الجزء 3
مشينا الجامع لصلاة المغرب .. ماشاء الله الجامع كان ملان بي عائلتي
ابوي وخالي مصطفي ومآمون ومعمر .. واعمامي عمر وعماد ..
وانا ومنذر وماهر اخوهو والتيمان .. يعني دينيآ كده ممكن نقولو الحمد لله
بعد الصلاه كان لزامآ علينا انو نطلع فسحات وكده ... عشان كده قشرنا وطلعنا .. انا ومنذر والتيمان ومعانا مروان صحبو لي منذر .. انا ما بريدو كلو كلو .. بحس بيهو رفيق سوء والله اعلم
مشينا عفراء مول .. ما خلينا حاجه ما أكلناها .. بالله زي بهايم الأنعام .. قضينا ع الأخضر واليابس
انا ماكل بيتزا وهوت دوق و كرسبي دجاج وشارب منقه منديه وكلهم في زمن واحد وما تسألوني عملتها كيف ...
و كالعاده اتصورنا ونحن نازلين من السسلم المتحرك ... .. ونزلت الصورة ف صفحتي ف الفيس .. طبعآ متابعيني عاملين 1.034 متابع
وماشاءالله تبارك الله
المهم .. من الطلعه دي ما رجعنا الا الساعه 2:34 ص
صياعه شديده
والله بتذكر صلاة ما صليت .. لقيناهم ناييمين .. بس جيت اترمييت ف السرير
*
الصباح خالو مصطفي جا صحانا .. ابوي كان بايت مع ناس عمي بهناك .
مشينا صلينا الصبح حاضر .. ورجعته وانا مغمض عيوني وا روب ف السرير .. نوممممممته م صحيت لي 11:34 ص
ع صوت امي وهي بتقول : قووم .. هو نوم ولة عوارة !!!.. ؟ يلا اصحي
فتحته عيوني لقيت منذر قاعد ومتمحن وشكلو قام قبالي بي 34 ثانيه كده
والتيمان ديل لمن اتلخبطته فيهم من البشتنه حقتهم
غايتو حاله
*
اصلآ الضهر كان جا خلاص
مشيت علي بقاله التنوير الجمبهم عشان اجيب لي كرت اريبا ... الود الشغال فيها فردتي .. سعودي اسمو فهد .. قال لي حياك الله اخي وحمد لله بسلامتك
- ي هلا وغلا فيك فهد .. شنو اخبارك ( بكسر الشين )
فهد : كلش بخير ما أكو شي الحمد لله .. وش اخبار الامارات
- هههه بتسلم عليك وايد .. يلا انا ابي كرت شحن اريبا
- اوكي ي العزيز .. هاك طلبك وبحسابي كمان
قلت ليهو : حياك الله اخي حاتم الطائي .. كرمك واصل ولله
وقعدنا نضحك .. في اللحظة دي جات السرقت قلبي
السرقت عقلي
دخلت كياني واتوحطت ...
ست العذاري الشامخات .. انفاسها عود صندل بخور
بت رقيييقه هادئه .. شايله ربع جمال سيدنا يوسف والله اعلم
طول متوسط .. جسد متناسق .. قمحيه يكسوها الأدب
كانت لابسه توب هزاز .. ومشروط كمان .. ومن استعجالها نست انو رجولها غبشششششاء .. وشعرها عاملاهو كعكعات .. بس والله شايفها جميله جمال مبالغ فيهو
قالت : اخ فهد ... عاوزه سكر وبن سريع عليك الله
فهد : هلا حياك الله نور .. شنو عندكم ظيوف ! ؟ ( شنو دي اكسرو الشين عشان تجي معاكم سمحه .. هههه )
ردت ليهو : ايون .. عشان كده ما ابي اتأخر عليهم
اللهجه فء خشمها ولا واحده سعوديه مؤصله .. ياخ عسل والله
انا طوالي اتدخلته : الواحد لمن يدخل محل بسلم وله شنو ؟؟
طبعآ سفهتني سفهة الجن .. وشايف فهد بتبسم وكاتم الضحكه .. اداها السكر والبن و فووو .. طلعت
طلعت وفهد ناداها : يانور نور !
وقال : مسكينه .. من استعجالها نست الباقي
طوالي قلت ليهو : هاتم .. انا بلحقهم ليها
.. اداني القروش وكانت 5 جنيه .. طبعآ الخمسه دي قروش زمان
جرييييت
وراها وهي ماشه سريع سريع
ناديتها بالله زي البعرفها : نور .. ي نور ..
التفتت بخلعه .. دا منو البناديها دا و بي اسمها كمان !!
وقت شافتني عرفتني انا الكنت ف الدكان قبل شويه .. قامت صرت لي وشها وزدات سرعتها
قلت في نفسي : انا بقيت بنزين وما عارف ولة شنو ؟؟
تاني انا زاتي زدته سرعتي وقلت ليها استني لحظة . لحظة بس .. نسيتي الباقي حقك ..
قالت لي بدون تلتفت : حلال عليك شيلو ... ودخلت بيتهم
عاينته كدااا ... قلت في نفسي : البت طلعت جارتي وانا م عارف !! ؟
و بيتهم مقاصد بيتنا كمان وانا آخر من يعلم !!
طوالي ربطته الكلام دا بليلة امس لمن ماهر جا نادا رباب وقال ليها نورو واقفه ليك جمب الباب
لاحظو للأسم وفخامتو .... نورو ....
لو كنت عارف دي انتي ي نورو .. كنت .....