الجزء 12

قاعدين عليا۽ و هاني في عربيه هاني و بشربو في عصير..

هاني:( اها قلتي شنو ي عليا۽?)

عليا۽:( لالا ي هاني م ينفع)

هاني:( ليه كده? )

عليا۽:( ي هاني امي و ابوي لو عرفو م بسييوني)

هاني:( م حيعرفو حبيبتي.. والله م حيعرفو)

عليا۽:(م عارفه ي هاني.. خايفه شويه)

هاني:( كيف تخافي و انتي معاي? م بتثقي فيني ي عليا۽?)

عليا۽:( اكيد بثق فيك)

هاني:( طيب خلاص وافقيو اوعدك م تندمي ابدا)

عليا۽:( خليني افكر)

هاني:( لازم توافقي ي عليا۽... حآجر شقه مفروشه قريبه من شقتكم عشان تكون قريبه ليك و ترجعي براحتك.. حاعمل ليك كل العايزاهو حاعيشك ملكه.. جد حتكوني مبسوطه و سعيده معاي.. اوعدك ب كده)

عليا۽ فرحت ب كلام هاني و ابتسمت..

قعدنا انا و مصطفي معاهم بقينا بناكل.. ساره ختت صحن الباسطه و قامت طلعت فوق..

اميره:(ماشه وين ي ساره?)

ساره:( دايره انوم ي ماما)

انا كنت من الخلعه م قادره اكل.. بفكر ...معقوله...معقوله ساره اخت مصطفي تكون كده? م قارده اصدق.. مستحيل..

ساره طلعت علي غرفتها قفلت الباب و مسكت راسها..

ساره:( وااي اسي انا اعمل شنو? البت دي اكيد حتكلم مصطفي.. ي ربي اسي اسوي شنو?? )

بقت ماشه و جايه في الغرفه متوتره..

شالت التلفون و دقت ل امجد..

ساره:( امجد الحقني..متذكر البت القبيل لاقتني في الحمام بشرب سيجائر? طلعت مرت مصطفي الجديده...... والله ... اسي خايفه تحكي ل مصطفي)

امجد قاعد في غرفتو بشرب في سيجاره..

امجد ببرود:( لالا م اظن تحكي)

ساره:( م حتسكت ل حاجه ذي دي...هي قبيل م بتعرفني شاكلتني..خليك من تعرف انو انا اخت مصطفي و الاكعب اني شاكلتها و عاملتها بطريقه كعبه)

امجد ضحك:( تاني م تشاكلي الناس ساي)

ساره بزعل:( امجد انت بتهظر? بارد جدا بقيت و بايخ)

و قفلت و رمت التلفون بعصبيه..

قااعده في الكنبه بعاين في التليفزيون بس كنت بفكر في ساره و تصرفاتها.. وعيت ب صوت مصطفي..

مصطفي:( مريم)

قلتا:( ايوا)

مصطفي:( سرحانه وين?)

قلتا:(لا معاك.. في حاجه)

مصطفي:(احنا حنعمل عرس)

قلتا باستغراب:( كيف?)

مصطفي:( حفله صغيره...ابوي قال كده لازم الناس تعرف انو عرستا...عشان م حتسلمي من لسانهم)

قلتا:( لالا م اظن ينفع)

مصطفي:( لا حينفع.. حفله صغيره بعد بكرا...كلمي ابوك و اخواتك انا بكلم محمد)

قلتا:( م عارفه بس انا م مستعده و م اظن ينفع)

مصطفي:(م محتاجه حاجه..حبه كوفير و خلاص.. المهم اخدي اجازه لمده اسبوعين كده)

قلتا:( كمان اجازه?)

مصطفي:( ايوا لازم عرسنا يبقي قدام الناس عادي جدا.. اما بينا هنا ده ذي الاول ماف شي حيتغير.. تمام? )

هزيت راسي ب طيب..

مصطفي:(ماشي الكوره)

و طلع مشي..

