الجزء 21

بعد محاولات يائسه من د . عمر .. و قوة راس وليد .. آخيرآ رضخ وخلاهو يطلع من المستشفي ..

اداني معقمات وشاش وبي حكم اني دكتورة وكده .. اغير ليهو الجرح كل صباح .💔😐😐😐.

ركب ليهو جبيرة في يدو عشان ما يضغط ع الجرح ..

طلعنا من المستشفي وما حتصدقو السواق منو 😃😃

انا !!!!

سوقته العربيه حقت # وليد ..

لأول مرة اسوق براي 😍😍 ياخ ممتعه ..

قال لي وهو متآالم :.. الليله لو قبضونا ناس المرور حنتبهدل ..

ضحكته وقلت ليهو : م تخاف .. مدامتك حريفه 🤣🤣🤣

بعد الجمله الآخيرة دي حصلت لحظة صمممت فظييييعه ..

بعدها تلفونو دقه ورده بي هدوء : هلا علاء

علاء : والله عال العال متذكر اسمي .

قال ليهو : متذكرك ومتذكر اسم والدك كمان .. كيف عامل

علاء : بخيير .. وانت مالك طولته الغيبه كده ??

وليد : كلام كتيييييير .. وقام عاين لي وانا عملته نفسي مشغوله بالسواقه مع انو آضاني راخياها ..

تاني عاين بالشباك وقال ليهو : لمن نتلاقي بحكي ليك

علاء : اسمع .. عاوز مفتاحك حق الشقه الجديد

طوالي قال ليهو لالالا م بينفع .. انا فيها ..

علاء : جايب مزه ضاربه لو شفتها حتتصدم .. حنتقاسمها وعد .. بس المفتاح حلفتك ..

وليد : معاي مدامتي انا ومآشين الشقه

وقت قال العبارة دي طوالي حكيت فرامل وقلبي بدا يدق

عاين لي بي استغراب و واصل مكالمتو : ما بقدر يا علاء

علاء قعد يحلف فيهو بس وليد رفض رفض تام .. وقفل الخط علي كده ..

ما علقته نهائي طبعآ .. ما عارفه انطباعي كان شنو من المكالمه .. المهم سكته ..

قال لي بهدووء : ما حنمشي البيت .. حنمشي الشقه #. حقتي .. امي ما لازم تشوفني بالحاله دي .

قلت ليهو طيب ..

..

طول الطريق ماف زول بتكلم مع اخوهو ..

وهو بس كان بوصف لي ..

لغاية معالم المكان بدت توضح لي أكتر واكتر ..

وخلاااص بديت اتذكر المكان البقي سبب لمعآناتي الآن ..

وقفته العربيه وشوفته العمود الكنت قاعده تحتو قبل 10 شهور او اكتر ..

دموعي بدون م احس بدت تنزل ..

اتذكرت تعاملو معاي .. ولمن طلبته انو يساعدني بس رفض وطردني بطريقه غريبه ..

هو كمان لاحظ عشان كده حبه يغير جو .

وشغل اغاني ..

بتذكر كانت اغنية : شووق .

لي اسماعيل مبارك

ما عارفه عرفني كيف بريدها ...

طوالي بديت اغني معاهو

شووووق

قلب كبير .. عشق كتيير

ماله خير الشوووق

هواااأااء

احتاج له

اتنفسه

انا اعشقه هوااء

ما اقدر علي بعدك دقيقه .. ما اقدر انا ما اقدااار ..

خيالي انت وحقيقه

والحب لك يكبرر

طبعآ اندمجته بالغنيه لغاية قال لي لفي يمينك ☺

سكتته وخليت اسماعيل مبارك يواصل غنيتو .

قال لي وفآجأني : صوتك حلو ..

ابتسمت وقلت ليهو شكرآ .

ما علق وتاني لحظة الصمت جات .. بس كنا مستمتعين بصوت اسماعيل ..

