الجزء 22

لقيتو كاتب : انا حابي ادعم المشروع بتاعكم ...

طبعآ افتكرتو واحد من الشفع ديلك وحبه يدردقني..😂 عشان كده رسلته ليهو ايموجي ضاحك 😂😂😂😂

وطلعته من الفيس ..

❤❤❤

كمال : اسماعيل !!!

مريم قالت وهي بتتلعثم : ا ا اي اسماعيل ..

كمال قعد وخته يدينو ف راسو ... وقال : تبقي دي ورطه يا مريم .. نحن انتهينا !!!

مريم : غير كده وليد بفتش عن وداد .. ولو لقاها حتقول ليهو اي حاجه .. حتقول ليهو يا كمال !! وكده حأفقد عيالي الأتنين .. حأفقدهم بي سبب تهور حصل قبل اكتر من تلتين سنه !!! وقعدت تبكيييييي

كمال : مريم ...

اظن انو العيال لازم يعرفو الحصل شنو ..

عاينت ليهو وعيونها كلهم دموع وكانت بتهز راسها بمعني لالا م تقول ليهم

كمال : لالا ي مريم .. لازم يعرفو الحصل شنو .. وطلع خلاها بتولول ..

م معروف داسين شنو النفرين ديل

❤❤❤

بالليل وقفته لي وليد شوكة حوت .. وما خليتو الا بعد شرب الشوربة العملتها .. بعد ما كملها قال : بسسس علييك .. ملحها كتييير وم سمحه ..

قلت ليهو : املاها تاني ! ؟

قال لي : لالالأ بمزح معاك ✋😂😂

طبعآ كنت مبسسوطه شديد ..

غسلته عدة المطبخ وجيت قعدته في الصاله .. اتصلت ع عمار ونضمته معاهو ..

قال لي : طبعآ مفاجأة الموسم .. في واحد عرض انو يتكفل بي الأرض والبناء بتاع المدرسه .. وادانا اكتر من 1000 فدآن مساحه في منطقة .........

قلت ليهو : احلف 😱😱😱😱😱

قال لي ورب الأرض حصل ..

قعدته اصرخ واكورك لمن آضان عمار صنت ..

قلت ليهو دا منو كمان الديتول دا ؟؟

قال لي : ديتول ????

ضحكته وقلت ليهو دا مصطلح مي ..

رد لي انو دا واحد قال نعتبروهو فاعل خير

لكن يا عمار لو طلع بغشنا .. ؟؟

قال لي م تخافي .. اتكلم مع العميد وبكرة حيرسل المندوب بتاعو ..

قلت : ربنا يكتر من امثالو ..

قال : آميييين

و واصل :

لي بكرة جيبي الاولاد الجامعه حنصور ..

قلت ليهو اوكي .. ع الموعد ..

وبعد قفل مني قعدته ابكيييي .. فتحته الفيس ونشرته في العام : اشكر كل من ساهم بفكرة المدرسه الخيريه . واخص بالشكر السيد مجهول بمساهمته القيمه . جعلها الله في ميزآن حسناتكم

استلمته اووول اشعار من هيسوكا فيهو ايموجي مبتسم .. ورسل لي رساله فيها مساءك شهد .. م اشتغلته بيهو وطلعته من الفيس ..

دخلته غرفة وليد لقيتو شايل تلفونو وقعد يتبسم ..

وقت شافني قال لي م نومتي ؟؟

قلت ليهو : قدمت طلب وراجيه المعاينه 😇

😇

قال لي : اصلآ ماف زول بفوتك في اللئامه 🐽򠙁

وخته تلفونو في التربيزه وغمض عيونو

بعد شويه قال لي : قبل عشرة شهور .. لمن زليتك في الشارع وقلت ليك ارح معاي فوق .. كنت عايذك تبعدي مني .. م كنت عايذك تجي الشقه لانها كانت عبارة عن وكر دعارة ..

طبعآ اتفآجأته لمن سمعته الكلام دا وبس فتحته خشمي

واصل : لو كنت جبتك معاي ما كنتي حتطلعي سليمه .. وانا شوفتك بريئه و نقيه عشان كده

قلت ليهو وفي غصة في حلقي : طيب ليي ما ساعدتني و وصلتني بر الآمان !!!

