الجزء 6

عبد الله : فهمني يا رهف ده منو ؟ !

رهف ؟؟ !

ادهم : البت دي اسمها سندس ما اسمها رهف ووحده كذابه ومنافقه وكذبت عشان تشيل منك قروش .. قالت انو اسمها الاء بس طلع اسمها سندس والله اعلم اذا سندس اسمها او لا 😒 ..

صح ولا لا يا الاء؟؟

عبد الله : رهف؟٣

انا : كلامو صح اي انا كذابه 😡 ..

عبد الله : ليه كذبتي علي .. عشان شنوو؟ !

انا : ما عشان حاجه ...

ادهم : كذبت عشان انت ماحترضى بي وضعها ..

انا 😡😡😡:

ادهم : صح ولا لا 😉 .. خايفه ما تتقبل انها عايشه في فله وشغاله في شركة ..💔😂

عبد الله : خيبتي ظني فيك .. انا قايلك بت ناس ومؤدبه

" طبعا كلام عبد الله وجعني جووووه قلبي 💔💔 وماقدرتا ارد عليهو .... وادهم كان واقف بضحك وبعاين لي 😡 وده الغاظني اكتر .. كرهتو شديييد شديييد وما رديت ليهو ولا كلمه .. اتلفت امشي وكورك لي .. سندس 😊 اعرفي انو الزول الما بتقبلك زي ما انتي ما حيعيش معاك حياه كاامله .. يا يحبك بي طبيعتك يا حيسيبك ...

وما اشتغلتا بي كلامو وجرييت .. وفي طريق رجعتي للبيت زعلااانه شدييد حتى كاتمه الزعله .. وصلتا البيت وما اتكلمتا مع زول .. لحدي ما جا يوسف بالمساء .. استغرب انو ماشافني 💔 االيله واني ما سالتا منو .. جا لقاني قاعدة في الحوش متربعه سرحاانه وبرسم في التراب في الارض .. قعد في الارض وقال لي : سندس في شنو؟

انا : مافي حاجه ..

يوسف : سندس .. قولي مالك زعلانه كده !!

انا : مافي حاجه ياخ ..

يوسف : يعني ما دايرة تقولي لي .. يعني ارجع بيتنا؟ !

" سكتا وما رديت "

يوسف : خلاص ماشي 😕 انتي شكلك اخلاقك فوووق وماعندك مزاج تحكي ولا تقولي مالك ..

انا : يوسف ما تمشي 😭😭

" واتفجرتا بالبكا .. زعلااانه شديييد "😭😭😭 ..

يوسف : بسم الله 😳 مالك يابت .. منو الزعلك !!

سندس؟؟ !

انا : يوسف 😭😭😭

يوسف : خلاص ماتتخنقي واهدي اول وقولي لي مالك

انا : يوسف انا تعبتا 😭😭

يوسف : سندس اهدي اول انا حاقوم اجيب ليكي مويه ..

مشى جاب لي موية في كوز شربتا منها والباقي غسلتا بيهو وشي ..

يوسف : خلاص هديتي؟ !

انا : ايووة 😊

يوسف : يلا احكي لي المضايقك شنو؟؟

انا : يوسف انا تعبتا .. ماعندي حيل اكمل .. ماعندي مروة اتحمل الناس البره والاهانات والزله البتحصل لي

يوسف : سندس .. قلنا شنو نحنا ..

انا : اي عارفه .. انا عمود البيت والبيت محتاجني قوية بس انا نفسياتي تعبت يا يوسف .. تعبت شدييد 😭😭

يوسف : خلاص خلاص ماتبكي ..

" ويوسف بس ❤ البعرفني كووويس .. خلاني لما هديت وسكتا "

انا : انت جيت ليه؟

يوسف : عندي لييك خبر 😍😍😍

انا : ان شاء الله خير بس

يوسف : خير خير 😍😍 لقيت ليك شغل اضافي وبقروش رهيبه

انا : وين؟؟ وشنو !! والراتب كم !!

