الجزء 23

قبل كده كلمتكم الدنيا ظالمه ..

وانو الواحد لمن يكون عاوز حاجه وما يلقاها يا اما تطلع زول قنوع ... ي اما تطلع زول مثابر وروحك رياضيه وتتحصل علي الحاجه دي بالصبر ولو بعد حين

ي اما تكون زول ذو جبروت وتتحصل عليها بالقوة وعينك ي تاجر

منصور كان النوع الآخير .. وأجبر نور انها تتزوجو والا حيقتلني

رباب قرربت تبقي زي النوع التاني ... وكانت حتتحصل علي لو ما عمايلها .. اما انا كنت النوع الاول .. لاني اقتنعته من البدايه انو نورو ما من نصيبي

ف الشارقه لمن انا قريت الرساله عرفته انو دي م نور الكتبتها ...

شكيت في رباب طوالي ... بس كنت محتاج الدليل .. والشي الخلاني اعرف انها م نور ... اني لمن قريتها لاحظتة لي حاجتين ... بغض النظر عن انو دا م خط نورو مقارنة بي اسمي واسمها اللفي الغلاف لاحظتة للتوقيع : نورو

وفي اتنين بنادو نور بي نورو .. انا .... ورباب

💡💡💡

تاني يوم نور مشت لي رباب زي الما حصل اي شي

قالت ليها :' سامحيني ي اختي !! كنته جاهله وم عارفه نفسي بسوي في شنو !!""

نور ابتسمت وقالت ليها : انتي براكي قلتي ي اختي .. ماف بين الاخوات ضغاين ... يلا انا اتصلته ع علا ست الكوفير وقالت نجوها الساعه 4:34 م

رباب عيونها رقرقو ... حست بي نفسسسسها صغيييييرة قدام طيبة نور

. ابتسمت وقالت ليها : حاضر

💡💡💡

انا السكرتيرة المشغلها ف العياده اتصلت بي .. وقالت المرضي حقني طوالي بسألو انا حأجي متين

وكمان في مرضي اتصلو بي عشان يستفسرو

شوفو ي جماعه .. صح انا قلت حأتم يومين بسس .. بس والله م عاوز امش واخلي نور ....

منذر : هدومي كملتها لي .. حتمش متين انت عملته لي وجع ووش

قلت ليهو : هو انت لاقي ي بهيمة الانعام لمن محمد علي بي حالو . يلبس ملابسك !!! ؟

قام ضحك وقال لي غرورك دا نهايتو ركعه لي واحده

استغربته منو وقبل م اسألو قال لي : وما تسألني انا قاصد شنو

سكته خليتو وقلته ي خبر بي mony cash tomorrow بي بلاش

شلته تلفوني وفتحته البيانات .. و وسط كمية من الرسائل لقيت رساله من الرقم داك كاتب فيها : ابوك قال انكم حترجعو .....4 تفتكر الرابع منو ؟؟

رديت طوالي وقلته : احتمال انت

بعد 34 دقيقه رد لي : هههههعععع ... ظرييييييف زرافه تنطحك

رديت ليهو بعد 6 دقايق : انت منو ؟؟؟

قال لي : حتعرف ... الصبر جميل ... وفجآة الصورة السوداء اختفت .. رسلته الو ... اداني صح واحد .. جريت الحاله لقيتها فاضيه

وبالتالي عرفته انو الرقم حظرني واتسابيآ ...

هههههعععع اتخيلو بس "!! انا جني وجن زول يحظرني !! احسن انا احظر ولا يحظروني ... اقسم ايآ كان شميتو وقلبي آباهو

لكن بيني وبينكم دا منو ؟؟؟

انا كنت قايل انها رباب ... بس وقت اعتذرت عرفته انها ماهي

طوالي اتصلته علي رباب .. جرس ونص بس ردت بلهفه

اي ي محمد

قلت ليها بجديه : انتي القاعده ترسلي لي ف الواتس كلامات غريبه ؟؟

قالت لي م فهمتك !! ؟

قلت ليها الرقم البدايتو 091387 دا تبعك ؟ ‏( طبعآ الذين دا الرقم البرسل لي ف الواتس ‏)

قالت لي وحات ربي م رقمي

قلت ليها طيب البدايتو 0920

دا حقك

؟ ‏( والاريبا دا الرقم الرسل لي وقت كنت ف المطبخ ونور بتقلي البن ‏)

حلفت لي انو دا م رقمها وانها نهائي م رسلت لي

هووي يااا جماعه !! دا منو خلاص !!!

