الجزء 12

ورجعنا تاني نحب بعض انا والقرااايه

ورجعنا اكتر من زمان للكتب و القرااااية

وتاني رجعنا لي برنامجنا المعهود .. كنا مضغوطيين امتحانات فترة ... بننوم من 10 مساء وبنصحي 3 صباحآ

وانا بنصح اي ممتحن .. سواء اكان ممتحن شهادة اساس او ثانوي او طالب جامعي انو لو عايز ينجح نهائي م يساهر وما تسألوني عرفته كيف .. بس نفذو ..

يعني اوول مرة اتفق مع ابوي في قرارو الأخدو بخصوص قعادي هنا .. يعني اتخيلو معاي انو انا ... محمد علي باشا !! اقوم 3 صباحآ واشيل كتاب الكيمياء واقرا !!!

لالا م اتعرفته ع روحي

حسين اكتر زول ملتزم فينا شكلو الرسوب خلا ضميرو # يستيغظ . كن شوفتو حسين كان بقوم بصحينا وبمش الحمام يستحمي .. ويتوضا يصلي ركعتين وبقعد برة ف الحوش السقط يضربو كدااا لمن يآمن براهو .. بس ولا بشتغل بيهو

انا وحسن ومنذر بنقرا جوة طبعآ ..

والصباح بنمش المدرسة .. وللآن نور تعاملها معاي تعامل رسمي

لغاية في يوم كنت قاعد برة الشارع .. الكلام دا زي العشاء كده

جات طالعه من بيتنا وانا وقفتها .. قلت ليها :. اسمعي .. انتي حكايتك شنو ؟؟؟

💡💡💡

في جانب آخر منصور كان قاعد بشرب ف سجارتو ... والغضب مالي عيونو ..

مني : مالك ي ولد قالب خلقتك كده !

منصور : الغبيه دي مشت وين !!!

مني : في بيت ناس صحبتها يعني حتكون وين !

منصور : انا الا اكسر كراعها بس خليها تجي ...

مني : يا ولدي ... هاجر بت معزه اختي مالا !! عيبها لي ! موش آخير ليك من دي !

منصور : امي !! بت اختك خليها في بيتهم احسن !

مني صرت وشها ولوت خشمها ومشت منو ..

بس م يكون منصور دا .....

# كتمت

💡💡💡

اما في جانبنا نور قالت لي : ولا شي .. ماف اي حاجه

قلت ليها انتي متغيرة من ايام عرس خال مآمون .. في شنو احكي !! اخوك تاني ضايقك !!! ؟

نور : اخوي ما شغلتك بيهو

صفرته وقلته لالأ الموضوع شكلو خطييير .. احكي لي ي ملاكي انا عملته شنو عشان اضرب نفسي بالشبشب

ابتسمت طوالي بس تاني صرت وشها .. يلا بقت ما بين صارة ومبتسمه .. لكن الابتسامه غالبه صرت الوش

ضحكته وقلت ليها : اسمعي .. انا ف النهايه انسان .. وانتي عارفه الانسان نساي

يلا احكي لي ف شنو .

اخدت نفس عمييييق وقالت : انت قريت الرساله وعامل فيها تقيل

طبعآ قلعته عيوني .. وداير اقول ليها ياتو رساله بس اتذكرتة اني رميتها ف جيب البنطلون .. والبنطلون غسلوهو زمممممان

ضربته يدي براسي ضربت النسيان ديك وقلت : ياااا الله ! ياخ ! نسيت والله .. ختيتها ف جيب البنطلون قلت اقراها قبل انوم بس نسيتها

نور دي عيونها لمن رقرقو من الدموع

عاوزه تمش بس انا مسكتها من يدها : بس الوقت م فات . احكي لي ي نورو

م ردت ... طوالي قلت ليها : نووور

قالت بصوت واطي : ايوا

قلت ليها بدون م التفت او اتردد : انا بحبك ي نورو

وشها جاب دخشميه لون .. اصفر وقرنفلي واحمر وقمبجي

الآخير دا م تسألوني منو لانو لحفظ القافيه فقط

عاوزه تفك يدها من يدي بس انا ابيت وقلت ليها م بفكها الا تجاوبيني .. انا بحبك .. وانتي رائيك شنو ؟؟

بعد تعب حتي قالت لي : وانا كمان

قلت ليها وانتي كمان شنوو

البت دي خجلت خجل !!! عجييييييب ...

قالت لي منصور ف البيت لو جا طالع حيدخلني ف مصيبه

قلت ليها بهدوء كأني م سمعتها قالت شنو : وانتي كمان شنو ي نور؟؟

عاوزه ترد الباب فتح

عاينه نحن الاتنيييين بخلعه .. لقينا ...