وصلنا العمارة الفيها شقتو ..

نزلته معاهو وقال لي : انتي اخدي ليك امجاد و ارجعي البيت ..

قلت ليهو : ما حأرد عليك .. ويلا ادخل قدامي ..

استغرب مني بس دخل ..

طبعآ لو قعدته احكي ليكم من الليله لي بكرة ما حأقدر اوصف ليكم الوسخ والبهدله الفي الشقه ..

اوول من وقت دخلنا ريحة السجار والشيشه بسوو كدي 👋👋

وااي لكن موبالغه ياخ

وليد دا قرفان خلاص .. انا جني وجن الوساخه والقرف ..

ضحك ضحكه تلقائيه وقال : الشقه دي لي اسبوعين ما دخلتها ...

كان فيها علاء صحبي .. وقت جيت شوفتو بهدلها كده غيرته مفتاح الشقه طوالي .. انا ما ناقص وسخ

ضحكته لزوم م مصدقاك وكده وقلت ليهو : باين باين 😦😦

قال لي وهو بقعد في الأريكه : عشان كده المكان دا ما بناسبك ... ارجعي البيت ..

قلت ليهو ع اساس انت مهتم بي وكده ..

صرة وشو وم رده .. عرفته اني بديت احطم في الجسر البنيتو عشان كده صلحته كلامي وقلته بي حماس : عندك ديتول وآدوات نضافه 😃😃

قال مستغرب وهو بآشر علي المطبخ : هناك

مشيت المطبخ و وااي لو شفتوهو .. احيييي انا ..

طوالي طلعت برة وجريت ع الحمام الكان اوسخ .. استفرغته طوالي عآفاكم الله ..

جا وقف وهو بضحك : كلمتك المكان دا ما شبهك .

قلت ليهو : لالا انت متأكد انك بشر انت وعلاء ؟

رفع كتفو لزوم ما عارف انا زاتي وطلع ..

.. طلعته عبايتي .. كنت لابسه بنطلون جينز اسود وتونيكه بيضاء واصله للركبه بس يدينها سير ..🙈 ختيت طرحتي في اكتافي بس شعري اتفتح 🙈

بقيت زي مصعب بن عمير رضي الله عنه .. يا شعري يا كتفي

شعري كنت عامالاهو كعكه ..

في الآخير ضحيت بي شعري بس اكتافي لا ..

طبعآ الرسمه موبالغه ع يدي وكانت سوووده 🙈🙈😍

حاسه بيهو كان براغبني بالدس بس م اشتغلته بيهو ..

الشقه فيها غرفتين ومطبخ وحمام .. بديت بي واحده من الغرف .. نضفتها زييين عشان يرتاح فيها ..

بعد ساعه يمكن بقت واااو 😍

عندو اعواد بخور ند ولعتهم وجيت لقيتو نام ..💔 صحيتو بالراحه فتح عيونو وكان متآالم قلت ليهو :.. قوم ادخل جوه عشان الكنبه م مريحه .

م اتكلم بس قام وكان م قادر يمشي زاتو عشان كده سندتوو

❤❤❤

نضفته الغرفه التانيه وغيرته الفرش .... نضفته المطبخ وغسلته عدة التلاجه وشغلتها .. نضفته الحمام واستحميت .. كانت حالتي بالبلا .. بعد انتهيت من نضافة الشقه لقيت الساعه عامله 1:34 مساء ..

اتذكرته انو وليد ما أكل ولا شي من امسس ..

عشان كده طلعته مشيت السوق .. ومن هناك مشيت البيت ..

....

❤❤❤

وليد صحي من النوم مخلوع وهو سامع طرق ع الباب . فتشني في باقي الشقه ما لقاني ..

عشان كده قال اكيد دي انا الفي الباب .. بس كان غلطان ..

لانو جا فتح ولقاهو علاء ...

وليد قال ليهو وعلامات الألم باديه في وشو : انت بتسوي هنا شنو .. ودي منو المعاك دي !!

