الجزء 1

الساعه كانت بتشير للحداشر قبل نص الليل بربع ساعه يعني 11:45 مساء بالضبط كده 😇

كان جوكر 🃏 بطل قصتنا قاعد في واحده من المظلات بتاعت المحطات ...

راجي بص الوالي عشان يصل المكان الهو عايزو ..

تلفونو رنه .. عاين وشاف اسم علاء ..

اتذكر انو علاء عازمو سهرة ظاااابته .. كلها نسوان و شراب و .. و ..

الموهم ... كلها حاجات فارغه

...

طنش المكالمه و خت التلفون ف جيبو .. الشارع كان تقريبآ فاضي

الا من شويه العربات الملاكي و المواصلات العامه المعظمها ملانه ...

جوكر كان شاب ثلاثيني ...

من شكلو كده زول خطير .. وانت لو فعلآ عندك عقل نهائي م حتقرب منو حفاظآ ع حياتك طبعآ 😅😅

.......

طويل و معضل 💪

ياخ بتعرفو رومان رينز !! ؟

هو بطلنا ما زيو لكن نفسسس الطول والقوام ....

قمحي .. شعرو كتييير كده ولابس نظارة سوداء و طاقيه ..

لبسو اسود في اسود

استايل عجيب .. انا غايتو بشوفو زي الممثلين 😍

.....

جوكر عاين لي يدو ولاحظ انو فيها اثر دم ..

طوالي اتذكر العملو جبيل

يلا تعالو احكي ليكم عن شغلو ...

جوكر طبيعه شغلو الاجبار علي الكلام

يعني لو في زول عايزنو يتكلم . طوالي بنادوهو .. بمارس معاهو اقصي انواع التعذيب بدون رحمه او شفقه لغاية تتكلم

ولو قلته تعاند ...

حتموت في يدو بس والموضوع منتهي ...

....

وهو في قعدتو دي جات بت ..

طويله كده بيضاء .. لابسه النضارة بتاعت النوابغ ديك 😂

ولابسه شنطة ضهر سوداء .. البت بصراحه مزززة 😘😍

وقفت وكانت خايفه ..

بيناتهم مسافة خمسة امتار كده ..

جوكر رفع راسو عاين ليها ..

طوالي قامت صرت ليهو وشها ...😠😠😠

استغرب بس م اشتغل بيها ورجع يطبظ في التلفون .. وعلاء يشيل ويضرب ليهو ..

البت وقفت لغاية فترت والساعه عملت 12 ..

وخلاص المواصلات انقطعت ..

دموعها نزل 😢 و وحست بي ورطه .. 😥😥 وكانت خايفه خصوصي من جوكر ..

جات عربيه سوداء وقفت قدامها ..

نزل منها واحد وشغال يقول ليها : توصيله ولة اي خدمه ؟؟؟

هي : اخدمني خدمه واحده واركب عربيتك وفحط من هنا !😠😠😠

هو : ههههههه حلاتها القطامه في خشيمك الصغير دا 😘😘

سكتت خلتو و غيرت مكانها ...

الود كان معاهو صحبانو .. وكانو هم زاتو بشاغلو :.. ارح ياخ .. هو زاتو حرام نسيب واحده زيك هنا في الحته دي براها

الود جا مسك ليها يدها وعايذ يسوقها غصب

جوكر كان مراغب الاحداث .. و ولا اشتغل بالموضوع ..

بدل كده قام علي حيالو و مشي !

البت كفتت الولد وقالت ليهو : فك لي يدي

وهو كان بضحك !

ما لقت مفر غير انها تناديو : ي اخ لو سمحته ساعدني 😰 !!!!

ولا لفت زاتو

هنا كوركت فيهو : ياخ انت اللابس طاقيه دا !

