الجزء 20

عمو خالد السواق جا رفعو معاي ..💔 و جري مشينا المستشفي ..

طلبته من دكتور عمر يشوف حالتو ..

بعد شويه طلع وطمني : م تخافي .. شوية رضوخ بس ..

لكن انتي بتعرفيهو من وين ؟؟

قلت ليهو : طوالي بشتري منو مناديل ورق .. اها صحي ولة لسع؟

قال لي : لسع .. رائيك شنو تجي افحص ليك م دآم كراعك براها جابتك ؟

قلت ليهو ما بيحتاج 😁😁

قال : انتي لا بتجي مقابلات .. ولا بتجي تتطمني علي حالتك .. بس زول وقاعد .. شغلك دا اسمو انتحار

و واصل : بعدين يا ام قلبآ مفتري .. تعرسي وما تعزميني !!!

ضحكته وقلت ليهو : معلييش .. بس كل حاجه حصلت سريع سريع ..

تلفوني ضرب عاينته لقيتو وليد .. طوالي عملتو صامت وجدعتو في غياهب الشنطه ..

استنييت مجاهد لمن بدآ يصحي قومته اتصلت لي امو لاني شلته رقمها .. طمنتها وقلت ليها مجاهد معاي 💙 عشان ما تقلق

مشيت ليهو سلمت عليهو ..

بعد لحظات من الصمت سألتو : منو العمل فيك كده !!! ؟

سكت سااي ..

تاني سألتو : الووو

قال لي وقعته ..

ضحكته مسسافه وقلت ليهو : لو الزول البقع وشو بكون كده ما كان في زول وشو سليم

سكت مسسافه وقام بخلعه من السرير : الزمن كم يا حنين !!

استغربته منو وقلت ليهو 7:34 مساء

قام وبدا يمعط في سير الدرب : انا اتأخرته ..

استغربته منو وقلت ليهو : لالا ماشي وين انت !!!

ما رد لي وبس شايفه دموعو بتنقط .. حضنتو علي طوالي وقلت ليهو : اختك جمبك .. احكي لي في شنو !!

وقام بدا يحكي لي المصيبه 💔💔😑😑

❤❤❤

في الشركه # حقت وليد الكانت # حقتنا .. وليد كان بتكلم بالتلفون : الحيوانه دي ما بترد ليشنو !" وليشنو ما رجعت البيت لي هسع !!

عمو خالد وراهو الزيت .. وبعد مسسافه وليد قال ليهو : خلاص انت امش بيتك انا بجيبها ..

❤❤❤

مجاهد : اختي صفاء الصغيرة عندها مشكله ف القلب .. ولازم يركبو ليها صمام 😑

في واحد اسمو ابوساطور 😑 عرض علي اني اشتغل معاو وهو حيدفع قروش عملية صفاء 💔

انا وافقته طوالي .. م كنت عارف الشغل شنو بس قلت مهما كان حأشتغلو عشان اختي صفاء 💔

قال لي في كيس عايذك توصلو لي .. حتمش حي ...........

حيقابلك واحد حتديهو الكيس فاهم ! ؟

قلت ليهو فيهو شنو الكيس ؟

غضب مني وقبقبني من قميصي وقال : م يخصك .. انت اعمل القلتو ليك ..

و ورآني شكل و صورة الزول الانا حأقااابلو ..

شلته معاي الكيس بعد ما هددني وقال لي احافظ عليهو 💔

شلتو في كرتونتي ومشيت بيهو البيت ..

لسوء الحظ امي الصباااح غيرت لي الكرتونة بي واحده اجدد .. ما عارف الحصل شنو بس الكيس م لقيتوو 😭😭😭💔

سألته امي قالت هي نقلت لي حاجاتي ف الكرتونة .. والما نافعين لمتهم مع الوساخه ودفقتهم في الكوشة ..

جريت الكوشه فتشتها ولقيت الكيس .. بس لقيتو مشروط وفي جواهو ملح كلو ادفق ..