كان معاهو بت جميييله رابط ليها خشمها بي قطعه .. وكانت عيونها حمممممر من البكاء وبتعاين لي وليد وهي مترجياهو يساعدها 💔

علاء : دي رشا ..

❤❤❤

❤❤❤

مشيت البيت جبته لي كم غيار ولي وليد .. طمنته ماما مريم وامي وقلت ليهم ان شاء الله كل حاجه حتتحلا ..

وانا سايقه تلفوني ضرب .. لقيتو دا عمار : شوفتي كلمة ماسورة علييك بسيطه يا حنين .. كلمة ماسورة بسيطه

والله يا عمار انت ما عارف الحاصل لي شنو

عمار : اها مالك !! الحاصل شنو !!

قلت ليهو انا هسي سايقه بعدين بحكي ليك ..

قال لي : اوووو مبرووك السسواقه .. طيب نتكلمو بعديين .. يلا سلام ..

قفلته منو واتوجهته لي شقة وليد

❤❤❤

قال ليهو : رشا !!! ؟

رشا منو كمان ؟؟

علاء : رشا حببتي

انا بحبها يا وليد بس هي بتكرهني عشان كده خطفتها 😐💔💔😐😐

وليد : كيف انت تعمل كده يا علاء !!! انت جنيت " ، !! هسع اهلها يكو ...

علاء قاطعو : م تخاف م تخاف .. دي بت ليل بس انا رفضته انها تشتغل الشغل داك لأني عايذ ابني مستقبلي معاها .. شوفها جميله كيف ؟؟ ..

وقت قال كلامو دا رشا البكاء قطعها .. وغمضت عيونها قووي

وليد عاين ليها كويس .. صح هي جميله بكل معني الكلمه .. بس ما حسه بي اي رغبه اتجاها .. صح هو جنو نسوان وكده

بس الدرب دا خطاهو من زماااان ..

هو ما كان عايذ حنين تشوفها ..

قال ليهو : ما بقدر يا علاء .. شايف حالتي كيف وكمان مرتي معاي . عشان كده رجعها لي اهلها ياخ ..

علاء : طيب طيب انا بتصرف .. هاك الشنطه دي ختها معاك لغاية أجي اشيلا منك ..

وليد شال منو الشنطه وقفل الباب .. رشا وقت شافتو آداهو الشنطه قررب يغمي عليها وبدت تبكييي .. بس علاء شالها ونزل بيها تحت ..

ركبها العربيه ورا .. طبعآ القزاز مظلل ..

تصرخ وترفس ساااي .. طوالي وقف العربيه ورجع ليها ورا ربطها الحسود ..

في اللحظة دي عربية حنين جات مارة بيهم لغاية وقفت جمب العمارة ..

❤❤❤

علاء ضرب تلفون لي آمنه المغفله وقال ليها : سلام ي الغاليه ..

ردت ليهو بزهج : عايز شنو انت !!!

قال ليها : بالراحه يا ام نهي ..

رشا وقت سمعت الاسم كل حاجه وقعت ليها .. وعرفت انو آمنه هي الخططت لي دا كلو .

آمنه : انا م بقدر اتكلم معاك هسع لانو نحن في المستشفي ..

علاء : ما يكون طارق انتحر بس ..

رشا قلبها طار من محلو وقت سمعت كلام علاء ..

آمنه قالت ليهو : لالالا دي حفيدتي الصغيرة وقعت وضربت راسها .. هسع في العنايه المكثفه م معروف تعيش ولة تموت ..

علاء ضحك بخبث وقال : البت الطفله دي م سلمت منك ؟؟ المثل بقول قلل ناسك يرتاح راسك .. عقبال الكبيرة

رشا خلاص ماتت مية موته .. وهي بتقول في نفسها : بتي نينه عملو ليها شنو المجرمين دييل !!!

