الجزء 21
:
By : Ashgan ALjaaly ~
اصحبنا الصباح فتحت عيوني لقيت الغرفه فاضيه عايزه انزل وائل جا داخل قال لي صباااحو ودقيقه دقيقه نازله وين قلت ليهو ماشه اشوف ولدي انت مش قلت لي الصباح بتشوفيهو جا رجعني في السرير قال لي بجيبو ليك هسه بعد شويه جات ماما داخله وجا داخل معاها الدكتور قال لي شجن اصبحتي كيف قلت ليهو ما كويسه قال لي مالك قلت ليهو عايزه اشوف ولدي قال لي طيب ممكن نتكلم مع بعض حبه هزيت ليهو راسي اااي قال لي انتي بتؤمني بالقضاء والقدر قلت ليهو اكيييد ونعم بالله قال لي يعني بتؤمني بحكم ربنا في اللحظه دي وائل جا قعد جنبي ومسك لي يدي عاينت لـ يدي ولـ وائل نظام فكني معانا ناس لقيت وائل عيونو اتملت دموع رجعت عاينت للدكتور قال لي انتي عارفه الاطفال بكونو عصافير الجنه متين يلااا احمدي ربك انو ولدك بقي من عصافير الجنه قلت لـ وائل انا ما فاهمه كلامو قاصد شنو وائل ما رد لي بس دموعو جرت وضغط علي يدي شدييييد قلت ليهو وائل انت بتبكي لييه الدكتور قال لي شجن ركزي معاااي ولدك بقي من عصافير الجنه ويوم القيامه ح يبقي ليك ظل طبعا ده كلو وانا ما مستوعبه حاجه ومخلوووعه بين دموع وائل ودموع ماما قلت ليهو اشرح لي اكتر قال لي يعني طفلك مات يا شجن قلت ليهو ما تقول كده هظارك بااايخ هسه عاين ماما و وائل ببكو .. قلت لـ وائل ما تبكي الدكتور ده كذاب قال لي للأسف ما كذاب يا شجن وضاااغط علي يدي وانا لسه من الصدمه مكذبه الموضوع اتلفت علي ماما قلت ليها ماما شوفي ديل بقولو في شنو هي برضو ما استجابت لكلامي بس تبكي يا دووووب انا استوعبت الحاصل وبقيت اصرخ انتو كلكم كذابين جيت اقوم وائل حضني عليهو قلت ليهو وائل وديني ليهو انت مش وعدتني الصباح اشوفو يلا وديني الدكتور كذاب عايز يشيلو مننا ويقول لينا مات وائل عليك الله ارح نجيب ولدنا قبل ما يشيلو و وائل بس حاضني عليهو ويبكي وشغال يقول لي بس خلاص الله يرضي عليك خلااااص وماما طلعت بره وانا شغاااله اكورك الدكتور اداني حقنه مهدئه لحدي ما فقدت الوعي ودخلت في نوم عميق ...
اصبحت اليوم التاني فتحت لقيت وائل قاعد في كرسي جنبي وشغال بالتلفون لم ختيت يدي في بطني اتزكرت الحصل ودموعي جرت عشره عشره وائل شعر بي وجا قال لي صباحو شجوني برااااي وانا دموعي زادت قال لي الدموع لـ شنو من الصباح مسحها لي قلت ليهو بصوت مبحوح من البكا وائل قال لي روحو وحياتو لـ وائل قلت ليهو الهديه الاديتك ليها خلاااص ضاااعت قال لي ياتو هديه قلت ليهو يوم عرفنا روحي حامل مش قلت لي الطفل ده احلي هديه منك وهسه ضاااعت خت اصبعو في شفاااي عشان ما اواصل كلام قال لي و القال ليك منو راحت انا هديتي موجوده جنبي وباسني في راسي والضاع ح نعوضو اتنين وتلاته واربعه بس حاليا اهم حاجه صحتك وتاني ما عايزين دموع تمااام ومسح دموعي ساعدني دخلت الحمام وجيت راجعه رقدني و جاب لي عصير قلت ليهو ما عايزه قال لي انتي بتعاندي في ربنا قلت ليهو اكيييد لاااا يلا خلاااص استغفري وقومي اشربي شربت العصير قال لي حلااات شجوني وهي بتسمع الكلام قلت ليهو ماما نوره وماما وين قال لي هسه بجو بس امي متجرسه زيك كده قالت ما بتقدر تقابلك تاني دموعي جرت وائل رفع راسي من حنكي بـ يدو وحمر لي قال لي عايزه تعزبي ولدنا في قبرو بدموعك دي وانا العويره صدقتو هزيت ليهو راسي بـ لااا وحضنتو ومن قال لي كده بقيت احبس دموعي ...
بعد اسبوع حالتي اتحسنت الدكتور كتب لينا خروج بس قبل ما نطلع وائل مشي البيت قبلينا شال اي حاجه تخص الطفل وجا راجع يسوقني وعيونو كانت حمرا شكلو كان ببكي المهم وصلنا البيت كل العايله كانو معاااي بعد رجعو بيوتهم وائل جا داخل الغرفه ورقد جنبي قال لي شجوني انا قلت ليهو وائل قال لي روحو قلت ليهو جيب لي لبسه من حقات البيبي قال لي تاني يا شجن مش قلنا خلااااص قلت ليهو والله ما ببكي بس عايزاها قال لي والله مافي طلعتهم كلهم من البيت وبعدين ح نفضل طول حياتنا نفكر في الـ راح ولأ نفكر في البيبي الجايي خجلني الحيوان في عز وجعـي 🙈 وحضني بعدها وفضل يتونس ويفتح معاااي مواضيع غير عشان انسي قال لي هسه عليك الله الاسامي كملت عشان يسموك شجن اسمك والدلع واحد ح اضبح ليك سمايه من الاول♡
وعدا اسبوعين وطول الفتره دي وائل ما فارقني ولا لحظه ومره مره بجوني ماما نوره وهبه ومره ماما بس في الايام الاخيره اتقلبت علي وائل 360 درجه بقيت ما بطيق اشوفو حتي هو لاااحظ كده بس كان مستحملني وساااكت في يوم الساعه 10 م من غير مقدمات قلت ليهو وديني لـ ماما قال لي حاااضر من عيوني بكره بوديك قبل ما امشي الشغل قلت ليهو لااا ما بكره هسه دي قال لي حبيبي هسه الزمن اتأخر بكون نامو قلت ليهو لااا صاحين قال لي حتي لو صاحين ح نخلعهم قلت ليهو لو ما عايز توديني بمشي براااي افهم انا ما عايزه انوم معاك هنا قال لي خلاااص حبيبي انتي ارتاحي هنا وانا بنوم في الغرفه التانيه قلت ليهو اقول ليك حاجه انا كرهتك وكرهت البيت ده وكرهت الع
يشه معاااك طبعا اتخلع من تصرفي ومن كلامي وزعل شدييييد قال لي بحده طيب قومي ارح لبست العبايه قبل ما نتحرك وائل اتصل علي بابا قال ليهو شجن قالت الأ تجيكم هسه ورفضت تقعد للصباح بابا زاتو اتخلع وفعلا طلعنا مشينا وصلنا البيت .....
⏪⏪⏪⏪