الجزء 13

مروج : 😄😄 انا قصدي يعني التقول كأني قاعدة جمب خطيبها ما سلمت علي ..

غسان : ااهااا .. اها يلا يا مروج لي بكرة ان شاءالله ..

مروج : خلاص تمام "مع اني حاسة انك اختصرتني عشان تتكلم معاها 😒😒"

قفل منها الخط وطواااالي اتصل علي من شفت المكالمة قعدت اتبسم .. ياااإاأخ بس تقول سر ابتسامتي الزول دة 😍..

الوووو

غسان : كيفك ..

قلت ليه تماااااااااام مالك الليلة اتأخرت علي كدة 😒 اتصلت عليك كنت مشغول

قال لي فعلا والله كنت بتكلم مع مروج بس اختصرتها واتصلت عليك ..

" حسيت بيه صريح معاااي شديد ... صرااحتووو دي ما بتخليني ازعل منو رغم اني التضايقت من انو كان بتكلم مع مروج بس انا واثقة منو 😍😍 لكن انا كيف احكي ليه عن مازن 😔.. "

غسان : حنين ؟ مالك شردتي وين

قلت ليه ماف شي ما سرحت بس..

قال لي فشنو الليلة حاسي من الصباح ما طبيعية ..

قلت ليه ابدا انت عارف بس صاحبتك دي ما بحبها انا وكدة

قال لي ااي عشان كدة ما سلمتي عليها 😂

قلت ليه 😫😫😒😒😒 لحقت تحكي ليك 😒👊.. حتي مازن نسيت اسلم عليه .

قال لي ياخ معقول 😕 بالك كان وين ...

قلت ليه باالي كان معااك 😊😊

بالله سكت 5 دقايق انا قلت امكن غمر ولا حاجة 😂😂..

يلا بعد ونسة دامت ساعة قفلت منو مبسوطة ونمت مطمنة انو مازن ابوي ما هيوافق عليه 😍.. بس يا بسطة ما تمت

قمت الصبااح .. مشيت الجامعة دخلت محاااضرتي عادي مبسوطة .. لما انا في المحاضرة .. غسان كان واقف مع المهندسين .. جمبو مازن قام ابوي اتصل عليه

قال ليه سلام عليكم

مازن : وعليكم السلام عمي..

ابوي : الحمدلله .. بس والله سألت البنت وقالت ما بتفكر في العرس عاوزة تكمل جامعتها وانا معاها في ااي قرار ما ناقشتها ولا اتكلمت معاها..

مازن : ما مشكلة يا عمي ... بس لو فكرت او غيرت رأيها في ااي لحظة بس انا اتصل علي ..

ابوي : والله ياخ ان شاءالله الموضوع في النهاية قسمة لو القسمة ليك بتجيك ان شاءالله ..

مازن : تسلم يا عمي .. يلا مع السلامة .

غسان كان ساامع كلام مازن لأنو مازن الغبي بدل يطلع برا كان بتكلم جمبو 😒😒..

غسان : 😒😒 عاوز تخطب وما توريني .. لو ما سمعتك اسي كنت حا توريني متين

مازن : روووق رووق شوية .. حنين حا تكمل جامعتها اول ..

غسان : حنين منوو 😐..

مازن : حنين البنت الفطرت معانا امس اااي صح بتعرفها انت ..

غسان : 😳😳😳😳 "حنين 😳"

مازن : غسان ؟ مالك انت في شنوو..

غسان : ماااف حاجة بس انا طالع شوية وجاي تمام لو المهندس سأل عني قول ليه عندو مشوار مهم

مازن : تمام

غسان طلع برا المبنى مضايق شديد ما شايف قداامو بس بقي بتذكر انا ليه امس ما طبيعية ويفكر يقول ليه دست عني الموضوع .. في نفس الوقت دة صاحبوو..

انا لما طلعت من المحاضرة لقيتو واقف جمب القااعة .. 😍

ناديتوو غسان 😍

طبعا ما رد علي مشيت علي عليه دنقر راسو ع الارض

قلت ليه مالك يا غسان في شنووو 😐

قال لي في شنووو انا عاوز اسألك انت في شنو

انا طبعا قلبي بقي يضرب سووورعة خفت شديد لانو ملامح وتعابير وشو ما طبيعية .. 😐

قلت ليه في شنو ما فاهماك .. طيب قبل ماةتقول ااي شي ممكن نمشي من هنا 😐

قال لي يلا ومشا قدامي ماشي سرعة وانا طبعا عاوزة اطير ياربي في شنو 😥

فجأة وقف بدون مقدمات قال لي ليه دسيتي مني ؟

انا عرفت طوالي مازن كلمووو لساني اتربط وما عارفت اقول 😥😥..

