الجزء 17

عمار : حنييييين .. ما يهمك .. ربنا موجود وحقكم محفوظ .. ان شاء الله المحتال دا حياخد جزآءو ..

انحن ما عايذينك تحسي بي إنك ما ليك فايده عشان ما حتقدري تساهمي بالقروش وكده .. اهم حاجه انك تدعمينا ..

وزي م انتي عارفه انو انتي أهم عضو لانك الفكرة صاحبة

منذر : قصدك صاحبة الفكرة

مي 😂😂😂 : منذر ياخ

منذر : مالك انتي كمان 💔💔☹☹.

مي : يملك ف الشطه ☹

قلت ليهم هووي هووي سيبو العوارة 💔💔😂😂😂

يلا انا استئذن منكم .

مي : خليييك ي حنو ... الزمن بدري

كلهم قالو ما تمشي ياخ

قلت ليهم مصدعه والله .. يلا نتلاقي بكرة ..

طلعته والساعه كانت 12:34 مساء

ركبته لي أمجاد .. وطول الطريق كنت سرحانه ..

انا مغبونه عشان جوكر احتال علي ابوي .. وفرحانه في نفس الوقت . فرحانه لي ماما مريم انها لقت ولدها . بس لكن للأسف الشر الفيهو يحرق بلد كامل .. اتنهدته مسسسسافه وتاني قلت : بس مهما حصل لازم المدرسه تتبني .. ولازم الأطفال ديل يكملو تعليمهم ويدخلو أفضل الجامعات .

وصلته البيت ونزلته علي مضض .. كنت خايفه ألاقيهو .. 💔

وانا داخله شوفته في عمال بطلعو في العفشش ..

شوفته دولابي الحوب شايلنو ..

صرخته في وشهم : انتو بتعملو في شنو !!

رد لي واحد وقال : بننقل العفش لي غرفة تانيه ..

قلت ليهو : موديهو وييين !" والأداك الحق تنقل عفش ..

قاطعني صوت جوكر : انا قلت ليهو .. الغرفه الكانت # حقتك هسع حاليآ بقت # حقتي

نقلو ليك عفش غرفتك في غرفة تانيه 😇

طبعآ اتقبنته منو وقعدته أشاكل فيهو بسس ولا أشتغل بي

ومشي خلاني بشاكل وبقاني ملطشه قدام العمال .

لغاية لمحته لي واحد قعد يضحك قومته صريت ليهو وشي ☹☹☹☹☹

طلعته ع غرفة ماما مريم عشان أشكي ليها ..

ماما مريم وقت شافتني قالت وهي بتبكي : حبيبتي حنين 😭😭😭 شوفتي وليد رجع لي !! ولدي رجع لي ي حنين !!

ما حبيت أضايقها عشان كده أبتسمته ليها وحضنتها : حمد الله ع سلامتوو ي ماما .. زي م ربنا جمعك بيهو ي رب يجمعك بي وداد ❤

مريم : يا جامع يا رقيب أجمعني بيها

قلت : آميييين .. انتي كيف حبيبتي ؟

قالت لي كويسسسه ومبسسسوطه

فرحته ليها وقلت في نفسي : انا م أكون انانيه .. خلاص مصانعنا راحت يعنئ نعملو شنو غير نصبرو 😑😑

قومته منها ومشيت غرفة أمي لقيتها مقلوبه وعفشها متغير .. وهي قاعده ف نص السرير بتبكي

من وقت دخلته قالت لي : وافقي ي بتي عليييك الله .. انا ما بقدر أستحمل الزل والأهانات دي !!

دموعي نزلو وم قلت ليها حاجه .. بس طلعته ومشيت ع الغرفه الكانت # حقتي .. قبل م افتح الباب وليد جا طالع ..

بعيدآ عن غضبي منو ما شوفتوهو عامل كيييييف 😭😭😭

احيي ي قلبي الموفترري ❤

واي انا لابسس فنيله بتروليه نص كم وقربت تنشرط من العضلات ❤ ياعينيي عليهو .. و لابس بنطلون جينز أسود .. وماسك شعرو بي ورا والدقن حالقو حلاقه خفيييفه .. وكالعاده .. نظارتو الرايبان السوداء ❤

رفع لي حاجبو اليمين وقال بأستهزاء : في حاجه ؟؟؟

غمضته عيوني عشان سحرو ما يخليني أضعف وقلت ليها ببرود جراح دماغ بريطاني : انت بتعمل كده في عيليتي ليشنو !! عاوز تنتقم مني عشان كنت بتكبر عليك وقت كنت بتسوق العربي ...

قاطعني : العربيه # حقتك صح ؟؟

بعدها ضحك ضحكه . واي انا قطعت كبدتي ..

و واصل : اوووول شي انا ما بنزل مستواي عشان اقعد اتناقر مع أمثالك !!

