الجزء 25

قاعدين اميره و عزالدين في الحديقه و قدامهم شاي..

اميره:( يعني ي عزالدين عاجباك تصرفات ولدك دي?)

عزالدين:(تصرفات شنو?)

اميره:( بقي قاعد مع خيلانو طوالي و مهتمي بيهم شديد)

عزالدين:(اعمل ليهو شنو? راجل كبير احبسو? وله اشاكلو? زمان كان صغير و قدرتا اتحكم فيهو بس اسي م بقدر)

اميره:(لا بتقدر اتصرف معاهو اعمل ااي شي احنا م دايرين مشاكل بعد ده)

عزالدين:(امنه هي المشكله بس مجدي و طلال م عارفين حاجه)

اميره:(شنو العرفك انو م عارفين?اختهم اكيد حكت ليهم)

عزالدين:( لو كانو عارفين م كانو سكتو)

اميره:( انا مقلقه منهم جدا..اتفاهم مع ولدك في الموضوع ده لو سمحت)

عزالدين:( حاضر ي اميره.. حاضر)

مصطفي جا بليل متاخر م حاولتا اتكلم معاهو ابدا.. و هو كان تعبان نام طوالي..

قاعده مع علياء في الشغل بنحكي بالحصل..

قلتا:( و هاني قال شنو?)

علياء:( م قال حاجه كلنا م لينا ذنب في الحصل ده بس تاني قال لي ابعدي منها م تمشي حته هي فيها)

قلتا:( صح ..بس لحدي متين?)

علياء:( ربنا بسهلا)

قلتا:( انتي بتقنعي نفسك بآي كلام و خلاص? لازم هاني يعلن عرسكم..م تمشي المواضيع ساي كده)

علياء:(اعمل شنو?)

قلتاليها:( اتكلمي معاهو الظروف م معروفه.. احتمال ذي م. حصل بالصدفه اسي لاقيتي ناديه.. احتمال ناديه برضو بالصدفه تعرف انك مرتو...كلميهو و اعلنو عرسكم في اقرب وقت)

علياء:( طيب ان شاءالله)

قلتاليها:(ان شاءالله)

كنت خايفه علي عليا۽.. خايفاها تدخل في مشاكل مع هاني و مرتو و خايفه ناديه تعرف ب العرس قبل ما هاني يكلمها.. و تحصل مشكله و فضيحه..

نور ماسكه تلفونها و بتضرب ل حسن بس حسن م برد عليها ليهو يومين م برد عليها و هي عارفاهو زعلان و م داير يرد رسلت ليهو مسجات كتيره بس م عبرها.. ضربت ل متوكل ردا عليها..

نور:( ايوا ي متوكل....الحمدلله انت كيف? ......دايره امشي ل ناديه...م قادره اسوق ب ميمي.. ممكن ترسل لي حسن? ..... اوكي تمام.... باي)

و قفلت.. و مشت تجهز طوالي م كانت دايره تمشي ل ناديه بس كانت دايره تشوف حسن و تتكلم معاهو... بعد نص ساعه حسن دقي ليها..

حسن:(ايوا ي نور انا تحت العماره)

نور:(حاضر نازله)

و شالت ميمي و نزلت ركبت معاهو... من ركبت سالتو..

نور:( حسن انت ليه م بترد علي?)

حسن سكت و بقي ماشي..

نور:(حسن انا بتكلم معاك لي يومين بضرب ليك م بترد لي.. في شنو?)

حسن بكل جديه:(نور علاقتنا لازم تنتهي)

نور اتخلعت شديد:(شنو?)

حسن:( علاقتنا غلط و م تنفع و لازم نخلي بعض)

نور:(لا ي حسن.. م ينفع)

حسن:( راضيه لي العذاب يعني? نور والله م متحمل انا)

نور:(بس م ينفع نسيب بعض)

حسن:( ممكن اسالك سؤال? اخر علاقتنا دي شنو?)

نور:( حاتطلق من متوكل و اعرسك)

حسن:( بكل سهوله كده? تخلي العز و القروش و العربات و السواقين و تعرسي واحد ذي? م عندو شي.. بيت ساي م عندو? م بتقدري ي نور م بتقدري تنتقلي من اعلي سما لاخر ارض.. م بتقدري و اهلك م حيرضو ليك و مستحيل تحاربي اهلك و كل الناس عشاني..و بتك من حقك ابوها.. تعيش مع ابوها)

نور:( لا بحارب.. بحارب كل الناس)

حسن:( نور الموضوع م بسيط م بتقدري.. و انا ذاتي م داير اتعبك معاي و اعذبك...خليك انتي مرتاحه جدا اسي.. خليك علي كده)

نور:(بتحمل ااي شي عشانك ..اي شي)

حسن:( م بتقدري ي نور )

نور بتحدي:( بقدر)

و سكتو.. نور وصلت بيت ناديه و نزلت بدون م تقول حاجه..