رد لي بنبرة صوت ما فهمتها : بس انتي براك الطلعتي يا حنين

قلت ليهو طوالي : بعترف اني غلطته وطلعته .. بس اتذكر إني طلبته مساعدتك ...

ما رد لي وغمض عيونو وزحه وشو الاتجاه التاني

وحل السكوت في الغرفه م عدا صوت شهقآتي ..

م عارفه نومته متين بس صحيت مخلوعه علي صوت تآوه

لقيتو دا وليد .. شكلو بيحلم حلم كعب ..

جيت صحيتو بالراحه : وليد .. وليييد

صحي مخلوع وكان ببكي !!!!!!

اتخيلو جوكر يبكيي !!!!

وقت شافني اترمي في حضني وقعد يبكي تقول طفل صغير ...

قال لي والعبرة خانقاهو :. انا ما زول كعب .. بس الظروف جبرتني يا حنين .

فآجأتني كلماتو

بس واصل : عشته اصعب لحظات حياتي ..

اتعرضته للضرب بوحشيه

وفقدته عيني وانا ولد 14 سنه !!

قلته ليهو ودموعي بتنقط علي ضهرو : احكي لي منو العمل فيك كده !! احكي لي يا وليد ..

سكت مسسسافه وزحه مني .. كأنو انا العملته فيهو كده !!

قال لي : جيبي لي مويه ..

قومته طوالي مشيت المطبخ كبيتها ف كبايه ... وقت جيت لقيتو نام 💔

..

طول الليل م نومته .. وقعدته اربط الأحداث .. يا ربي ابوي السبب ؟؟؟

تاني ذاكرتي رجعت ورا .. لمن الرجال الضربوني رصاص قاعدين يقولو : كمال قال البت لازم تموت ..

طردته الافكار من راسي طوالي .. يسنحيل يكون دا ابوي 💔

❤❤❤

الساعه 10:34 مساء علاء كان سايق عربيتو وماش ع العنوان الادتو ليهو آمنه ..

بسس في عربيه وقفت قدامو ..

ونزلو نفرين استلموهو و وقعو فيهو ضرب ..

لغاية فقد الوعي .. طوالي استلمو رشا الكانت بتدفر وبتبكي وهي م فاهمه شي ..

دخلوها عربيتهم واتحركو ..

وخلو علاء مغمي عليهو في الأرض ..

❤❤❤

الصباح غيرته ليهو الجرح

كان بتآالم بس ما بين لي .. كآنو عاوز يثبت لي انو ماهو الأمس بكي لي في حضني داك ..

عايذ يبين انو اقوي من كده ..

لا هو فتح خشمو معاي ولا آنا ..

وانا بلف ليهو في الشاش وقعت نقطه دم في يدو ..

عاين لي ومسكني من وشي : انتي بتعرفي !!

واصل : حكاية رعافك دي شنو انتي ؟؟

م رديت .. مشيت الحمام غسلته وشي وطلعته ..

قلت ليهو : ماشه الجامعه انا .. في آكل في التلاجه .. م اوصيك لانك ماشاء الله كبير وعاقل ..

حبيت اتعامل معاهو بقسوة عشان اغطي تصرف امس ..

😇

طلعته سوقته العربيه طبعآ اتجدعته الفترة دي 🠾񔴓🤓

طول الطريق بالي كان مششغول ..

مشيت جبته حليمه واخوها ومجاهد وكم شخص عشان التصوير وكده ..

واتوجهنا للجامعه ..

💙💙💙

وليد اتصل بيهو المدير التنفيذي بتاع الشركه .. وراهو الشغل ماشي كيف وكده ..

❤❤❤....

رشا فتحت عيونها بالراحه .. م كانت مربطته ولا حاجه ..

فجآه الباب اتفتح ..

ودخل راجل ستيني باين عليو علامات الوقآر ...

رشا : ا ا انت منو ؟ !! وعايذ شنو !!!

قال ليها بهدوء جراح دماغ بريطاني : انا عم اسماعيل يا بتي ..

رشا : م م م عرفتك !!

