الجزء 2

هيا مشت ليه ورا المبني لقت مرووج واقفة معاهو😒👊 ..

طبعا سمعت كلامهم كلوو

مروج : غسان اشتقت ليك والله ☺

غسان : يا مروج احنا اتكلمنا في الموضوع دة

مروج : بس انت عارف يا غسان انا بحبك ليه بتعمل فيني كدة 😐..

قال ليها : انا فهمتك من البداية حكاية ارتباط والكلام دة انا ما بفكر فيه اسي انا عندي مواضيع كتيرة في راسي.. ما فاضي ارتبط ..

مروج : طيب يا غسان انا مستعدة استناك العمر كلو لما تفكر ترتبط..

غسان : مروج خليها على الله .. حاليا اتصل علي المهندس اشوفها مالو اتأخر كدة

مروج : 😒😒😒 طيب حبيبي

غسان : مروووج 😒

مروج : 😂😂..

غسام : وين المهندس مازن يا مروج

مروج : مشا عنده حاجة ضرورية.. لكن جاي في الطريق

غسان : اهاا .. تمام

هيا : طبعا واقفة ورا الحيطة .. غايتو جنس سماحة عليه لكن البتاعة دي ما اظن تخلي 😫

بعد هيا جات راجعة انا مشيت علي الكافتيريا .. اشتريت بارد وجاية راجعة المكتبة اشتريت لي هيا شيت التكاليف وانا راجعة لاقاني مازن او الباشمهندس مازن

مازن : اهلين وينك انت مختفية كدة .

قلت ليه : تماااام والله الحمدلله قااعدة

قال لي : اتفضلي اعزمك بارد

قلت ليه : انا اشتريت بارد تسلم

قال : لا ياخ العندك اشربيها في البيت براحتك حاليا انا عازمك..

قلت ليه : انت عارفني .. اصلا مستحيل افوت عزومة 😂😂..

بس ماشة علي صحبتي

مازن : ياالله !! لو ما كنت مشغولة كان ممكن نقعد شوية

قلت ليه : لا مشغولة والله مشغولة شديد مرة تانية ..

مازن : ماعندك مشكلة

يلا احكي ليكم مازن دة صاحب هيا من كنا برااالمة كرت كرتونة .. المهم الزول دة قال بحبني وما ادراك انا كاسرة الحنك 😊 ما شغالة بيهو ولا مدياهو اعتبار ... بس كدة ما برتاح ليه نهائي الزول دة .. قمت واصلت طريقي لي هيا

قعدنا نشرب في البارد فانتا حمرا مشروبي المفضل طبعا

بعد شوية جا غسان شايل بارد ومعاهو كيك .. مع مروج طبعا ومعاهم واحد تاني ما بعرفو .. المهم قعدو جمبنا ياكلو ويشربو وانا عاملة فيها البنت تقيلة ما قبلت عليهم نهاااائي 😒

انا وهيا اكلنا وشربنا واتونسنا كويس وبقينا طالعين .. خلاص قمت اتقدمت حبة لحد ما تجهز هيا شنطتها .

غسان قال لي المعاهو دقيقة بس اسي بجيكم ..

جاني وقف قدامي انا امشي وهو يعترض لي الطريق في النهاية وقفت قلت اشوف فهمو شنو

انا : نعم 😒

قال لي : بصوتو المبحوح دة 😍.. ماشة وين .. عندك محاضرة ؟

قلت ليه : مالك ومالي انت .. امش محل ما ماشة استأذن منك 😒

غسان : رفع راسو وبقي يعاين للسماء .. اللهم طولك يا روح ..

انا : بتتمتم بتقول في شنو 😏

غسان : لو طالعة علي البيت ممكن اوصلك ..

قلت ليه : مااام مابركب انت عارفني ما بركب عربات خاصة ..

غسان قررب علي كدة براااحة قال لي : عارفك يا مجنونة قصدي اوصلك المواصلات عشان تركبي

(اااخ احرجني 😄 دايما متسرعة انت يا حنين 😒👊)

انا : 😫😫 جد ؟

غسان : ممكن ؟

هنا انا عيني بالغلط وقعت علي مروج .. شوية وكانت حا تبلعني ... وشها اتغير 180 درجة بقي ما بتفسر اصلا

المهم انا عرفت الحنك بتاعها ..😏 قلت لي غسان خلاص ما مشكلة .. مغرزة ليها بس

غسان وصلنا انا وهيا المواصلات.. قلت ليه خلاص يا غسان واصل طريقك انحنا بنركب..

غسان : حنين 😊

انا : اول مرة اعرف اسمي سمح كدة 😍😍 .. نعم 😒 اخرتني والله ..

