الجزء 7

لما نزلت جمب بيتنا حسيت اني بمشي في الهوا ما ع الارض من فرحتي 😍 ياخ لي درجة قربت افوت محطتي 😂..

وصلت البيت من الفرح وشي يضحك براهو وما قادرة اقفل شخمي من شدة الابتسامة 😍.. امي جابت لي غداء اتغديت ورقدت اتخيل في ملامحو الفتااكة 😍 وعيونو القااتلة ياخ سمح سماحة .. سأعترف لك انني أخصص جزء من يوومي لك ❤

أبتعد فييه عن ضجة العاالم 😴

وأتزكر أحاديثك وضحكاتك وأبتسم ❤😍

في الجامعة من الصباح قبل المحاضرة بساعتين جيت الجامعة ودي ماحصلت قبل كدة .. صحباتي قالو لي ماعرفناك 😂 .. نشاط غير طبيعي 😄 المهم جيت مشيت (شجرة حنين) قلت اقرا شوية .. كنت شايلة معاي بنبونة .. البشوفني بقول شافعة والله 😊.. لسة ما قعدت واقفة علي حيلي .. فتحت الشيت جا غسان 😍 .. (فكرة اجي هنا كل يوم افتحو 😂)

قال لي : صباح الخير..

قلت : اهلين صباح النور.. تسلم والله يا غسان

قال : علي شنووو ؟

انا : علي انك وصلتني امس لولاك ما كنت هعرف اتصرف 😐.

قال لي : عيوني ليك يا حنين .. وتاني لو شكرتيني بكرفسك ادخلك جو الخرم بتاع الشجرة دي 😒..

اانا : طير من خلقتي اصلا الحسنة والكلام السمح ما بنفع معاك 😒👊..

غسان : تكشيرتك حلوة شديد ..

انا : ش شك شكرا 😊 . "قلبي حا يقيف 😍"

غسان بقي بعاين لي مساااافة نظرة حبة كدة 🙈❤ .. انا اتعقدت طبعا انا الرومانسية حقتي تقول في إجازة 😥..

ما بعرف اترمسن نووووهااائي 😥 بقعد بتهابل وبتمتم بس ..

انا : اسمعني ماتركز شديد بتسحرني والله 😐😒..

غسان بقي ما بين عاوز يضحك وما عاوز يضحك 😂😂..

قال لي : انا بعاين لي حبيبتي.. انت مالك مركزة ما تركزي معانا 😒..

انا : 😕😕 حبيبتك وينها ..

(طبعا انا كنت جادة بتلفت يمين شمال 😂 صراحة لما يقعد جمبي واحد سمح زي دة ببقي خارج نطاق الشبكة 😄)

غسان : 😂😂😂😂 .. عفوية انت وقلبك ابيض وبريئة .. يمكن دة اكتر حاجة عجبتني فيك .. ❤

انا : ص ص صحابتي بنادوني يلا بااي 😜.

بعد مشيت حبة كدة قبلت علي لقيتو مبتسم ابتسامتو الحلوة ديك 😍 ولولح لي بيدو بااي

في المباني الجديدة قاعدة تفطر ومعاها مازن وبدردشو في قلبها تفكر ياربي اقول ليه بساعدني المهم هو لاحظ انها شاردة فسألها قاليها : في شنو يا مروج سرحانة وين .. اكلي

قالت ليه : ماف شي بس تصرفات صاحبك غسان بتحيرني

قال ليها : كيف ؟

قالت ليه : ليه انا وغسان بنحب بعض .. وفجأة بقي ما طبيعي معاي والايام دي شايفاهو حايم مع البنت كدة ما بعرفو ..

قال ليها : والله طالما وثقتي فيني وحكيتي لي بحاول بقدر الامكان اساعدك اطمني غسان صاحبي بقدر اتفاهم معاهو..

قالت ليه : وابتسامة خبيثة كدة تسلم يا مازن ما بتقصر ..

تلفونها رن استأذنت من مازن وطلعت برة رفعت الخط .. الووو اها يا مروة عرفتي شنو

مروة : ااي عرفت عنها البنت بتقرا اقتصاد قسم المحاسبة..

واسمها حنين

مروج : متأكدة يابت اسمها حنين

مروة : ااي متأكدة منها سألت واحدة من دفعتها .

مروج : تمام تسلمي يا قلب ..

مروة : عاوزة تعملي شنو انت مالها البنت دي معاك

مروج : اليومين ديل غسان لافي حوليها .. 😒..

مروة : 😑😑 بس معليش انت الحايمة حوليه ..

مروج : 😡😡 قلتي شنو..

