الجزء 19
رجعنا البيت ... استلمته اقرب سرير من سراير الحوش ورقدته ... عاينته ف السماء وانا ما عارف شعوري شنو من المقابله دي
هل انا مبسوط عشان لاقيت نور ¿¿¿
ولة انا زعلان عشان خلاص نور بقي عندها بت ...
فجآة قومتة قعدته و قلته في نفسي : لكن نور ليشنو م محننه ! ؟؟؟؟؟
تاني رقدته وقلت : اصلآ نسوان الزمن ديل بقو نادر ما بتتحننو ..
تاني قومتة وقعدته وقلت : لكن احتمال تكون مطلقه ؟؟؟
تاني رجعته وقلت لالا ماهو لو كانت مطلقه ما حتكون البت معاها .. اكيد منصور الزفت حيقلعها منها
تاني عاوز اقوم في يد سببتتني ... لقيتو منذر قال لي : وحاتك ... وحاااتك جاتني لفة راس .. حلفتك استقر ليك في وضع من الاوضاع
ابتسمته وقلت ليهو : بتك وينها؟؟ امش جيبها لي
قال لي امها قاعده تآكلها لأنو جبيل كانت نايمه
لمن تآكلها حأجيبها ليك
قلت ليهو ظابت .. انت صحي التيمان وين ؟؟
قال لي حيجو بعد بكرة .. أنت عارف انهم سافرو الهند صح ؟؟
قلت ليهو يصلو بالسلامه .. وصحبك الكريه داك وينو
ضحك مسسسسافه وقال لي حرام عليك ياخ ... مروان شغال اسي ف بنك .. انسي بس .. بقا زول رايق .. ولسع باير زيك كده
ضربتو ف كتفو وقلت ليهو هوي
بعد لحظات قال لي ونور ؟؟ ما داير تسمع عنها حاجه ؟؟
قلت ليهو : منذر الله كم ؟؟
قال لي واحد والنبي شاهد ونحن كمان شاهدين
قلت ليهو طيب م تجيب لي سيرتها
💡💡💡💡
الصباح حسيت بي زول بكفت فيني .. كنت نايم برة لانو السخانه وهيكا
يلا اشعة الشمس ضايقتني + اليد البتضرب فيني
فتحته عيوني لقيتها بنوتة كلبوظة كده عمر 2 سنتين .. عندها جضوم .. و خشمها صغنوني وشعرها منكش .. طوالي ختيت انو تكون هنادي .. لانو بتشبه منذر وقت كان صغنوني ..
منذر جا وهو شايل صينية الشاي قال لي : معليش ... نادوني اجيب الشاي وكنت شايلها .. فما لقيت طريقه الا اختها ليك ... لكن عملت خير وقت صحتك
قلت ليهو اي اااي .. بعرف انك مغبون مني عشان نايم لي 9 وحضرتك صاحي من 6
وبديت العب فيها وهي تعجبكم .. صارة وشها زي امها وحبوبتها ( مع اني م شوفتهم هههعععع )
طبعآ بتعرفو الزول الكبير وقت يقعد يتاهبل .. انا شغال : اعععع اقوقو قققققق عااا امششششي .. شنونة ععععععا
ومنذر يضحك ... وكل ما يضحك انا بزيد
وععععععا عااا جججا وااع عوو
فاطمه هووي م تضحكي .. انتي م بتتغيري كلو كلو !!!
بس سمعته ليك : آاا ماما .. دا منو ابعاتي تاا ! ؟؟
رفعته راسي و شكلي بقا زي ضب الخلا .... لقيتهاا
لقيتها نورو وبتها ... واقفه ممتمحنه في عوارتي ..
طبعآ ي داب عرفته ليشنو منذر كان بضحك ... الحسود مفترض كان ينبهني .. ابتمست وقالت : يسعد صباحكم
طوالي انا قلبته لي شخصيه جاده وقلت ليها : هلا ولله حياك الله
منذر : صباحك نور
الباب فجآة دقه .. ماهر كان اصلآ طالع .. ماشي المدرسة فمشي عشان يفتحو .. طبعآ ماهر ممتحن شهاده .. علمي حاسوب
فتحو وفي شاب وجييييه ملتحي و ظاهر عليهو علامات الوقآر .. جا داخل وسلم علي ماهر وقال السلام عليكم .. ردينا ليهو السلام ....
فرح جرت عليهو وهي بتقول : بابا !!!!
انا قلبي وجععععععععععععععني وجععععع !!!!! انسسسو بسس
قلت في نفسي : ... يعني نور م اتزوجت منصور !
يعني نور م مطلقه !
نور خلاص كونت اسرة وانا قاعد عزابي زي دا !
انا الغبي كنت مخلص ليها وهي مشت شافت حياتها !
قال ليها مشيت ليكم البيت عم الصادق قال لي انكم هنا ...
قالت ليهو جيت اصبح علي رباب وشالتنا الونسة .. بس انا جاهزه ارح نمش ..
بطني طمت من الموقف ... قومتة طوالي ورفعت ليهو يدي لزوم سلام وكده .. وهو رد لي بي اهلآ .. ودخلت الحمام .. عارف ماف زول حيلومني لأني ي داب صاحي من النوم
استحميت وسط دموع مخلوطه بي ندم .. لييي استنيتها و ليي وثقت فيها !! لييي جيت السودان انا من الاساس ليييي !!!
طلعته من الحمام ودخلته الصالون ..
لقيت منذر قام قال لي : يا محمد .. الزول الأسي جا دا ....
قاطعتو وقلت ليهو : منذر .. اكسر الحنك
💡💡💡💡
اليوم التاني كان البيت ملان بني بشر .. تجهيزات لي الحفله حقت الحنه بتاعت رباب
ماهر وصحبانو زينو البيت ... وانا و منذر مشينا السوق بي دبل قبينه عشان نجيب الخدار والبهيمه للعشاء
الطباخ كان في بيت ناس ابوي
كنت مشغوول وراسي حيطق
زي الساعه 5:34 م كده مشيت دكان فهد عشان احول لي رصيد ... لقيت ف الدكان زول تاني وقالو فهد اتزوج وسافر السعوديه ...
قال لي مليني الرقم ... قلت ليهو ......011
بعد مليتو ... الرساله جات ... وانا طالع لاقيت زول
تفتكرو منو !!!!! ؟؟؟