جوكر وقف و لفت عليها وقال : معاي انتي ؟

طبعآ اتغاظت منو شديد :.. لالا مع الجمبك 😠😠

عاين جمبو طبعآ ماف زول

طوالي واصل مشيهو

هي : ياخ انا معاك انت ياخ ..😭😭😭

جوكر مشي عليهم والولد واقف زي الاهبل 🤤🤤🤤

جوكر : عايذ منها شنو ؟

الولد : وانت دخلك شنو ؟ دي حبيبتي وانا حر

البت م قدرت تعبر زاتو

جوكر : دا حبيبك ؟

هي : ما حصل مرة شفتو زاتو

هنا طوالي استلمو : بتكذب ليشنو ؟ ☹

الولد بدا يعرق 😅😅 ويتمتم : ااانا م م م قصدي

كف واحد بس وربي ما حتلقي ولا سنه في خشمك عشان تاني م تكذب

الود ؛ : وقسمآ م م م حتشوفني تاني خلي اكذب ليك بس ابوس رجلك نزلني 😬😬

هنا جوكر نزلو بالراحه

الولد جرا ركب عربيتو .. وصحبانو الجوه سكتو ولا علقو زاتو من الخوف 😂 جبانين كيف

.. نفض بدلتو اللابسه و واصل مشيهو

😮 البت كانت مزهوله 😮 من الحصل

وكانت بتعاين ليهو بس

طوالي جرت بي وراهو

هي : اسمعني .. شكرآ ليك

عاين ليها وم علق

تاني واصلت : انا اسمي حنين

حنين الكتيابي

برضو ولا علق

تاني واصلت : الووو .. هنا في واحده بتكلم !☹

جوكر وقف وشكلو صبرو انتهي : في شنو 😡😡😡!!!!

مش قلتي اساعدك ؟؟ هدا ساعدتك تاني عايزه شنو !

اختيني بالله

حنين 😌 : الحمد لله قاعد يتكلم

جوكر اتغاظ 😠 منها لانو كل القالو ولا هماها

الموهم ..

واصل مشيهو ولا اشتغل بيها

كانت مبارياهو وماشه معاهو اي محل ..

جو بالسوق بتاع ام درمان

وكان يعني فيهو ناس بس معظمهم رجال

حنين طوالي مسكت في قميصو

جوكر سكت و واصل

جا باص من بصات الوالي اشر ليهو وقف

طوالي نفض منها يدو وركب

حنين م لقت غير انو تركب بي وراهو ..

وقت جا دور الدفع ادي الكمساري 20 جنيه

حنين : اعمل حساب نفرين لو سمحته 😂😂

جوكر م علق وبس سكت

حنين ركبت سماعتها وشالتها نومه .😴😴.

تفتكرو لمن جوكر يصل محطتو حيصحيها ؟؟؟

❣❣❣

في حته تانيه كان طارق سايق ..

الزمن كان متأخر الساعه عامله واحده صباحآ ...

كان جاي من الكلاكله ومتجهة علي الخرطوم ...

معاهو بتو العمرها 14 رهف شايله نينه الصغيره ‏( آمنه ‏)

رهف : لسسع ي ابوي !!!! ؟ انا نعسته ياخ 😫

طارق : قربنا اصبري بسسس

رهف : حاضر 😢

طارق : حلاته بتي 😘

طارق اتأثر كتير وحسه انو ضاغط علي بتو شديد كونها تتحمل مسؤلية زي دي وهي لسسع في سن الاربعتاشر

مرتو عفاف اتوفت 💔 وهي بتولد آمنه 😭

و من وقت ماتت البنات كانو في بيت حبوبتهم في الكلاكله .. مرت ابوها لي عفاف

لانو عفاف امها اتوفت من بدري

بسس مرت ابوها ☹☹ ربت آمنه من وقت كانت عمرها يوم لغاية وصلت 77 شهور ...

م قصرت بس قبل شهر اتصلت علي ابوهم يجي يشيل بناتو لانو م بتقدر علي الغلبه

خصوصي آمنه صغيرة وبتبكي شديد .. ودا طبيعي

لانها فاقده حنان الأم ..

😭💔

رهف اتحملت مسؤلية نينه بالرغم من عمرها

هم ساكنين في شقه في المعمورة .. كانت نينه بتقعد الصباح مع جارتهم طيبه كده اسمها سعاد 😘

والضهر لمن هووفه تجي بتمشي تجيبها ..

طارق فتر من الحاله دي عشان كده قبل يوم مشي الكلاكله لي ناس خالت عفاف عشان يتقدم لي نهي اخت عفاف المرحومه من ابوها

بالمرة تربي العيال بس امها حلفت قسسسم لا

وما كده وبس

طردتو من البيت عدييييييييل

👊👊👊😠😠

مرة شوم خلاث

هو طارق رااجل حلنقي قرررض 😘😍

عمرو 37

راسو فيهم شيبات ادتو هيبه و وقآر نهي بصراحه مكسسسرة فيهو بسس امها رافضضضه .. هي زاتها م بتحب عيالو بسس عشانو مستعده تعمل اي شي

...

طارق نعس شديد 😵

عاين لي بناتو لقاهم بشخرو 😴

وقت رفع راسو لقي نفسو داخل في زول !!!

الزول ركب لي فوق العربيه و وقع بالأتجاه التاني !!!

طارق حكه فرامل لمن البنات صحو ..

نزل وجرا يشوف هو هبب ياتو مصيبه !!!