قال ليها ما تستعجلي .. لازم بعد دا نخت النقط ع الحروف ... وانتي الحتختي النقط دي يا رشا ..

❤❤❤

منذر كان معاهو صحبو فوتوغرافي اسمو علي بقولو ليهو : عليكو

بدو جلسات التصوير وكانو ماشين كويس خالص ..

اليوم كلو قضيناهو تصوير ... لغاية الساعه سته المساء ..

منذر وصل العيال بيوتهم وانا مشيت الشقه ..

لقيت جوكر لابس ومستني .. قال نرجعو البيت 💔

لميت الملابس و انتبهت لي انو في شنطة سوداء صغيرة كده في الكنبه ..

فتحتها عشان اشوف فيها شنو و ...

و ...

صرخته !!

وليد جا جاري من جوه وكان مرعوب .. لقاني واقفه وشايله ورق في يدي .. قلت ليهو : لقيت الورق دا ويين !!!

قال لي دي شنطة علاء صحبي

قلت ليهو علاء دا منو !! ولقي الشنطه دي ويين !!!

ااستغرب مني كتير وحكي لي بالحصل

قعدته في الأرض ومسكته راسي ... وقلته : البت المعاهو دي وداد يا وليد .. دي وداد اختك !!

وليد : انتي بتبرطمي بتقولي ف شنو !! دي واحده اسمها رشا .. وبت ليل كمان .. يستحيل تكون دي وداد

طوالي شلته التلفون وفتشته في الصور الحافظاها القديمه ... لغاية لقيت لي صورة مطششه لي وداد .. وريتو الصورة قال لي : ياخ دي م واضحه ..

وبقي يبحت في التلفون وكان برجف وعرقان .. ضرب لي علاء م رفع ..

وتاني ضرب كم مرة حتي رفع ليهو وكان صوتو تعبان : الوو

وليد : البت الجبيل كانت معاك وينها ي علاء !!

علاء : موش انت الرسلت زول يضربني ويخطفها !! بتسألني ليشنو !!

وليد : كيف ارسل زول يخطفها !! انت بتقول ف شنو !!

وين داسيها انت !!

علاء : اقسم برب الأرض ما عارف

وليد قال ليهو انت وين انا جاييك .

وراهو محلو وقفل الخط ..

ونحن في الطريق كان هو سايق بسرعه .. تلفونو ضرب .. رده قال ف شنو ي امي ؟؟

حكه فرامل انا لمن انضربته ف راسي ..

وقتيآ حسيت في صوت اهتزاز في راسي .. بس زي التلفون الهزاز .. والرؤيه اتشوشت عندي ..

انتبهته لي صوت وليد وهو بقول لي : انتي كويسه !! بس م يكون اتعوقتي !!

قلت ليهو لالا ف شنو ؟؟

قال لي وهو فرحآن : امي قالت وداد جات البيت !!!

❤❤❤

طول الطريق وليد كان بتكلم وبتكلم .. انا م فاهمه شي وحاسه بي

لفة راس .. لغاية قال لي وصلنا انزلي 😃

دخلنا جوه لقيناهم كولهم واقفين ومعاهم راجل كمان م عرفتو ..

بس وليد قال : عم اسماعيل !!!!

انا جريت حضنته وداد وقعدنا نبكيييي .. قعدته اقول ليها انتي كنتي وين !! وليشنو جريتي من البيت !!! و .. و .. و ..

قالت لي بحكي ليك بعدين وعاينت لي وليد 💔

عرفتو وعرفها طوالي ... لانو وداد هي زاتها رشا 💔

بعد بكاء ودموع وعتاب ... اسماعيل اتكلم :

حبيت اننا نجتمع عشان نخت النقط ع الحروف ..

عاين لي مريم وكمال و واصل : تحبيو تحكو ولة انا اتكلم ؟؟

مريم مشت قعدت وهي متوترة .. تهاني ساكته ساااي م قعد تدي اي أقوال ..

انا راسي لافي وبس لقيت لي اقرب كرسي قعدته فيهو

وداد : هربته من البيت بعد الحقايق المرة السمعتها من عمي كمال راجل امي .. الكان صاحب ابوي روح بالروح في نفس اللحظة .