الجزء 24

وصلنا وكنت بتشاكل مع نورو .. قلت ليها تلبس الطرحه زي الناس وتغطي الخصل وهي رفضت

قاعدين ساعه كامله ف العربيه لغاية واحده جات وآشرت لينا نجو

نزلنا من العربيه ونورو اتكعبلت وابيييت امسكها لغاية وقعت ف الأرض .. عملته رايح طوالي

قامت مسكت العربيه وعاوزه تقوم اتزحلقت وتاني وقعت ... لغاية عيونها رقرقرو

حنيت عليها وقومتة رفعتها وقلته ليها : الزول ماشاء الله طولو حلو .. البوديهو يتشالق ويلبس كعب عالي شنو؟؟

حمرت لي طوالي ... ونحن داخلين الصاله قالت لي بسسس عليييك حسود وغتيت التقول .... احسن اسكت

قلت ليها وانتي لئيمه ولسانك اطول منك

لبعتني في ضهري ونحن خاشين .. طوالي جضمتها ... حسيت بي اضواء وفجآة كراعي وجعتني .. صريت وشي بعد قلته آآي ... و عاينته لقيتها عافصاني الشومة دي

الناس انتبهو لينا وقعدو يضحكو ... ياخ جنس احوراج !!!

وقفنا اربعه صف شباب واربعه صف بنات ... ورباب وطارق جو داخلين علي نغمة الهاي هاي ...

الهاي هاي انا عيني بارده ي السمحه قبلي جاي انا عيني باردة

القاعده ف جدوله انا عيني بارده هبه النسسسيم شاغله انا عيني بارده

*

طول الحفله انا كنت بحت سسساي .. وي حليلي بقيت زي منذر .. الحمد لله بس

كل م تشوفني تصر وشها ... واحلي شي انو المصوراتي خته صورتنا ف شاشه العرض .. اللحظة اللهي عفصتني فيها ديييك .. وانا كنت متآلم من العفصه .. الناس كلهم بآشرو علي وعليها وكل م عيني تقع في عينيها بتلوي لي خشمها

ياما قضيت ايام . * ابني أمالي عليييييك

واترجم الآالام .... غنيات عساي ارضيييك

واخفي الدموع عننننناك .. واضحك امام عييينيك

اخفي الدموع عنأك .. واضحك امام عينيك

وتفيييض عيوني حنان .. لمن تعاين لييي

وتفيييض عيوني حنان .. لمن تعاين لي

اصلو العيون حابااك .. حيرت قلبي معأاك

كل العيون حاباك .. حيرته قلبي معااك ... حيرته قلبي معااك

نورو حيرت قلبي معاها ومع انتهاء الاغنيه انا مشيت علي نورو ... وطوالي بدون سابق انذار ركعته وقلت ليها : انا بحبك ... انا بعشششقك ... انا مجنونك ... انا بهواك ... انا بتنفسك ... انا عايزاك تبقي حلالي . وام عيالي .. ممكن تتزوجيني !!!!! ؟

الناس صرخو ... م اشتغلته بيهم عملو لي ازعاج ياخ .. سوقتها من يدها ومرقنه برة

صرخته بأعلي صوت : انا بحببببببببك يا نور .... انا محبوبك ... وانتي # محبوبتي _ نور

ضحكت وقالت لي فضحتنا الله يفضحك .. حضنتها طوالي ..

اي حضنتها وما احضنها الا انا .. قلت ليها بحبك ياخ

قالت لي وانا كمان ي مجنون

قلت ليها وانتي كمان شنو ¿¿

قالت لي اهااا بدينا المعط ¿

قومتة شلتها ولفيت بيها ... وكانت بتضحك

يلا انتو قومو لفو ... آخيرآ نورو بقت حقتي .. اتقدمته ليها تاني يوم وخطبتها .. وحددنه العرس بعد 2 شهرين . فترة اسافر مدريد اظبت اموري

تميت اسبوع كامل ف الخرطوم ... اي قولو انا بماطل قولو

الصراحه كده انا م بقدر افارق نور

عشان كده اجلته السفر لغاية رباب و طارق جو من كسلا .. طبعآ مشو كسلا المحظوظين .. واتزحلقو في توتيل لمن الله غفر ليهم .. المهم تحية لناس كسسسسسلا

زي يوم بكرة مسافر ‏( ناس امي قاعدين طبعآ ‏)

كنا قاعدين انا ونورو .. لالا اول نور .. كنا قاعدين نورو وانا وامي وابوي والعرسان والبقيه الباقيه ... اتونسنا كداا .. الساعه كانت ي داب 7:34 م

نورو قالت ماشه البيت تشوف ابوها جا ولا م جا .. مشت ونحن كنا بنتونس جاتني رساله من الرقم الاريبا .. بتقول : انت اسي ضامن حبيبتك حترجع ليكم تاني؟؟ احتمال حاجه تحصل ليها والله اعلم

طوالي قومتة سورعه سورعه وجريت ع بيت ناس نورو ... دقييت الباب ماف زول فتح .. نطيت طوالي بي فوق سمعتها صرخت وسكتت

انا حيلي هبط !!!

الصوت جاي من المطبخ وبس دخلته وانا متوقع اشوف اي منظر بشع من مناظر الجرائم ... اتخيلو لقيتها عامله كيف ؟؟

الحلوة راكبه ف التربيزه حقت المطبخ وماسكه كمشه وفي كديسه تحت بتمووء

عاينت لي وقالت : محمد طلع البسه دي من هنا !!!