قفلت منها ومسكته راسي مساافه

جاتني رساله من الرقم الاريبا بتقول : ما تتعب نفسك دي م رباب

لالا ياخ .. بعد دا سخنت

رجعته للرقم مكالمه بس لقيتو مغلق

عمو عماد جا وكان لابس .. قال لي : م ماش الحفله ولة شنو ؟

قلت ليهو ماشي بس شوية كده .. انت صحي .. ابوي وين ؟ انا طولته م لاقيتو اوعه يكون خطفتوهو بس

عماد ضحك مسسسسسافه وقال : حرام عليك ياخ هو ابوك بتخطف؟؟ والله دا يوديك البحر كداري ويجيبك بي سفنجه ... عم عماد دا مسطول م تشتغلو بي كلامو

عماد .. : بس الفترة دي نزلته ليهو تطبيق واتس وانت عارف الجديد مرغوب

ضحكته كداا وقلت ليهو : اها ان شاء الله بس عملته ليهو صفحة ف الفيس ؟؟

قال لي لالا بس من امس راجيني اعملا ليهو و انا بتهرب منو

وانت عارف المعط حق الشرح

قلت ليهو : م اتعرفته عليك ي حاج علي لكن فيس و واتس .. والباقي الله اعلم .. بس شمارك حيصل لي سحورتي

عماد : قاعد تتكلم انت ! ؟؟

قلت ليهو ::.. قلت لازم نشوف مشكله العيش البقوهو بي جنيه دا

قال لي : ربنا يعوض امك فيك ...

💡💡💡💡

تلفوني دقه لقيتها رباب ... قالت لي اجي اسوق صحباتها واشوف لي اي عربية

كان باين عليها انها عاوزه تصلح علاقتها بي وانا م حبيت احرجها

الساعه كانت 8:34 م

مشيت كوفير علا .. لقيت برة 4 عربات

استغربته طبعآ

رباب كانت طالعه مع مرقتي من العربية .. كانت قمممممرة لو شوفتوها ... قالت لي نص الاشيبينات ركبو .. فاضل نورو بس ي ريت تسوقها معاك

قلت ليها بدون اهتمام : جدآ .. مسكت يدي وضغطت عليها كويييييس ومشت

لاقيت العريس طارق كان ظريييييف ماشاء الله

وبي كده اطمنته انو حيسعد ربابتي

ركبته وكنت منتظرها ... جات طالعه وكانت نور اسم ع مسمي ... لابسه فستان آوفر وايت ساده و مزين بحبات الترتر . وكان مفصل علي جسمها بس بطريقه محتشمه .. وطرحه شفون كحلي غامق وكانت عامله شعرها زيل حصان ومطلعه خصل ... بس ياخ باختصار كده هي عبارة عن باربي لابسه طرحه

ومكياج خفيف بس بارز وعامله الروج داكن ... ياخ ياخ البت دي وقت كبرت بقت عسسسسسسسسسسسسل ينقط بي نحلو

انا قربته ابلع لساني ... ركبت وكانت بتتبظ ف التلفون ... قلت ليها : خلاص نتحرك ! ؟

رفعت راسها وعاينت لي بأستغراب .. مما خلاني افهم انها ما عندها علم بالزول الحتتمشي معاو ... م ردت ومدت بوذها ..

قلت ليها هو انتي مبتسمه طيرتي قلبي ... ولمن صريتي بقيتي احلي .. اسي بس قولي لي نصل كيييف بدون م اعمل حادث ؟؟؟

ابتسسمت لا اراديآ وتاني صرت وشها ...

انا قلت بصوت واطي : عسل ياخ

قالت لي قلت شنو؟؟؟

قلت ليها لالا قلت حنصل ياخ