الجزء 13

د . عمر : انتي عاوزه تموتي نفسك؟

كيف ي دكتور في شنو 💔💔💔😐

عايني ي حنين .. حأكون صريح معاك 💔💔 الرصاصه بدت تتحرك من مكانها 😓😓😓😓😓😓💔 انتي بتجهدي نفسك ليشنو ممكن أفهم !!!!!!

قلت ليهو ودموعي تلاتين تلاتين : بس انا م قعده أجهد نفسي ي دكتووور 💔💔💔😭😭😭😭😭 أهلي م بخلوني أرفع ولا قشه !

د . عمر : حاولي أفهميني 💔 صحتك ي حنين لازم تكون أهم حاجه ف حياتك . ومن اول اولوياتك .

و واصل وهو بقول : الرعاف والصداع ولفة الراس دي كلها بي سبب أنها أتحركت ..

وقام مشي خفض الأضاءة حقت الغرفه

وفتح مصدر ضوئي عرض صورة الأشعه عليهو ...

.. اوول مرة أشوفها طبعآ 💔💔

أشر لي هي كانت وين وهسع بقت وين .. المسافه صغيرة وي داب ممكن تتشاف بالعين المجرده

د . عمر : اتحركت 0.2 سم ..

قلت ليهو بس اتحركت حته صغيرة لكن .. م يستاهل نقلق عليها

غضب مني غضبه !!! 😤😤😤 وقال : شوفتي لو بس اتحركت وم زحت ولا سنتمتر فيها خطر علي حياتك .. عليييك ألله سيبي الأستهتار دا !!

قلت ليهو حاضر 💔😐

فتح الضوء وقال لي : حأضطر أحجزك كم يوم لغاية اتطمن ع صحتك .. كويس ؟

قلت ليهو : سمح 💔

بعد طلع م عرفته ابكي ولة أعمل شنو .. بس قعدته اعاين وانا متمحنه

.. بعد شويه أمي وخالتي مريم جو داخلين 💙

سألوني الدكتور قال شنو ؟؟

قلت ليهم بس قال لي م أرهق نفسي وكده 💔

قعدو معاي مسسسافه .. خالتي مريم ساكته ومدنقرة راسها .. وامي شغاله ترغي سااااي ... انا بصراحه م كنت عارفاها بتقول ف شنو زاتو .. بس سامعه كلام م مفهوم 💔😂

كنت براغب الباب كأني راجيه زول .. امي انتبهت لي وقالت : راجيه ابوك؟هسع بجي بس قال عندو مشوار 😇

قلت ليها : كويس ...💔

طبعآ انا م كنت راجيه أبوي ..💔 كنت راجيه حد تاني 💔💔💔💔

كنت رااجيه جو 😐😐

💙💙💙💙

تميت خمسه يوم ف المستشفي زي ألسم 😭😭😭😭😭

واي انا منك ي دكتور عمر ..💔 طبعآ كلم أبوي بي حالتي الأدهورت .. وابوي قال لي إلا أجمد السنه بس رفضته 💔

جو شلتي في المستشفي .. و ونسوني وضحكوني كداااا 💙💙💙 بالجد فرقو لي حبه ..

طبعآ م خبرتهم بالرصاصه ها .. قلت ليهم مضاعفات بسبب أرهاق القرايه وكده .

اتخيلو معاي جوكر لي هسع م جا زآرني

💔💔😐

الدكتور كتب لي خروج ..

عشان كده ابوي جا الغرفه وقال لينا : اها جاهزين ؟؟ عشان نطلع 💙

قلنا ليهو جاهزين ❣

انا قومته وشلته حقيبتي .. امي سندتني وطلعنا ..

ركبنا ف العربيه حقت # أبوي ..

لأنو جوكر م جا 💔

أبوي الساق العربيه .. كنا انا وهو وامي 💙

قلت ليهم عاوزه بيتزا 💙💙

م بحبها نهائي بس أشتهيتها م عارفه ليشنو 😇😇

امي وابوي أستغربو مني طبعآ بس ما علقو نهائي

وقفنا جمب مطعم كده وابوي نزل ..

انا زاتي قلت نازله أشم هواء .. خليت امي جوه العربيه بتتبظ في تلفونها ساااي ..

