الجزء 17

وفيها شنو لو اي زول شاف حبيبين انو ما يحسدهم ¿¿¿

فيها شنو لو الاهل ما بيقيفو قدام سعادة اولادهم في اختيار الشريك ¿¿

لا .. فيها شنو لمن الحبيب يراعي لي نصو التاني ويلتمس ليهو الاعذار ¿¿

مرت عشرة سنوات ...

عشششرة سنوات قضيتها في مدريد ونهائي ما نزلته الوطن العربي .. امي وابوي كان بجوني في الاعياد .. واحيانآ بجوني ف الأجازات السنوية ..

طبعآ بقيت حلاتووو .. وسيم وكسار .. وبغض النظر عن تشكير نفسي عادي لمن انشر صورتي البنات بكتبو اعلن انبراشي والله اعلم ..

انا درسته طب اسنان .. وحضرتة هناك ماجستير ودكتوارة ..

وفاتح اكبر عياده فيك ي مدريد اسمها nena Nouro

والأسم دا عاوز منكم تبحثو عن معناهو في النت .. وعايزكم تجاوبوني في الحلقه الجايه وممكن تعتبروهو واجب منزلي

اها ي فطومة عرستي ولة لسع بايرة هههععع مشششتاقيييين اقسم

آخر مرة اتواصلته مع رباب كان بعد رسلت لي صور حقت عروس مقصوصة .. قالت لي دي نور .. وانها قصتها عشان ما اتذكرها واتعب تفكيري

تاني غيرتة رقمي .. وبس المتواصل معاهم من السودان امي وابوي واصدقائي الفي الشارقه ... طبعآ نصهم اتزوج .. اما احمد استشهد في احداث عاصفة الحزم .. لأنو كان تبع الجيش الودوهو هناك .. اتأثرته كتيير علي رحيلو خصوصآ انو ما اتزوج وما استمتع بي حياتو .. ربنا يرحمو

منذر اتزوج ههههعععع اي اي انا زاتي لي اسي م مصدق .. وبضحك اكتر لمن اتذكر انو عندو بنوتة سماها هنادي ع ام مرتو .. وانو مرتو ها ها ها هارشاهوو ههععععع

والتيمان سافرو الهند .. حشحشو .

اما رباب طبيبه في مستشفي .....

اخصائيه نساء وتوليد .. وللحين م اتزوجت .. اظن منتظراني ؛ لكن انا صدقوني م عايز اتزوج

ونور ما عارف عنها حاجه وماف زول يسألني عنها

ديلك امي حكت لي عن شماراتهم وانا زي م كلمتكم ما متواصل معاهم .. وم تسألوني ليشنو

💡💡💡💡

مرة امي تعبت ... واتصلت علي .. قالت لي انو احتمال تموت وم نتلاقي .. خوفته واتخلعته عشان كده جهزته نفسي

واقرب طيارة و الشارقه طريقك وين

اربعه ساعات و وصلته مطار الشارقه ...

هزاع جا ساقني من المطار و وصلني المستشفي

فعلآ .. لقيت ضغطها مرتفع ...

قعدنا ف المستشفي 4 يوم والدكتور طلعنا

تميت حكاية بتاعت شهر جمب امي .. كنا بنراعيها انا وابوي واهتمينا بيها لغاية اتعافت تمامآ ...

مرة زي حوالي الساعه 10:34 مساء .. كنا قاعدين بنحضر فلم انا وابوي . جات امي وجابت لينا شاي لبن ريحتو تلبشششش ... وكعك ..

ونحن في نص الشاي امي قالت وبدون مقدمات : سوسن اتصلت علي وقالت انو عرس رباب بعد اسبوعين .. و وقت عرفت انك جيت قالت ما دام رباب م من نصيبك لازم ع الأقل تحضر العرس حقها ...