وهو طبعا خاتي يديه في جيوبو وابتسم ابتسامة خفيفة وقاتلة في نفس الوقت 😍 كدة ورفع حواجبو المقرونات والكثيفات ديل حا يشلوني 😍 انا استغربت طبعا .. قال لي طبعا لوقلت ليك اديني رقمك حا تجنني فيني بس دة رقمي لو اشتقتي لي اضربي .

انا : 😫😫 اشتاق ليك عديل كدة .. هو انت قايل نفسك منووو 😏 شاروخان ؟..

قال لي : 😂😂😂.. (طبعا هو بهظر ما كان جادي بس عاوز يعرف ردت فعلي وكدة 😉)

انا : 😒👊 ظريف .

المهم شلت رقمو وسلجتو بأسم ابتهال صحبت اختي دايما بتتصل عليها في تلفوني عشان ما عندها تلفون وكدة .. وركبنا مشينا البيت..

يلا في البيت انا عندي اختي اصغر مني بسنتين اسمها وعد عمرها 18 سنة في الصف الثالث .. (افتكر عرفتو عمري 😄✋ ..) الموووهم وعندي اختي اكبر مني بسنتين اسمها ولاء متزوجة وعندها بنوتة .. قاعدة معانا زوجها في الدوحة ..

نبع الحنان : قومو يا بنات طلعو الفروشات دي ما ممكن كدة قاعدات للان ..

قلت ليها طيب يا امي .. بقينا نطلع في الفروشات كدة ..

وعد : حنونة وين تلفونك اتصل علي صحبتي ابتهال ..

انا : بتلقي تلفوني في الصايد

اختي مشت اتصلت جات

قالت لي : يا حنين 😐

قلت ليها ااي مالك

قالت لي رد علي ولد اسمو غسان

في اللحظة دي انا عبارة عن شعلة ايسكريم دخلوها الفرن سحت وهبط 😨😨😨😨 انت يا مجنونة ما كان تجي توريني يا سجم انت 😰😰😵😵

االلووو غسان

غسان : حنين كيفك تمام .. اول شي ووصلتي كيف

انا : طبعا لساني وين راح ما عارفة في البداية غلبني الكلام كلو كلو حتى استجمعت ورديت ليه بخير والله الحمدلله تمام .. وصل

نا تمام الحمدلله .

طبعا انا شايلة الفرش ختيتو بقيت بتلكم امي جات خلعتني قالت : انت يابت بتعملي في شنووو ما تطلعي الفروشات دي ..

غساان : ضحك فيني ضحكة سخرية كدة .. وصووت ناااعم كدة 😍 .. 😂😂 امشي يا كسلانة

انا : كسلانة في عينك 😒👊.. بعدين ما انا الاتصلت عليك دي اختي

قال لي : عارف وسجلتيني ب ابتهال 😒..

انا : يلا يا غسان بنادوني 😄

غسان : طيب يلا لي بكرة ان شاءالله.. خلي بالك من نفسك .

انا : ان شاءالله تسلم يا كريه..

غسان : كسلااانة ..

تاني يوم الصباح في الجامعة وريف كانت معاي وهيا

قالت : ماشة مع صاحبها مازن بعد شوية حا اجيكم.

وريف : طيب ما تتأخري لانو المحاضرة فضل ليها نص ساعة..

هيا : تمام يا قلب يلا جااو 😙😙

وريف قالت لي : يلا يا بت نمشي نحجز في القاعة دي ما تتملي كمان ..

قلت ليها : وريف انا عاوزة احكي ليك حاجة بالجد انا مبسوطة 😍

قالت لي : 😍😄 شنووو

انا : غساان .. الزول السمح 😍

وريف : مالو ..

انا : امس اتصلت عليه اختي بالغلط

وريف : اجي !! كيف

انا : هي انا سجلتو باسم صحبتها وهي عاوز تضرب فضربت لغسان بالغلط.

يلا ناس غسان كان عندهم اجتماع للمهندسين الكبار اما المساعدين ما بدخلو الاجتماع زي مرووج مثلا 😒.

المهم مروج جاتو في نص الاجتماع

مروج : تكورك ليه بصوت واااطي كدة .. غساان .. يا غسان

غسان طبعا في الاجتماع قال للدكتور عن اذنك دقيقة بس يا دكتور ومشا ليها جمب الباب قال ليها : مروج ؟ انا في الاجتماع انت بتعملي شنو هنا..

قالت ليه : غسان حبيبي .. بس انا عاوزة اتكلم معاك .

قال ليها : انا مافاضي اتكلم اسي ماشايفاني مشغول المهندسين كلهم قاعدين هنا يقولو شنو اسي امشي يا مروج .. مروج : 😐😐 بس ..