الجزء 29
:
:
By : Ashgan ALjaaly ~
بعد يومين قلت لـ وائل عايزه اجيب مربيه لـ لمى قال لي بدل نجيب مربيه واخسر قروش ما اجيب مره تانيه وتريحك مننا الاتنين وغمز لي قلت ليهو وائل بتكلم معاااك جاده قال لي كيف يعني جااااده عايزاني اجيب بينا وحده غريبه لاااا وكمان تربي لي بتي لااا طبعا اكيييد بتهظري قلت ليهو هي ما ح تربيها ح تهتم بيها حبه قال لي وانتي المانعك تهتمي بيها شنو وين في وحده جابت مربيه صفاء وضعت جابت مربيه ولأ هبه جابت مربيه قلت ليهو بس ديل اطفالهم بسكتو ما زي لمى قال لي ما بجيب لـ بتي وحده ما معروف تعمل فيها شنو وبعدين خلاااص نسيتي التعب التعبتي في ولادتها وجايه بكل بساااطه تديها لوحده غريبه قلت ليهو انا بكون متابعاها قال لي لااا يعني لاااا ما عايز نقاش وطلع جا المسا عملت روحي زعلانه عايز يتغزل فيني زحيت منو قال لي اها يعني زعلانه لسه قلت ليهو ما عايزه معاك كلام مشي حضن بتو ونام ولا فكر يراضيني ....
صحينا اليوم التاني وانا لسه مواصله في الزعل حتي رفضت الاكل قال لي ده كلو عشان موضوع المربيه قلت ليهو انت بس قول ما عايز تجيبها عشان القروش طبعا اكتر حاجه بتنرفزو لم استفزو بالقروش قال لي بحده انتي عارفه القروش دي اخر همي قلت ليهو خلاااص اثبت لي وجيبها ولو ما جبتها ح امشي اقعد مع ماما قال لي ده تهديد يعني ما رديت عليهو قال لي شجن ما تتخزي قرار تندمي عليهو قلت ليهو ما بندم سكتنا علي كده اصبحنا اليوم التاني مشي الشغل وجا انا كنت في الغرفه بنوم في لمى ناداني يا شجن شلتها وطلعت ليهو لقيت معاهو فلبينيه لابسه بنطلون وقميص استغربته طبعا قال لي تعالي سلمي علي ام لمى التانيه جبتها ليها من مكتب العمل قال لي كده بصوره مستفزه 😊 جيت اسلم عليها شال مني لمى قال ليها دي المدام وقال لي دي اوشين واتلفت عليها قال ليها ودي حبيبة قلبي و روحي لمى قال لي فرجيها في الشقه وشال بتو ودخل الغرفه بعد فرجتها في الشقه وديتها غرفتها جيت راجعه غرفتي لقيت وائل فاتح الدولاب شال هدومو جريت حضنتو قلت ليهو شكرا قال لي كده مبسوطه قلت ليهو شدييييد قال لي تمااام وزحاني منو ما اتفاعل معاااي زي كل مره في اللحظه دي حسيت بطعنه جوه قلبي بس سكت اتلفت قال لي بالمناسبه انا ما جبتها عشان تهديدك حق امس جبتها عشان اثبت ليك انو الحكايه ما قروش وابتسم لي ابتسامة استغنى استفزتني بصراااحه اتحمم قلت ليهو الغدا قال لي ما عندي نفس عايز ارتاح خت بتو في حضنو ورقد اصبحنا الصباح عملت الشاي لوشين حممت لدن وريحتها وائل جا شالها منها وفضل شايلها لحدي ما طلع الشغل وانا من ناحيتي كنت فرحانه الضغط خف مني بس تغيير وائل اتجاهي كان بقتلني قررت اعمل ليهو مفاجأه لم قرب يجي اتحممت واتظبطه واتريحت قلت ما اطلع ليهو الصاله لم يجي هنا اصلا هدومي دي ما بقدر اطلع بيها جنب اوشين ومنتظراهو وهو اتأخر ما