قومته من طريقي مشيت الدكان اخدته ملح وكبيتو في كيس اسود وربطتو .. ومشيت اديتو للزول المفترض اقابلو .

انا طوالي وقت سمعته كلام مجاهد عرفته انو دي مخدرات 😱😱

سألتو كمية الملح الأدفق كان قدر كيف ؟

قال لي قدر الملح المعبآ دا بس كابنو في كيس من اكياس الربع وملفوف بي كيس اسود

و واصل : ابو ساطور رسل لي ولد ناداني في المحل حق البليستيشن حقو . و هناك ضربني 😭

وهددني لو م جبته ليهو الكيس الاداني ليهو .. حيقتل صفاء اختي بدل يعالجها 💔

وبعدين حيلحقني ليها 💔

عشان ملح عاوز يقتلني انا واختي ي حنين 😭😭😭😭

قلت ليهو : ولا حيقدر يقرب مننننك 😐☝

هي البلد ما فيها قانون !!

في اللحظة دي وليد جا داخل الغرفه .. واتفآجآ لمن شاف مجاهد .. طبعآ طوالي اتذكرو ..

قبل ما يفتح خشمو قلت ليها : اتفضل اقعد . لازم نتكلم ..

ومجاهد سرد ليهو القصه كلها واختتم حديثو : قال لي 8 34: لو جات وما استلم الكيس حيوديني في ستين داهيه ..

وبدآ يقوم من السرير وهو بقول : امي واخوآتي آمانة عندك ي اختي حنين .. لو حصلت لي حاجه

دموعي نزلو طوالي وعاينت لي وليد ..

ملامحو كانت قاسيه وعروقو ظاهريين من الغضب ..

قال ليهو ارجع سريرك ..

مجاهد عاين ليهو بخوف واستغراب .. لانو متذكر آخر موقف معاهو كان كيف ..

وليد : الغبي دا محلو حق البلستيشن وين ؟؟

مجاهد وصف ليهو المحل ..

قال لي : خليكي معاهو هسع بجي بسوقك ..

قلت ليهو حأمشي معاك 💔

قال : خليك جاهزه بس هسع بجي

وطلع ..

انا ومجاهد كنا قاعدين ع اعصابنا ..

قال لي امي هسي بتكون قلقانه علي 💔 شلته تلفوني وضربته ليها .. اتكلمت معاها اوول وقلت ليها انو بكرة عندنا تصوير وكده .. هو زاتو استغرب لانو م كان عندو علم ..

اتكلم مع امو وقال ليها تخلي بالها من نفسها والبنات .. وتقفل الباب وما تفتح لي زول ..

امو كانت قلقانه عليهو لكن وقت اتصل عليها وعرفت انو مع حنين اطمنت ..

❤❤❤

الساعه عملت 11:34 مساء

فتحت عيوني لقيت مجاهد نايييم .. و وليد ما جا ..

قلبي اكلني .. اتصلته عليهو بس رقمو خارج نطاق التقطيه ..

اتمشيت في المستشفي كدااا .. لاقاني دكتور عمر : ما مشيتي بيتك يا مرة !!

الراجل مسكين اكيد

ضحكته وقلت ليهو : هو زاتو الراجل جا براهو م تخاف .. بعد شويه شوفتو داخل من المدخل .. خليت دكتور عمر وجريت عليهو : اها عملته شنو 💔💔😐😐

قال لي : ياخ ديل شفع ساي .. م تخافي ما حيتعرضو لي مجاهد ولا لي عيلتو . انا حليت الموضوع بدون ما أجيب سيرة مجاهد .. هم هسع ف السجن

قلت ليهو . وانا فرحآنه : شكرآ ليييك بالجد ..

لاحظته ليهو كأنو بتألم . .. وقام . غمض عيونو مسسافه وبعدين وقع تحت رجولي

💔

❤❤❤

# وليد _ يحكي

نمش نشوف مقابلة وليد مع ابو ساطور ..