واقفه كده شفته لي ولد صغير عمر 10 سنه كده .. قاااعد في الأرض وباين عليهو # مشرد 💔💔💔😓😓😓

ضعيف ومنتهي مرة واحده .. قاعد ومتمحن .. انا بدون م أحس دموعي نزلو

# كسرة

** بصراحه انا كمان fulla البكتب القصه حقت # حنين بكيت من المقطع دا !! يارب اتلطف بالأطفال الصغار الما ليهم اهل ي رب *🀪🙌

# حنين _ تحكي

بدون م أشعر دموعي نزلو .. ومشيت عليهو .. قعدته جمبو في الأرض وقلت ليهو : كيفك ؟

الولد اتفاجأ ورد لي : كويس انااا

اها اسمك منو انت؟

رد لي وهو مستغرب : اسمي # حسيب

اسمك حلو 💙 وانا حنين 😇😇

اسمك حلو 💙 وانا حنين 😇😇

قال لي : عاوزه توديني الأصلاحيه انتي؟

م تخافي انا عندي أهل ..

قلت ليهو : لالالالا .. بس حبيت اتعرف عليك .. انت ساكن وين ؟؟ وليشنو م مشيت البيت لي هسي !!!!

قال لي : انا راجي اختي .. مشت تفتش أكل عشان نرجعو البيت 💔 بس اتأخرت م جات لي هسه .

قلت ليهو بيتكم بعيد ؟؟

قال لي لالا م بعيد ..

اتونست معاهو مسسسافه وانا قاعده معاهو ف الأرض .. لغاية اختو جات .. اختو كبيرة شويه 17.. 18.. كده ..

من البدايه كانت عدائيه في ردودها .. بس تاني رخت وبقت تتكلم عادي ..

سمعته صوت زول غضبان بنادي فيني : يا بت بتسوي في شنو انتي !! قومي من الأرض !!

لقيتو دا أبوي 💔 بالجد كان غضبان مني ..💔

مشيت عليهو سريع سريع .. كان شايل كرتونة البيتزا معاهو .. شلتها منو وقلت ليهو دقايق بس ..

قال لي ماشه وين تاني !!!

قلت ليهو هسي بجي بس دقايق

مشيت عليهم واديتهم الكرتونة ..

من البدايه البت رفضت .. بس ألحيت عليها تشيلا .. وقلت ليهم يخلو بالهم من نفسهم 💙

البت براها قالت لي : نحن ساكنين في .......

لو حبيتي ممكن تزورينا 😃

قلت ليها حاضر 💙

و ودعتهم ومشيت علي أبوي . طبعآ م اتكلم معاي نهائي ..

طول الطريق ساكت ..

لغاية وصلنا البيت .. دخلته غرفتي الحوب 😍😍😍 اتحممته واتوضيت صليت العشاء .. ورقدته في سريري

بعد شويه ابوي دقه الباب قلت ليهو اتفضل 💙

سلم علي وسكت مسسسسافه بعدها قال : الحادث الأتعرضتي ليهو كان بي سبب حركاتك دي .. ي بت م أي زول بستاهل تشفقي عليهو ..💔 صح حالتهم صعبه بس نحن م عندنا يد بيها فهمتي علي ؟

قلت ليهو كلامك صح .. بس كمان لو ما ساندنا بعض ربنا م حيرضي عننا 💔 المسلم أخو المسلم ي أبوي 😐😐

ابوي سكت مسسسافه

عارف انو م حيقدر يغير طبعي نهائي .. وقام باسني في راسي وقال لي : خلي بالك من نفسك حبيبتي .. انا بكرة مسافر السويد .. اسبوع وبرجع ..

قلت ليهو : ليييي ..💔💔😐😐 ما تمشي يوووخ

قال لي م بطول والسفرة ضروريه 💔.

قلت ليهو حاضر 💔😐

بعد طلع طفيت النور بس م جاني نوم ..

الكلام الحكيتو مع حسيب واختو حليمه ..💔

وحكاية الظلم البحصل في البلد 💔

والناس البتتشرد 💔

والأطفال الما لاقين تعليم 💔

كلهم بدو يدورو في راسي

اناعايذه اساعدهم والله 😓

بس كيف !!!

لغاية آخر شي جاتني فكرة

بس لازم انتظر ابوي لغاية يجي من السويد بعدين قلته بكلمو .💙

😓😓😓 ! تاني اتذكرته جو

شلته تلفوني وسجلته رقمو ..

تاني قفلته التلفون 💔

المفترض هو اليتصل م انا ☹☹☹

غمضته عيوني بس نهائي م

نومته ..

جبته الألبوم حق الصور وقعدته اتفرج فيهو ❣

في واحده من الصور كان في وداد وماما مريم

دودي ‏( زي م كنت بحب اناديها ‏) كانت أكبر مني بي خمسه سنه تقريبآ .. امورة بالجد ..

بس دايمآ كانت ساكته ونادرآ م بتتكلم .. تمامآ زي امها 💔

قدر ما حاولته اني اطلعها من جوها دا م قدرته ..