بعد خلصت محاضرتنا قررنا خلاص انا وهيا نقعد مع وريف ونفهم الحاصل شنوو .. اتشجعنا وعزمناها علي فطور وعصير وكدة الاغرب من كدة الليلة اصلو ما قالت ماشة فكرت في بالي ياربي الدكتور قال ليها احنا جينا فتشنا بي وراها 😐.. لكن تاني فكرت قلت لو قال ليها كان زعلت ولا جات سألت ع الاقل بس هي طبيعية .. انا ذاتي لقيت لي مدخل للموضوع

قلت ليها : وريف حبيبتي .. الليلة من بدا السمستر اول مرة تقعدي معانا

قالت لي : اااي والله فعلا .. لكن تاني ان شاءالله حا اقعد معاكم ..

هيا : 😍😍😍 جد..

وريف : ااي والله

انا : تمام .. وريف في الحقيقة انا وهيا عاوين نسألك يعني حاسين انووو . انتي طبعا يعني

هيا : 😒😒 حاسين انك ما طبيعية الايام دي وعاوزين نسألك عن السبب

انا : "يااالهوي درعتها شديد 😨"

وريف : مافي شي والله بس مشغولة

انا : قاطعتها طوالي .. وريف احنا صحباتك وخواتك واكتر من كدة لو في حاجة قوليها لينا انحنا لينا سنتين مع بعض معقول ..

وريف : ليه بتسألو كدة في شنو 😓..

هيا : عاوزين نعرف منك انتي في شنو ..

وريف فجأة قامت شالت شنطتها وقالت لينا همشي البيت 😓..

انا وهيا بقينا فاتحين خشومنا وقاعدين ما عارفين الحاصل شنو وقدر ما نادينا عليها ما ردت . زي الهاربة مننا في حاجة ما عاوزانا نعرفها ..

قلت لي هيا : طيب يا هيا مافي داعي نضغط ع البت اكتر من كدة ودة شكلو موضوع خاص ومافي داعي نهبش زيادة

قالت لي : طيب 😐 بس انا قلقانة عليها

قلت ليها : انا ذاتي والله يلا نطلع من هنا ..

قبل ما نلملم شنطنا جا الزول الما بطيقوو 😧

قال لينا : كيفكم ؟

هيا : 😊 يا هلا مازن كيفك

مازن : الحمدلله بخير.. كيفك يا حنين

قلت ليه : بخير .. عن اذنكم حا امشي تتونسو براحتكم

مازن : معقولة بس لالا والله ما بقعد لو ما قعدتي

(دة شنو اللصقة دة 😒😒)

قال لينا : اقعدو اصلا انا ما بطول عندي صاحبي جايني ..

علكة خلاص الشخصية دي 😥 المهم قمت قعدت ومستنين صاحبو دة يجي بفارغ االصبر .. (وينك يا صااحبو الاخرك شنو 😥) انا شامة الوضع ومقبلة بالجهة التانية ع الباب فجأة غسان جا داخل 😍.. قعدت اتبسم يعني وشي فرهد وملامحو بدت تظهر حتي مازن لاحظ لي .. بس انتبهت ع انو غسان جاي علينا .. انا قلبي طار قلت حا يقول لينا (المقعدكم معاهو شنو 😐).. بس جا طوالي سلم عليه وقعد جمبو 😫 انا صبت فيني مطرة (اجي بعرفو من وين).. تاني برايةاستجمعت واتذكرت انو مازن كمان مهندس..

مازن : دة صاحبي غسان .. غسان ديل هيا وحنين.

غسان : اتشرفنا .. 😊. بعرفهم

مازن : يازول؟ .. والله ماشاءالله..

هيا : مازن ممكن دقيقة من وقتك 😄..

مازن في البداية ما رد شكلو ما عاوز يمشي لكن تاني طواالي قام معاها

حنين : اول مرة اعرف انكم اصحاب ..

غسان : انا ومازن اصحاب اي جمعنا الشغل هنا ..

حنين : اممم طيب ..

بقيت بعاين ليه بأستغراب كدة لانو ولا حتي سألني قاعدة معاهو ليه ولا بتعرفي من وين ولا شي

قال لي : عوك مالك في شنو اول مرة تشوفيني ولا شنو 😄.

قلت ليه : لا بس مستغربة يعني ولا قلت لي بتعرفي من وين 😐.. ما بتغير انت 😕

قعد يضحك ضحكة خفيفة كدة .. لكن انا تهت فيها 😍... قال لي : ليه اسألك وانا واثق منك ❤..

(سكتني😫) بقيت بتسبم براس انا غير التبسم ماف شي 😂😂..

مازن جا لقانا ماخدين راحتنا في الونسة بقي واقف ومستغرب عمري ما اتكلمت معاهو.. جا لاقاني بتكلم مع غسان ..