الجزء 17
:
By : Ashgan aLjaaly ~
اصبحنا الصباح اول مره اصحي نشيطه ومبسووطه ومتحمسه للشغل اتحممت واتظبطه طلعت لقيت بابا في الصاله قال لي ارح اوصلك انا اصلا طالع قلت ليهو تمااام وبقيت بفكر ح نتلاقي كيف تاني في الشركه ما قادره اتخيل المنظر 🙈 ماما قالت لي يا بنت انا مش بتكلم معاك قلت ليها ما سمعتك والله قالت لي الشايل قلبك يتهني بيهو قلت ليك اقعدي اشربي الشاي قلت ليها لااا ما عايزه بشربو في الشركه وانا فرحه ساااي ما عايزه شاااي 😅 ماما قالت لي يا شجن خليك عاقله اوعك تتهوري في حاجه قلت ليها اطمني يا ماما هو زاتو قال لي ما تنسي الشغل شغل قعدت تضحك قالت لي واااعي من يومو 😅 وطلعنا بابا وصلني الشركه دخلت المكتب وائل لسه ما جا جاتني سماح جاريه قالت لي وااااي يا شوشو الف مبروووووك حبيبه والله تستاهلي طبعا انا بقيت عامله كده الخطوبه كان امس المساء دي عرفت كيف الليله الصباح قلت ليها دقيقه دقيقه انتي عرفتي من وين قالت لي من العصفوره قلت ليها وائل جا قالت لي لسه وبعدين كنت شابكانا وائل صعب و وائل غياااظ كنتي خايفه نشلبو منك ولأ شنو وقعدت تضحك قلت ليها لااا والله ما كان في حاجه بينا وبعدين بالجد هو كان غيااااظ كلامو مستفذ يااااخ قالت لي احم احم احم قلت ليها مالك عايزه مويه هزت لي براسها لااا واصلت كلامي والله هسه وافقت وخايفه منو قالت لي كيف يعني قلت ليها تعاملو صعب يااااخ مره يتكلم معاك براااحه ومره يعصب فيني يعني طبعو ما مفهوم بعد وافقت خايفه ما اقدر اتفاهم معاهو اشرت لي بحواجبها نظام عايني وراك اتلفت لقيتو واقف وخالف رجلو ومربع يدينو ومتكل في الباب ويعاين ويتبسم بعد شفتو من الخلعه وقفت علي حيلي قال لينا صباح الخير ودخل مكتبو انا غلبي ارد ليهو ردت سماح قلت ليها واااي ح يكون سمعني انتي ما نبهتيني من الاول لييه قالت لي وائل أشر لي بأصبعو هوووس نظام ما اتكلم بس انا خفتك تتهوري في الكلام اكتر عشان كده غلبني اسكت ونبهتك يلااا بعد ده اقول ليك مع السلامه قلت ليها حرام عليك اقعدي معاااي قالت لي يا بت وراي شغل وطلعت خلتني برااااي بعد شويه تلفون المكتب ضرب فتحت الخط الووو لقيتو وائل قال لي تعالي بعديها قلبي بقي بدق في حلقي وهسيت بخوف كأنو اول مره يناديني دقيت الباب قال لي اتفضلي دخلت وحسيت بروحي برجف ومدنقره في الارض قال لي ح تقيفي كده كتيير قعدته في طرف الكرسي قال لي مالك متوتره اول مره تدخلي مكتبي ولأ اول مره تتكلمي معاااي وانا ساااكته قام من كرسي المكتب جا قعد في الكرسي القصادي وبقي يعاين لي وانا جني وجن زول يكون مركز معاااي قال لي ح تفضلي ساكته كده كتير جرا الكرسي حقي قربني منو الكرسي فيهو عجلات وخت يدينو في يد كرسيني وانا بقيت محبوسه بين يدينو والكرسي قال لي شجن بالجد الكلام السمعتو بره ده انك لسه خايفه مني ردي علي يا بنت انا ما ح اعمل ليك حاجه بطلي الخوف ده وردي علي عشان اوضح ليك هزيت براسي اااي قال لي خايفه مني من ياتو ناحيه قلت ليهو بصوت مكسور من عصبيتك قال لي حبيبي عصبيتي دي بس هنا عشان الشغل يمشي بس بره والله مختلف والايام تثبت ليك ... شوفتو كلمة حبيبي دي جهجهتني زياده ما متعوده علي الكلام ده 😅