يوسف : اصبري اصبري 😍 ..

حتشتغلي رقاصه في صاله رياضه اسمها فيتنيس في كافوري ❤ .. والقروش رهييبه 😍 تلاته مليون تقريبا 😍 ..

انا : رقاصه 😒😒 يوسف .. ترقصك نحله نص اليل بركه الله ..

😒😒 رقاصه قال ..

يوسف : يا متخلفه اسمعيني .. رقاصه ما بمعنى رقاصه 😒😒 هسي قبل يومين مش كنتي بتتعولقي يا شاكيرا 😂😂😂

انا : هس خلاص ماتذكرني 💔😂😂😂

يوسف : عويرة دي 👋 طيب العولاق الكنتي بتسوي فيهو ده مش اسمو رقيص 👊👋

انا : يوسف ياخ .. رقيص شنو .. ديلك بكونو استاذات وكده ما زيي يعني 😪

يوسف : هييي انا مابسمح ليك ✋ تستهوني بس سندسي ❤

انا 😊😊😊:

يوسف : بالله انتي بتخجلي يعني ..

انا : قوم يلا 👊 قوووم من هنا يا حيوان .. اصلك ماشبه الناس 👊👋 غلطانه انا البسمع فيك كان اتخمدتا نمتا كان احسن لي 💦

يوسف 😂😂😂😂: ماتضايقي سممح

بكره بجي اسوووقك بعد الجامعه بغشاك في المطعم 👌

انا : ظااابط يامعلم كفك ✋

يوسف ✋: تصبحي على خير ..

انا : وانت بخييير ..

مشيت رقدتا في الحوش وبفكر في كلام يوسف ومعاملتو لي ❤ طبعا انا كبرتا وما سندس الصغيرة الزمان .. بقى عندي مشاعر واحاسيس زيي وزي باقي البنات ❤❤ وبديت الاحظ انو يوسف كل ما شاغلني بي حاجه ولا قال لي حاجه حلوة قلبي بدق ❤❤ وانا شكلي بديت احبو ..❤ معاملتو ياخ ❤❤ وخوفو علي ❤ .. والوحيد البفهمني وبنوم مبسوطه كل ماجا اداني الامل وقواني .. ده غير مساعدتو لي عشان اكون مرتاحه ❤ سندي ❤

صحيت الصباح ومشيت الشغل وبقيت بهم للشغل عشان ادهم حيعملها لي شغله كل يوم ويجي .. المره دي وصلتا متاخره ولقيت ادهم قااعد في المطعم من الصباح ! بشرب في نسكافيه 😒😒 شلتا هم وجواي قلتا الله يعدي اليوم على خيير .. 😪 مشيت دخلتا وهو شافني انا داخله .. غيرتا للشغل وجيت طالعه ..

عاصم : سندس امشي شوفي سيد ادهم داير شنو؟

انا : هو طلب لكن ..

عاصم : يابت هو قال انتي تخدميهو .. وانحنا ما بنرفض لي زبون طلب

" استغفر الله .. مشيت بزهج .. ووصلتو .. ماقدرتا ابتسم زاتو .. سالتو تطلب شنو؟ ! .. سكت وعاين لي لقاني بعاين بعيييد والزعلة والصرة في وشي باااينه .. رجع للكرسي ورا وقال لي :

كده بسالوا ؟ طيب ليه ما مبتسمه ؟؟

انا : لو سمحتا تطلب شنو؟ ..

ادهم : لو ما ابتسمتي وعاينتي لي هنا ما حاقول ..

" ابتسمت بالغصب وقبلتا ليهو وتاني كررتها تطلب شنو؟ "!

ادهم : 😂😂 يعني انتي ما بتعرفي تكذبي في المشاعر

بس بتعرفي تكذبي في وضعكم ..

انا : ادهم لو سمحتا ما تخليني اعمل مشكله .. انا بحاول اتجنبك انت عايز تصل لي شنو؟

ادهم : عفوا !! ادهم !!

