الجزء 15

غسان : والله يا دكتور اويس جد يعني اتشرفت بمعرفتك ..

اويس : الشرف لي والله بس مافي داعي للرسميات دي اويس احلي 😍 بدون دكتور..

غسان : تسلم يا حبيب.. 😊

هيا : اويس معناها شنو يا اويس

اويس : معناها هو اصلا تصغير لي اوس ومعناها صغير الذئب .. من الاسماء العربية القديمة

غسان : والناادرة كمان ..

اويس : بالضبط..

قمنا كلنا مشينا ..

غسان قال لي نمشي نخلي اويس وريف ما ممكن نكون قاعدين في حلقهم كدة 😒..

قلت ليه خلاص تمام يلا ..

هيا بقت واقفة شالت شنطلها وكانت ماشة بأتجاه غسان ناداها هيا

قلت ليه ايوة يا غسان

قال ليها تعالي هنا ماشة وين 😑

قالت ليه والله ما حبيت ازعجكم 😄😄 قلت اخير ..

غسان : 😒😒 تاني عيدي كلامك دة عشان اعلقك في الشجرة دي هنا ... بلا ازعجكم بلا بتاع اتحركي قدامي 😒😒

هيا : 😄😄 طيب مشيت لكن اوعك تزهج مني اها قاعدة ليكم كدة بس 😊..

انا : 😂😂😂.. "احي انا من ظرافتو 😍"

مشينا ع الاكلية انا ومبتسم الجامعة كلها شايفة ابتسامتي 😍.. هيا فجأة نطت لما طيرت قلبي ..

قالت لي الجدوووول نزل 😨

قلت ليها جدول شنو يابت 😕

قالت لي جدول الامتحان 😐😐 شوفيه

مشينا عاينا لقينا فعلا متحان المدتيرم الجدول نزل السبت الجاي اول مادة 😥😥

غسان طبعا شمتان فينا قال لينا جدولكم نزل 😊..

قلت ليه اااي نزل 😓 والله ولا كلمة ما قريت للان 😥

قال لي ماهو انت اصلا فاشلة دراسيا انا من يوم عرفتك للان حصلت ليك كم مصيبة مرة طاردنك ومرة تكتبي سمنارك اخر زول وتاني شي لما يكتبوك بحث براك دون الطلاب 😒 ياتو يوم كنتي قاعدة تقري ..

قلت ليه ما للدرجة دي انا بقرا ااي لكن قصدي مافي مادة خلصتها 😒..

قال لي طيب دة ما موضوع جيبي شيتاتكم و اقعدو انتي وهيا ومعاكم وريف واقرو انا بتابع معااكم ..😊..

هيا : خلاص تمام 😊😊..

فعلا سمعنا كلامو ومسكنا مادة مادة اصلا هم 6 مواد كل يوم نخلص مادة وغسان يجينا بعد شغلوو يقعد يسمع لينا 😂😂 واحد واحد .. قضينا ايام حلوة خلاص 😍😍

جات الامتحانات 😍😍 غسان واويس الاتنين كانو متابعين معانا 😍😍 واحد بنتظرنا قدام القاعة والتاني بالتلفون ..

والحمدلله كل الامتحانات ظبطت وكان اخر امتحان يوم الخميس غسان قال لينا عازمكم .. 😍😍

غسان : حمدلله علي السلامة

انا : الله يسلمك يارب 😍..

غسان : اها الليلة عازمكم .. تعالو نمشي الكافتيريا جمب الجامعة دي..

هيا : خلاص تمام 😊😊..

طلعنا مروج شافتنا واحنا ما انتبهنا ليها وخلاص بدت تغلي تغلي ..

مروج : البنت دي اتا بكرها والله 😠😠..

مروة : بنت منو 😐

مروج : البنت الاسمها حنين دي ..

مروة : مروج انت لسة جارية ورا الزول دة 😓 انا قلت ليك الحب من طرف واحد غير وجع الراس ما بجيب حاجة صدقيني..

مروج : 😡 مروة قفلي خشمك انا ماناقصاك .. قبلت لقت مازن وراها ..

مروة : انا بخاف عليك يا مروج في النهاية انت اختي الكبيرة 😓..

مازن : م بتقدري تمشي خطوه واحده من دوني

قالت لي : كويس انك عارف نفسك جزمه 😒👊.

مازن : 😒😒😒 لا انا جادي والله ...

قالت ليه انا كمان جادة 😒 ما بتعرف تتصرف جبت ليك رقم ابوها لحد عندك بس انت الحمدلله .. وما تقول لي غسان وماغسان انا غسان دة قنعت منووو بس هي انا انا شميتا خلااص ..

مازن : ابوها من نوع الناس العندهم راي بتهم اهم شي اعمل شنو انا اجبروو

مروج : 😳😳😳 تجبرووو 😨 جاتني فكررررررررة 💡😍..

مازن : فكرة شنو يابت

مروج : انت ماااالك بس خلي الموضوع علي 😍..

احنا مشينا الكافتيريا شربنا عصير واتونسنا وطلعنا اتجهت ع البيت رقدت نمت 😊 لي اسبوعين ما ضقت طعم النوم .. 😍 ..

قمت قبل المغرب اخدت دوش وصليت ابوي جا مع المغرب عملنا شاي وقعدنا في لمتنا الحلووة ديك اشتقت ليها 😍 لي 15 يوم ما قعدتها بنتونس ونضحك وعد جابت لي ابوي قالت ليه تلفون بيضرب .. ابوي طلع برا يتكلم

الووو

- كيفك يا استاذ مصطفى

قال : الحمدلله والله مرحب بيك منو معاي

- زميلة مع حنين في الجامعة

قال ليها : مرحب بيك عاوزة حنين

- قالت ليه لا ما عاوزاها عاوزاك انت احكي ليك عمايلها

قال ليها : قلتي شنوو؟؟ 😕

- قالت ليه : بنتك يا استاذ بسببها ولدين كانو حا يكتلو بعض في الجامعة اتشاكلو واتضاربو واحد منهم اتأذى شديد وكلو بسبب بنتك

قال ليها : لو سمحتي انا بنتي بنت محترمة وربيتها احسن تربية ما اسمح ليك 😠😠

- قالت ليه يا عموو انت اسألها ما بتخسر شي لكن الزولة دي خلت الولدين الاتنين يجرو ورااها لما اتشبكو سوا .. وواحد منهم بكون اخوي 😏

ابوي قفل في وشها الخط جا داخل الغرفة وشو ما بتفسر خبط الباب شديد .. وابوي من نوع الاباء لما يكون في زول غلطان ما بتناقش معاهو قدام الناس .. بناديك براااك في غرفة فاضية ويتناقش معاك..

بس جا قال لي يا حنييين 😡 الحقيني سرييع في الغرف ديك ..

انا قلبي طار من مخلو امشي وارجف واقرا ياربي في شنو 😥..

مشيت دخلت الغرفة جسمي تلج عديل لقيت ابوي قاعد وخاتي يدو في راسو في جبهتو

كدة ..

قالت ليه نعم يا بابا في شنو

قال لي يا حنين انا عارف انك صريحة معاي وما علمتك الكذب .. بس سؤالي ليك في ولدين قبل كدة اتشاكلو بسببك 😠

انا لما سمعت السؤال جاني هبوط وبقيت برجف وزيادة حيلي ماشالني ..

قال لي : جااااااوبييي .

انا اتخلعت هيييق 😳😳..

اا ااااي ااااي يا ابوي 😢😢 ..

فجأة ابوي بقي يعاين لي شديد وبدا يكورك فيني 😭😭😭

اعملو لي متابعة 😍