الجزء 5

قاعد محمد مع اصحابه بلعبو بلستيشن... واحد من اصحاب محمد اسمو اواب يقوم يطلع الميكونه و خلى تلفونو جيمب محمد في الأرض . تلفونو يضرب.. محمد يعاين في الرقم يضرب القاهو رقم إبي حبيبتو القديمه.. يتخلى.. يقول في نفسو

اواب ده علاقتو شنو ب إبيي.. و هي اصلا عرست خلاص )

يعمل نفسو مشغول باللعب و م مركز مع التلفون.. شوية التلفون بيقيف من الضرب..و يجي اواب يقعد و يشيل تلفونو.. محمد الموضوع زعلو شديد بقي داير يكلي ل فيصل.. لمن القيم حفو يخلص يقوم اقعد في البلكونه و يضرب ل فيصل..

فيصل:( انا جاي في السكه ٥ دقايق بس)

محمد :( يلا اسرع)

شويه و فيصل يجيب عشاء، يختو ويطلع ل محمد في البلكونه..

فيصل: (مالك مقلق في شنو؟)

محمد: (اقعد دايرك..)

يقعد..

محمد: ( تلفون اواب قبل شوية ضرب جميي و هو كان هنا في البلكونه.. لقيت الرقم رقم إبيي)

فيصل: (إبيي ??😰 دخلها شنو ب اواب؟؟)

محمد: ( م عارف الموضوع ضايقني باجد)

فيصل: (يمكن طالبهو منو حاجه او اي شي)

محمد:( م عارف.. اي هي بتعرفو بس بينهم سلام بس حتي ونسه م كانت بتتونس معاهو.. اسي بعد تعرس تتواصل معاهو؟؟ ليه؟؟)

فيصل: (م تركز معاها بطريقتها بقت في ذمه راجل)

محمد: ( لا لا لازم اعرف الموضوع ده)

فيصل: ( محمد محتمل ل روحك مشاكل ساي.. إبيي دي اصلا بتاعت حركات.. و عرست صحبك و خلتك و اسي متواصله مع صحبك التاني.. بياخ مالك و مالا م تستاهل اي شي دي.. انسها ياخ..)

محمد:( بس داير اعرف علاقتها شنو ب اواب!!)

فيصل:( م حاكون في شي.. وريتك بتكون طالبه منو حاجه او بساعدا في حاجه..عارف اواب ابومو زول كبير في الحكومه و واسطاتو عاليه)

محمد يكون زعلان يسكت بفكر..

بتتكلم نهى مع رجب في التلفون..

رجب:( ي نهى انا مقلق والله..خايف اهلك م يرضو بي)

نهى:( تاني حنرجع لموضوع ده؟ ليه م يرضو بيك؟)

رجب:(عشان الفرق البيننا.. انتو وين واحنا وين؟)

نهى:( انا الفرق ده م فارق معاي.. انا بحبك و دايراك بس م فارق معاي اي شي تاني)

رجب:(والله اهلك م حارضو و حاعمل ليك مشاكل)

نهى:( رجب لو سمحتا م تفكر كده..انا متمسكه بيك و م بحليك.. و مستعده اقيف ضد الناس دي كلها عشانك.. م تقول كلام بساي بعدين بتشوف براك.. بس انت خلص و اصل لي البيت)

رجب:(طيب ان شاءالله ربك يسهل)

بجي هنادي تقعد جمب امين.

هنادي:( ي امين.. سميره دي كل يوم تضرب جُخوط م عارفه اعمل ليها شنو؟)

امين:( بتتك دي بتاعت مواضيع فارغه.. ابراهيم ده كويس هي بتتوههم ساي)

هنادي:( قالت لي انت تضرب ل ابراهيم تتكلم معاهو)

امين:(اتكلم معاهو في شنو؟ اقول ليهو انت بتتأخر برا البيت ليه؟ و بتساهر مع اصحابك و سميره شاكه انك بتعرف غيرها؟ كدي قولو كلام عقل ياخ😡)

هنادي: ( بس هي م بتسكت.)

امين: (م تردي عليها ولا تعبيرها خليها بس)

هنادي: (كيف م ارد عليها؟ طيب انت اتكلم معاها و هديها)

امين: (ي الله ... 😳 طيب ي هنادي طيب لمن تضرب تاني اديني ليها)

هنادي: (دي بتك الوحيده اجبر خاطراها ياخ)

امين: (قلنا طيب ي هنادي تاني في شنو (😔😔)

هنادي: ( طيب طيب )

ماشه ندي في المول بتتسوق.. يتصل عليها يحي..

ندي: (الو 😍)

يحي: (وينك حبيبتي؟)

ندي: (دخلنا المول اشتري شوية حاجات)

يحي: (ليه م كلمتيني اجيك..)