قلت ليها بس انا لازم ارجع الاسبوع الجاي مدريد .. لانو عندي مرضي متابع معاهم وهم منتظرين حضرتي .. امشو بدوني

سكتت مسافه وقالت كأنها م سمعتني : م م م مهم حجم الشنطه .. شيل ليك طقم للحفله وغيار للرجعه وبجامتين .. وقامت مشت غرفتها

عاينته لي ابوي لزوم كم لبثت !! وليي الآيه انقلبت وامي بقت اصعب منو كده ليي ¡¡

قال لي وهو برفع في حواجبو : شيل طقم البدله السوداء .. لانو حاسي اننا حنرجع اربعه

م فهمته قصدو ولا فكرتة افهمو زاتو .. بس طوالي قومتة مشيت غرفتي .. حيروني عديييل

💡💡💡

بعد مرور اسبوع وكم يوم

الزمان : 6:34 ص

المكان : الشارقه ..

امي دقت الباب وفتحتو ..

محمد !! انت لي اسي نايم !!

يربو فيكم وانتو تربو في استهتاركم !

الووو

ي ود م تقوم قامت منك الحيطه !! اتأخرنا !

فتحت عيوني # ببطء .. لقيت سحورتي .. واقفه وقاعده تحمر لي .. اتذكرتة اننا مفترض نسافر اليوم للسودان

قومتة سورعه سورعه وجري للحمام ... اتسوكته واستحميت ولبسته وشربته الشاي واكلته في زمن واحد وكالعاده م تسألوني كيف

.. جيت اجهز شنطتي .. شلتها صغيرة لأنو عاوز اقعد يومين بس وحأخلي ناس امي وارجع لو قررو يقعدو اكتر من كده ..

شلت لي شوية ملابس .. وانا بفتش في ادراجي لقييييت غلاف

كان غلاف مذكرة الرائد في الفيزياء ... كان فيهو اسم نور .. نور الصادق

وتحتو اسمي .. وجمبهم القلب اب سهم ...

ولقيت الجريده الكان فيها اسمائنا وقت نجحنا ف التجريبي ...

ولقيت الرساله الرسلتها لي نور عن طريق رباب .. تتذكرو وقت عم خالد دور العربيه وانا اتذكرتة حاجه كنته ناسيها ؟؟ و وقت اطاقشته مع نورو جمب الباب ؟؟ باااس .. يلا انا نسيت الجريده والغلاف .. ورجعته شلتهم .. وكانو ديل الذكري الوحيده لي نورو ..

الحاجات دي ‏( الجريده والغلاف للآن موجودين ي جماعه (.

طبعآ انا متأكد حتقولو الزول دا متخلف وله شنو ؟؟ محتفظ بي حاجات عمرها 10 سنه !!!

بحب اقول ليكم ااااي ان متخلف وازيدكم من الشعر بيت انو اناااا مجنون .. مجنون بي حبهااا .. وما حأزعل لو زول ناداني مجنون نور .. وم حأزعل لو في عام 2090 م قصتي انا ونور ايآ كانت نهايتها تتكتب في مقرر الأدب وتدرس للطلبه بضم التاء ..** لأني حأكون بكذب عليكم لو قلت ليكم اني الآن م بحبها ... عمري ما حأحب غيرها وعمرو قلبي ما حيستقبل

ضيفه بعد سحر امي ونور و فاطمه بتي المستقبليه وعمكم علي و رباب ومنذر وفله علي زاتها وخالتو سوسن وعمو خالد و ..... الخ .. بس ديل الحيكونو في قلبي .. وما انسي الجمهور القرا محبوبتي نور كمان ... ما تشتغلو بي انا منفسن ساي وم تسألوني عرفته كيف **.

شلته الرساله فتحتها .. وقريتها 4 مرات ... وفجآة لاحظتة لي حاجه

دموعي جو جاريات ... وحاجه حارة وقفت لي ف حلقي ..

عرفته اني دمرتة حياتي ودمرت حياة نور لاني غبي وم بلاحظ

كان في حاجه ف الرساله انا نهائي م لاحظتة ليها

تفتكرو شنو الحاجه دي ؟؟؟

حتعرفو . ما تستعجلو

طيب ممكن صلاة علي الرسول الكريم ؟؟