الجزء 12

قال لي كلام عمري كلو م حأنساهو ..

قال : اعتبريها هديه مني الحلاوة والمناديل 😇😇

قلت ليهو : لالالا لو م لقيت فكه خليها معاك .. و انا بشيل الباقي وقت نتلاقي مرة تانيه 😁😁😁

قال لي ي أختي انا عارف انتي عاوزه تعوضيني ع الخسرتو

قلت ليهو لالالالأ 😅😅😅 م كده ها بطل عبط

.. قال لي خلاص اقول ليك حاجه خليهم صدقه جاريه .. وبدل تدفعي لي ادعي لي انو ربنا يفتحها علي 💙 لأنو الدعوة دي أحسن لي من ألف مليار حد يتصدق لي بيها .. صدقة الدعاء احسن بكتير من صدقة المال 😇😇..

طبعآ منطقني منطق عجيب .. وراسي سخن وم عرفته أرد اقول ليهو شنو .. حكمه تطلع من ولد بالسن دا !!! والحاله أساءو ليهو ..

قلت ليهو حاضر 💙

بعد مسافه قلت ليهو بس م اتعرفنا 😃😃

قال لي انا اسمي مجاهد ..😇 بنادوني قرمه

قعدته أضحححااااك ف الأسم 😂😂😂😂😂😂😂..

قال لي : لاحظي انك بتضحكي في # لقبي و # قدامي !!!☹☹☹☹☹☹

قلت ليهو وانا ماشه : اسم مجاهد احلي ... انا حنين .. يلا نتلاقي ..

مجاهد او # قرمه .. رفع لي يدو و واصل رحلة البيع ..

جو قال وهو بعاين ف المرايا ومدور العربيه : كان تواصلو ونسة .. شويه كده وكنت حأجيب ليكم الشاي

قلت ليهو ببراءة طفل عمرو 5 سنه : م قعد أشرب شاي انا .. بس لو جبته قهوة بكون ظابت 😇😇

احيييينا لو شوفتوهو اتفرس كيف 💔💔😂😂😂

....

💙💙💙

مرت الأيام .. وعلاقتنا انا وجو زي شبكة النت ..

مرة H+

ومرة E ..

حياتي ف الجامعه اكتر من عاديه .. بس الشي السمح انو عملنا شلة .. 💙.. شلة ظريييفه وناسها ضحكايييين

عمار و منذر و احمد و نمارق و مي 😂😂 و و نازك المزه 😘😘 قلت مزه لانها بالجد مزه .. عثل ياخي ماشاء الله .. ربنا يحفظها قولو آميييين

عمار : نحن من وقت جينا الزفته دي ‏( عن الجامعه يتحدث .(💔💔💔😂 م طلعنا لي مكان .. ارح الليله نمشو النيل شارع بما انو م شغالين

منذر : قصدك شارع النيل

احمد : فركه جامده .. لايك وشير وكومنت كمان

مي : كدي تاقوني عليييك الله 💔

انا ونازك نضحك سااااي .. طبعآ مجنونين

عمار كلامو كلو مقلوب .. شايفين شارع النيل قال شنو 😹.. 😹

اما منذر الترجمان .. بصلح ليك اي غلطه انت تقولها

واحمد بتاع الراندوك .. كلامو كلو حق ناس راسطه و عمك .

مي دي انا م فاهمه هي غبيه ولة بتستهبل

نازك جنها ضحك عشان كده وجناتها يومي حفرتهم بتوسع 😍

اما نمارق دي زولة اللة ..📿 من الله شيخه .. م عارفه اتلمت معانا كيف شلة المجانين دي بس احلي شي في الشله هي

عامله زي قطعة الكرز البتكون أعلي قمة الأيس كريم ديك ❣😍..

اما انا ☝😌 وبلا فخر # ملاكهم _ البرئ

منذر قال : قصدك شيطانهم الجايب ليهم الفقر .

انا وقت التعريف بالشخصيات كنت بصور فيديو ف الآيباد حق مي .. طوالي قفلتو وقلت لي منذر بغضب : هسع الا أمسح دا تاني .. دي المرة العوشرميه أسجل التسجيل دا وحضرتك تخربو ☹☹☹☹☹..

