الجزء 3

المهندس طبعا صعب شوية ما بتافهم .. جا قال لي غسان : في شنو يا منهدس غسان ..

قال ليه : بعتزر يا دكتور (بأعتبار عامل دكتوراه في الهندسة وكدة 😌) ... 5 دقايق بس .. غسان مشا مع مروج طلعو من سور المكتب .

قال ليها : في شنو يا مروج بحركتك دي ممكن اتفصل انا وانت عارفة كويس دكتور محمد

قالت ليه : غسان انت عارف انا جاية لي شنو يا غسان امس انت قاطعتني وما كملت ما خليتني كلامي .

قال ليها : وزعلان شديد اخد شهقيق وزفير بقوة كدة .. اها طيب كملي 😑

قالت ليه : غسان انا بحبك وانت عارف الحاجة دي بس ممكن تفهمني انت ليه ما قادر تتقبلني يا غسان 😐

غسان : مروج اول شي انا ما قلت ليك بحبك.. انت الجيتي قلتي لي ..

مروج : قاطعت كلامو ما خلتو يواصل .. غسان انا ما بقدر اعيش وما باكل وما بعمل ااي شي بسببك يا غسان بس طول اليوم بفكر فيك.. 😔

غسان : ال 5 دقايق كملت بعد كدة حا امشي انا وبفكر في الموضوع ..

هيا : 😍 تسلم حبيبي

غسان دخل المكتب بتاعهم طبعا لقي المدير حقهم جايط لانو ما بحب اي لولوة في الشغل خاصة الاجتماعات..

المهم غسان بقي شغال اعتزارات

انحنا مستنين هيا و جاتنا احنا في القاعة..

وريف : لولحت ليها بيدها - تعالي يا هيا احنا هنا

هيا جات قعدت جمبنا ساكتة خشمها ما فتحتو احنا ما افتكرنا شديد للموضوع 5 دقايق كدة و الدكتورة جات درست المحاضرة .. المحاضرة ساعتين.. مضت منها زي ساعة ونص كدة .. طبعا حقتنا دي لو ما تمت ال 120 دقيقة تحلف ما تطلع 😒✋

ما علينا المهم بعد ساعة ونص من المحاضرة بهناك غسان خلص اجتماعو مع الدكتور حقهم والدكتور مشا فضل هم يبدو يشتغلو شغلهم براحتهم ..

يلا غسان طبعا زعلان شديد .. طلع .. جايط كدة ومشا قعد في شجرتي هناك😍 .. بعد نص ساعة احنا طلعنا .. هيا ووريف قالو حا يمشو المكتبة وعندهم مشورا للكلية ومنها يجيبو الفطور

قلت ليهم : خلاص تمام انا حا امشي مكاني المفضل . دااك بعد تخلصوو تعالو لي 😊

وريف : ظريف

هيا : اوكي اتفقنا.. يلا يا وريف

بعد مشو طوالي اتجهتا علي الشجرة لقيت الزول القاعد دة من بعيد لابس اسود بنطلون والقميص لونو زرعي كدة ..

من بعيد قعدت اتسحب حبة حبة واقول دة منو لما حصلتو لقيتو غساان 😍😍.

انا : 😧😧 ياخ قطعت قلبي قلت دة منوو القاعد لي هنا دة.

غسان : 😊😊 تعالي اقعدي ..

انا : الليلة احتليت مكاني 😒

غسااان : صح والله 😐 رج دنقر علي الارض يشخبط بالحجر

طبعا انا لاحظت انو غسان بتكلم بدون نفس وكأنو زعلان.. فكرت اسألو

قالت ليه : مالك في شنو يا غسان ما علي بعضك .

رفع راسو وعاين لي مساافة اخر شي قال : ماف شي والله بس فتران حبة .. وكان حجر في الارض فكرت اشيلو اشخبط زي ما بعمل هو .. وتفكيرنا كان واحد هو كمان عاوز يشيل الحجر بس مسكو قبل مني

.. انا طبعا مسكت يدو بالغلط ودي اول مرة تحصل حسيت بأحساس غريب كدة لكن سمممح 😍 .. قمت فلت يدي سووورعة 😨😨 وهو شال الحجر واداني ليه الموووهم قمت سكت مساااافة زي 10 دقايق وهو يعاين لي ويتبسم وتاني يرجع يشخبط ع الارض طبعا شماراتي عالية .. قلت ليه مالك في شنو احكي ..

عمراان : اخد نفس عميييق كدة .. وقال لي مروووج 😔

انا : مروووج منو ؟ 😐 مالها

قال : مساعدة عندنا .. تعبتني البنت دي يا حنين .. موضوعها واااحد بس غير بحبك ماف شي تاني ..

- عيوني فتحو طول دة وشهقت شهقة كبير هيييييييق وفكيت ليك صرخة كبييييييرة - مرووووج بتحبك 😨😨 -

غسان : 😕 بسم الله مالك ..

انا : 😱😱 لالالا والله ما في شي 😄. وانت بتحبها .

غسان : ما بحبها من زمااااااااان جات قالت لي انها بتحبني وكدة وانا زول جادي حكاية ارتباط وكلام زي دة ما عندي يا حنين .. انا بعدين زولتي الحا ارتبط بيها حا ارتبط بيها رسمي .

