الجزء 14

الايام مرت .. يوم ورا يوم .. حبيبي م جاني نوم حبيبي م جاني نوم حبيبي م جاني نوووووم ‏( سميرا سعيد الحوب(😘

وانا زاتي م جاني نوم لأنو لا أبوي ظهر ولا جو ظهر .. الاتنين كانو مختفيين 😭😭😭

الأسبوع مرة وابوي تلفونو مقفول 💔 ما كده و بس .. جوكر زاتو تلفونو مقفول 💔

امي كانت متوترة توتر عجييب .. م عارفه تسوي شنو وبقت عصبيه .. ماسكه التلفون في يدها ولو جات رساله ساي بتتخلع خليكم من مكالمه 💔💔💔

اليوم داك كنت ف الجامعه .. 💔 كانت قافله معاي للنخاع ... صحباني قدر ما حاولو يطلعوني من المود الأنا فيهو بس م قدرو ..

عمار : والله ي حنين بالغتي ياخ .. انا متأكد انو ابوك كويس .. واحتمال كبير الليله يجي .. انتي عارفه السوداني م بيجي في الوقت الحددو نهائي . لأنو من ربنا خلق الأرض ونحن عندنا عقده في الحفاظ ع دقة المواعيد ..

يلا افردي وشك وخلي الوجنات تطلع ياخ

منذر : قصدك التجاعيد تختفي 😂💔

احمد : ي شباب دا م وقت هظا ....

قطع كلامو لمن شافني ضحكته .. قام ابتسم وسكت ..

مي : ي سلااأم .. حارمانا من الضحكه دي ليشنو ي بت

قلت ليها بطلي كسير تلج

نمو قالت : لالا كلامها صح .. ي حنو انتي ملاكنا البرئ ياخ .. م تحرمينا من ضحكتك

نازك : صح والله .. وعشان تنسي الموضوع عندي فكرة .. رائيكم شنو نطلع نغير جو بما انو م شغالين حاجه والزمن لسع بدري ع رجعة البيت ؟

كلهم قالو فكرة كويسه والله

قلت ليهم انا عندي محل إستراتيجي ارحكم ليهو

منذر : ilove this girl..realy i'm ✋😌

‏) الترجمه واضحه طبعآ :😅 احب هذه الفتاة .. حقآ احبها ‏)

💙💙💙

اتوزعنا ف العربات .. انا طبعآ الفترة دي كنت بجي بي أمجاد لأنو جوكر ماف ..

ركبت مع عمار ومنذر ومعانا نازك .. و العربيه التانيه مي و احمد ونمارق

قبل م نصل نزلته اخدته لي كم حاجه كده ..

العاب .. ع كتب ع أكل

طبعآ الشباب افتكروها رحله وكده 💔😂😂

وصفته ليهم لغاية وصلنا المحل ..

طبعآ مستغربين من الحي الفقير الوديتهم ليهو دا ..

قلت ليهم م ينزلو انا بمشي وبجيهم ..

مشيت لقيت لي راجل عندو طبليه ببيع فيها حلاوات ومناديل وسجار وكده ..

قلت ليهو : كيفك ي عم 💙

اهليييين ي بتي 😃.. اتفضلي

قلت ليهو معليش بس بسأل عن بيت ناس حليمه 💙

قال لي ابوها اسمو منو ¿

قلت ليهو انا زاتي م عارفه .. 😅 بس عندها اخوها اسمو حسيب 💙

في زول قال :

حسيب آدم ¿

انتبهت لي مصدر الصوت وكان آخر شخصيه اتوقعها

تفتكرو منووو ¡¡¡¡😱

💙💙💙

في البيت ابوي جا 😍 كلام عمار طلع صح 😍😍

بعد اتكلم مع امي مسااافه قالت بخلعه : انت بتقول شنو ي كمال !!!!!😨😨😨

كمال : السمعتيهو ي تهاني 💔💔😞😞😞😞 نحن ادمرنا خلاص .. الشركه ضاعت من يدنا .. مصانع ريتا للغلال بقت م حقتنا .. ادمرنا وانتهينا ي تهاني 😞😞😞😞 💔💔

تهاني دخلت في حاله هسيتريا حقت بكاء كمال حاول انو يهديها بس كانت بتسكلب وبتبكي : 💔😭😭😭😭 ي كمال نحن الشركه دي بنيناها طوبه طوبه .. م المفروض يحصل كده ..