يوم الحفله صحيت من الصباح مشيت الكوفير مع علياء و سهي.. مصطفي ادي نور اختو المتزوجه تجيب لي دهب و هدوم.. جهزتا و لبستا بلدي عادي.. و مصطفي لبس جلابيه و الحفله كانت بسيطه و ابوي و سميه و اخواتي جو.. ريم و مي كانو مبسوطين..بس سميه و ابوي مكشرين.. جات اميره نهايه الحفله هي و ساره و نور... جو مكشرين قعدو في اخر الصاله.. انا و مصطفي حاولنا نمثل اننا مبسوطين .. محمد و سهي و علياء كانو مبسوطين جددا.. نظرات اهل اميره لي م عجبتني و عواطف و نهي بتها م سلمو علي سلمو علي مصطفي و مشو كاني م موجوده.. م اتطمنتا ابدا بالبدايه دي معاهم..

قاعد سامي في غرفتو باب الشقه دقي.. قام فتح لقاها سحر اتخلع..

سامي:( شنو الجابك هنا?)

سحر دخلت و قفلت الباب..

سحر:( اسي ده استقبال ليك?)

سامي بخوف:( سحر م تهظري امشي لو سمحتي ممكن زول من الجيران يشوفنا)

سحر:( بس اشرب كبايه شاي و امشي)

سامي:(شاي شنو اسي علياء بتجي)

سحر:( علياء م حتجي اسي ده عرس صحبتها.. يلا ياخ م تبقي بايخ)

و دخلت قعدت في الصاله.. سامي وقف متوتر.. و مشي عليها قعد في الكرسي قدامها..

سامي:(سحر عايني انا م بحب الحركات دي)

سحر:( حركات شنو دي زياره عاديه.. قلت ليك تعال لي البيت و انت رفضتا)

سامي:( م رفضتا بس كان عندي قرايه)

سحر:( و القرايه دي م خلصت?)

سامي:(لسه شويه)

سحر:(سامي بطل استهبال.. حتجي وله لا?)

سامي:( بجي)

سحر:( متين?)

سامي:( الخميس)

سحر:( متاكد?)

سامي:(ايوا.. يلا امشي سرعه)

و وقف.. سحر وقفت و ابتسمت و مشت علي الباب و سامي وراها ..وقفت ابتسمت ليهو تاني و طلعت.. سامي قفل الباب بسرعه و هو خايف..

الحفله انتهت و انا و مصطفي مشينا فندق نقعد فيهو اسبوع..

اول يوم قاعد مصطفي في الصاله سرحان بعد الغدا.. جيت قعدتا في الكرسي الجمبو..

قلتاليهو:( سرحان في شنو?)

مصطفي:( الدنيا)

قلتاليهو:( مالا الدنيا?)

مصطفي:( حارماني من اغلي حاجه في حياتي)

قلتاليهو:(كيف?)

مصطفي:( امي.. امنه عبدالرحيم)

قلتاليهو:(م قعد تشوفها?)

مصطفي:(من عمري10 سنه م شفتها)

استغربتا شديد..

قلتاليهو:( ليه?)

مصطفي:( ابوي حرمني منها و انا صغير و لمن كبرتا م لقيت ليها طريق)

قلتاليهو:( ليه م لقيت?)

مصطفي:(اهل امي كانو من بورسودان.. و ابوي اتزوجها و جابها الخرطوم

.. لمن كان عندي 10 سنه اختلفو شديد م عارف في شنو المهم ابوي طردها من البيت و شالني منها.. و بعد داك بفتره بسيطه شديد عرس اميره.. انا كنت ببكي طوالي و داير امي بس ابوي كان برفض و بشاكلني و بضربني لو جبتا سيرتها.. لمن بقيت في الجامعه قررتا امشي افتش عليها.. كنت عارف محل سكنهم مشيت و فتشتا و سالتا م لقيت ااي خبر عنهم.. لانو عائله امي م كانت كبيره.. هي و اخوانها اتنين بس قاعدين في بورسودان و الباقين في اقاليم تانيه م عارفها.. بقيت بسال طوالي عنهم و اي زول يقول هو من بورسودان بسال عنهم.. بس م لقيتهم ابدا.. كان الارض دي اتشقت و بلعتهم.. الحاجه دي واجعاني شديد.. عارفه م متذكر حاجه من امي غير اسمها.. امنه عبدالرحيم.. بس حتي ملامحها م متذكرها.. نفسي اشوفها اعرف عنها خبر...م عارفها حيه وله ميته.. م عارف عنها ااي شي.. داير بس طرف الخيط البوديني ليها و انا مستعد الف الدنيا كلها عشانها..خايف تكون ماتت.. خايف م اشوفها م اسمع صوتها.. خايف شديد والله)

