الجزء 18

في قصر جوكر .. الساعه كانت 5:34 ص .. حنين صحت مخلوعه وجوكر بقول ليها : قووومي ي هانم .. قوومي !!

ما كانت عارفه في شنو ومالو جوكر ‏( وليد ‏) هايج كده !!..

وقبل ما تفتح خشمها خمشها من شعرها وكان جاريها وهي بتصرخ .. وكان الغضب مالي عيونو

امها وابوها ومريم جو اتلقوهو وطوالي رماها تحت كرعين امها وابوها وهو بقول : بتكم الواطيه اللافه لقيتها ما بكر !!

تهاني ختت يدها في خشمها و كمال قلع عيونو .. اما مريم قعدت عدييييل ..

وهي ما قادرة تستوعب حاجه .. هو ما لمسها لكن .. ولا قرب منها .. كيف يقول هي ما بكر !!!!

قعدت تبكي وتقول لي ابوها وهي ماسكه كرعينو : والله ي ابوي هو كذاب !! هو ما لمسني حتي !! كيف يقول انا م بكر وهو م لمسني !!!

ابوها زح وشو منها .. قامت علي حيلها وهي بتقول : ابوي .. ابوي رد علي !! انت ما مصدقو صح ؟؟

كمال وبدون سابق انذار اداها كف ..

ومن هنا الدنيا حست بيها كانها وقفت .. لانو دي اول مرة حد يضربها .. لا وكمان منو ؟؟ ابوها !!!!!

اكيد ما فاهمين حاجه موووش 😁😁😁😁😁

يلا # flash_back

المساء كمال رجع البيت ومشي غرفة بتو حنين طوالي ..

كانت بتصلي ..❤ بعد تمت الصلاة اتفاجأت بيهو وهو راكع قدامها : ي بتي الله يرضي علييييك ... موش انتي بتقدريني ؟

قلت ليهو انت فوق راسي ي ابوي ❤

قال لي : خلاص .. وافقي بيهو علييييك الله واسمعي كلام ابوك .. وقعد يبكيي قدامي .. طبعآ ما عرفته اعمل شنو 💔 وانا زاتي قعدته ابكييي لغاية قلت ليهو بصوت ما مسموع : التشوفو يا ابوي 💔

قال لي انا آسف ي بتي اني جبرتك .. بس بوعدك اكون ليك سند واحررك منو 💔.

ابوي وعدني وهو عارف انو م حيقدر يساعدني ولا حاجه ..

قام باسني ف راسي وطلع ..

قعدت ابكيييي وابكييي لغاية نومته في موصلايتي ..

صحيت ع صوت ماما مريم .. قالت لي بحنيه : مرت ولدي ❤ قومي من الأرض ونومي ف السرير

طوالي اترميت في حضنها وانا ببكيي .. قلت ليها انا م م عايذه اتزوجو ..

قالت لي بحنيه : بعرف .. لانو وليد اتغير . وكتييير كمان . بس ي حنين انا عايذه العرس دا يتم لانك الوحيده البتقدري تغيري وليد للأفضل .. لانو طيبتك دي حتكسر الحقد الجواهو

قلت ليها : لييي هو بيعمل كده !! وليي حاقد ع ابوي كده !!

مريم اتلعثمت وبس قالت تلاته كلمات : مجرد سؤء تفاهم .. وقامت طلعت

م اشتغلت بي كلامها وتاني قومته ابكيي .. لغاية نومته .

❤❤❤..

العرس اتعمل بعد اسبوع ..

لمه بسيطه حضروها حشد قليل من المعارف .. وكلهم مستنكرين وبوسوسو : كيف كمال يعرس بتو للزول الأحتالهم !!

كنت لابسه الفستان الأبيض وعامله روج كبدي مايل للأسود بس .. عكس مع بياض بشرتي وبالرغم من اني م عامله ولا كحل .. بس الكل كان مبهور بي جمالي اظنهم جنو م معروف ..

هو كان لابس بدله سودآء انيقه و بنطلون جينز ازرق ..

شعرو كان مفكوك بس خلإو شويه ..

وكالعاده نضارتو ..