كمال سكت وبس كان بمسح ع راسها ودموعو عشرة عشرة ..

لغاية نامت 💔

كمال بدا يتذكر كل كلمه قالها ليهو مروآن .. وغمض عيونو وقال : لالالا مستحيل اعمل كده مستحيل 💔 حريقه في الشركه بس بتي لا .. لا والف لا 😓😓😓😓

قال كده وقام طلع من البيت .. ركب عربيتو وساق بأقصي سرعه ليهو

💙💙💙

مجاهد 😱😱😱 بتسوي شنو انت هنا !!!

قال لي وهو مخلوع أكتر مني : انتي البتسوي شنو هنا !!! دا حينا نحن .. انا ساكن هنا 😱

تاني قومنا ضحكنا .. سلمته ليهو وسط زهول صاحب الطبليه و زملاني الفي العربيه .. آشرته ليهم يجو قامو نزلو ..

عرفتهم ع مجاهد وعرفتو عليهم 💙

حلف علينا نزورهم في بيتهم .. قومنا مشينا ..

هو كان الأبن الكبير في عيلتو ..

ابوهو متوفي ليهو سنتين .. عشان كده خله المدرسه 💔

وبقي يشتغل عشان يساعد امو في تعليم اخواتو مروة وصفاء ..

💔💔💔💔💔 اتآثرنا كتيير بس م وضحنا كده .. لانو ماشاء الله مقتنع بي حالتهم وحامد ربو 💙

بعدها مجاهد ودانا بيت ناس حسيب واختو حليمه .. ابوهو كان مقعد ..💔 اما امو مرة طيبه بتبيع شاي

ومن هنا تحية لي كل ست شاي بتشتغل بي عرقها عشان تربي أطفال وتعلمهم .. انتي مميزه .. انتي انثي عظيمه ي # ست _ الشاي

💙

وكالعاده .. حليمه وحسيب خلو المدرسه بسبب تأخير رسوم التدريس 💔

العصريه كده ودعناهم .. والحاجات الجبناها وزعناها ليهم .. الأطفال فرحو بيها كتييير بالذات كتب القصص 😇..😇

طول الطريق ماف حد اتكلم .. كانو ساكتيين وسرحانين .. وقتها عرفته اني في بداية خيط النجاح 😁😁😁😁

وصلنا الجامعه .. الساعه كانت عامله 4:34 مساء

قعدنا كولنا في النشاط ..

فجأه وبدون سابق إنذار احمد قال : نحن لازم نساعد الأطفال والناس ديل

كلهم قالو : اي اي كلامك . صح .. والتفتو علي عشان يعرفو رأئي شنو .. واتفاجأو لمن لقوني ببكي ..

سألوني هسع الببكي شنو ي حنين ياخ .. م تخربي لينا فرحتنا بي شوفة الأطفال ديلك ياخ !!

قلت ليهم دي دموع الفرح .. لأنكم فهمتو القصد من الزيارة دي 😭😭😭😭 انا فخورة بي شلة زي دا

منذر : قصدك زي دي ي ميري 😧😧😧

عربي جوبا تاعك دا 😂

قعدنا نضحكوووو

نمارق : اها حنساعدهم كيف لكن؟؟

قلت ليهم اسمعوني كويس .. انا فكرته وفكرته وقررته انو أفضل مساعده حتكون بي عمل مدرسه خيريه

عمار : واو .. كويسه فكرة

منذر : قصدك فكرة كويسه 💔💔😭😭😭😭😂😂

نازاك : غير العوارة م عندكم شي ☹☹☹☹☹☹ يلا واصلي ي حنين

قلت ليهم بما انو نحن من عائلأت ماشاء الله مسسسكينه م عارفه انو شركتهم أفلست 😭😭💔

نحن ممكن بمساعدة أهلنا نعملو مشروع المدرسه الخيريه .. وما كده وبس .. باقي طلبة الجامعه ممكن يساعدو .. وممكن كل جامعات الولايه انها تساهم ..