قاعده ساره في الكافتيريا حقت الجامعه و كانت مكشره.. جاها امجد قعد..

امجد:(اها الامتحان كيف?)

ساره:( ذي الذفت صعب شديد)

امجد:( بلعكس ناس دفعتكم قالو ساهل .. عشان انتي م قريتي)

ساره:(احتمال م عارفه حاجه.. المهم دايره اسالك انت البندول العندك ده بتجيبو من وين? )

امجد:( من مصر)

ساره:( انا عايزه)

امجد:(غالي)

ساره عاينت ليهو بتريقه:( يعني حيقلبني? انا ساره عزالدين)

امجد ابتسم:( لا طبعا م حيغلبك)

ساره:( طيب قولي بكم و انا دايره اصلو ماف حاجه بتسكت لي الصداع غيرها)

امجد:( بس الحبوب دي بتبقي ليك ادمان تاني م بتقدري بدونها)

ساره:(م مهم بس تكون معاي وقت م احتاجها القاها)

امجد:( طيب)

علياء بتتكلم مع هاني في التلفون و هي في المكتب..

علياء:( ي هاني انا نفسي امشي معاك مطعم نقعد نتونس و او نمشي مول..م كل لقاء يكون في الشقه ذي الناس العاملين حاجه غلط)

هاني:( خلاص نمشي المطعم الكنا بنتلاقي فيهو قبل م نعرس)

علياء:(داك بعيد و قافل كده.. نمشي المول عليك الله نفسي احضر فيلم)

هااني:( مول شنو ي علياء انتي جنيتي? المول لامي الناس لو لاقيت ااي زول بعرفو اقول ليهو اانتي منو?)

علياء:(م بنلاقي زول.. عليك الله)

هاني:( لا ي علياء م ينفع)

علياء:( ندخل الصاله نحضر الفيلم و نطلع طوالي م نقعد في المول.. عليك ي هاني نفسي احضر الفيلم ده معاك.. رومانسي جددا)

هاني:( ي الله....حاضر ي علياء حاضر)

علياء بفرح:( ربنا يخليك لي...يلا اطلع تعال عشان نحضر عرض الساعه4 فضل ليهو اقل من ساعه)

هاني بزهج:(طيب طيب)

ن

ور قاعده مع ناديه و هي زعلانه شديد و بتحكي ليها بالحصل..

نور:( ناديه انا بحبو انا م بقدر اعيش بدونو.. كيف يعني يخليني? كيف يعني علاقتنا تنتهي كده فجاه?)

ناديه:( نور علاقتك مع حسن من الاول غلط انا وريتك بس انتي م رضيتي)

نور:( لقيت منو الاهتمام الما لاقياهو من متوكل)

ناديه:( اوكي خلي موضوع الاهتمام ده علي جنبه... انتي بتقدري تخلي متوكل? بتقدري تخلي العز العايشه فيهو? بتقدري تستغني عن العيشه الراقيه دي و عن العربيه و السواق و كل الطلبات المجابه?و تعيشي مع حسن في بيت إيجار يوم تاكلي و عشره لا?)

نور:(ااي بقدر)

ناديه:( م بتقدري...كلام حسن صح انتي م بتقدري.. لانو من قمتي انتي متعوده علي كده.. اي صح ابوك م عيشك بنفس عيشه متوكل..بس علي الاقل بيت كويس و اكل كويس و طلباتك مجابه.. من قمتي انتي متعوده علي كده و من بيت ابوك ل بيت متوكل و ب صوره احسن.. سواق و عربيه و دلع و قروش م ليها حد و تصرفي ذي م دايره...تجي فجاه تخلي كل ده و تعيشي مع حسن في بيت ايجار? م بتقدري)

نور:( و الحل شنو?)

ناديه:( الحل القالو ليك حسن)

نور بتحدي:( لا م حاسيبو)

ناديه:(نور م تعزبي الولد معاك سااي...الولد لسه شاب و حياتو قدامو.. خليهو يختار البت المن مستواهو و البتقدر وضعو و بتتحملو.. نور لو متوكل عرف حتحصل مصيبه.. متوكل ممكن يقتل حسن او يدخلو السجن باي تهمه و تكوني ضيعتي حياه الولد ساي)

نور:( متوكل م حيعرف)

ناديه:(ماف حاجه بتتدسا طول العمر اكيد حيجي يوم و حيعرف..حتي لو خليتي حسن.. حيجي يوم و متوكل حيعرف انو كان عندك علاقه بيهو)

نور كانت زعلانه و جايطه شديد و م قادره تركز..

