الجزء 19

وقفته مذهوله .. وفي نفس الوقت كنت خايفه شدييد .. يا ربي ف شنوو؟؟

فآجأني صوت العميد وهو بقول وفي وشو إبتسامه رزينه : ادخلي ي حنين

دخلته وانا متوترة .. القاعه كانت ملاااانه .. وفي دكاترة كمان معاهو ...

عايذه امش اقعد في مقعدي بس قال لي : تعالي اقيفي ف المنصه ☝😌😌

جيت وقفته وكرعيني بطاقشو .. 😂😂 صح انا عندي شجاعه وكده بس القاعه ملانه ياخ .. وكمان في قريب العشرة دكتور معاهو ومساعدين التدريس ما يدوك الدرب 👋

العميد وقت شافني بفرك يديني مع بعضها من التوتر .. وشاف آثار الرسم .. قال بي ضحكه : ومبروك العرس ي مدآم 😁😁

ارتبكته شديد ورديت بصوت اقرب للهمس : الله يبارك فيك

واصل : طبعآ بما انو حنين شرفتنا ... انا حأقول ليكم سبب الاجتماع دا

عندنا مجموعه من طلبتنا قسم طب الأسنان ..

عرضو علي فكرة يمكن ما خطرت في بال اي جامعه من الجامعات ..

عاين لي وآشر : اختنا الطالبه حنين كمال .. وبالرغم من انها ليها يا داب كم شهر ف الجامعه .. بس قدرت انها تكون صدآقات .. وقدرت انو تلفت نظر الكل لي ظاهرة عدم إكمال التعليم لبعض الأطفال وكل طالب بمختلف مراحلهم الدراسيه .. و واصل : عشآن كده سبعه من طلابي انا بعتبرهم فخر لي جامعة الرازي .. اهتمو بالفكرة وحبو انو الكل يشاركهم فيها .. حنعرف فكرتهم لمن نتعرف عليهم .. ممكن يتفضلو ويجو لي في المنصه هسه ؟؟

في اللحظة دي شلتي بدت تطلع .. وكل ما واحد يصل العميد بقول اسمو .. : احمد منصور .. مي عبد الوهاب .. منذر عمر .. نمارك آبشر .. عمار بشير .. نازك محمد .. وآخيرآ ياها حنين كمال .

واصل : . اخوانكم قررو انهم يساعدو الطلاب دي .. وعرضو لي الفكرة حقتهم ..

آشر علينا انو نبدآ نتكلم ..

عمار : السلام عليكم ورحمة الله ..

اخوكم في الله عمار بشير احمد

وكرر الأسم : عمار بشير احمد

‏( هههه علي بالطاء عمار دا كوز .. من وقت قال اخوكم في الله .. وكرر اسمو ..😂 ‏)

زميلتكم حنين اخدتنا انا وباقي الشلة لي واحد من الأحياء البسيطه

وقابلنا فيها اطفال . الظروف خلتهم يبقو شباب .. ويساعدو اهلهم ..

منو فيكم يتخيل انو ولد عمرو 14 سنه بيدفع لي اخواتو رسوموهم الدراسيه . ؟؟

لالا وغير كده .. يطلع مصروف للغداء ... للإجار .. للكهرباء !!

انا بعترف قدامكم اني لمن كان عمري 14 كنت ماسك يد البلسيتشين 24 ساعه .. وامي بتجيب لي الأكل لي عندي ..

يعني عشته طفولتي كلها ..

والشي البحير حأقولو ليكم والداير يضحك يضحك .. اني لي الآن باخد مصروفي من ابوي 😭💔

كلهم بدو يضحكو

آشر لي مي عشان تواصل

قالت : حقيقه ما براك يا عمار .. كلنا بناخد مصروف من اهلنا ..

في نفس الحي لاقينا حليمه واخوها حسيب .. هم كمان تركو المدرسه عشان تآخر الرسوم ..

نمارق واصلت : عشان كده حنين عرضت علينا فكرة عمل مدرسة خيريه .. لأكمال التعليم المتوقف ..

منذر : اي طالب مهما كانت حالتو الاقتصاديه حيواصل تعليمو لغاية يخلص الجامعه

احمد : عملنا ملصقات اعلانيه حنعلقها في كل انحاء الولايه

نازك :. كمان عملنا اعلان ع كل وسائل التواصل .. وبنتمني انكم تساعدونا في نشر المنشور

اختتمته الحديث وقلت : بصراحه كده انا فخورة بي عميد كليتنا .. وفخورة بيكم لانكم رحبتو بالفكرة .. انا بتمني انو باقي الشعب يشاركونا عشان طوبه طوبة المدرسه تقوم ☺☺

في اللحظة دي الكل بدآ يصفق .. دكاترة ع مساعدين تدريس ع طلبه ..