مي قلعت الآيباد وهي بتقول : النبي م تمسيحوهو

قلت ليها : لع .. امسحيهو

قالت : اموت ليك انا لاااا

تاني واصلت : هو ثم تانيآ انا بترجاك ليشنو !! ماهو الآيباد حقي في النهايه 💔💔😹😹😹😹

احمد : ي شباب .. ارحكم ياخ ☹☹☹

نازك : ماشه الأستراحه انا نتلاقو جمب الباب

عمار : ماشه تتمكيج أكيد

منذر : قصدك تعمل صيانه 💔😂😂

احمد : الواحده تدخل # توكتوك تطلع # توسان 💔😹😹😹💔

نازك : انتو ع فكرة منفسنين .. بعدين نحن م محتاجين مكياج .. من الله سمحين .☝😌😌 يلا ي بنات الماشه تجي معاي 😌😌

مشينا مع نازك الأستراحه ظبتنا نفسنا .. وبعدين طلعنا .

انا ومي وعمار في عربيه

ونازك ومنذر واحمد ونمارق ف عربيه .. واتحركنا

العربيتين كانن ماشات جمب بعض .. كل دقيقه منذر بطلع راسو وبسلم لينا ..

مي زاتها تطلع راسها وتسلم ليهم 😂😂😂😂 جنس عوارة غايتوو

التقول م ماشين حته واحده ..

تاني عمار واحمد بدو يتسابقو .. والبنات جنس صراريخ ... غايتو اسكتو بس 😂😂😂

وبعد السباقات والصراريخ وصلنا شارع النيل 😍😍😍😍

ااتمشينا كل نفرين سوا .. احمد ونازك .. ومي ومنذر .. وانا ونمارق وعمار سوا

اتونسسسنا كدااا .. تاني نزلنا النيل 😍😍😍 ركبنا العبارة 😘😘😘 والله كان يوم سمح خلاص .. والأحلي انو شمس ماف ..

الزمن خلاص روح والعصر جا .. قلنا نرجع الجامعه بعد دا

ونحن ماشين فجأه كده مي قالت : البصل محل العربات اول هو الفائز 😃😃

عمار : هوي دي عوا ....

قبل م يتم كلامو لقانا كولنا جاريين قدامو ..

هو زاتو جرا ... ولغاية سبقنا زاتو بي سكاكاتو الطوال ديل 💔💔💔😹😹😹

رجعنا العصريه كده ..

قعدنا في النشاط شويه ..

نازك : هوي ي جماعه م نستغني .. لكن لازم امشي انا 😇..😇

كلنا قلنا نحن زاتنا ماشين ..

انا اتصلت ع جو قال هو زاتو قريب من المحل ..

ونحن ماشين كده المسجل ناداني .. 💔

هم وقفو معاي طبعآ .. جا قال لي : الدكتور بتاع الرياضيات متوفر .. ودي فرصه عشان يديك جزء من الشي الفاتك 😁😁😁

طبعآ واااي .. اتغبتنا غبينه في الدنيا دي !!

قلت ليهو : سمح .. جايه وراك ☺

بعد مشي احمد قال : واااعي اناا 💔😹😹😹😹 باي باي ي حنو

كلهم ضحكو فيني 💔😭😭

.. ودعوني ومشو اهلهم ..

وانا مشيت للدكتور 😭😭😭😭💔💔💔

💙💙💙

الساعه كانت 6:34 دقيقه .. طلعته من الجامعه ..

لقيت عوشرمية مكالمه من جو ..

واي لكن انا نسيت م كلمتو . انو عندي محاضرة 🙀🙀🙀...🙀 الليله بكون شماني شمه !!!

طلعته تلفوني واتصلته عليهو بس حلف كن يرفع ..

قلت خلاص أأجر لي أمجاد .. عشان الزمن م يروح .

واقفه في الظلط ومعظمهم بجو ملانات .. لغايه الساعه 7 جات م ركبته ..

طبعآ راسي صدع تاني وبدا يلف ويدور بي ...