الموضوع الارتباط رسمي دخل راسي وسرحت وغسان بتلكم معاي

قال لي : يابت عووووك سرحتي وين

قعدت اضحك قلت ليه والله ماف شي

قال لي : انا قاعد معاك وتسرحي .. الشايل قلبك يتهنى بيه ..

انا : ماف زول شايل قلبي بس .. يعني اكتشفت انك زول محترم

غسان : اهااااا لا وكنتي قايلاني فااشل 😒 ...

انا : 😄😄 حاش والله "حتي تكشيرتك حلوة 😍"

غسان : جد المكان دة مريح شديد ..

انا : ااي عشان كدة انا بجي هنا يومي .. 😌😌 "عشااااااان كدة هي تصرفاتها تصرفات محنكشات والحركة العملتها اليوم داك 😒 عشان بتغير .. 😡👊 "

هيا ووريف وصلو لقونا انا وغسان ياااهو بنتونس وكدة هيا وشها مقلوب 180 درجة بس كتمتا انا لاحظت 😌 (بعدين نعرف قصتها)

وريف : سلام عليكم

غسان : وعليكم السلام

انا : ديل صحباتي المقربات وريف وهيا

هسا : مرحب بيك

غسان : اتشرفنا والله

طبعا صحباتي جو قلت اخير امشي عشان ما يقول ما صدقت قعدت .. قبل ما اتم كلامي وريف

قالت : ماشة بعد كدة .. عندنا مناسبة ماشين ليها انا وامي والله ..

انا هنا انبسطت جاني موضوع في صمة خشمي .. طوالي قلت ليها : خلاص ياوريف استني اوصلك طبعا انحنا ع

ندنا المواصلات بتدخل جوا الجامعة تركب من جوا طوالي ..

وريف : القلوب لبعضيها اسي كنت حا اقول ليك كدة 😉😉

انا : حبيبتي انا 😊 يلا .. سقت وريف وهيا ووكنت عاوزة امشي غسان جا كالعادة اعترض طريقي 😌..

هيا : بصوت خاافض وحنيين كدة قالت لي وريف عاوزة اشرب موية تجي معاي ؟

وريف : اكيد يلا ..

(دايما بتسحبو بخلوني براي 😶)

هيا : " والله الزول دة وقع خلاص 😂"

غسان : تمشي بدون ما تقولي لي مع السلامة ..

انا : اول شي ما شرط كل ما اجي ماشة اسلم عليك.. 😊

غسان : اللهم طولك يا روح ... اسمعي انا كمان حا اطلع انا حا امشي البيت طوالي تعبان انا

انا : طيب انا مالي .. ما تمشي ماسكاك ..

غسان : انت لميضة كدة مع كل الناس ؟ لا جد والله دة سؤال.

انا : لا طبعا اكيد لا 😒😒 انت قايلني بت فاشلة ولسااني طويل..

غسان : تصدقي ااي 😂😂

كان نفسي في اللحظة دي اشيلو اطبقو زي طرحتي واجدعو في الطين الجمبي دة 😡👊..

قالت ليه : ابعد لي من خلقتي عاوزة امر

غسان : واذا قلت ليك ما عاوز ابعد 😏

قلت ليه : ما بهظر انا 😒😒..

غسان : اتفضلي 😊

انا : تسلم 😒

غسان : تسلمي لي من كل شر .. ❤

ومشا خلاني واقفة بتبسم براي.. ياربي انا بسمع غلط ولا قال تسلمي لي 😍😍

قلت لي هيا ووريف احنا مافي داعي نقعد يلا نمشي .. هيا قالت لي طيب ..

قمنا اتحركنا ع المواصلات طبعا الناس دي كتيرة كترة كلهم عاوزين يركبو بعد تلتلة وعذاب وطلاع روح .. حتى ركبا وغسان اللحظة دي ركب عربتو وفاات زمااان ..

بعد ساعة من انا في البيت اتصل علي غسان..

انا : دة مالو ياربي 😒 ياخ غيااظ رغم سماحتو دي 😒

الووو..

غسان : الوو كيفك وصلتي كيف يا مجنونة .

انا : 😒😒 تماام والله 😍

(قلبي الصغير لا يتحمل.. الولد عاوز يطمن 😍)

غسان : عايني انا ما اتصلت لي سواد عيونك بس حبيت اسألك من صاحبتك القالت ماشة مناسبة .

انا : لا وكأني يعني قاتلة نفسي قتل عشان اسمع صوتك ..

كريه 😒👊.. المهم ما علينا وريف مالها .

غسان : 😂😂😂 كدي اتصلي عليها لانو بدل مشت المناسبة مشت الدكتور مالها عيانة ؟

انا : 😳 اجي كيف يعني لالا ما عيانة ليه 😳

غسان : شايفها هي ومعاها خالة كبيرة داخلين علي الدكتور ... امكن تكون امها ولا حاجة .

انا : ما عارفة والله كدي اتصل عليها ..

غسان : اكيد لازم تتطمني علي صحبتك..

انا : اجي ؟؟ 😕😕..

قلت ليه : انت عرفت كيف انها صحبتي ؟

قال لي : عندي صاحبي شغال نفس المستوصف الجات فيه صاحبتك بس هي ما شافتني انا عرفتها ياخ زول وقف قدامي ما اعرفو 😑..

انا : اهااا .. ياربي وريف مالها 😐

يتبع ...