انا : طيب انا بعتذر بس ممكن تخليني في حالي .. انا ما دايرة اعمل مشكله لاني محتاجه للشغل .. لو سمحتا ..

ادهم : ياخ شكلك حلووو وانتي بتعتذري 😂😂

" وضحكتو كانت ضحكت سخرية "💔💔 ..

انا : 💔 " قلبي اتكسر بس ما بقدر اتمادى معاهو والا كنتا بنظمو ومابهمني كتير " ...

مشيت منو وانا زعلانه اكتر .. وهو بي وراي ضحك وسكت ..

اشتغلتا وبقدم في الطلباات .. ادهم جاهو صاحبو مجيد قعد جنبو .. وادهم كانت عيونو علي واضحه مراقبني في المشيه والنزله ..

مجيد : في شنو يا حبيبنا 😉! القصه شنو؟

ادهم : شايف البت الهناك دي 👆

مجيد : ايوووة شايفها ..

ادهم : حلاااتها صاح ..

مجيد : اي والله طبييعيه ❤ انا لما جيت معاك لفتتني حلوة بدون مكياج .. بس مالها يعني؟

" ادهم ختى بدو في التربيزة واتكل وسرح .. وقال بيهو .. عيونها حلووووة شدييد ❤ .. عصبيتها حلوة ❤ شعرها حلو "❤

مجيد : يا ادهم 😒😒 في شنو يازول ..

البت شغاله ما تنسى .. بعدين نركز معاها مالك كده

ادهم : عفوووية ❤ ماحصل لاقيت بت كده ..

كلهم اصطناعيات في الجمال وفي الشكل وفي الروح وحتى الكلام ..

مستهبلات وغشاشات وجاريين ورا القروش همهم نفسهم وما بفكرو غير في متعتهم .. ياخ محيطنا مقرف ..

مجيد : بس بنات اسر ..

ادهم : لا 😊 .. البت دي 👆 لما عرضتا عليها القروش مقابل يوم رفضت .. رغم انها محتاجه وبتتقطع للقروش بس رفضت ..

مجيد : بتكون بتستهبل بس .. عشان القروش بعملو اي شي ديل

ادهم : لا .. البت دي وهي محتاجه ما باعت نفسها ..

كيف حتقارنها مع بنات ما محتاجات شي وببيعوا نفسهم عشان متعتهم وعشان شايفين كده العلاقات بتتبني

مجيد : هوووي يا ادهم .. احسن ليك ..

من زمان هدووؤك ده بخووفني .. ما تكون داير البت دي 👊😂

ادهم : 😂😂😂 ياخ ابرد ... عجبتني بس وكلمتك عنها .. يعني دايرها كييف يعني ..

انا بس قلتا ليك هي مميزة ما زي الباقيات بي اختصار على طبيعتها والعاجبني فيها قوووية وشخصيتها قووية .. ومغرورة على شنو ماعارف والله 💔💔💔😂😂😂

مجيد : ادهم هووي دي حركات مرات بعملوها البنات الشغالات 💔 عشان يجرو بيها عرسان مرطبين .. احسن ليك فتح عيوونك . ديل ..

.....

يوسف اتكلم مع ليلى واكدت ليهو الشغل وضرب لي في الشغل وقال انوحيجي يشوقني بعدين .. الوقت مرا ..

وانا خلصتا شغلي ويوسف اتصل وقال لي جنب باب المطعم .. دخلتا غيرتا ملابسي وجيت طالعه ليوسف وهم لسه كانو قاعدين .. راغبوني لحدي ماطلعتا وسلمتا على يوسف ومشينا سوا عشان نشوف الصاله ..

ادهم وصاحبو عبد تلمجيد كانو بعاينو لينا من بعيد 😕😕 .. وادهم استغرب .. شافني بتبسم مع يوسف من بعيد ومشيت معاهو ..

ختى في راسو انو ده عريس جديد ناويه العب عليهو .. وبقى بعاين لي لحدي ما ركبتا