علاء : عايذ لي شقه ادبر بيها امووري .. لاني ما بقدر أأجر هسع انا موفلس

آمنه : هووي دا م اختصاصي !! وتاني حسسك عينك تضرب لي .. البت وبقت عندك تاني الصفقه انتهت بيناتنا

علاء ضحك مسسسسافه وقال : قولي الكلام دا لي طارق لمن يعرف عمايلك ..

آمنه : انت بتهددني يعني !!!

علاء : ..🙊Ooops القال منو انا بهددك ؟؟ انا بس بكلمك عاوز اعمل شنو ..

سكتت مسسسافه وقالت ليهو : طيب انا بتصرف وبديك خبر

❤❤❤

لقيت وليد نااايييييم ...

مشيت المطبخ شلته السكينه وقطعته الدجاجه ..

غسلتها وكبيتها في الحله .. وقطعته ليها فلفليه و بصله وفلفل اسود وشويه ملح

يعني بأختصار كده قطر قام ..

عبيت التلاجه خضار وفواكهه

خليت الحله تستوي ..

وجيت فتحت الفيس .. لقيت عمار وباقي الشله منزلين البوست بتاع المدرسه الخيريه .. وماشاء الله اللايكات عامله 1 ،5755

قلعته عيوني وصفرته ... طوالي عملته مشاركه للمنشور في صفتحي وفي كم قروب تانين .. وقفلت علي كده .

مشيت شوفته حلتي شلته بي معلقه عشان اضوق الملح قومته اتشيت .. سمعته ضحكه زول خبيثه عاينته لقيتو ولييد ❤

قال لي : باين عليك ست بيت ماهرة 😇

قلت ليهو : اصلآ انا كده 😌☝..

ضحك وم علق قام طلع ..

طبعآ قاعد يحيرني والله .. مرة طييييب ومرة الشر بي عينو .. قلت في نفسي يا رب ينصلح ..

.. خلطته عصير برتقال وكبيت ليهو الشوربة في زبدية .. و وديتها ليهو غرفتو ..

قال حيشرب براهو عشان كده طلعته برة الصاله وخليتو في الغرفه

فتحت الفيس وشهقته لمن شوفته منشوراتي الفي القروب .. يييييك .. موبالغه التفاعل فيها واصل 500 في كل منشور .. م اتوقعتو ينجح كدا

لقيت كم طلب صداقه م اشتغلته بيهم لانهم كتار شديد ..

صفحتي كانت بي اسمي طبعآ 😇😇

قريت الأشعارأت وكانت كلها إيجابيه . بس في اشعار سلبي من واحد بروفايلو اسسود اسمو هيسوكا .. كان بقول : مجموعة محتالييين وما أكتر

طوالي رديت ليهو : انت لو م عايذ تشارك ما تشارك م جبرناك .. بس ما تحكم ع الناس وانت م عارف الحاصل .. ابيت احذف التعليق حقو عشان م يقول انا جبانه ..

بعد شويه جاني اشعارين .. واحد اعجاب لي تعليقي منر هيسوكا والتاني انو هيسوكا يريد التواصل معك .. بالرغم من طلبات المراسله الكتيرة بس حبيت ارد ع هيسوكا بالذات .

قال لي : انا آسف اني نعتكم بالمحتالين

قلت ليه : حصل خير

وطلعته من الفيس ..

مشيت لي جوكر طوالي نزل تلفونو وم لقيتو آكل حاجه .. بس شرب من العصير

قال لي : انا م عايذ .. عايذ انوم بس شيلي الصينيه

انا كنت غضبانه من هيسوكا عشان كده م رديت .. كنت صارة وشي وطلعته ..

رقدته في الغرفه التاني عشان انوم سويه ..

فتحت الفيس تاني ولقيت التعليقات ماشه السماا

وفي كم رساله من هيسوكا ... فتحتهم واتخلعته بالشي القريتو ..

تفتكرو رسل لي شنو !!!!! ؟

# صلو _ عليه