الجزء 20

(الاخيرة)

طبعا انا وهيا بنقدم العصير لانو كلهم قاعدين مع بعض ما الرجال براهم والنسوان براهم .. كلهم سوا في صالة الجلوس .. بقينا نقدم في العصير انا بديت بعمو طارق (ابو وريف) جمبو العريس 😍 .. حتي غسان 😊 لما حيت امس لي غسان بقيت مركزة فيه شديد نسيت كباية العصير نسيت الناس وسرحت فيه شديد 😂😂 الا خالتو امل (ام وريف) نادتني .. والله دة احراج عديل كدة 😒.. غسان عجبو الموضوع قعد يتبسم حسيتو شمتان فيني 😒👊.. بعد قدمنا انا وهيا طلعنا برا .. وريف لقيناها جهزت خلاص.. هتمشي تسلم علي نسيبتا المستقبلية 😍..

انا : واااااو يا وريف بالجد طالعة حلوة شديد عاد نسيبتك حا تنبهر .

وريف : انت جادة اها نسيبتي صغيرة ولا كبيرة ..

هيا : والله ما كبيرة شديد .. وما صغيرة وسط كدة يعني

وريف مشت دخلت ليهم.. خالتو نبيهة عيونا زغللو من جمال وريف ماشاءالله سلمت عليهم وقعدت جمبها غسان بارك وجا طالع برا انا كنت برا هو واقف جا يمشي وقفت ليه في طريقوو

قلت ليه يا غساان دقيقة عاوزة اتكلم معاك .. مارد علي نوووهااائي 😒 .. تاني رجعت ليه الكلام لكن بنبرة اعلي .. قلت ليه دقيييييقة عاااوز اتكلم معاك 😤😤..

وقف قال لي مالك في شنو ؟؟

قلت ليه في شنوو ؟ يادوبك عاوز تسألني في شنوو وينك من زماان وعامل لي فيها زعلاان مني ... 😒😒

قال لي ابعدي من طريقي عاوز امشي (بكل بروود)

قلت ليه مش يفقعك انا بتكلم معاك عاوز تمشي 😡👊

قال لي هو في يتكلمو فيه عاوزة تتكلمي عن شنو انت ..

بعدين مافي شي بينا عشان تتكلمي فيه 😒

قلت ليه كيف يعني مافي شي بينا انت مجنون .. 😠

قال لي (بدم باارد) ااي مافي ااي شي اصلا ماحبيتك انا

انا من قولت ما حبيتك جاني هبووط وبقيت بشوف طشاش طشاش النوم ما اتنام لي بليل 💔

تاني يوم نصة نهار كدة بعد رتبنا بيت ناس وريف قمنا رجلعنا البيت ..

لاقاني ابوي قال لي اها قلتي شنو محمد العريس اسي اتصل علي ..

قلت ليه انا موافقة يا ابوي خلي يجي 😔😔

قال لي تمام ..

انا خلاص زعلانة زعل لكن قلت مافي داعي يا حنين عيشي حيااتك عاادي وكأن شي لم يكن ..

تاني يوم الاحد مشينا الجامعة .. بعد المحاضرة خلصت شلنا حاجاتنا ومشينا الشجرة حقتي .. اول ما وصلت الشجرة لقيتا منحوتة ... مكتوب عليها (حنين ❤ غسان)

قلت لي صحباتي دة منو الكتب الكلام دة 😳

قالو لي والله مابنعرف احنا زااتنا مصدومين زيك ..

قلت ليهم حا اخليها زكرى لأنو بالجد غسان غسان انا حبيتو من قلبي ... وعهدا علي احبو لأخر يوم في حياتي 😢..

قعدنا حبة ومشينا الروتين هو هو نفسو يوم الخميس صحباتي قالو هيمشو معاي البيت ع اساس العريس الجاي دة والله انا نسيت موضوعو زاااتو 😔💔..