كان شكلو واااو

انا طبعآ خلاص قربته ابكيي وهو كان كل ما يسمع شهقاتي بضغط ع يدي قوي .. طوالي بسكت ..

مي وباقي شلتي كانو فاهميين شعوري .. بس ما حيقدرو يساعدوني للأسف ..

بعد الحفله انتهت دخلنا جوه .. لانها كانت معموله برة في حديقة قصرو ..

فضل ف القصر نحن بس .. انا و المغفل وامي وابوي وماما مريم ..

ماشه ع غرفتي فآجأني صوتو المستفذ : افتكر انك متزوجه ؟؟ من الليله ورايح حتبيتي معاي في غرفتك البقت # حقتي

وابتسم لي بخباثه ومشي ..

وقفت مسسسافه .. بعدين لحقتو .. لقيتو دخل الحمام .

قومته غيرته سريع سريع ورقدته اتغطيت كلي .. ما خليت ولا محل للهواء ..

سمعته باب الحمام اتفتح واتقفل .. وسمعته صوت خطوات .. جا وقف قدامي وانا غمضته عيوني شديد ..

ما عارفه بس حسيت انو كان مبسسوط بي منظري وانا خايفه

وقلبي شغال يدق ويدق ويدق .. لغاية اضاني صنت من صوت الدقه ...

حسيت بيهو رقد جمبي ف السرير .. وحسيت بي انو بدآ يقرب ويقرب .. وخلاص بديت اشم ريحة صابونة LUX الاستحمه بيها # الزفت

قررربته اقوم اللطشو كف بس الحمد لله ... رجع محلو وطفا النور

..

ما جاني نوم نهائي .. لغاية سمعته الآذان الأول أذن .. حسيت اني بعد دا في أمان ❤ عشان كده نومته قريرة العين ...

ويأهو قومته مخلوعه وجوكر بقول لي : قوومي ..

دي كل القصه 💔

back#

بعد ما أداني الكف حصلت لحظة صمت .. امي خاته يدها في خشمها ودموعها نزلو ..

انا طوالي بديت أرعف ..

بجامتي كلها اتملت دم ..

وم قلت حاجه بس مشيت غرفتي وقفلت الباب .. وقفته مسسسسافه ودخلته أحمام غسلته وشي ..

انا م من نوع البنات البتكسر وطوالي يفكر ينتحر ..

لالا الحمد لله إيماني قوي ... وإالأ كنت انتحرته زمااان بي سبب موضوع الرصاصه ..

طبعآ وليد ما كلمناهو بي حالتي الصحيه نهائي .. ولا جبنه ليهو سيرة 💔

عاينت لي نفسي قوووي ف المرايا .. وانا بدل ما انكسر اذدتته قوة ..

وليد ما لمسني نهائي .. و ولا قرب مني . دا بيعني انو عاوز يشوهه سمعتي .

وعزمته بيني وبين نفسي اني انتقم واخليهو يبكي بي دموعو 💔

وتاني ختيت حاجه في راسي .. اني لازم أعرف سوء الفهم القاصداهو ماما مريم 💔 لازم اعرف سبب الحقد البحقدو وليد لي أبووي 💔

....

وليد مشي لي ابوي ف غرفتو .. كانو هو وامي قاعدين وماف حد بيتكلم ..

وليد قال بهدوء جراح دماغ بريطاني : وداد وين ي كمال ؟

كمال سكت مسسسافه . وقال : والله العظيم ما عارف .

وليد واصل وصبرو بدآ ينتهي : وقسمآ ي كمال .. حق اختي بطلعو من بتك .. حأخليها تشوف الويل .. فاهم ولة لا !!!!

تهاني بدت تولول وكمال ببكي بصمت

طلع خلاهم وهو ماشي ع غرفة امو لاقيتو وانا طالعه : قلت ليهو بسخريه : ماشه الجامعه انا .. حتوصلني ولة تديني المصروف ؟؟

رفع حاجبو من تحت النضارة وهو مستغرب من جرآءتي ..

لآواصلت : ما تنسي اني المدآم هسه .. واي تقصير في نفقتي .. المحكمه تفصل بيناتنا ..