طبعآ القاعه ضمت طلبة طب .. وطب اسنان .. وصيدله وتمريض ومختبرات

العميد وقت شافانا متوترين قال لينا ممكن تمشو تقعدو ..

مشينا ومي تقرص فيني ساااي

كملت لحمي كلووو الغبيه 💔😩😩

بعد ما قعدو نضمو ونضمو في الموضوع ..

انا ما كنت خاته بالي في كلامهم لانو انا زآتي بي همي ..💔

بعد كم دقيقه كده انتبهته لي صوت العميد وهو بقول : بعدين حيجو آخوانكم عشان نجتمعو ونتكلمو في الموضوع ..

وبعد شويه بدو يطلعو واحد واحد ..

ما عدا دكتور الانتومي بس هو الفضل لأنو المحاضرة معاهو ..

❤❤❤

بعد المحاضرة انتهت طلعنا الكافييتيريا ... كنا نحن والبنات بس وقعدو يسألو فيني : مالك نزلتي طوالي !! اها حصل شنو .. احكي لينا قبل م الشباب يجو .

نمارق : هووي ي بنات عيب .. دي أسرار زوجيه

قلت ليهم : هههه كان عادي جدآ . ونزلته لانو هو زآتو مشغول وانا م عايذه اغيب عن الجامعه .. المهم وين الشباب ؟؟

مي بدت تتمطي وتعاين وهي بتقول بري ما شايفاهم انا .

نازك : اظنهم حبو يدونا شوية خصوصيه مع عروستنا 💔💔💔🤣🠾񘴣🤣

ياخ احكي لينا ي حنين .. عشان نكون جاهزين بعدين

قلت ليهم عشان اريحكم ما حصلت اي حاجه بيناتنا ..

كلهم اتخلعو وقعدو يعاينو بأستغراب .. واصلته : اي اي ما حصلت اي حاجه م تعاينو لي كده .. ياني بت زيكم .. يلا انا جوعته ياخ ارح نطلب لينا حاجه .. ما بقدر استني الشباب انا ..

نمارق : ياهو داك منذر خالط سنير صيدله م اظن حيجينا هسه . وما عارفه احمد وعمار غطسو وين .. ارح ناكل م ضروري ننتظروهم ..

مشينا طلبنا ..

ونحن بناكل عمار واحمد جو . وكانو شايلين حاجات معاهم ..

احمد : ياااا خووونه ياااا مااارقيين يا عديمين العشرة

عمار : زماالتهن زمالة حبششششش 💔💔😖😖

مي : والله انتظرناكم وانتو اتأخرتو .. بعدين انتو شايلين شنو ؟

احمد وهو بقعد : دا غراء .. امشو شوفو الجامعه كلها ملصقات .. ومده يدو لي عمار الناولو ملصق مداهو لينا .. قريناهو وكان عبارة عن اعلان للمدرسه الخيريه ..

وتحت في ارقام التواصل للمساعده .. من بينهم رقمي !!

قلت لي عمار وخشمي كلو أكل : هووعي دا شنوو . ليشنو رعقمي معاهم !!

عمار : يا شييييخه 😖😖 تمي الأكل الفي خشمك اووول ..

ديل رقمك ورقم العميد واحمد ونمارق

ونحن كمان عندنا دور ما تخافي .. قسمنا الأدوار حسب اي زول ..

غايتو رضيت اسوي شنو .

قلت ليهم انا ماشه عندي شغل ف البيت

حأتصل بي جوكر يجي يوديني

و اتصلته علي جوكر # زوجي . عشان يجي يوصلني البيت ..

هزآئني كداااا .. دموعي لمن جرو .. وفي الآخير قال لي : بلز ليك السواق وقفل الخط ..

حصلت لحظة صمت رهيييبه ..

ما واضحه فيها إلا صوت شهقاتي 💔💔💔..

عمار ماسسك أعصابو بي صعوبه وقال لي مي : سوقيها الأستراحه 💔

بعد مشينا قعد يشاكل ويشاكل في تصرف وليد معاي 💔

نازك و نمارق قامو لحقوني الأستراحه ..