بنتكلم كده الباب دق رجع كرسيني مكانو وقال لي كلامنا لسه ما انتهي وقال اتفضل دخل عمر عايز يتظارف معاااي وانا اصلا في عالم تاني قال فتشت السكرتيره ما لقيتها عشان كده انا الجبت ليك الاوراق وهو شايفني وائل قال ليهو انت اصلا ما عندك علاقه بالسكرتيره شغلك معاااي انا يعني حتي لو لقيت السكرتيره ما تقيف معاها تجي طوالي داخل مضي الورق ورجعو ليهو عمر طلع وائل جا قعد بـ فوق التربيزه جنبي قال لي شجن بطلي توتر وخليك ريلاكس عشان تطلعي مكتبك وناولني كباية المويه شربت قال لي بالمناسبه عيدي تفكيرك لانو شكلك متردده في الموافقه وبعد ده ممكن تتفضلي علي مكتبك ويا ريت لو تقللي احتكاكك مع عمر قللي من تواجدك معاها هزيت ليهو براسي طيب بعد طلعه وانا سرحانه وبفكر قطعت افكاري رانيا قالت لي شجن ازيك قلت ليها اهلييين 😊 قالت لي وائل موجود بس المره دي عندي موعد معاهو قلت ليها اتفضلي وانا مغيوووظه من جيتها لـ وائل قلت هو يمنعني عمر ويقعد مع رانيا 😒
بعد شويه التلفون ضرب رديت الووو كالعاده وائل قال لي تعالي قلت الحيوان ده لسه عاملني جرسون عايز يرسلني اعمل ليها حاجه حضرت سيادتها بس الليله الأ ارفض طلبو وارد ليهو الاهااانه واطلع دقيت الباب ودخلت عاين لي وابتسم قال لي تعالي اقعدي قعدته جنب رانيا بعد شويه الباب دق قال اتفضل دخل عبدو شايل كبايتين عصير وحده برتقال و وحده عصير ليمون الغربيه في الشركه ما بنعمل عصير ليمون
قلت طلب كبايتين يعني هم يشربو وانا اقعد اعاين ليهم 😒 عبدو خته الصينيه في التربيزه وائل شال كبايه ختاها جنب رانيا وشال كبايه الليمون اداني ليها في يدي قال لي اشربي دي بتنفعك بعد شربنا قال لي براااحه اها كيف ارتحتي هزيت راسي اي قال بعد ده
اعرفكم علي بعض قال لي دي رانيا زمليتي في الجامعه زي هبه اختي وهي تتبسم واتلفت علي رانيا قال ليها اديك المفاجأه دي شجن شريكه عمري البنت صرخت قالت ليهو واااو اخيرا اعترفت ليها قال ليها امس قالت لي والله بعتزر يا شجن علي التمثيله البااايخه الـ كنت قايمه بيها بس دي كلها كانت فكره وائل طبعا انا ساااكته ومدنقره خجلانه وفي نفس الوقت مخلوعه من كلامها قال لي طبعا عشان اتأكد من مشاعرك ناحيتي استعنتا بـ بنت زيك عشان بتفهمو مشاعر بعض كـ بنات والبنت دي كانت رانيا واخر مره جاتني فيها أكدت علي انك بتحبيني ما عارف عرفتك كيف وهي قعدت تضحك اتونسنا كده لم جات طالعه ودعت في يدي قالت لي بالمناسبه عرفتك من طعم العصير القدمتي لي قلت ليها بعتزر والله قالت لي ولا يهمك اهم شي ربنا يتم ليكم علي الخير وطلعت وانا طالعه وائل جراني لـ جوه وقفل الباب قلت ليهو وائل قال لي حياتو 😍 قلت ليهو ما تنسي نحن في الشركه 😒 قال لي ويعني زول وخطيبتو قلت ليهو بس ده المكتب مش قلت الشغل شغل قال لي انا المدير ويحق لي اي شي عندك اعتراض قلت ليهو بجي زول هسه قال لي مافي زول يتجرأ يدخل قبل ما يستأذن مني الأ انتي قلت ليهو وائل وحمرت ليهو قال لي خلاااص اول وريني اقتنعتي بعلاقتنا وانو رانيا زي اختي و واحد قلت ليهو اااي قال لي خلاص استعدي يوم الجمعه جاينكم ناس امي وبعدين عصيرك داك عليك الله ما تديهو زول تاني وما تسوديها علي روحك لابسه اسود في اسود وقعد يضحك هزيت راسي بـ طيب قال لي بعد ده ممكن تطلعي وفتح لي الباب طلعت منو وانا اتبسم براااي زي المجنونه ...