زي عوايدو المهم سمعت باب الشقه فتح جا داخل الغرفه عملت روحي بسرح في شعري قال لي قيلتو كيف قلت ليهو الحمد لله تاني ما اشتغل بي اتحمم وطلع جاب لمى من اوشين وجا لفحت لي توب مشيت عملت الغدا جيت قلت ليهو جهزت الغدا قال لي ما عايز وشغال يلعب في بتو شكلو عايز يجلطني بعمايلو طلعت عملت العصير وجيت قلت ليهو اتأخرت مالك الليله قال لي ده وقتي زاتو 😊 قلت ليهو صاح وقتك حق زمان بس تاني بقيت تجي بدري قال لي بجي بدري عشان خاطر لمى عشان اساعدك في شيلها بس هسه دفعت قروش لزول غيري يساعدك فما محتاج اجي بدري صااح يا لمٌو حبيبة بابا وشغال يبوس فيها ساااي 😘 طعني للمره التانيه الحيوان بس سكته كالعاده حضنها ورقد لحدي ما نام لمى صحت تبكي شلتها منو براااحه عشان ما تصحي بس صوتها عالي صحاهو لقاني طالعه بيها ناداني قال لي شجن تعالي راجعه جيبيها قلت ليهو عايزه اقعد بيها بره عشان تقدر تنوم قال لي لااا صوتها راحه بالنسبه لي طال ما انا موجود ما ح تفارقني وقام شالها مني حيوان خلاااص 👊 بعاملني كأني عدو بالنسبه لـ لمى كأنها ما بتي ولمى لسه بتبكي شالها وطلع قلت خلاااص يكون ماشي يديها اوشين تسكتها اتأخر طلعت لقيتو شايلها و واقف في المطبخ بيحضر ليها في البزازه قلت ليهو خليها بعملها ليها انا قال لي لااا ما تتعبي ورفض يديني لمى ولأ يخليني اعمل البزازه قلت ليهو طيب نادي اوشين من غرفتها التعملها ليك قال لي لاااا لم اكون انا قاعد ما عندها علاقه بـ لمى قلت ليهو يعني جبناها خساره قروش ساااي قاعده بس في التلفزيون طبعا وائل دخل ليها تلفزيون في غرفتها عشان ما يصادفها في الصاله قال لي ابداً ما خساره مش مريحاك انتي 😊 وطلع قعد في الصاله وبرضع لمى في البزازه وبقي متجاهلني خااالص واصبحنا علي الحال ده يومين اوشين تصحي الصباح تحمم لمى وتحضر ليها البزازه بس اول ما وائل يجي خلاااص تاني ما عندها شغله بيها غير تغير ليها ...
يوم اتخذت قرار ونفذتو بعد وائل طلع قلت ليها اوشين قالت لي عاوز حاجه طبعا العربي حقها مكسر قلت
ليها خلاااص ما عايزين شغل قالت لي ما فهمتك دي هسه يفهموها كيف قلت ليها شغل هنا بح فضلت منططه عيونها 😳 قلت ليها شغل هنا فنيش نحن ولمى مسافرين طبعا بقيت أأشر ليها بيدي زي الطرشه الـ ما بتسمع منظري بقي بيش جنبها 😅 قالت لي اها انتو مزاڤلين قلت ليها الله يفتح عليك اخيراً فهمتني قالت لي انا ممكن ازاڤل مع لاما احيييي يا خسارة السمايه بتي في النهاية طلعت اسمها لاما قلت ليها لااا لااا نمشي ونجي انتي تعال قالت لي اوك اوك هزه امش قلت ليها قطر عجيب يودي ما يجيب قالت لي نهم قلت لي قصدي اي هسه امش طوااالي لم نجي بنضرب ليك انتي تعالي دخلت غرفتها لملمت شنطتها ومشت ودعت لمى وباستها كأنها بنتها وطارت بدون عوده ان شاء الله ... انا هنا بقيت منتظره وائل لمتين يجي قلت اضرب ليهو قلت لا