واحمد قعد يهدئ في عمار وفي الآخير قال ليهو : دا راجلها في النهايه .. نحن ما حنقدر نعمل شي 💔

❤❤❤

ف البيت المساء كده .. كنت قاعده مع ماما مريم في غرفتهاا ..

امي جات وهي مكسورة وقالت : العشاء جاهز .. وطلعت

انا انقهرته من جواي .. دي امي !!!! قعدته ابكيييي ... ماما مريم مسحت ع راسي وقالت لي : أصبري بس .. كل حاجه حتتحلا قريب ..

....

في السفرة قعدنا كلنا ..

وليد قاعد في الكرسي الرئيسي .. وع يمينو في امو .. وانا ع الشمال ..

وابوي جمبي وامي جمب ماما مريم باليمين

ماف زول كان بياكل إالأ وليد # الزفت

انا أكلته لي عجورة واااحده بتذكر ..

وقومته ..

مشيت غرفتي وقفلته الباب ..

شلته لي واحد من المراجع وقعدته اقرا ..

اصلو اهملته كتيييييير دراستي الفترة الفاتت ..

كنت نعسسسانه .. وكل شويه بسمع دق ف الباب بس ما رديت نهاءي .. م كنت عايذه اقابل زول ..

الصباح وانا طالعه لقيتهم قاعدين ف السفرة

قال لي بأستهزاء : لازم تحترمي مواعيد الأكل واضح ؟

ما رديت ليهو وطلعته طوالي .. لقيت برا في راجل خمسيني كده قال لي : انا سواقك الجديد يا مدآم

قلت في نفسي : كويس خاالص .. انا ماشه تمام 😌😌

في الجامعه كان عندنا عملي حق biochmestry

كنا مقسمين قروبات .. قروبنا كان من الألف لغاية حرف الفاء .. كنا عشرين انا واحمد في القروب من الشله .. طلعنا كده في واحده من قروبنا اسمها حلا .. حنكوشه خلاص ما بريدها كلو كلو 😒😒😒 نبهتني : حنييييين .. واي لكن شوفي اللاب كوت بتاعك اتملا دم .!! انتي بترعفي !

😱😱😱

قلت ليها شكرآ لانك نبهيتني ..☺☺ ومشيت الحمامات غسلته وشي ونضفتو .. اللابؤكوت اتوسخ عشان كده طبقتو .. قلته بعدين اغسلو في البيت ..

طلعته مشيت رقدته ف الأستراحه . سرحته في السقف لغاية نومته 😴😴😴

❤❤❤

في البيت وليد كان قاعد مع امو .. وهي شغاله تقول ليهو م يقسي علي وعلي امي وابوي 💔

وليد : يا امي انا ما عارف انتي ليشنو بتدافعي ليهم !!

الزول دا حاول يقتل ولدك !! يعني لو ما الراجل الطيب دا ساعدني كان هسع انا في عداد الاموات 💔😐😐😐

‏( اها يا سيف النار 🤣🠾񘴣🤣 ‏(

مريم سكتت مسسسافه وسألتو : طيب الراجل الساعدك دا .. ما قال ليك هو ليشنو ساعدتك؟؟

وليد : قال انو ابوي كان خدمو . خدمه زمان .. وهسع رده ليهو جميلو ..

ثم تانيآ انا زاتو ما لاقيتو .. بسمع بي اسمو بس لكن ما شفتو 😴😴😴 بتعامل معاي بغموض ما عارف ليشنو .. اتكلمته معاهو بالتلفون بس .. وكل تعاملي معاهو بكون عن طريق زول .

مريم : منو الزول دا ؟؟؟

وليد : الراجل الساعدني وقت كمال رسل حد يكتلني اسمو اسماعيل حسن ..

مريم وقت سمعت الأسم اتخلعت وقلعت عيونها .. بس وليد ما لاحظ ليها كان مشغول بي تلفونو .. و واصل : .. المهم يا امي .. انا عارف بعمل في شنو .. ولو م لقيت وداد ما حأخليهم في حالهم نهائي .

مريم ارتبكت وقالت ليهو بسرعه : يا وليد انت اختك دي لو عايشه كان جات .. عليك الله انساها 😐💔

وليد أستغرب من كلام امو .. كيف تقول كده وهي م عارفه بتها ويين زاتوو !!! ؟

بس م اشتغل في الموضوع وقال ليها انا طالع ي الغاليه .. خلي بالك من نفسك .