عدت الايام وجا يوم الجمعه قمت من الصباح نشيطه وفرحانه وحضرته الفستان ♡ المسا بديت اظبط نفسي دخلت في الفستان وسرحت شعري فاكي ( شعري طويل ناعم) واتمكيجت مكياج خفيف واهل وائل وصلو وانا سامعه صوتهم في الغرفه وكان معاااي سلمي صحبتي وسمر بت خالي جات سماح داخله قلت ليها موحه والله احلي مفاجأه قالت لي بما اننا خارج الشركه اديك المفاجأه التانيه انا بنت خالتو لـ وائل صرخت من غير ما اشعر كضااااابه قالت لي وربي قلت ليها حرااام عليك وانا شغاله انبذ ليك فيهو بس ما تقولي لي وصلتي ليهو كلامي قالت لي لاااا والله بس عشان كده كنت بدافع عنو قلت ليها طيب ما كلمتيني من الاول لييه قالت لي بالمناسبه ناس الشركه كلهم ما عارفين لانو وائل ما بحب العلاقات الشخصيه تدخل في الشركه وبالمناسبه السكرتيره الانتي في مكانها والاستقالت تبقي بت عمتو لـ وائل قلت ليها احلفي قال لي والله بنتكلم كده ماما جات داخله قالت لي خلاااص اطلعي طلعت سلمت عليهم امو اسمها نوره قالت لي ما شاء الله وائل عرف يختار واتفقو انو العرس يكون بعد شهرين ♡ واااي الزمن بسييييط ما بلحق بعد طلعو اتصل علي وائل قال لي مرتي قلت ليهو بدري علي الكلام ده قال لي كلها شهرين وتبقي حقتي واتونسنا مسافه وقفلنا علي كده واصبحت الصباح مبسوووطه ♡ واتجهزته للشغل طلعت من البيت لقيت وائل واقف جنب الباب نزل من العربيه سلم علي وفتح لي الباب قلت ليهو لييه جيت قال لي معقول اخلي روحي تجي بالمواصلات ونحن في نفس الشركه وانا لاقي لم اتصبح بيك وانا ساكته وقف جنب سوبر ماركت جاب علبتين حلاوه ماكنتوش قلت ليهو ديل لـ شنو قال لي مش المفروض نفرح باقي الموظفين بخطوبتنا وغمز لي حيوان خلاااص وصلنا الشركه ومره يتغزل يخجلني ومره نتونس عادي لحدي ما دخلنا الشركه قال لي تعالي معاااي المكتب عايزك دخلت معاهو قفل الباب قلت ليهو وائل مش اتفقنا في الشركه العلاقه بينا تكون زي المدير وموظفتو قال لي اعمل شنو وانا ما قادر اقاوم جمالك قلت ليهو واااائل بصره قال لي يعني ما يحق لي اتغزل في مرتي المستقبيله والليله اخر يوم ليها في الشركه اتخلعته قلت ليهو كيف يعني اخر يوم لي هنا قال لي يعني اجازتك تبدأ من بكره ما عايز اشوفك هنا وحده عرسها بعد شهرين تشتغل لشنو قلت ليهو بس قاطعني قال لي مافي بس هنا انا المدير وانا البقرر وانتي ما عليك الا تنفذي يلااا حاليا واصلي في شغلك طلعت حضرت للاجتماع وجيت راجعه قلت ليهو الاجتماع جاهز قال لي دقيقه نمشي سوا وصلنا قاعه الاجتماعات قبل ما يفتح الباب ندخل مسك يدي خلعني طبعا دخلنا ونحن متماسكين الموظفين زاتهم اتخلعو وائل قال ليهم قبل ما نبدأ الاجتماع احب اقول ليكم انو انا وشجن ارتبطنا ببعض وعرسنا بعد شهرين كلهم اتفاجؤوا وباركو لينا وانا الخجل عايز يقتلني قال ليهم عشان كده من الليله ح تمسك سماح مكانها وانتهي الاجتماع واخر الدوام وصلني البيت جيت انزل قال لي من الليله ولحدي العرس لو طالعه اي مكان رني علي وبجيك ما تطلعي براك وتاني لبس قصير ماف تمااام قلت ليهو حاااضر قال لي يسلم لي حبيبي البسمع الكلااام طبعا ما بحب زول يتكلم في لبسي بس ما عارفه اتقبلت قرار وائل بـ سهوله كيف قال لي يلا ادخلي عشان انا اتحرك
وعدا الشهر ويومي ما بكتمل الأ اسمع صوت وائل ♡ ....
⏪⏪⏪⏪