الجزء 20

لقيتو مروان ... صح مرت عشرة سنه بس الوش دا نهائي ما بنساهو

قال لي : محمد علي باشا .. مشتاقين ياخ

قلت ليهو : معققققققوله .... اشتقته لي انا ولة اشتققت للبوكس؟؟؟

صرة وشو وم اتكلم ... دخل الدكان وانا طلعته

قلت في نفسي الناس وصلو القمر وهو لسع قاعد متحكر في تخلفو دا .. ربنا يعين امو

مشيت ولقيت البيت هايج اكتر ... نور كانت بتتاوق وقلقانه ...

قالت لي وكأنها نست اي شي كان بيناتنا من حب وخلاف : عليك الله شوف لي فرح دي لو برة مع الشفع .. البت دي جننننتني ياخ ..

م رديت وبس طلعته اشوفها ليها ..

فعلآ لقيتها بتلعب وملانه طين .. شلتها لمن اتوسخته ...

جبتها ليها شالتها مني وقالت لي : معليش وسختك

قلت ليها اصلآ انا عاوز استحمي ..

رباب جات ومعاها بت اظن دي صحبتها .

.. رباب كاانت منقبه قالت لي وقت شافتني مبحلق عيوني : لبستو عشان ماشين الكوفير

قلت ليها لالا تمام .. ربنا يسعدك ويهنيك ...

قالت لي آمييين ... والتفتت لي نور ولعبت فرح وقالت : ابوها ما جا ساقها لي اسي !!!" ؟

نور : لالا بس هو ف الطريق .. انتو امشو وانا بلحقكم ..

رباب : طيب .. م تتأخري ...

انا خليتهم واقفين و دخلته الصالون وشلت لي غيار .. مشيت استحميت وطلعته ساعدته الشباب

مع المغرب كده التيمان وصلو طبعآ شكلهم اتغير .. يلا بتعرفو سامي يوسف ؟؟ بااس .. حسن وحسين بشبهوهو شكلآ وطبعآ ... قعدنا اتونسسنا واتذكرنا ايام معط المزاكرة وكده ...

يلا البيت كان جايط جوووطه عجييييبه ... تجهيزات للحفله وامهات بتسك في عيالها عشان يجهزهوم للحفله .. واحلي شي اني لاقيت فيصل ولد صاحبة امي . وم تسألوني عرفتو كيف بعد المده دي .. المهم عمرو 15 اسي ومن شكلو شفت و واقعه ليهو ...

من الجوطه الكتيرة وحاتكم صدعته

عشان كده وقت الحفله مشيت باركته للعروس وقت جات و ولا استنيت اشوف نور زاتو .. يمكن انا هارب من لحظة دخولا مع راجلا وهي شايله بتها ..... المهم ..

ولا قعدته كتيير طوالي مشيت نومممتة في بيت ناس ابوي بهناك لأنو هادئ

جاتني صحية الساعه 3:34 ص

لقيت مكالمات من جاكلين ...

رجعته ليها لانو حسب فارق الوقت هي بتكون صاحيه

اتكلمت معاها كداا ... قرربته اقول ليها اني عاوز اتقدم ليها بس اجلته الموضوع .. لأنو عارف امي م حتوافق بالساهل ولا حتي ابوي

فتحته شبكة البيانات جاتني رساله من رقم زين غريب مكتوب فيها : نورتة السودان

م اشتغلته بيها و طوالي رجعته واصلته نومي

💡💡💡💡

صحيت الصباح ع صوت ابوي ... قال لي شايفك امس متجدع ف الحفله .. البنات يتقارصن فيك سسسااي .. انا متأكد حيجو يطلبوك مني وحنرجع الشارقه 4

ضحكته وقلت ليهو عاد ي ابوي انت عاوز تتخارج مني ساي .. بعدين شنو حكاية يتقدمو لي دي؟؟؟؟ حسيت بي نفسي فاطمه والله

عاين لي بأستغراب وقبل يفتح خشمو قلت ليهو : وااا ما تسألني فاطمه دي منو عليك الله ... تاني عاين لي باستغراب وطلع ..

قوممتة اتسوكتة ... مرت عمو عماد اسمها نوال جابت لي الشاي ...

قبل اشربو مشيت صبحته ع حبوبتي و رجعته

شلته تلفوني فتحته شبكة البيانات .. جاتني رساله من نفس الرقم الزين الأمس مكتوب فيها : نورتة السودان للمرة الألف

رديت بي : نورك اسبق .. بعد 34 ثانيه رد لي : كيفك ؟؟

رديت بعد 34 دقيقه انا كمان اعجبكم * تقيييييييل زي مطرة القضارف .. القضارف وربك عارف * قلت : بخير

رد لي بعد 5 دقايق : اوعه تفكر ترجع لي نور .. انا بحذرك !

طبعآ احترتة .. رجعته للرقم مكالمه قام فصل الخط .. وتاني ضربته اداني مغلق

قلت سمح ... يعني قررتة اللعب موش؟؟؟

راجعته البروفايل لقيتو خاتي صورة سودا .. والحاله عباره عن نقطة

ضحكته وقلته : اللعبه عجبتني تصدق ..

💡💡💡

انا بطبعي ما بحب الجوطه .. عشان كده بمش طله طله لي البيت +... كل ما امش بلاقي نور .. وانا م عايز الاقيها صدقوني !!!

لأني بتآلم وحات ربي و وحاتكم ... بتآلم !"

عملنا حفله نهاريه

المنذر دا يحت سسسساي

انا غايتو بظن ... لاحظو لي كلمة بظن دي !!

بظن انو الود فقد عقلو ... قاعد براهو ف النص يحت سسساي .. غايتو ربنا يعينو

جاتني رساله من رقم اريبا غريب طبعآ احترتة في حكاية الارقام دي .. وعايزكم تنتبهو ليها .. الرقم الزين برسل لي ف الواتس بس .. والاريبا رسايل عاديه وم رقم واتس ... الرساله بتقول : ان شاء الله الحفله عجبتك ...

عاينته م لقيت نور . طوالي قومتة مشيت اتحاومتة لقيتها ف المطبخ بتقلي بن .. قومتة دخلته المطبخ وعملته نفسي بفتش في التلاجه . م عارف بس حبيت تكون دي هي ودا رقمها ... رسلته رساله بتقول : بقيت م بحب جو الحفلات

رسل لي بعد دقيقه : لكن بتحب ريحة البن من يد حبيبتك موش؟؟؟

هنا اتاكدته انها م نور .. لانو كانت مشغولة بتقلي البن وم انتبهت زاتو للزول الدخل المطبخ منو ...

وخلأص شكلي عرفته الزول بس عاوز لي دليل .. رسلته ليهو ضحكه بس وهو تاني م رسل

تفتكرو دا منو البضايقني كده ؟؟؟؟؟؟

المساء كنا قاعدييين بنتونس كلنا .. زي شكل قعده كده ...

قومتة مشيت ع غرفة العروس .. لقيت معاها صحباتها ومن بينهم نور .. سلمت

عليها وكنت ماشي بس

رباب نادتني : محمد .. تعال اقعد معانا لحظة جييت قعدته .. اتونسته مع البنات طلعن ظراف زرافه تنطحهم

بس نور كانت سسساكته

ونهائي م اتكلمت