امسكو دي القصفه رقم 4

تانيآ ودا الأهم .. الموضوع اكبر من اني انتقم عشان كنتي بتتكبري علي وقت كنت سواقك .. الموضوع كلو بتعلق بالماضي .. ماضي أهلي وأهلك ☹

يلا انا ماش الشركه # حقتي اتأخرته .. الليله اول لي يوم

وهو ماشي حاولته أستفذو وقلت ليهو : بتعمل كده عشان طمعان في القروش صح ؟ ههههه كان تقول بس وانا كنت بضمن ليك انو المصانع حتكون حقتك .. بس ما بالغدر ي أستاذ .. ما كان تغدر بي أبوي وتخون ثقتو

عملتك عملة الكلاب البتعضي اليد الأتمدت ليهاا .

هنا طوالي وقف .. وعمل خلف دور

قلت خلاص حيضربني ويعوقني 😭😭😭

جا قال لي بهدوء : ابوك آخر واحد يتكلم عن الغدر ...

يلا نضفي البيت كويس ورتبي الغرف .. انا ماشي وعايز أشوف البيت مرايه لمن أرجع 😇

وطلع خلاني وااقفه زي الهبله !!

❤❤❤

الأوضاع في البيت كانت ماشه من سئ لي أسوء .. و وليد كل ما يلقي فرصه ببهدلنا .. ماما مريم حاولت معاهو انو يلين قلبو شويه بس راسو يابس ..

سحب العربات من امي وابوي .. وحالتنا بقت بالبلا .. شويه شويه امي رخت وبقت تشتغل في البيت 💔

لانو طردهم من الشركه ..

ابوي بطلع من الصباح وم برجع الا حداشر ..

قايل بي عملتو دي حيهرب من واقعوا .. ما كان عاوز يشوفنا بنتذله وبنتهان قدامو وهو م قادر يعمل شي ..

لغاية جا اليوم الأتذليت فيهو انا وم بنساهو طول حياتي ..

ابوي كان مافي طبعآ .. وانا كنت ماشه الجامعه ..

قلت لي امي عايذه المصروف بس ما كان عندها ولا تعريييفه 💔

قالت لي وهي مدنقرة راسها : ي بتي ماعندي والله..💔 وليد سحب مننا كل شي ..

حتي دهبي واي حاجه بملكها راحت ..

خلاص نحن ادمرنا ي حنين

وشوفته دموعها وهي بتنقط مرة في ارضية السيراميك حق المطبخ .. ومرة في الممسحه ..

ما حسيت بي روحي الا وانا بببكي ..

امي واصلت وقالت : المفروض هو يسلمني راتب شهري ع شغلي .. حأمشي أجيب ليكي منو انتظريني

وهي طالعه كنت بناديها بصوت مخنوق انها ما تمش ليهو .. بس م سمعت مني ومشت

مشت ليهو . كان مع ماما مريم في غرفتها ..

تهاني : سيد وليد .. الراتب اتأخر وانا محتاجه للقروش 💔

عاين ليها بأستهزاء ورفع حاجبو وقال : بعدييين .. انا مشغول هسع

تهاني بلعت ريقها بصعوبه و واصلت : عاوزه أدي حنين مصروف الجامعه عشان هي اتأخرت .. ما بقدر أستني لي بعدين ..

انا اللحظه دي جيت داخله الغرفه .. وقت شافني قام ع حيلو وقال : اووو مس حنين .. ماشه الجامعه ولة شنو ؟

كان بتفحصني ونظرات الأعجاب باينه ف عيونو ..

كنت لابسه عباية سودا انيقه وطرحه سوداء

وانتو عارفين العبايه في الناس الطوال روووعه ❤

خاته مكياج خفيف و روج كبدي مايل للأسود ... م كنت بحب اتمكيج بس حالتي النفسيه فرضت علي كده ..

ولابسه نضارتي طبعآ ..

لويت خشمي وم رديت ليهو ...

واصل : امك قالت انك عايذه مصروف الجامعه ...

محتاجه كم ؟

م رديت ليهو وانا قلبي متقطع وحاسه بي إهانه عجييييبه ..

واصل وهو بطلع قروش من جزلانو : هاك ي حنين .. ومداها لي بطريقه مستفذه .. تعالي شيلييها ..

ما عارفه ليييي انا غبيه كده ومشيت أشيلا منو ..

اتخيلو عمل شنو؟؟؟؟

❤❤❤

ابوي بي جاي كان مضغوط خالص .. واتبهدل ..

وما لقي شغل ..

فكر كتييييير انو ينتحر .. بس اتراجع عشاني انا وامي

اتذكر هو زمان عمل شنو ..

وطوالي قام اتوجه ع دآر العجزه والمسنين .. سأل المشرف عن واحد اسمو جابر ..

وصفت ليهو مكانو ... و وقت مشي لقاهو قاااأعد

جابر كان راجل سبعيني .. ملامح وشو قاسيه نوعآ ما .. ضهرو منحني بي سبب عامل السنين ..

كمال قعد مقاصد ليهو وقال ليهو : عم جابر .. اتذكرتني ؟

جابر رفع راسو وبعد مسسسسافه قال : كمال ؟؟؟

❤❤❤

رمي لي القروش في الأرض وقال لي : دنقري شيليها ☺

منظري كان آسسسف جدآ وانا ماده يدي بقيت زي الشحاده وانا واقفه قداموا ..