قعدته في مسطبه كده وتكلته راسي وغمضته عيوني 😣💔💔💔😣😣😣 والآلم مقطع حنان قلبي حته حته 💔💔💔😭😭😭😭😭😭💔

تاني بديت ارعف ..💔

في عربيه وقفت قدامي وسامعه صوت كرعين زول .. قال لي : معليش كنت بعيد شويه ..

م رديت ليهو والرؤيه طششت خلااااص 😣😣

جو : الووو .. هنا في حد بيتكلم ☝☹☹

وبدل م أرد وقعت بس مسكني ..

اللهم م حسيت بي روحي إلا وانا في النقاله

فتحته عيوني لقيت جو ماسك معاهم بي يد وبالتانيه ماسك تلفونو ..

ال

حمد .. الحمد لله وداني رويال كير .. وجا دكتور عمر 💙

جوكر طلع برة الغرفه لدقايق وقتها قلت لي دكتور عمر : لو في خطر م تكلم أهلي ارجوك 💔 وخصوصي سواقي 💔

عمر : حاضر ... بس م تخافي .. حيعملو ليك صورة أشعه هسع واطمنك بي نفسي ..

💙💙💙

بعد عملو لي الصورة وكده .. فتحت لقيت امي وابوي ومعاهم ماما مريم .. سألوني حاسه بيشنو وهسع كيف

و ..

و .. كلام كتير

قلت ليهم م يخافو انا كويسه

طبعآ لاحظته انو جو مافي ..💔 بس م اشتغلته بالموضوع

بعد شويه دكتور عمر جا وقال ليهم يخلوني ارتاح ..

بعد طلعو .. سكت مسسسافه .. وفتح الظرف بتاع الصورة .. وعاين لي : انتي عاوزه تموتي نفسك ؟

❣❣❣

# رشا _ تحكي

طارق عمل بلبله وقال إالا يستعجلو ف العرس .. وقت سألوهو عن السبب م كان عندو جواب محدد ..

عشان كده سعاد أصرت انو رشا تتحبس عندها .. و وقت طارق رفض طوالي زعلت ..

م لقي غير انو يوافق ..

رشا كانت ف المطبخ في بيت سعاد .. بتجهز لي نينه اللبن .. كانت شايلاها وهي بتبرد اللبن وبتغني ليها

حست بي حد وراها 😨😨

وبي صوت انفاس سخننننه في رقبتها ..

اتخلعت طبعآ والتفتت بسرعه لقتو دا # علاء _ الزفت 😓😓😓

رشا : ا ا امك ف ف غرفتها لو عايذها 😅

علاء : لالا م عايذ امي 🙂

انا عايذ ...

طوالي رجعت منو ورا ...💔💔 قال عايذ اشرب مويه .

أشرت ليهو بأصبعها اتجاه التلاجه .. قام ضحك صحكه خبيثه وفتح التلاجه شال مويه ومشي غرفتو ..

قلبها كان قعد يدق .. وقالت الله يستر من علاء دا 💔💔💔..

.. علاء في غرفتو جهز خطة ظابته تجيب ليهو # رشا تحت رجلو 🠾񙄤...

م معروف حيعمل شنو الزفت دا

طارق وهو بقفل في الصيدليه جاهو راجل .. من شكلو كده زول مهندم 😌😌

قال ليهو : د . طارق عبد الحفيظ؟

طارق : اي انا .. اتفضل منو انت؟

الشاب : انا المحامي متوكل دفع لله ..

طارق اتفاجأ محامي شنو كمان ..

متوكل : الكلام دا م بنفع هنا .. بس بي إختصار انا جاي من طرف احمد كرم .. شقيق عائشه كرم امها لي زوجتك عفاف المحرومه .

احمد ابوهو اتوفي من شهر .. وطلع الميراث المشتركين فيهو هو وعائشه .. وزي م عارف انو عائشه متوفيه .. وبالتالي الميراث حيجي لي بتها عفاف لانها واحده ..

وزوجتك متوفيه .. فبالتالي الميراث حيكون ليك ولي بناتها .. طبعآ الحكايه جايطه .. عشان كده بعد بكرة تشرفنا في المحكمه ..

وناولو ورقه وقال : رقمي وعنواني ..

ومشي خلا طارق فاتح خشمو زي الأهبل 😮😮😮😮😮