الجزء 23

وداد : احمد ادريس .. الزول الهربته معاهو هو الساعدني وسرق اوراق الملكيه من الخزنه ....

ما كانت بتربطني بيهو اي علاقه وانا متأكده انكم قلتو يمكن هربته عشان اعرسو وكده .

من وقت سلمني الشنطه اتفارقنا وتاني م عرفته عنو اي خبر

انا وقت سمعته التصريحات دي من وداد عرفته انو الزول الحاولته انقزو داك بكون احمد ادريس م غيرو

وداد مشت اتجاه امها الكانت مدنقرة راسها .. رفعت ليها راسها وقالت : سامحيني يا نبع الحنان 💔😐😐😐😐..شكيت فيك وانتي اطهر من كده ..

مريم وكمال اتفاجأو بي كلام وداد .. لانهم عارفين هي هربت عشان قايله انو هم خانو قسم السيد وكده ..

واصلت : اي بعتذر .. منك ومن عمو كمال ..

لأنو الليله ديك انا فسرته السمعتو غلط .. اي حاجه كانت مجرد سوء فهم

ما كنت فاهمه حاجه .. و وقت سمعته انكم زورتو الورق سرقته النسخ الأصليه وهربته بيها عشان احفظ حق اخووي ..💔

كمال : انا وامكم وابوكم كنا اولاد دفعه واحده ..

كنا زملان دراسه .. بس لسوء الحظ انو نحن الاتنين حبيناها ..

في اليوم الكنت عاوز اعترف لي مريم عن حبي قسم السيد سبقني ..

وعرض عليها الزواج .. و وقت هي وافقت انا صرفته نظر عن الموضوع 💔

عاين لي مريم الكانت بتبكي وهو بقول : كنت كل يوم بكتب ليها رسائل حب وبدون م تشعر بختهم ليها في نص الدفتر حقها ..

و وقت قسم السيد اعترف ليها هي طوالي قالت انو هو صاحب الرسائل ..

واتزوجو علي كده ..

وجابوك انت يا وليد بعد سنه من زواجهم 💙

طول الفترة دي اعتبرتك انت كأنك ولدي لانك ولد اغلي اتنين عندي 💔..

ومريم اعتبرتها كأختي وقفلت الموضوع ع كده .. انا وقسم السيد ومريم بنينا مصانع ريتا سوا . ولاننا كنا اوائل الدفعه في الكليه قدرنا نحقق نجاح باهر .

وشركتنا كبرت وارباحنا بقت طائله ...

💙💙💙

امو وابوهو كانو عايشين في السويد وهو قرر يستقر هنا ..

..

وانا اهلي متوفيين عشان كده رباني عمي اسمو جابر ..

كان عارف بي حكاية حبي لي مريم و في مرة جيت البيت وكنت سكرآآن .. مله لي راسي اني امش اعترف لي مريم انو انا الكنت برسل الرسايل ..

قسم السيد كان مافي لانو كان سافر السويد ..

الموهم مشيت ..

مريم استقبلتني عادي لاني دايمآ بجيهم حتي لو راجلها مافي ..

قالت لي وهي مبسوطه انها حامل وانو انا اوول زول عرف .. حتي قبل قسم السيد

انا صح كنت سكرآن بس كنت واعي وصرفته نظر عن موضوع اني أكلمها وكده ..

عرفتني ما طبيعي عشان كده قالت لي ادخل الحمام استحمه واغسل وشي ..

لكن وانا في الحمام قسم السيد جا وشك انو نحن ع علاقه وخناهو .

طلقها وطلع خلا لينا البيت 💔..

م كنا عارفين انو عندو قلب .. صحتو ادهورت وسافر مع اسماعيل محاميهو السويد عشان العمليه .. رفض انو يسمع لينا وبس مشي بي الحقيقه المرة عن صحبو ومرتو .. وللأسف مات وهو ما عارف الحقيقه

اهل مريم طردوها وقالو جابت ليهم العار بعد خانت راجلها ..

عشان كده عرستها لانو م عندها زول غيري

بس والله لي الآن ما لمستها بالرغم من انها حلالي

بس بشوف اني ي داب بخون صحبي بالطريقه دي ..

لغاية عرسته تهاني السكرتيرة حقتي .. وجبناك يا حنين ..

عشان ما اخلي مريم وبتها براها .. جبتهم هنا ولميتكم في بيت واحد ..

طبعآ حصلت لحظة صمت رهيبه .. انا م كنت عارفه موقفي حيكون كيف !!

وليد كان ساكت وماسك قبضة يدو وعروقو كلها طلعت

قطع الصمت كلام وداد : انا الفترة الغبتها دي اتعرفت ع عيله نستني الحصل كلو ..

كنت ملانه حقد من امي وعم كمال لاني قلته انو هم السبب في موت ابوي ... بس سبحان الله .. نفس الحصل لي امي حصل لي .. وعرفته انها برييئه من دا كلو ...

عم اسماعيل حكي لي حكاية الورق .. هو خلا عمو كمال يوقع علي ورق وهو ما عارف جواهو في شنو .. وبي طريقه رسميه المصانع بقت بس بي اسم وليد ..

عشان كده زور الورق وعمل النص ليهو . والتاني لي وليد لانو دا حقو الشرعي ..