ندي: (انت شغال حبيبي م ازعجك ساي.. )

يحي: (ماف ازعاج حبيبتي خلاص مسافه السكه و اكون عندك)

ندي: (اوكی 😍)

يدخل ياسر بيتهم.. يلاقي ابومو قاعد في الصاله.. يمشي عليهو يقعد قصادو..

ميرغني: (الشغل كيف؟)

ياسر: ( تمام الحمدلله)

ميرغني: ( شد حيلك يلا عشان تعرس)

ياسر: ( ان شاءالله، ي ابوي، داير اطلب منك طلب)

ميرغني: ( قول)

ياسر: ( ي ابوي ياح ادي عمي حفو و خلو موضوع المحاكم ده)

ميرغني: ( انت جنيت ي ولد 😳 دايرني ادي حقي ل عثمان؟)

ياسر: ( ي ابوي ده اخوك.. م تعملو كده مع بعض)

ميرغني: ( انا م عملتا شي.. ده حقي انا.. ابوي اداني ليهو براي.. هو م مصدقني.. هو المشي المحامي و عمل قضيه خلاص يتحمل البحصل)

ياسر: ( خلاص ي ابوي اتصلو واديهو جزء من تركه جدي.. ي ابوي ماشاالله التركه دي كتيره و بتكفيكم و زياده)

ميرغني: ( اديهو حقي 😱 انت جنيت ي ولد .. 😳والله ولا فلس م اديوه ليهو .. 😡😡 و لو سمحت ي ياسر م تتدخل في مواضيع م بتخصك ( 😡)

و يقوم يعشي و يخليهو..

ياسر يقعد متضايق..

يعشي يجيب المول ل ندي و يتونسو و ينشرو في حاجات ندي: ( شوف البلوزه الرماديه دي ظريفه كيف (😍

يحيي: ( جنك الوان غامضه)

ندي: ( الي ياح حلوه.. شوف الكحلي دي كمان.. اختار لي وحده منهم اشيلها)

يحيي: ( وليه ختاري شيلهم الاتنين)

ندي تضحك: ( طيب)

يحيي: (خلصي سرعه عشان نلحق ندخل فيلم الساعه ٥) ندي: (فيلم رعب ؟😍)

يحيي: (طبعا ..😍 اصلا انتي م بتحضري غير افلام الرعب ..😟)

ندي تضحك: (بعشقها ياحخ 😍😍)

يحيي: (وين الانوثه بياخ.. نفسي يوم كحضري فيلم رومانسي ياخ (😟😟)

ندي تضحك: ( لا طبعا..)

رعب بس.. يلا خلينا خلص نلحق الفيلم)

يحيي: (طيب طيب)

تبدأ المحكمه و يعشي عثمان و معاهمو مصطفى و محمد.. و ميرغني و ياسر..

القاضي يطلب ادله من ميرغني تثبت انو ابوهو كتب ليهو ورثو كلها.. و يطلب شهود.. ميرغني يقول حاجيب شهودو و الاثباتات الجلسه الجايه.. مصطفى و ياسر بكونو متوترين شديد.. مصطفى و رانيا و نهى بريدو ياسر و تسنيم.. بس خلافات ابوههم مع عمههم خللتهم يبعدو من بعض.. الا رانيا و ياسر المتواصلين.. محمد طبعو صعب.. ذي عمو ميرغني.. بس مرات بتقى طيبان..

رانيا و ياسر صباح كل محكمه بكونو متوترين و خايفين و اخر جلسه كانو متوترين شديد.. رانيا مشت المستشفى بس م قادره تشتغل مستنيه تلفون ياسر انو حصل شنو لانو القرار ده حاكم حياتها هي و ياسر.. ياسر كمان كان متوتر شديد..

ميرغني اثباتتو صحيحه و عندو شهود اتنين واحد الباب حق بيت ابوهو و واحد صحبو.. حلفو عين انو عبدالله الصادق كتب كل ورثو ميرغني بس.. حكم القاضي براءه ميرغني من التزوير و ليهو الحق في كل ورثه ابوهو.. اما عثمان فما ليهو اي حق في ادعاء التزوير و لم ليهو حق في ورثه ابوهو.. بكده انتهت المحكمه.. ميرغني انبسط شديد و بقي اصفق و يكورك..

ميرغني:( يحيي العدل .. الله اكبر.. يحيي العدل..الله اكبر)

اما عثمان انضاق شديد و دموعو نزلت بقي بعيان ل ميرغني بس و ياسر و مصطفى

و محمد مخلوعين بعاينو لابواتهم.. عثمان يطلع بسرعه من قاعده المحكمه و وراه محمد و مصطفى.. يقيف قدام المحكمه و ماسك قلبو و داير يرقع..محمد و مصطفى يسكوهو و هم خايفين بكوركو

)ابوي ابوي مالك؟(

و يركبوه العربيه و يرو بيهو علي المستشفى...