وجات باستو في خدو وقالت : راجياك برة عسان توصلني ❤

زحت منو وهي مقهورة .. دا ما أسلوبها نهاءي .

بس وليد لازم يتصرفو معاهو كده

لانو الراجل القاسي لازم تواجهو انثي تحمل صفات القسوة والعطف في زمن واحد ..

بعد ما وصلني قلت ليو بي ضحكه ساخره : هههه ... سبحانه ربي .. كنت بتجيبني عشان انت سواقي وكده .. وهسع بتجبيني عشان انت زوجي .. بس المقام واحد ... حتظل السواق بتاعي لي آخر لحظه نكون فيها سوا .. ما تقول عشان انت مالك مصانع ريتا حتتكبر وتتعالي .. حتي لو بقيت رئيس الجمهوريه .. مقامك حيكون سواق حنين ..

غضب مني غضبه .. وخلاص بدآ يغلي غلي ..

طوالي نزلته وانا مبسسوطه عشان خليتو يتفرس ..

دخلته الجامعه والطلبه كلهم بآشرو علي ... وبقولو : دي بت كمال العرسها الزول السرق مصانعهم ولا اشتغلته بيهم ..

لابسه عبايه سوداء و حذأء كعب عالي بي رباط لونو بترولي .. وطرحه بتروليه وشنطه سوداء وعامله كحل و روج كبدي مايل للأسود ..

والحنه سوووووده في يدي وترقش رقش ..

مشيت ع قآعتي طويييل و ولا أشتغلت بيهم ..

وقت دخلته العميد كان واقف .. دقيت الباب وكلهم التفتو وكانو بعاينو لي بطريقه غريبه خلتني ارتبك ..

الله يستر بسس

❣❣❣ .

# رشا _ تحكي

عاينت في سقف الغرفه حقت الفندق وعيونها ملانه دموع ..

وبدت تتذكر الأحداث الأخيرة المرت بيهااا

# flash_back

طارق وقف العربيه جمب باب العمارة وبسرعه بدا يطلع السلالم ...

وصل ولقي الباب مفتوح .. دخل وما لقا زول ..

علاء وقت سمع صوت حركه طوالي بدا يلبس في هدومو ..

طارق فتح باب غرفة رشا وهو بنادي فيها يا رشا يا رشا ¡¡

وقت شاف علاء قلع عيونو وكانو تقول حيطلعو من محلاتهم ..

علاء قال بطريقه متصنعه : ط ط طارق !! ا ا انت م م من متين ب بتج ...

قبل م يتم كلامو طارق استلمو و وقع فيهو خبت ودق وشلاليت ‏( ايوا اضرب ي براي وايت هههه دا مصارع طبعآ ‏) ..

رشا وقت سمعت الجوطه البرة طوالي لبست بجامتها سريع سريع لغاية لبست بالقلبه ..

وطلعت مخلوعه ولقت الصوت جاي من غرفتها .. دخلت واتخلعت وقت شافت طارق بضرب في علاء .

هسع دخلت الحمام والبيت كان فاضي و وقت تطلع تلقي طارق بضرب في علاء ... وعريان كماان !!

قالت بي صوت اقرب للبكاء : ف ف ف شنو ي طارق !!

طارق وقت سمع صوتها وعاين شافها مبلوله .. بما يعني انها استحمت .. طوالي قال في نفسو اكيد رشا كانت مع علاء عشان كده مشت استحمت ..

علاء انتهز الفرصه وطلع جاري ..

رشا دموعها بجرو وقالت : ب ب بس م تكون ظن ...

اداها كف ... كف خلاها تقيف مصدومه . قال بهدوء جراح دماغ بريطاني : أطلعي من بيتي م عايذ اشوف خلقتك تاني ..

وطلع من الغرفه وقفل الباب بقوه ..

back#

طوالي رجعت لي عالمها لمن سمعت طرق في باب غرفة الفندق .. لقتها دي الموظفه قامت قالت ليها : في حد منتطرك تحت قال عايذ يشوفك ..

رشا فرحت وقالت أكيد دا طارق .. وقامت لبست عبايتها وجري نزلت تحت ..

وقلعت عيونها لمن شافت الزول الجا يزورها ..

تفتكرو منو؟