الجزء 22

عارف الحصل م منها دمعاته لي فاضحنها

كل الحصل انو الظروف مني اكبر ومنها

عارف يكون جابرنها .. وم لاقيه زولآ يكون عطوف

يخفف بكاها وحذنهااا

***

وانا كنت اكبر ظالم .... كنت اكبر ظالم في العلاقه دي كلها

لاني ما وثقته ف البت البحبها ... انا اول زول اتخلا عنها

بعد اتكلمنا في العربية خلاص اي شي وضح .. لأنها حكت لي بكل الحصل ... وانا ربطته الاحداث وما فضل الا المواجهة ... حسيت نفسي في The voice ههههعع

وصلتها ومن طريقي مشيت البيت وراس ع غرفة رباب

فتحتو بدون م ادق زاتو ... كانت بتصلي .. انتظرتها لغاية تمت والتفتت علي : اها ام فرح بقت كيف ؟؟؟؟

قفلت الباب بالرااحه ومشيت عليها ... استلمتها طوالي وخنقتها : ليييي عملتي كده !!!!!! ؟

قالت لي وهي مغمضه عيونها ودموعها نازله : لأني بحبك

💡💡💡💡

م استغربته من العبارة القالتها ... فكيتها ومشيت قعدته في اقرب كرسي

مشت رفعت اللحاف وطلعت ورقه ... مدتها لي وقالت : دا الجواب الأصلي ي محمد ...

بعد مسسسسافه رفعته راسي وانا عروقي كولها ظاهرة و حمرت ليها تماام .. شلته الورقه وضحكته ضحكة سخريه .. قلت ليها : فيكي الخير انك طلعتي محتفظة بالنسخه الأصليه

م ردت وبس مشت قعدت ف السرير

فتحت الرساله وقريت :

السلام عليكم ..

اخترته اكتب ليك ف رساله لأني م بقدر الاقيك .. منصور عامل لي حظر تجول لغاية الخطوبة تتم ...

يا محمد منصور حيخطبني ..

هددني لو م وافقته انو حيآزيك ..

وانا عارفه انو حيعملها .. لانو زول خطير .. انا حأوافق ع الخطوبة بس عايزاك تعرف انها لفترة مؤقته .. وي ريت تلاقيني بعدين الساعه 11:34 مساء جمب الباب .. انا حأفهمك ..

انا بحبك ي محمد ... وبتمني انك ما تتهور لغاية خطتي تمش تمام ...

# محبوبتك _ نور

ضحكته وضحكته وضحكته

قلت : انا غبي ! غبي !!!!

وعاينته لي رباب الكانت بتبكي .. قلت ليها : ليي حرمتيني منها !!! لييي ي رباب !!! حرام عليك ياخ !

'

رباب انهارت وقالت لي : لاني احق بالحب دا منها هي !! انا بت خالتك ي محمد !!!!! اقرب انا ولا هي !!!!

وقت نور ادتني الرساله اوديها ليك انا الفضول خلاني افتحها ... وقريتها وبدلتها ..

وقعدت تقول لي انا آسفه .. وعارفه اني غلطته .. بس انا كنت جاهله ي محمد واسي عقلته ... عشان كده اصريت ع امي انها تقول لازم انت تجي السودان .. عاوزه اصلح غلطي ي محمد !!

م اتكلمته معاها وطلعته بعد اديتها نظرة عمرها م حتنساها

💡💡💡

وما منها وما منها .. وما منها وما منها وما منها وما منهاا

**

بترديني موت عارفنها .. وعارفين بأنها ليا شوق

فروقني يا ناس منهاا

خلتني غصبآ عنهاا

ساقت نغم كل الحروف

غيمات سمايا بكنهااا

وبكت ليلتها ديك كلها ... معقققققوله ي رباب تعملي كده !!! انا صحبتك !!! لالا انا اختك م صحبتك !!

في واحده تعمل كده في اختها !!!! ؟

# فلاش _ باك

ودا الحكتو لي وقت كنا انا وهي في العربيه بعد رجعتنا من المستشفي ..

نور : حبيبتي

رباب : عيوني انتي .. احكي

نور : انا حأتخطب ..

رباب قلعت عيونها وقالت : سجمي ! خطوبة شنو كمان !!! هو محمد قدر كيف !!!

نور ضحكت مسسسافه وقالت حرام علييك .. مالو محمد !! عيبي لي !" رااجل وبسد عين الشمس

رباب : بس ما كلمنا

نور : لالا الخطيب م محمد .. الخطيب منصور

رباب قلعت عيونها وقالت : الوحش كين !!

نور : امس بعد شكلة مروان ومحمد .. منصور جا ضربني .. وقال لي العرس حيتم .. ولو م وافقتي انا محمد دا حأقتلو حأقتلو .. واجيب ليك دمو تتمسحي بيهو بعد البكا !!

رباب : لالا كتر المحلبيه .. هي البلد دي حاكمها ارنب !

نور : انا وافقته ... لاني عندي خطه ... انا سمعته منصور بتكلم بالتلفون وقال في طلبية حقت مخدارت حتبيت عندو بس م حدد اليوم ... حأبلغ عنو واتخارج منو ... وبالتالي اكون حميت محمد . واكون اتخلصته من منصور .

وكتبت الرساله وادتها لي رباب تديني ليها ع اساس اني حأكون عارف وكده

وفعلآ ... تمت الخطوبة وهي قايلاني انا عارف بخطتها .. واستغربت لمن بقيت بتفاداها وم قاعد اتكلم معاها

ويوم الدكان قايلاني حأتكلم معاها واني حأقول ليها اني بحبها وكده بس خيبته ظنها

*

وفعلآ ... طلبية المخدرات جات والشرطه هجمت وقبضت منصور متلبس وكان دا الساعه 3:34 ص ..

والصباح جات عشان تبشرني بي انو قبضو منصور ... قومنا اطاقشنا واكتشفت اني مسافر وختت اني اتخليييييت عنها ....

دا الحصل قبل 10 سنه

الصورة اكتملت ... والنقط اتختت علي الحروف ... واي شي اتضح ...

بس ي ربي الحيحصل شنو ؟؟؟؟

هل نور حترجع لي ؟؟؟؟

ولا حالي حيكون زي حال احمد آمين .. واقعد ادن دن مقطع :

مجبور افارق حضنها وان شاء الله عيني ما تشوف

بعد جمالا وحسنهااا

بين نار ونار خاتنها

ويعمي القليب والعين تشوف

ي الريده ي رضا اهلهاا

ومااا من هااا وما منها وما منها

وما منها وما منها ما منها وما منهاا منها وما منهاا

*** وتحية لأحمد آمين فناني المفضل🎶