الجزء 12

يا امي ابوي مشا وين ماالو اتأخر كدة ..

قالت لي ما اتأخر مشا لي صااحبو .. بس انت شكلك الموضوع حارقك بس عاوزة تعرفي منوو .

قلت ليها اكيد طبعا 😊..

انا بقيت مستنية ابوي لما جا بعد كنت عاوزة اسألو اتراجعت يقول ما صدقت .. الخفة مافي داعي ليها .. المهم قعدت ع امل انو يجي يتكلم معاي .. لحد ما نمتا الصباااح بدرررري صحيت لبست وجهزت ابوي كمان لبس ماشي الشغل ..

قمت قلت ليه يا ابوي وصلني معاك ..

قال لي جدا ما عندك مشكلة تعالي .. ركبت مع ابوي اتقدمنا حبة كدة

قال لي يا حنين امك اتكلمت معاك في موضوع العريس

قلت ليه ااي اتكلمت معاي

قال لي اها رايك شنووو انت.. وانا لا بجبرك ولا حا اناقشك فيه ما عاوزاهو طوالي نلغي ..

قلت ليه طيب يا ابوي انا لسة ما عرفت عنو حاجة ولا حتي اسموو

قال لي امك ما ورتك اسمو

قلت ليه انت نسبت توريها

قال لي ايوااا.. طيب اسمو ماازن مهندس معاكم في الجامعة

انا حيلي تلج وهبطت والله وفتحت عيوني وخشمي وشهقت شهقة كبيييير .. مااااااااااااااازن 😨😨😨

ابوي : بسم الله مالك في شنوو 😕

انا من صدمتي بقيت ما مركزة مع ابووي ولا قادرة ارد عليه بس فرد سكتة لحد ما وصلني الجامعة ..

بس انا اول شي بفكر في صحبتي هيا البتحبوو .. كيف احكي ليها 😢.. ما بقددر...

مشيت ليهم في القاعة سلمت عليهم وبقيت سااكتة ودي تقريبا اول مرة تحصل .. مستحيل تعدي دقيقة وانا ما افتح خشمي فيها 😂

هم استغربو فيني هيا قالت لي مالك يابت سااكتة الليلة في شنووو مااااك طبيعية ..

قلت ليها ماف شي والله سااااي بس زهج وملل ومافي جديد ولا موضوع .. 😐

وريف : اها غسان خبرو شنو ما تكوني اتشكلتي معاهو صارة وشك كدة ..

انا من قالت لي غسان .. اتذكرت انو غسان كمان صاحبوو 😥

الكن المشكلة انو هو قدر يصل لي ابوي كيف .. معقول تكون هيا ادتو رقم ابوي ولا حاجة.. 😨 مافي زول عارف رقم ابوي غير صحباتي .. مية فكرة جات في بالي المحاضرة دكتورها جا وطلع وانا ولا بالي فيها ولا سمعت حرف .. لما انتهت ..

قلت امشي لي غسان في اللحظة دي كانت معاهو مرووج عاوزين يجهزو الفطور هم ومازن عشان يفطرو ..

مروج : غسان انا نسيت العيش حا امش اجيبو وارجع

غسان لالا خليك معقولة بمش اجيبو وارجع

مروج : تمام تسلم ياخ 😊..

غسان بعد مشا منهم مروج صلحت قعدتا وقبلت ع مازن ..

مروج : اها يا مازن بشر اتصلت ولا لسة

مازن : ااي اتصلت علي عمي مصطفي امس .. قال لازم يشوف رايها اول .. لو وافقت انا حا اكلم ناس البيت ..

مروج : تمام 😍😍 مبرووك مقدماً..

مازن : الله يبارك فيك بس احتمال ما توافق هي لسة ما متأكدين حاليا واقفين علي ردها هي ..

مرووج : لالا ان شاءالله حا توافق قول خير انت بس .

مازن : ان شاءالله ..

غسان مشا جاب العيس في اثناء ما جاي راجع لاقيتووو..

غسان : الليلة معانا بهنا .. كيفكم وريف وهيا

الاتنين : تمااام الحمدلله

قلت ليه ااي والله جيت قلت اشوفك ..

قال لي خير ما فعلتي تفطرو معانا.. وما عايز اااي احتجاج

انا : احنا بنفطر والله ما مشكلة مرة تانية ..