عاينت للقروش الفي الأرض وعاينت في وشو .. وطوالي تفييييت ليهو في وشو ..

وقلت ليهو : لو شلته منك فلس واحد ي جوكر .. ابقي ما حنين الكتيابي ..

وانا طالعه قال لي : وليد ... وليد قسم السيد لو سمحتي ☺

طلعته والغضب مالي قلبي .. والدموع نازله كاننها مطر .. وانا بقول : لو ما خليتك تركع قدامي ابقي ما حنين ... ابقي ما حنيييين يا جوكر !!!

❤❤❤

كمال كان ماشي بي رجولو في الشارع والتوتر بادي علي وشو ..

وكان بقول : ي ربي يكون دا قسم السيد !!!!

معقووله يكون عايش !!!

واتذكر كلام جابر بالحرف الواحد ..

قال ليهو :. انا الغلط العملتو الله جآزاني بيهو في دنيتي .. وزي م شايف .. اولادي رموني في دار العجزه والمسنين ..

كمال : حصل شنو في الليله ديك ي جابر؟ انت موش جيت وقلت لي وليد مآت ؟؟

جابر بكاء مسسسافه وكمال كان بتحسبن وبستغفر .. لغاية جابر قال : الولد كان بقاوم فيني .. قومته بديت أضربو وصوت صراخو للآن في أضاني ..

بعدها صرخ صرخه عجييبه ... لانو وانا بضربو ضربتو في عينو ..

بعد صرختو دي سكت وتاني ما قال شي ..

وقت التفته وراي كان في راجل .. قعد يضرب فيني وبقول : دقسته مع قسم السيد . انت كتلت ولدو

طبعآ انا خوفته لانو انا عارف انو قسم السيد ميت وطوالي اغمي علي

وقت صحيت لغيت نفسي في محلي .. م اتوقعته القي نفسي حي زاتو .. قومته وم لقيت وليد ف المحل ..

عشان كده جريت رجعته بيتي وشهور م قعد اطلع ..

وكلمتك انو مات 💔

كمال رجع لي واقعو بعد اتعتر بي حجر .. ومشي قعد في مسطبه وسرح في المصيبه الهو فيها دي ..

بس قرر انو لازم يعمل حاجه ..

❤❤❤

# رشا _ تحكي

الصباح بعد طارق مشي شغلو ورهف مشت المدرسه ..

رشا نضفت البيت ومشت حممت نينه الصغيرة ..

آمنه قالت : اممممم رشا

رشا : ايوا ي عمتي

آمنه قالت في نفسها : عما دباسه .. وابتسمت وقالت : اليوم طالعه ماشه السوق مع خالتك سعاد ..❤

بس حابه اسوق نينه معاي ..

رشا : طيب م عندي مشكله .. بعدين ما إالا تستأذني مني .. هي حفيدتك في النهايه 😁

انا عايذه اتحمم ..

آمنه لالا م هسع ..

طبعآ رشا استغربت .. وقالت ليها : شنو ؟؟

آمنه صلحت كلامها وقالت : هههه قصدي م هسه ماشه بيت سعاد اشوفها طلعت ولة لسع .. خلي نينه معاك

بعدين انتي استحمي وقت نطلعو ..

رشا استغربت .. بس قالت ليها حاضر ..

آمنه طلعت وخلت رشا بتحاول تسكت نينه البدت تبكيي

اتآخرت مع سعاد بحجة انها لقت مسلسل شغال قعدت تحضرو .. لغاية جاها الاوكي من علاء وقالت لي سعاد : ارح بعد دا ..

مشت شالت نينه من رشا .. وهي طوالي دخلت الحمام ..

آمنه شالت تلفون رشا معاها

وهم طالعين خلت الباب مفتوح

سعاد كانت واقفاها برة . قالت ليها : ماقفلتي الباب ! ؟

آمنه : اي اي ههه رشا طالعه هسي عايذه تودي القمامه برة عشان كده

سعاد : ايواأ

وطلعو و أجرو ليهم امجاد واتحركو ..

علاء بي جاي لقي الباب مفتوح .. طوالي دخل غرفة رشا ..

وطلع كل ملابسو وانجدع ف السرير ومسكل لي آمنه ..

آمنه طوالي اتصلت ع طارق بي رقم رشا ونينه ساعدتها لانها كانت بتبكيي

طارق فتح الخط وبس سامع صوت نينه بتبكيي ..

قال : رشا رشا !!

بس ماف رد

و الخط قفل ..

بعد شويه اتصلت تاني ..

والخط قفل طارق اتصل ع رقم آمنه بس ابت ترد .. واتصل واتصل وهي شايفه المكالمه .. ف الاخير قفلت التلفونين .. كانت واثقه انو طارق حيقلق .. وقامت ابتسمت بخبث .. الخبيثه الشيطانه

طارق قلبو آكلووو قال اكيد آمنه بتكون عملت حاجه لي رشا .. .. وطوالي قام طلع من الصيديله و خلي فيها المساعد الصيديلي

وبسرعه اتوجه لي شقتهم وهو بحاول يتصل بس ماف رد ..

الله يستر بسس