بس وريف وهيا ووعد ولاء اختي قامو نظفو البيت دة زي يوم العيد .. حلفو قالو لي ما تشتغلي 😂.. فرشو احلا الملايات واجداهم كمان ابوي لبس واتظبط وكلهم مشو غيرو ادوني احساس انو دة عرس عديل وزول كلمني مافي 😂.. المهم انا لبست عملو لي ميك اب .. سرحو لي شعري ضنب حصان .. لكن والله من جو قلبي مكسور وماعندي نفس لي ااي شي..

بس جهزو الخلويات والباارد والحاجات وبقينا مستنين الفارس دة يجي 😒

قلت ليهم والله اتأخر وتاني بديه 5 دقائق يتأخر قوولو ليه مرفوض ولا تتعب نفسك 😒😒 جني وجن التأخير وانتو عارفني 😑..

فجأة في بووري حق عربات بقت تصفر وقفو جمب الباب

جات مرة سمحة جنس سماااحة دااخلة شكلها ام العريس ..

ظااااهر عليها الانااقة والشياكة ومهتمة بنفسها وروحها شبابية كدة .. امو تفتح النفس .. بعدها جا داخل راجل شكلو ابووه برضو انيق كدة الابو زااتو مز 😍 ياربي كيف حا يكون شكل العريس .. المهم انا مركزة في الباب كااان 😨😨😨 جو داخلين اويس وغساااان .. 😍😍😍😍 انا بقيت مفتتتتحة عيوني كباااار بدوووون ما اشعر كوركت غسااااااااان 😍😍😍.. الناس دي بقت وااقفة تعاين لي والله يقولو شفقانة جنس شفقة 😂👊.. غسان جا وقف جمبي قال لي عيون غسان .. بس برااااحة حبة ابوك قااعد ..

انا من شدة فرحتي قعدت ابكي قداام الناس 😂😂 ..

غايتو بهدلت نفسي بهدلة قدام نسيتي (معزة) 😍😍.. شوية كانت هتغير رايها 😂😂.. قمت قعدت جمب صحبااتي قلت ليهم دة حصل كيف 😍😍..

قالو لي دة كلو خطة عاملنها عليك .. وانا ووريف وعمو مصطفي واويس وغسان عاملنها عليك 😂😂..

تتذكري يوم الشكلة الاخيرة احنا ما مرقنا معاك كان اويس حكا لينا الخطة .. واويس اليوم دااك جا لي غسان عشان يسوقو يمشو لي ابوك المهم اقنعوهو واتفقو معاهو 😂..

وريف : الكلام السمعك ليه يوم خطوبتي كان حسب الخطة ..

بالجد فرحت شديد 😭😭..

قلت ليهم اها والشجرة 😍

قالو لي غسان نحتها برااهو

اهلي واهلو اتفقو علي انو يعملو العرس طوالي وغساان قال هكمل جامعتي عادي 😍😍

جو ماشين ..

قال لي حنين ايامك كانت كيف بدوني ..

قلت ليه كانت مرة.. والله وكنت مصدقة بالجد تاني ما هترجع 😂

قال لي تعرفي انا يوم كنتي حا تنخطبي لي مازن .. عهدت نفسي اريد لي اخر ي

وم في حياتي ..

قلت ليه عليك الله 😳😳 انا كمان قلت نفس الشي 😂..

(نعم هذا ما يمسمى بعهود الريد 😉)

اويس ووريف عملو عرسهم بعد 3 شهور ومن عرس وريف هيا حاها عريس الولد مدير شركة 😍😍 اما احنا بعد 5 شهور حتي عملنا العرس

كانت احلي ايااااااااام 😍😍 وزولي الحبيتو بقي حلاااالي 😍😍..

حاليا غسان جاي يسوقني من الكوفير نمشي صالة الافراح .. الفستان الابيض كان حلو شديد 😍😍..

المهم بعد كدة مشينا الشقة

خلصت الرواية وبالجد كنت بستمتع بيها لما اكتبها .. 😍😍

ويااارب اااي وااحد يكون من نصيبو الزول البحبو والبتمناهوووو

بتمني تكون عحبتكم 😍😍

(عهود الريد)

لحين نلتقي في رواية جديدة

Alaa Sami