اتاثرتا جدا بكلام مصطفي...و هو كمان العبره خنقتو و سكت بقي م قادر يتكلم.. م لقيت كلمات اواسي بيها مصطفي غير:( ربنا يجمعك بيها بخير و تكون بخير ان شاءالله)

مصطفي قام طوالي مشي الحمام... حسيتو حيبكي.. الفقدان صعب.. صعب جدا.. بالذات لمن يكون اقرب الناس ليك.. و بالذات لمن تكون م عارف عنو حاجه...احسن يكون ميت بكون اريح...بس الضياع صعب.. و جهل الطريق اصعب..

قاعدين اميره و عواطف و نور في الصاله و قدامهم شاي..

عواطف:( لكن ي اميره انتي غلطانه.. كيف توافقي علي عرس بالشكل ده?والله لو اتقلبت الدنيا م ارضي حاجه بالشكل ده)

اميره:( اتكلمتا لمن ريقي نشف ماف زول عبرني)

نور:( والله ي جماعه البت م كعبه.. حلاتها)

اميره بزعل:(حلاتها? ذوقك زباله)

عواطف:( مصطفي استاهل اكتر من كده والله.. والله كنت حاديهو بتي نهي علي طبق من دهب)

اميره:( و انا كمان كنت دايره ليهو نهي والله.. بس خساره م ليهو في الطيب نصيب)

عواطف:( بكرا نهي بجيها سيد سيدو)

اميره:( ان شاءالله ربنا يديها واحد احسن من مصطفي بالف مره)

نور:( ي جماعه كل زول ب زوقو العرس ده م اجباري)

اميره:(العرس ده م طبيعي ماف زول بعقد فجاه.. انا م عارفه عزالدين قبل الموضوع ده كيف انا م عارفه)

نور وقفت و شايله تلفونها في يدها:( المهم عرسو خلاص انسو الموضوع ده شوفو غيرو)

طلعت الحوش..

نور:( ايوا ي متوكل.. الحمدلله.. انا دايره امشي السوق اجيب حاجه ممكن ترسل لي حسن.. اوكي طيب ..باي) و قفلت.. و دقت ل حسن طوالي..

نور:( ايوا ي حسن...ايوا كلمتو اسي حيضرب ليك.. يلا م تتاخر حبيبي.. باي)

و قفلت..مشت جهزت سرعه و جات طالعه لقت امها و خالتها لسه في موضوع مصطفي و عرسو..

نور:(ماما ميمي نايمه خلي بالك منها)

عواطف:( ماشه وين?)

نور:( السوق دايره اجيب حاجه متوكل مرسل لي حسن السواق)

اميره:( طيب م تتاخري بتك دي بكايه و انا م فاضيه ليها)

نور:( حاضر يلا باي)

نور كان عمرها32 سنه متزوجه متوكل عمره50 سنه.. اكبر منها بكتير بس كان وضعو كويس شديد جايب ليها بيت و عربيه و م مقصر معاها.. نور طلعت مبسوطه و جرت ركبت مع حسن قدام بمرح..

حسن:( حتركبي معاي قدام عادي كده)

نور:( ايوا فيها شنو? انا قلتا لمتوكل من زمان اني م بحب اركب ورا و عارف اني بركب معاك قدام)

حسن:( طيب... قلتي لمتوكل شنو عن عربيتك?)

نور:( قلتا ليهو م قادره اسوق بس)

حسن ابتسم:( طيب)

نور:( حتوديني وين?)

حسن:( المكان العايزاهو)

نور:(طيب اتحرك عشان اوريك)

حسن اتحرك مشي..

نتلاقي♥