بس قام مشا .. ولا قال ولا حرف 😥

وريف وهيا جو جارين لحقوني لقوني واقفة وبعاين وشااردة .. 😐😐

وريف : مالك في شنوو حنين

هيا : يابت عوووك بنتكلم معاك احنا

انا : 😐 انا .. لالا مافي شي 😐

وريف : كيف يعني مافي شي حنين انت قايلانا طراطير وما فاهمين حاجة 😒😒..

هيا : يا تقولي لينا يا ما اتكلم معاك تاني

انا : 😢😢 غسااان زعلان مني كلو بسبب ماازن 😔

هيا : 😨😨 مازن .. مازن مااالو ؟

انا : يااخ مازن كلم غسان انو جا اتقدم لي 😢..

طبعا انا بقيت بتكلم لا ارادايا

هيا : 😨😨😨😨 مازن اتقدم ليك ؟

هيا بقت تعاين بحقاارة كدة وسكتت مساافة ومشت خلتنا انا ووريف واقفين 😭

رجعت البيت ما شايقة قدامي وحالتي حالة بس اقرب سريرر قداامي كان بكرة الخميس ما قدرت امشي الجامعة نهاائي وريف اتصلت علي بس هيا ولا عبرتني شكلها زعلاانة شديد 😢 وانا كنت عيانة 3 يوم الخميس جمعة والسبت مرو زي السم 😢😢😢.. لا هيا ولا غسان زول اتصل علي مااافي

بس جا الاحد قمت مشيت عادي الحمدلله .. وانا في طريقي للقاعة قعدت افكر هيا زعلانة من موضوع مازن.. طيب معناها ماهي الادتو رقم بابا .. طيب منووو 😞😞 .. جاب رقم ابوي كيف .. مية سؤال جا في بالي 😐😐..

في في مبني الادارة كانو قاعدين مروج ومازن .. مازن قال لي مروج والله في سؤال في بالي وما لاقي ليه جواااب يا حنين .. اووووه اقصد مروج😊..

قالت ليه لا عادي اسأل في شنو 😒..

قال ليها يوم الاربعاء كلمت غسان انو انا كنت حا اخطب حنين ومن يومها الزول دة ما عاجبني .

قالت ليه كلمتووو بحنين 😍😍.. مااالو يعني

في شنو 😶

قال ليها اول شي اليوم داك مشا خلاني واقف تاني كلامو بقي محدود انت ملاحظتي كدة ..

قالت ليه لاحظت ااي لكن ما ختيت في الموضوع حاجة 😏

ع العموم انت شلت من بالي هم كبيييييير 😍

قال ليها كيف ؟

قالت ليه تتذكر البنت الكانت واقفة في طريقي ..

قال ليها حنين 😳😳؟

قالت ليه بسسس ياااها

يلا غسان لما يعرف انك ح تخطبها حا يتنازل عنها .. انت عارف غسان واخلاقو العاالية 😍..

مازن : انت هبلة ؟؟ (والله ما اهبل منك 😒) عايني ممكن يضحي ب اي شي الا بالحب ..

ولانفترض العكس اسي تفتكري انا حا اضحي بحنين عشاانو ..

مروج : لا ما انت وغسان فرق السماء والارض (تم قذف الجبهة😄) انت ما بتعملا لكن غسان بعملا صدقني .. بعدين انا فكرت قلت لو خطتي جلت نمشي الخطة ب طوالي 😊..

مازن : انت محسساني انو احنا حا نسرق لينا بيت خطة شنو يابت..

مروج : انت داير حنين ولا لا

مازن : دايرها .

مروج : بس خلاص اسمع كلامي البقولو ليك كويس انت حاليا تحاول تشوه صورة حنين قدام غسان اتفقنا ..

مازن : كييف 😳😳..

مروج : يعني مثلا تقول ليه البنت دي بتاعة اولاد .. او ما كويسة ااي شي فهمت ..

مازن : 😕😕😕.. اقول ليه ما كويسة وفاشلة وبتاعة اولاد ؟

بتكلمو كدة فجأة جااهم غسان ..

قال ليهم دي منو الما كويسة والفاشلة ؟ 😡😡😡😡

مازن ومروج : 😨😨😨😨😨

رايكم شنو في مازن دة 😒👊 ..

اعملووو متابعة لحسابي 😍😍