين طوالي جرت لبست قالت ليه سوقني عندهم اشوفها بس (مستعجلة شديد يا عمتوو 😂😂)..

طوالي اتصل علي وريف قال ليها انا وامي حانكون عندكم ساعة وبنصل ..

ناس وريف في الساعة دي اتصلت علينا واختها جرت جابت البارد والحلاوة.. وما خلو شي وهم كمان في زحمة الخرطوم دي وصلو متأخرين .. انا ابوي ساقني ليها وهيا جات غسان جا 😍...

لقينا وريف تبكي من الفرحة المهم جهزنا سريع كدة غسان مادخل انتظرهم برا لما جو دخل معاهم

قعدو مع ابو وريف 😍😍..

قالو تعارف بعد اسبوعين حايجو رسسسمي بشبكتهم وحاجاتهم 😍

عقباااااالكم ..

نتلاقاا في الحلقة الاخيرة 😍