غسان : لا.. ما عاوز كلام كتير امشو قدامي يلا

وريف : والله يا غسان ما عاوزين نتقل عليكم انتو فطوركم علي قدركم يعني ..

غسان : وريف عاوزاني قطع ليك لسانك ولا شنوو.. 😒

وريف : 😄😄.. طيب يا بنات تعالو نفطر

هيا : يلا طيب

غسان : 😂😂 ااي خليكم كدة اسمعو الكلام ياخ .

طبعا انا سااكتة من مشينا لحد ما وصلنا المبني غسان بعاين لي مركز معاي .. وفي عيونو السؤال مالك الليلة ؟ بس ما بقدر يسأل قدام روفة وهيا..

وصلنا المبني من دخلت عيني وقعت ع مازن بتونس مع مروج ويضحكو طوالي نزلت راسي ع الارض وقربت اتراجع بس غسان كان وقف معاي وريف وهيا اتقدموو..

غسان : حنين ... مالك الليلة في شنوو

انا : مافي شي والله يا غسان بس انا بحب البنت دي ..

غسان : قصدك مرووج ..

انا : ااي ياها 😐 بس اعفيني من الفطور

غسان : ولا كلمة .. حا تفطري معانا عادي..

هيا وريف سلمو ع مروج ومازن هيا قعدت جمب مازن ومروج هي في نصهم 😂.. وبالجهة التانية كانت قاعدة وريف .. مازن انتبه لي انا جاية مع غسان بس بقي بعاين لي وانا اصلا ما رفعت راسي عاينت ليه .. قعدت جمب وريف بالله السلام نسيت اسلم ولا سلمت طوالي قعدت جابو الفطور اول لقمة وابت تتبلع لي زي الناس..

مازن زااتو مركز معاي شديد .. ما متعلم آداب الاكل خااالص 😒..

مروج كانت حا تبلعما كلنا بصحون الاكل من شدة ما زعلانة وحا عاوزة تطرشق بس كتمتا قدام غسان

المهم غسان قال شبع انا بي ورااهو اصلا كانت لقمة غلبني اتنيها مازن انتبه لينا انا وغسان بنتونس مع بعض كالعادة بقي مركز قام جا هو يغسل يديه .. وجا وقف ..

مازن : كيفك يا حنين ..

انا : تمام 😒...

مازن : الحمدلله

انا : غسان انا همشي بعد كدة يلا .. 😊

غسان : تمام يلا ..

مازن بقى يعاين لي غسان بحدرة ومعاها استغراب معقول لي درجة اودع غسان اول حتي امشي الموضوع بقي حايط في راس مازن وبدا يشك انو

في حاجة ..

بس تاني طلعنا مشينا البيت انا متوترة عيني طالعة فكرت احكي لي اخوااتي عن الحاصل احتمال يقدرو يساعدوني بالذات ولاء..

جيت لقيتهم في الغرفة وامي قالو طلعت كد حا اقدر احكي ليهم بمزاااج فعلا حكيت ليهم القصة كلها من اولها لي تاريخ اللحظة دي .. قلت اها رايكم شنو انتو اكلم غسان ولا كيف

ولاء قالت لي لا ما تكلمي كدة بتخربي علاقتهم سوا وبتسببي مشااكل..

قلت ليها اها طيب لو عرف من غيري ما حا يزعل مني انا .. في النهاية هي المشكلة هتحصل هتحصل .. لو عرف انو مازن جا اتقدم لي..

بقينا متحيرين وقاعدين جا ابوي المساء سألني اها رايك شنو في العريس الجا دة قلت ليه والله يا ابوي انا ماعاوزة اسي.. عرس .. ما ناقشني اصلا قال لي خلاص تمام خير ..

مشيت غرفة تانية قلت اتصل علي غسان لقيت رقمو مشغول .. المهم قلت انتظر برجع

- يلا غسان مشغولة مع مروج اتصلت عليه ومانو بتونسو المهم قالت ليه الليلة صحبتك ولا سلمت علينا 😒

قال ليها صحبتي منوو

قالت ليه صحبتك الكنت قاعد جمبها لا مدت يدها ولا كلام ساي ما قالت سلام ..