وليد وصل محل البلستيشن ودخل . كلهم كانو شفع .. اكبر واحد فيهم كن بالغ عمرو بكون عشرين سنه

سألهم : وينو ابو ساطور ؟؟

واحد من الشفع وقت شافو قال : اج ج ج ج جااا !! آآن دا ‏( عاين دا 🠾񘴣 غايتو كلام الشماسه دا ‏)

وشال الاسطوانه حقت المصارعين بقي يبحلق فيها

اجل يا ساده .. انه رومان ..☝😌

واحد رفع حاجبو بي أذدراء وقال : عايذ شنو حضرتك ؟؟

وليد : انت ابو ساطور ؟

رد ليهو : لا .. كجنكه ..😒

وليد : نادي لي اب ساطور ..

كجنكه عاين ليهو مسسسسافه وقام مشي .. بعد شويه جا واحد سمييين ومعضل .. يعني خطيييير كده بس باين عليهو صغير ..

قال لي وليد : اتفضل .. عايذ شنو !!! ؟

قال ليهو : سمعته انو انت بتبيع بدرة .. بلقي عندك هروين ؟؟

هنا ابو ساطور بدا يتلعثم .. قايل وليد واحد من المباحث :.. ب ب بدرة شنو ؟؟

قام وليد ضحك .. وقال ليهو : م تخاف عايذ اشتري انا 😇

وطلع ربطة حقت قروش زغلل بيها عين اب ساطور

طبعآ وليد عندو خبرة عن امور المجرمين ديل .. وقال ليهو كلمة الشفرة ..

طوالي ابو ساطور حضنو وقال ليهو : اوو حبيبنا .. عندي طلبك م تخاف بعزك ..

وعاين لي كنجكه طوالي مرق ..

بعد شويه كجنكه جا خاشي وشايل كيس في يدو وليد طوالي ادا الاوكي من تلفونو ..

كجنكه رمي الكيس وطلع جاري بعد سمع صوت عربية الشرطه ..

وابو ساطور زاتو عاوز يجري بس وليد استلمو .. اتصارع معاهو زيييين .. انتو عارفين انو صحتو كويسه وكده 😆😅😅

بعد ما ابو ساطور فتر .. قام طلع سكينه وقزاها ليهو في كيلوتو .. بس وليد قلبو حديد .. وما فكاهو لغاية الشرطه جات قبضتهم .. ولحقو كجنكه مسكوهو ..

وليد رجع المستشفي وجسمو كلو مخدر وما حاسي بي حاجه .. لغاية لاقه حنين و حصل الحصل 😣😣

💙💙💙

الساعه 4:34 صباحآ .. وليد فتح عيونو وهو بعاين في السقف ..

جيت جاريه عليو وانا دموعي عشرة عشرة :.. وليد 😭😭💔💔😭 انت كويس !!! حاسي بي شنو هسي !!

حاول يقوم بس ما قدر .. كانو مركبين ليهو كم جهاز ولافين ليهو نصو بي شاش .. صرة وشو صرة آلم . وهو بقول : انا عايز أطلع ..

قلت ليهو : لالالا ما حتقوم ..

أصر يقوم بس اصراري كان أقوي .. عنادي أكبر من عنادو بكتير .

في النهايه استسلم لي ونام 💔

قعدته اراغب فيهو وهو صاري وشو من الآلم . وشعرو غاطي عيونو . وتفاحة آدم تنزل وتطلع .. عاينت ليهو وانا خايفه من الفي بالي 💔

❤❤❤

الصباح .. الساعه كانت 6:34 صباحآ رجعت غرفة مجاهد .. طبعآ اشتغلته صفاء ومروة بس

اتصلت علي ناس بيتنا طمنتهم وقلت ليهم نحن في الشقه ..

.. لقيت مجاهد بلبس قال لي ماشي البيت 💔

طمنتو انو وليد حله الموضوع بدون ما يجيب اسمو وهسع ابو ساطور مسجون

مجاهد مشي طلة علي وليد وطلع ..

تاني رجعته لي وليد ورقدته في الكرسي .. كنت تعبانه شديد عشان كده غفيت

😴😴

صحيت علي صوت كركبه .. صحيت لقيت وليد قام وعلاقة الدرب وقعت صحتني .. قلت ليهو : انت ليشنو عنيد كدا !! استأصلو ليك كليتك اليمين انت م ملاحظ !!