عمار انا بكرة بأذن الله حأعرض الفكرة للسيد العميد وبعدها حأمش اخد أذن تصديق من وزآرة التربيه والتعليم لآنو عندي فيها وآسطه قويه ..

احمد : وانا حأهتم بي موضوع الأعلانات حأجهز ملصقات ورقيه نعلقوها في الشوارع وكمان اعلانات ع وسائل التواصل كلها .. وانتو كمان اعملو الأعلان ..

كلهم قالو اتفقنا ..

نمارق : ي جماعه بالراحه بالراحه 😅😅😅 بس سؤال

قلنا ليها اتفضلي

قالت انتو متحمسين كده .. تفتكرو المشروع دا حينجح ؟؟

قلت ليها بصراحه نسبة نجاحو %30 لأنو الدوله م ظنيت تتكفل بي تمويل المشروع .. وكمان أهلنا م حيقدرو يتحملو النفقات دي كلها .. بس نتوكل .. ولو نجح الحمد لله ..

ولو فشل برضو الحمد لله .. ع الأقل نحن جازفنا واهتمينا بالموضوع .. عشان م يمسكنا عذاب الضمير .

مي : لو الناس اتعاطفت معانا حننجح .. نحن عاوزين حاجه قويه .. نعمل مسلسل عديل نعرض فيهو معاناة الطلبة في اكتمال التعليم

قلت ليها تصدقي كلمة عثل عليك بسيطه !!! والله مي حلتها لينا ..

نحن حنلمس ضمير الناس بي فلم صغير نعرضو ع ألجرايد والتلفزيون والراديو وكل وسائل التواصل .

منذر : اخوكم متبرع بالأعلانات دي .. بس شوفو لي ممثلين ..

قلت ليهو الممثلين علي م تخاف .. يلا بعد دا نمشو بيوتنا والمساء نعرضو الفكرة ع اهلنا ..

اتفقنا علي كده وكل زول مشي بيتهم ..

في البيت

امي جاتها صحيه ولقت المغرب خلاااص جا ..

اتذكرت الحصصل كلو .. عشان كده قامت والغضب مالي عيونها ومشت ع غرفة مريم ..

الله يستر ي فله

❣❣❣

# رشا _ تحكي

في بيت سعاد رشا كانت بتدخن سااي .. وماسحه كنزه في وشها وعامله شعرها كعكعتين 💔💔💔😂😂😂😂

سعاد جابت ليها مديدة حلبة معمولة بي دقيق سيمولينه 😍

رشا : والله متعبنك معانا ي خالتي سعاد 😅

سعاد : ي بت هوي .. انتي زي علا بتي 😇

‏( ع فكرة .. علا اخت علاء المتزوجه وعايشه في الأمارات ما تتلخبطو ‏)

.. عايزاك تطلعي نجفه يوم العرس ..

قامت من الحفرة ودخلو جوه الهول .. وقعدو يتونسو وياكلو في المديده 😇

الباب فجآة دقه .. سعاد مشت تفتح الباب وقبل ما تشوف منو الضيف فجآة في مرة دخلت وهي بتقول

: ي حراميه .. انا عارفه انتي عايذه طارق عشان ميراثو هو بناتو ..

واستلمت رشا وبقت تخبط فيها خبط .

سعاد كانت بتحاجز بس آمنه ماشاء الله .. طول وقوآم فما قدرت ليها ..

طارق كان مافي .. ورهف ونينه نايمات جوه في بيت سعاد زاتو ..

وعم محسن مافي . لحسن الحظ علاء جاء فجآة ولقاها بتتخبط في رشا ..

سعاد : ي علاء طلع المرة دي من بيتي 😤😤

علاء مسكها وكانت بتقاوم فيهو وطلعها برة وهي بتقول : والله ي شيطانه م حتعرسيهو .. ع جثتي ي مجرمه . ما معروف جايه من وين وله اهلك وين وجايه تتطفلي في بيوت الناس 😫😫😫😫😩

علاء اتكيف وقت عرف انو في معارضه .. عشان كده قال ليها بعد ما طلعها برة : بساعدك انا عشان نخرب العرس دا 😏😏😏😏

آمنه طوالي بدت تهدن وعاينت لي علاء مستغربه 😳😳😳

عمنذر : قصدك زي دي ي ميري 😧😧😧