الجزء 1

الضابط اعتدل في جلستو وعاين لينا فردآ فردآ بي عيونو الجاحظة المخيفه

كنا قاعدين انا واحمد وهزاع ومعتز وهاني وكامل

الضابط قال : اوووف ... عيال اعمارهم م تتجاوز ال 18 سنه ويفحطو بالسيارات وبعين قوية ف شارع المطار وكمان يضربو سيارة مواطن ! ليش انتو ما بتحسو ! ما عندكم دم ! ما بتحسو بأهلكم !

هزاع : يا حضرة المحق ...

الضابط رفع اصبعو وقال : الضابط لو سمحت !

عاينه لبعض وانا الضحكه في خشمي بس وقت حمر لي ماعرفتها طارت وماف زول يسألني مشت وين ..

واصل هزاع كلامو : يا حضرة الضابط نحن قصدنا شريف ..

الضابط : ههعععععع قال شريف قال ! انت بتستهبل !!

هزاع : ارجوك ي حضرة الظابت خلني اتم كلاميي !!

الضابط : احممم ... واصل

هزاع : .. كنا بس عاوزين نرفهه مع بعض لأن معتز ومحمد مسافرين السودان .. وقام نزل دمعتين ... هزاع دا يا ما مثل تمثيليلات ف المدرسة انتو قايلين شنو

وواصل هزاع وهو ببكي : وم حنتلاقي للين رمضان يشرف .. بس م كنا عاوزين يحصل هيك صدقنا ...

وكلنا قلنا وراهو : نحن آسفين صدقنا .. صدقنا .. وكنا طبعآ منزلين دمعتين تلاته وقرشنا الصوت قرشة عجيبه .. م عارف لكن حسيت نفسنا كأننا في مسلسل دانيه وهزاع صحبي زي الود السمين اخو دانيه السمو عزوز داك والله اعلم

الضابط سكت مسسسسافه وقال : آرقام جوال اولياء اموركم بسرعه ..

احمد : نترجاك نحن الموضوع ما يصل للأهل . هم ما رح يتفهمو متل حضرة جنابك

تاتي قولنا كلنا : بنترجاك نحن ارجوك ومعاها تلاته دمعات اربعه

بس اصر انو لازم اهلنا يجو ويستلمونا .. وهي اصلآ خربانه خربانه من البدايه لانو اصلآ نحن برة البيت والساعه عامله 1:34 ص

*

كل واحد جا ابوهو استلمو ...

واكتر زول مسكين هو انا .. ومعتز .. لأنو ابو معتز جا اول واحد وضوقنا يدو فردآ فردآ .. كفآ كفآ ...

وقت دخلنا البيت اتوقعته ابوي يديني كف جامد يوصلني غرفتي .. بس بالعكس .. قال لي : امش أستحمي وصلي ..

طبعآ انصدمته ... معقولة ابوي يكون بالطيبة دي !!! .

****

مشيت لأمي نبع حناني سحورتي ... بس لقيتها بتبكي !

ما عارف بس خوفته تكون اتشاكلت مع ابوي .. وخوفته اكتر انو اكون انا السبب ..

جيت جثيت علي ركبتي ومسحته ليها دموعها ... حضنتني وقالت لي : والله العظيم حرام عليك الشي البتسويهو فيني ... اسي لو كان حصلت ليك حاجه ي ولدي .. ما فكرتة انا ممكن يحصل لي شنو !!!!! ؟

طبعآ كلامها صحي الضمير الميت الكان جواي .. وقسمآ بالله حسيت بي اني ود تافه وعاق .. وما عندي ذرة احساس ..

بالجد انا ما استاهل الأم الرءوم دي ..

ندمته علي كل لحظةامي نصحتني فيها وانا نهائي م استمعته ليها ..

امي مهما عمري طال .. بدعاها يرتاح البال .. أيامي خيرآ شلال من رضا امي

.

ربنا يحفظها لي ويحفظ ليكم امهاتكم

عاينت لي في وشي وقالت بخوف : محمد .. ما تبكيي .. دموعك بتحرقني ي ولدي .. كل العايزاهو منننك انك تحس بالمسؤليه ... انك تبقي راجل زي ابوك ..

العمر م معروف ي ولدي .. عايزاك تبدا تعتمد علي روحك كويس ؟؟

كلامها دا ما طمني نهائي .. وكان وراهو إن .. لكن انا قلت ليها م تخافي ي امي .. بأذن الله حتشوفي محمد تاني غير الولد القدامك دا ..

ابتسمت وقالت لي انا حأقوم اعمل ليك أكل .. يلا انت امش استحمي وصلي ركعتين تمام ؟؟

تمام ي غاليتي .. ربنا يحفظك لي ..

*

الشي الفهمتو انو ابوي لمن شاف خوف امي علي قرر م يضربني

شوفتو لا انا لا ابوي .. نهائي ما بنريد نشوفو دمعة امي .. لأنها بتضعفنا ..

دي القلب النابض في البيت

ما بنستحمل غيابها نهائي ولا زعلها ..

عشان كده عندها مكانة خاصة في قلبي وقلب ابوي .. هي الام ... والزوجه والاخت والابنه ... هي الدنيا كلها ...

**

اليوم التاني .. وزي حوالي الساعه 8:34 م

طلعنا السوق انا وامي وابوي اتسوقنا و تاني ابوي عندو اصحابو وعوائلهم عاملين برنامج ..

كانت قعده خفيفه معموله علي شرفنا لاننا مسارفين وكده

واحد من اصدقاء ابوي عندو بتو عمر 3 سنه كده ضاعت ف المول

امها دي تبكي وتولول ... والمول انقلب راس علي عقب وكلهم كانو بفتشو البت ...

حتي الشرطة جات والمفاجآة الحلوة .. الظابط داك الكان شاكلنا تتذكروهو ؟؟؟ بااس

يلا كان تبع الشرطة الجات

قاعد يحمر لي من بعيد ويوشوش للظابط التاني المعاهو .. انا متأكد %101 انهم بقطعو فيني وماف زول يسألني عرفته كيف ..

قومتة زحيت من المكان بعيد لويت ليهو خشمي ومشيت اتجاه الألعاب

وحاتكم البت الاسمها لدن نااايمه جمب الدبدوب وبتمص ف اصبعها ...

انا عاينت يمين وعاينت يسار ماف زول شايفني ... طوالي جريييت شلتها ومشيت عليهم .. حسيت بي اني بطل وحياتكم

الناس شكروني وامها تتدعي لي سسسسسساي

اما الظابط قعد يعاين لي بغيظ .. قومتة لويت ليهو خشمي ومشيت

وصلنا البيت الساعه 1:34 ص ... جارنا في العمارة مصري جنو شمارات .. جا علينا وقعد يستفسر ...

انا وامي طوالي دخلنا وخلينا ابوي مع المعط ..

بعد

شوية ابوي جا داخل و وشو داير يقع منو من الغضب .. امي ضحكت فيهو قام ابتسم حتي بانت نو

اجذه عاد سحر بصرو ليها؟؟ لكن بيعرف يصر لي امثال محمد

مده لي جوالي وقال : متولي قال انو في شاب جاب ليهو الجوال قال انت نسيتو في عربيتو

طبعآ انا قايل جوالي خلاص راح .. ي داب اتذكرتة وقت كنا في عربية حسن اخ هاني انا ختيت التلفون ف المقعد واظن نسيتو

دخلته غرفتي حاولتة افتحو ما فتح ... ختيتو ف الشحن ونومتة علي كده ..

_محمد