بعد ما طلع قالت في نفسها : وداد لو رجعت ما اظن انت حتعاين في وشي لو عرفته الشي البتعرفو وداد 💔...😐 صح هي بتي وبريدها .. بس ما بقدر افقدكم الأتنين اناا .. عشان كده يا رب تكون وداد ماتت 💔

واسماعيل !!!!!

لازم اتكلم مع كمال لازم ..

في مصيبه حتحصل انا متأكده 💔

‏) الليييييله وووب . ‏)

❤❤❤

صحيت علي صوت نمارق وهي بتقول لي بهدووء : صليتي الضهر ؟؟

قلت ليها وانا بتثائب : هاااالالأ

تاني قلت ليها الساعه كم هي ؟؟

قالت لي : 3:34 مساء ..

قومته سريع سريع مشيت اتوضيت ..

بعد صليت الضهر اتلمينا تحت شجرة كده ..

منذر : اها ياا حنوو ..

وييين ممثلينك !!! عايذين نصور الفلم نحن 🐽񎃸

حنين : طيب م عندك مشكله .. الليله بمش بتفق معاهم وبكرة نصور ..

نازك : بس بكرة الجمعه .. انا ما طالعه من بيتنا ياخ 😩😩

عمار : كلنا م عايذين نطلعو يوم الجمعه بس مضطرين .. لانو زي م انتي عارفه امتحانتنا فاضل ليها شهر .. تاني م حنلقي زمن ..

قلت ليهم خلاص بكرة حيكونو جاهزين .. حنصور وين لكن ! ؟

منذر : انتي بس كلميهم وألباقي علي

قلت ليهو أبشر والله .. وصلحته شنطتي وقلت ليهم انا بمش

احمد : ههههه من عرستي خليتي اللففان .. عاد انكربتي

ابتسمت وقلت ليهو : امو ما ولدتو اليكربني ☺

عمار : دي حنين البعرفها يا شباب ☝😌

واحمد واصل : بس العميد نسيناهو !!

عمار قال : طيب ارحكاكم من طريقنا دا

قلت ليهم احضروهو وكلموني انا م بقدر استني ومشيت خليتهم ..

وصفته للسواق الحي حق ناس مجاهد .. في طريقي شلت حلاوات والعاب للشفع ..

وقت وصلت بيتهم لقيتو مافي .. سلمته ع امو واخواتو واديتهم الحلاوات الجبتهم ليهم

فرحو بيها كتيييير .. تاني مشيت بيت ناس حليمه وحسيب كلمتههم ورحبو بالفكرة ..

وانا طالعه من الحي لاقيت مجاهد 💔 كان ماشي بي صعوبه 💔

نزلته سرييع وجريت عليهو 💔

مسكتو كده .. جسمو كان سخخخن .. وفي آثار ضرب ع وشو .. قال لي بصوت مجهد : حنين ..😑 ووقع بين يديني

💔😭😭😭😭

❣❣❣

# رشا _ تحكي

وقت شافتو دموعها نزلو واتذكرت الشي العملوو ..

جاها جاري وهو بقول : ما تبكي يا رشااا .. هو اصلآ ما يستاهل ضفرك .. لانو ما بثق فيكي

قالت ليهو : انت كيف تتجرآ تجيني هنا بعد العملتووا !!

كيف عرفته مكانيي !!

قال : انا تابعتك اليوم داك .. وعرفته انك نزلتي هناا

قالت ليهو بحرقه : ليي يا علاء عملته كده !! ليي خربته بيني وبين طارق !! حرمتني من بناتي نينه ورهف لييشنو !!

علاء : عشان حبيتك

عايذك لي يا رشا .

طارق ما عايذك .. والدليل انو عرسو الاسبوع الجاي علي نهي اخت مرتو المرحومه

رشا ما عرفت تسوي شنو .. صرخت في وشو : انت كذاااب ! طارق ما حيعرسهاا

علاء : هو براهو قال انو زواجكم كان زواج مصلحه . ساي .. عشان تربي ليهو بناتو 😁

اسمعي كلامي يا رشا .. عندي شقه جاهزه تعالي عيشي معاي

مالك ومال غلبة الشفع

ادتو كف وقالت ليهو انا بت ناس ومربيه ! اوعك تقلل ادب معاي !

وتاني لو فكرته تجي هنا حيكون آخر يوم في حياتك !

ومشت خلتو ..

وقف مسسسافه وقال : معلييش .. حأصبر عليك ي حبيبتي رشا 💙

علاء # الزفت قطع لي كبدتي بسسس عليهوو