اخلي يجي علي راحتو عشان يتفاجأ دخلت المطبخ عملت الغدا سمعت لمى صحت تبكي مشيت شلتها لمٌو حبيبتي الله يرضي عليك ساعديني واسكتي عشان نلحق نفاجأ بابا سبحان الله التقول فهمتني نامت انا جري انتهيت من المطبخ نضفت البيت وبخرتو وقشرته وحممت لمى سمعت باب الشقه فتح اتريحته وشلت لمى نظام شايلاها من قبيل وهي كانت نايمه اصلا 😅 وائل جا داخل فتح باب الغرفه برضو غير سلم علي ما اشتغل بي كأنو القشره دي ما ليهو جا باس بتو وانا شايلاها قال ليها نوم العوافي حبيبة بابا وانا زي الحيطه و واحد ما اشتغل بي ودخل اتحمم جا طالع قال لي نومتيها انتي وعاين لـ لمى قلت ليهو اي قال لي اتعبتك صاااح لااازم اتظلم قلت ليهو شويه قال لي وين اوشين مش قلت ليها ما تديك تشيليها عشان ما تتعبك بيها الأ انا اجي قالها لي باستهتار نظام انا ما عندي حق علي بتي ده كلو عشان قلت ليهو يجيب المربيه 😒 قلت ليهو بس اوشين انا مشيتها قال لي شنو كيف يعني 😳 قلت ليهو استغنيت عن خدماتها قال لي بجد قلت ليهو يب قال لي وبالنسبه لـ لمى قلت ليهو بتي وبربيها انا قال لي ما ح تتعبك وتقولي عايزه مربيه تانيه قلت ليهو لاااا ما في زول بربي بتي غيري قال لي كده اعتبر حبيبتي ورحو وحياتي رجعت لي زي زمان وبقي ماشي علي قلت ليهو وائل قال لي وائل الليله ما بحلك لمى صحت تبكي اتلفت قال ليها لااا يا حبيبه بابا عيييب اسكتي وجا علي قلت ليهو وائل البنت بتبكي قال لي ده ما وقتها ومواصل جايي وانا وراي الدولاب ما في مفر قلت ليهو بخلعه وائل عاين لمى دايره تقع اتلفت عليها انا جريت زحيت من جنبو شلتها جا باسني ف خدي قال لي ليك يوم بس اخيرا رجعت لي شجوني الانا بعرفها وربنا ما يحرمني منها
يوم المسا قاعدين في الصاله فاتحين التلفزيون هو شايل لمى قاعد في الكنبه وانا قاعده في الكرسي شغاله احمر ليهم من غير ما اشعر وهو مراقبني قعد يضحك قال لي تعالي هنا يا غيوره وأشر لي اقعد جنبو وانا ما صدقت مشيت قعدت جنبو شال لمى في كتفو وخت راسي في رجلو وبمسح لي في شعري قال لي اول مره اشوف وحده بتغير من بتها قلت ليهو ما بغير بس انت بقيت ما بتحبني زي زمان قال لي فعلا ما بحبك زي زمان لاني خلااص اتعديت مرحله الحب و ادمنك تتزكري يوم اتظبطي عشان تلفتي انتباهي انا كنت مشتاق ليك بالاكتر والله ونفسي كان اخدك في حضني في اللحظه دي بس اتمالكت نفسي قلت اخليك تعرفي غلطتك اول والحمدلله عرفتي غلطك براك وصلحتيها براك بس اتأكدي عمرو حبي ليك ما نقص وبعدين يا شيخه بتغيري من بنت عمرها سنه 😅 قلت ليهو اي عشان بتهتمه بيها اكتر مني قال لي طيب انا بهتم بيها لييه مش عشان حته منك وتعبتي فيها وعشان دي احلي هديه لي منك يعني سبب اهتمامي ده كلو انتي السبب بس اوعي تفكري انو حبي ليك يقل حاضر حبيبي هزيت ليهو راسو قال لي يسلم لي الراس البشتغل هزاز 😅 ضربتو في رجلو ...
⏪⏪⏪⏪
More