💡💡💡💡

لقيناها رباب

عاينت لينا بأستغراب .. في حين انو نور فكت يدها مني وجرت ع بيتهم

رباب وشها كان خالي من التعابير .. قالت لي تعال العشاء .

مشيت لحقتها ودخلنه جوه البيت

نور دخلت بيتهم مبسوطه بس منصور استلمها

كان بضرب فيها وبقول ليها : انا مش كلمتك م تطلعي ! م بتسمعي الكلام ليي ..!! بس كانت بتبكي بدون بصوت ونهائي م ردت ليهو

قعد جمبها و ...

وبدا يبكي !!!

.. قال ليها : لييي انتي مصرة انك تتعذبي كده ! وانتي عارفه انو كلمة واحده منك حتنتشلك من العذاب دا ي نور !!! ؟

قامت من جنبو وقالت ليهو : نجوم السما اقرب ليك ي منصور .. والعاوز تعملو اعملو

دخلت اوضتها وقفلت الباب .. وبكت لغاية نامت

اما منصور عاوز شنو ؟؟؟ الله اعلم

اما انا الليل كلو كنت بتقلب .. ياهو زي مقولة : حرامي القلوب تلب .. وانا في نومي بتقلب . ههههه

وكنت فرحان فرح !! انسسسو بس

ياخ خشمي دا مفتوح لغاية حسن علق لي : مالك قال فاتح خشمك كده زي القراش

م اشتغلته بيهو .. ونومتة وانا حاضن مخدتي وخشمي مفتوح م عارف قفلتو متييين والله ... ياخ آخيرآ نورو بقت حقتي .. آخيرآ !!!!

💡💡💡💡

مرت الأيام .. وعلاقتي بي نور كل شوية اقوا .. بنجي من المدرسة سوا وبنمش سوا .. وتقريبآ اتضح للكل انو انا ونور بقينا حبايب

بس للأسف .. كل علاقة حب يستحييييل انها تمر كده بدون م يكون فيها حسسساد ..

المهم . ..

جا يوم 31/12

اليوم القبل راس السنه .. واتفقنا نعيد سوا

بي جاي ناس البيت عملو الجاتو و جهزو سلطة الفواكه وشاي اللبن .. والألعاب الناريه ..

الساعه 11 وقت جات خلاص بدينا نستعد ونتأهب .. والنايم صحوهو عشان يستحمي ويصحصح

نور جاتنا وجهزت معاهم السفرة .. كنت بشاغلا من بعيييد وهي تتكششم وتتخاجل زي العروس بالله

11:55

اتلمينا جمب التورتة العملوها .. وطفينا الانوار

انا اعجبكم .. مشيت جمب نورو ومسكت يدها .. اول اتخلعت .. لكن وقت عرفت انو دا انا ضغطت ع يدي بقوه .. كأنها خايفه حد ياخدني منها .. شوية كده وبدا العد التنازلي

1..2..3..4..5..6..7..8..9..10

وهاك ي الصراريخ .. 1/1/2009 م

تاريخ جديد .. بداية جديده .. حلم جديد ... سيارة جديده ‏( الآخيرة لحفظ القافيه فقط ‏)

والسنه الجديده جات .. وطفينا الشمعه ويدي في يد نور .. م فكيتها الا وقت فتحو الانوار

والناس عيدو لبعض ... همسته ليها في آضانها وقلت : كل سنه وانتي حقتي

البت دي لونها قلب وزحت من جبي .. والربكه كاتلاها .. كشحت شاي اللبن تلاته مرات هههههععع

اكلنا ونسسسسفنا وقضينا ع الأخضر واليابس

انا كنت باكل جاتو ومن السلطه وشربته شاي اللبن في زمن واحد وكالعاده : م تسألوني عملتها كيف .. وقت احتفالنا انتهي انا قدمته نور عيوني بيتهم .. قلت ليها اجهزي عشان بكرة حنطلع رحله

قالت لي حتمش لي امها لانو طولت منها وكده

م حبيت اعصر عليها ودعتها ورجعته

اتونسنا شوية كدا واي زول مشي سريرو نام

تاني يوم طلعنا مشينا الغابه ..

مناظر خلابه بالجد استمتعته .. و مشكلتي اني نسيت حاجه اسمها اهلي .. م اتذكرتهم الا لمن خالتو سوسن جابت لي التلفون اتكلمته مع امي وابوي شوية وقفلت منهم

وانا سرحان ف النيل ومويتو .. قلت ف نفسي : اسي نور بتعمل في شنو ي ربي ؟؟

ي جماعه الناس بعد تصلي ع الرسول تحاول تديني حافز كويس ؟؟

شكرآ