بتذكر اليوم الجات فيهو هي وماما مريم 💙.

انا كان عمري 10 سنه وهي 15

امي كانت م راضيه وكانت بتشاكل في ابوي بس م اشتغل بيها .. الزمن مرة بسراع 😓

تسع سنوات بي حالها ..

ي ربي وين انتي ي وداد 💔

نومته وانا ماسكه الصورة ف يدي 💔

في البيت كانت حاصله بلبله ..

انا م كنته جايبه خبر ليها

تهاني : يعني هسع اتحجز علي أملاكنا كولها ي كمال !!

بالساهل كده !!

كمال : والله دا القالو لي المحامي ..😞😞😞 ما عارف دا حصل كيف !!

الصفقه العملناها مع مروآن الباز . هي الدمرتنا . قالو الشركه دي وهميه 💔

والله ي كمال كنت حاسه

سوريا شنو ومصيبه شنو

كما ساي زول يعمل صفقه وم يكون مستفيد كيف !!

نحن مخنا كان وين ي كمال !!! كيف حاجه زي دي فاتت علينا !!

كمال اخد نفسسس عمييييق وقال : مروآن وراهو قصه ي تهاني .. عشان كده حأمش السويد اشوف الحاصل شنو وهو منو وعاوز شنو

تهاني : بسسسس انت هسع ضامنو كيف ما يعمل ليك حاجه في السويد !!! خليني أسافر معاك 💔

كمال : لالالأ اوعك .. خليك مع البت .. ولو حصلت لي حاج ....

تهاني طوالي بدت تبكييي ..💔😭😭😭 كمال واصل : لن يصيبنا إلا ما كتب الله لنا ي تهاني .. انتي خلي بالك ع البت .. ومريم كمان .. اوعه ي تهاني تآزيها ..💔 نحن ظلمناها واولادها كتييير

تهاني : حاضر 😞

...

❣❣❣

# رشا _ تحكي

طارق رجع البيت وما عارف يبكي ولة يفرح ..

رشا كانت قاعده بتسرح شعرها وجمبها في رهف كانت بتقرا . ونينه نايمه ..

طارق دخل وم قال السلام عليكم لأنو بالو كان مشغول 💔

بعد م رشا انتبهت عليهو غطت شعرها وكانت محرجه شديد ..

طارق : ا ا انا اسف 😅😅😅😅 م استئذنته

رشا : لالالا م تقول كده .. بعدين هو . بيتك م ضروري تستئذن 😁😁😁

طارق : ماهو بيتك كمان ي رشا 💙

كلها كم يوم وتبقي مرتي 💙

خدودها احمرو . وقالت ليهو : ماشه اخت ليك الغداء

طارق انتبه للشي الكان عاوز يحكيهو معاها عشان كده قال ليها م عايذ غداء انا .. تعالي برة عاوزك في موضوع

...

💙💙💙💙

بعد م طارق كلمها قالت

: يعني قصدك انو عمتك آمنه كانت عاوزاك تتزوج نهي لانها طمعانه في ميراث البنات !! لالالا عيب ي طارق كلامك دا !!!

طارق : انا غايتو دا احساسي .. لكن ان بعض الظن اثم ..🙁🙁🙁

غايتو بعد بكرة في محكمه .. حأمشي أشوف الحاصل شنو

رشا : ربنا يسهل بس ..

طارق : آمييين ي رب

بعد سكتو مسسسافه كده طارق قال : يعني انتي هسع م متذكرة ولا شي ؟ ولا لمحه ي رشا عن ماضيك !!!

رشا : لالالا 😓 ولا حاجه م متذكرة

طارق : الله يستر بس ..

رشا قامت وقالت : الزمن فات .. حأبيت هنا الليله انا ..

طبعآ حركات علاء خلتها تكرهه المبيت عند سعاد عشان كده

طارق اتكيييف وقال ليها :: تمام تمام 😃😃😃😃

رشا : طيب تصبح ع خير 😇

وانتي من اهلو 😁

بعد دخلت غرفتها قال : اقصد وانتي من اهلي 💙 يا حبيبتي 💙

💙💙💙..

يوم المحكمه طارق مشي .. والقاضي كلمو انو مرتو عندها 5000 الف ..

وع حسب انو هي م عندها لا والد ولا اخوه ..

الورثه حتكون لي طارق والبنات 💙

آمنه بي جاي عاوزه تموت من الغبينه .. وقالت ع جثتها العرس دا لو يتم .

م معروف حتسوي شنو المرة الششوم دي . بس ربنا يكفينا شرها . 😒😒