انا حضنتها طوالي ودموعي جو نازلات ...

💡💡💡

بعد اسبوعين كنت ماسك يد نورو ونحن راكبين الطيارة

ااي

اااي عرستها وم تسألوني كيف لأني براي حأكلمكم في

# فلاش _ باك

بعد الرساله الجاتني والخوف الخوفتو عليها طوالي مددته اقامتي اسبوعين . وعجلته بالعرس .. انا مرتي ما بفوتها وراي نهاائي ...

الرقم الكان برسل لي رسائل تهديد

بقا ما قاعد يرسل

م عارف مالو غاب عني .. قلت ي ربي دا عدم الرصيد وله عيان ... والله اعلم ..

مرة كنت بتكلم مع نورو بالتلفون ... قالت لي لحظة في زول بدق ف الباب ...

قلت ليها شيلي التلفون معاك

الكلام دا كان بعد المغرب كده .. وانتو يمكن م تكونو عارفين انو هي عايشه مع ابوها بس لانو طلق المرة الشومة ديك ..

سمعته صوت زول هايج وكان بقول : الولد دا ما داير يختاك موش !!!! انا بوريكم !

بعدين انتي كييييف تبلغي فيني !!! والله ي نور اندمك

وفجآة الخط فصل .. انا قومتة وبأقصي سرعتي جريت علي بيتهم .. طبعآ الدور دا ماف كديسه بس في اكونكو .. وقت وصلته لقيت الباب مفتوح وفي صمت عجيييييب ....

دخلته غرفتها ماف زول ... والغرفه التانيه كذالك ... سمعته صوت نحييييب ... مشيت ع المطبخ لقيت النور مطفئ .... قويت قلبي وفتحتو

💡💡💡

منصور كان واقع مضرج بي دمو ... ونور كانت قافله عيونها وبتبكي .. هجم عليها وهي طعنتو بسكين مطبخ كدفاع عن النفس ..

وديناهو المستشفي ولحسن الحظ م مات

ودا الشي الخلاها ما تفقد عقلها ... وتجن .

منصور اتعالج وتاني اتحبس في حين انو نور تمت كم يوم مصدومة لكن تاني رجعت لي طبيعتها .. عملنا العرس في موعدو وحضروهو كل الاهل .. وجات ام نورو واخوانها من امها .. وجات صحبتها رشا وزوجها وبتهم الأمورة وجا مروان كمان وكان مبسوط .. الصراحه انا الكنت قاعد في تخلفي .. لانو يوم كنا في الدكان كان مروان بالجد مشتاق لي بس انا طلعته متخلف ... والناس الشكو انو دا مروان يعتزرو هووي .. بالذات فاطمه دي شالت سيئات مروان كلها ..

ودعنا الاهل واتحركنا ع المطار

# بااك

سافرنا انا وامي وابوي و # محبوبتي _ نور

4 نفر .. زي ما قال ابوي بالضبط كده

فتحته شبكة البيانات واتصورنة سيلفي انا و المدام .. وكتبته الحاله : يلا دي # محبوبتي _ نور

كانت مضايقه شوية عشان ابوها وكده .. لكن انا قلت ليها انو حنسوقو معانا مدريد .. ولو رفض انا حأنقل عيادتي هنا .. انبسطت شدييييد ورقدت في حضني .. انا

فتحت الرسائل ورديت عليهم ..

جاتني رساله من الرقم الزين الغريب .. استغربته لانو منصور وانقبض تاني في شنو ¡¡¡

فتحتها لقيت : الف مبروك العرس

ومبروك رجعتكم انتو الاربعه

رديت : انت منو قلت ليك !!!!

رسل لي ضحكه وقال : معقووله م عرفتني ؟؟؟؟؟

بديك دقيقه تمش تشوف الحاله وتجي ...

مشيت لقيتو كاتب : when i see you again

طوالي ضحكته ... ورسلت ليهو ضحكه وقلت : يعني داير تثبت شنو ..

قال لي عاوز اثبت اني اتطورتة ... عشان تاني ما تلعب بي عقلي ظابت !! ؟

قلت ليهو ظابت .. وقفلت الشبكه وعاينته لي الملاك الجمبي الكان ماسك منديلي الاخدر داك و نايم في سابع نومة

يلا محمد خلص كلامو فاضل انا ... اولآ اشتقته ليكم

تانيآ منو الزول الكان بضايق محمد ف الواتس؟؟؟ انا عرفتو

شوفتو الحاله ؟؟؟ يلا كاتب فيها متي اراك مجددآ .. ودي اغنية لي wiz khalifa

اظن بعد دا عرفتو دا منو ... هههعععع

... محمد قال ليك العفو والعافيه .. وقال لي اقول ليكي انو نورو جابت ليهو بت وسماها عليك ... #فاطمه الماعطها من . بداية الرواية .. طبعآ الكلام دا لأي فاطمه قرت فصول الرواية ... يلا انبسطي ي ختي .... وبغض النظر عن اي شي .. اسم فاطمه هو اسم الغاليه امي .. اما علي ابو محمد نفس اسم ابوي

يلا انا استودعكم الله ... كتبته روايتين ف شهر واحد

وتاني م اظن اكتب قريب لأني وحاتكم مرههههقه و كمان لاني داخله سمستر جديد .. ونتلاقي لو ف العمر بقيه

متابعه ممتعه والخاص مفتوح للجميع💕