ناديه:(اسمعي كلامي.. متوكل كويس.. كويس شديد.. و بعمل ليك كل الدايراهو و بقي بهتما بيك قدر م يقدر...دوسي علي قلبك و خلي حسن)

نور:(م بقدر بحبو والله بحبو)

ناديه:( دي انانيه منك ي نور.. انتي ديره متوكل عشان القروش و الراحه.. و دايره حسن عشان شاب و صغير و بهتما بيك.. لو استمريتي كده حتخسريهم الاتنين.. عشان كده حاولي ركزي و اختاري واحد.. و انا بقول الواحد ده يكون راجلك و ابو بتك النايمه جوه دي.. لانو لو اتطلقتي من متوكل و عرستي حسن.. متوكل حيحرمك من بتك.. شوفي ممكن يحصل ليك شنو لمن يشيل منك بتك..و ميمي من حقها عليكم تعيش وسطكم الاتنين)

ناديه اتكلمت مع نور كتير و حاولت تقنعها بس نور اصرت علي موقفها و رفضت تخلي حسن..

عزالدين سالني من مصطفي قلتا ليهو مع خيلانو حسيتو زهجان و متضايق.. مصطفي جا المغرب سمعنا كوراك عزالدين معاهو..

عزالدين:(انت بقيت م جايب هم الشغل او هم ااي شي.. و حايم مع خيلانك)

مصطفي:( حايم يعني شنو ي ابوي? عارف خالو مجدي عمل عمليه و طلع البيت و داير اهتمام و هم م بعرفو حاجه في الخرطوم و لازم اكون معاهم )

عزالدين:(يعني عشان تكون معاهم يومين م تمشي المكتب و م ترد علي تلفونات الشغل.. مصطفي م ممكن.. الليله عندنا اجتماع مع الشركه الالمانيه حقت الموتورات و في اخر لحظه اجلتا الاجتماع عشان حضرتك مافيش.. اسمع ي مصطفي حياتك كلها كوم و الشغل كوم.. م داير ااي اعتزارات ..تمشي المكتب و تخلص شغلك و بعدين امشي محل م داير ..فاهم?)

مصطفي:( حاضر ي ابوي)

عزالدين:( بكرا من الصباح القاك في المكتب)

مصطفي:( حاضر ي ابوي)

مصطفي جا طالع مكشر استحما و غير و لبس هدوم الكوره و طلع بدون ااي كلام معاي..

طلعو علياء و هاني من الفيلم مبسوطين و يضحكو..

علياء:( عليك الله الفيلم م حلو?)

هاني:(مع اني م بحب الرومانسي بس حلو والله.. زوقك حلو جدا)

عليا۽:( طبعا حبيبي)

هاني:( نفسك تاكلي شنو?)

عليا۽:( اي شي معاك ببقي حلو)

هاني:(في مطعم بعمل كبسه خرافيه.. نمشيهو?)

عليا۽:(اوكي يلا)

و ماشين علي المطعم لاقو واحد جاي عليهم هاني لمن شافو اتخلع شديد..الراجل عاين ل هاني و ل عليا۽ باستغراب.. و وقف قدام هاني..هاني اتحرج شديد بس ابتسم و سلم عليهو عادي..

هاني:( ابو السيد كيفك?)

سيد:( تمام والله الحمدلله.. انت كيفك?)

هاني:( تمام الحمدلله كيف الاخبار)

سيد:(تمام الحمدلله.. كيف المدام و العيال? )

هاني:( تمام الحمدلله... دي ...رؤي زميلتنا في البنك)

سيد سلم علي عليا۽..

سيد:( اهلا و سهلا)

عليا۽:( اهلين)

سيد اتكلم مع هاني كلمتين و مشي.. هاني كشر طوالي و عاين ل عليا۽ بزعل..

عليا۽:(عاجبك كده? الله يستر الليله ارح نطلع من هنا بسرعه)

و مشي علي الباب بسرعه.. عليا۽ مخلوعه و م فاهمه حاجه و مشت بوراهو ركبو العربيه..

عليا۽:( ده منو ي هاني و ليه انت زعلان كده?)

هاني كان زعلان شديد و كورك:( انا كلمتك قلتا ليك م نطلع حتات عامه اصريتي.. ده ولد جيران ناس عليا۽ و صاحب اخوانها شديييد...رينا يستر م يمشي يكلمهم)

نتلاقي♥