وليد قال بغضب : اي اي فهمنا هو ما خاين واي حاجه .. طيب ليشنو رسل زول يقتلني !!!

هسع انا فقدته عيني اليمين بالسبب دا "" وكنت حأفقد حياتي لو ما عم اسماعيل انقذني !

كمال : اقسم بالله يا ولدي انا ما حاولته اقتلك .. انت كنت في سن مراهقه وكان سلوكك سئ .. ضربتك ضرب عادي وانت شردته من البيت ..

عمك جابر كان معانا في البيت وطلعنا انا وهو نفتشك ..

بس هو لقاك وضربك وم كان قاصد يقتلك ولاحاجه .. قال انت قاومتو وبدون قصد ضربك في عينك وهو فقد الوعي بعدها ..

قال لي نعتبروك موته وبس نقفل الموضوع .. وسبحان الله غلطاتنا ربنا رداها لينا وقتيآ في دنيتنا .. هو هسع اولادو رموهو في دآر العجزه وانا ...

عاين لي وسكت .. فهمته انو اصابتي بس كانت رد حساب لي ابوي ..

واصل كلامو ومشي ع وداد : يا بتي يوم انتي جريتي من البيت انا خوفته عليك يكون احمد غشاك ولة حاجه .. لانو الورق كان مهم لانو متعلق بي مصانع ريتا كلها ..

بس الناس الرسلتهم كمان اتصرفو من عندهم والغدر رمي حنين معاهم واتعرصت لي إصابه 😭😭😭

اسماعيل : اللخبطه الحصلت دي كلها كانت سوء فهم .. بس الحمد لله مافي خسائر .. وكل حاجه حترجع لي مكانها ..

وليد : حنين ..

كلنا استغربنا وقت ناداني .. و واصل : انا اسف .. اليوم القلت فيهو انتي م بكر كنت عاوز اوطي راس ابوك ما اكتر .. بس انتي واحده طيبه ما تستاهل الحصل معاها ..

وواصل : حأعمل إجراءات الطلاق .. عشان تشوفي حياتك وسامحيني عشان ظلمتك . لاني ما كنت فاهم حاجه ..

قلت في نفسيءودموعي عشرة عشرة : حيتخلي عني بي ببساطه كده !! ما عارف اني مستعده اعيش معاهو حتي لو كان إرهابي زاتو !!

ما عارف اني بحبو !!

في نفس اللحظة وليد كان عاصر ع قلبو لانو بحبها 💙 بس قال هي نهائي م حتوافق بيهو بعد دا ..

الأهانات والذل العرضهم ليها ما حتنساها بالساهل كده

عشان كده قرر انو يعفيها من التزام زواجها منو

💙💙💙

وليد مشي وقف قدام امو وعيونو كلها دموع

كانت بتهز راسها لزوم لا م تطلقها 💔

انا م حسيت بي روحي

رآسي لفه والدنييا ضلمممت فجآة .. صح عادي رآسي بلف بس انا الليله عميت عدييل .. لا وغير كده ..

وقعته في الأرض بدون حررركه جسمي اتشنج .. وسامعه صوت امي بتبكيي وبتاندي فيني بس الصوت بعييييييد

وبتذكر آخر صوت سمعتو كان صوت وليد .. صوت ملان خوف بناديني .. وتاني السمع وقف .. بقيت حاسه بي حركه يدين في خدودي ..

وحسيت في زول رفعني .. تاني ما حسيت بي حاجه ..

م معروف دا شنو الحصل .. يمكن غيبوبه ... ويمكن موت 😐

❣❣❣

# طارق _ يحكي

علاء مشي المستشفي ..

آمنه من وقت شافتو بدت ترجف .. وجاتو سريع سريع قبل زول يشوفو .

علاء : مالك شوفتي ملك الموت ؟

آمنه : مالك مضرب كده !" العمل فيك كده منو !

علاء : اممممم يعني عايزه تقنيعني انو دي ما انتي صح ??

آمنه : انت بتقول ف شنو !!!

علاء : اتغديتي بي قبل م اتعشي بيك .. فالحه لكن ..

وخلاها ومشي اتجاه ناس طارق ..

المسافه دي هي ساحت سووح ... علاء فته لي طارق اي حاجه طبعآ

من هناك طارق جا جاري علي آمنه وغضب الدنيا خلا عيونو زي ‏( اندرتيكر المصارع ... كتمت ‏) آمنه محل تخش ما عرفت ..

طارق : انا كنت عارف انك ورا المصايب البتحصل دي الله يجازيك !! بت بريئه تخربي سمعتها عشان القروش "!.

وهجم عليها بس علاء مسكو عشان ما يضربها .. نهي جات جاريه ومسكت امها وطارق شغال يشاكل : بي إهمالك بتي وقعت وضربت راسها وهسع ما بتجر غير نفسها . وخربتي بيني وبين رشا !. حرام عليكي دمرتينا الله يدمرك !! فكني اقتلا واشرب من دمها !!"

نهي جرت امها وطلعتها برة وعلاء طلع بي وراهم حفاظآ علي نفسو طبعآ

وطارق قعد في الارض وهو ببكي ..

وكان بقول : سامحيني يا رشا لأني ظلمتك .. سامحيني 💔

💔💔😐😐😐