قال لي : ملاحظ ..

ان شاء الله ما كلمتي امي بس ؟

قلت ليهو انا ما غبيه

قال لي : امممم احتمال ..

ياخ حتي وهو عيان بقصف جبهتي 😤😤

شال قميصو بصعوبه وبدآ يلبسو 😣😣

جيت ساعدتو ولبستو القميص .. زررته ليهو الزراير من تحت لي فوق ..

وقت وصلته آخر زرارة رفعته رآسي عاينت ليهو ..

كانت ملامحو م مفهومه .. وشو فيهو ابتسامه مخلوطه مع شوية آلم .. ومعاهم غضب وكره .. ما فهمتو نهائي ..

اوول مرة اشوف عيونو .. شعرو غاطي عينو اليمين قومته زحيتو من عينو ..

عيونو حلوآآآت ورموشهم كثييييف .. بس لونهم مختلف ..

الشمال بنيه .. واليمين سوداء ..

بس سواداها كانو شالو سواد الدنيا كلها وختوهو في عيونو .. ونهائي م بتقدر تفسر نظرتها

قلت ليهو : اوول مرة اشوف عيونك ..💔 حلوآت شديد .. ليشنو بتغطيهم بالنضارة دايمآ !!

غمض عيونو مسسسافه ورجع شعرو لي ورا وقعد في السرير ..

انا وااقفه بعاين ليهو .. رفع يدو ختاها في عينو ونزلها .. رفع لي راسو وفتح عينو وقال : عشآن كده بغطيهم ..

وقت عاينته لي اصبعو شوفته العدسه .. وعاينت لي عينو بدون م اشعر عيوني دمعو 😢😢😢

❣❣❣

# رشا _ تحكي

رشا طلعت السوق اخدت ليها تلفون وشريحه ..

.

وهي راجعه مرت بالمغابر .. دخلت ومشت بي خطوات وئيده ..

عاينت يمين وشمال ما شافت زول ..

طوالي بدت تحفر بسرعه بسرعه ..

طلعت ليها شنطه سوداء صغيرة كده . جوه كيس .

طلعتها من الكيس وقامت اتنفضت سرعه سرعه وطلعت ..

❤❤❤

آمنه في بيت طارق كانت شايله نينه .. طبعآ طلعت ليها عينها من البكاء .. البت 24 ساعه بتبكي

لغاية آمنه زهجت وقالت في نفسها : الرشا دي مستحمله الجوطه دي كيف !!".. ؟

وقت خلاص فاض بيها مشت دخلتها جوة الغرفه وقفلت الباب وجات ربطت راسها وخلت ألبت جوه تبكييييييي

..

سعاد سامعه صوت بكاء نينه بس طارق ماخد منهم موقف .. وسلام الله مافي بيناتهم ..

عشان كده اتحسبنت وسكتت ..

رهف جات من المدرسه ودقت الباب كدااا .. آمنه حبوبتها ما سمعتها لانها معليه صوت التلفزيون ..

وبي هناك نينه بكت بكت لمن سكتت م معروف الحصل ليها شنو ..

❤❤❤

رشا شايله شنطتها وماشه ف الشارع وهي بتتلفت ..

فجآه في حد غطي ليها وشها بي منديل فيهو مخدر ووقعت فاقده الوعي ..

❤❤❤

بي جاي سعاد فتحت الباب ولقت رهف قاعده متمحنه ..

: مالك يا هوفه ؟

رهف : حبوبه سعاد 😢 وينها حبوبتي ! ؟؟ من جبيل بدق الباب بس ماف زول فتح لي !!

سعاد مشت ودقت الباب بأعلي قوتها ..

ي دآب فلانه انتبهت وقامت فتحت الباب .. وقت شافت سعاد لووت ليها خشمها وجرت رهف دخلتها جوه وقفلت الباب ..

رهف وقت دخلت غرفتهم صررخت