الجزء 29

ضربتا ل مصطفي اوريهو اني حاتغدا مع اخواتي..

مصطفي:( الو)

قلتا:(مصطفي كيفك?)

مصطفي:( الحمدلله انتي كيفك?)

قلتا:( الحمدلله.. دايره اقول ليك اني دايره اطلع ريم و مي.. خلصو امتحانات و قالو دايرين يطلعو)

مصطفي:(خلاص طيب بجي و نمشي ليهم سوا م تطلعو براكم)

قلتا:(لو عندك حاجه م تعطل روحك)

مصطفي:( لالا خلصتا م عندي حاجه.. شويه و بجيك)

قلتا:(طيب)

و قفلتا.. من جواي انبسطا من كلام مصطفي و اهتمامو بي و باخواتي.. بس كل م اتذكر نهي بتضايق منو..

محمد طلع من الغرفه لقي سهي خاته صينيه الغدا كان شكلو مهموم شديد..

نهي:(تعال ي محمد الاكل حيبرد)

محمد مشي علي الاكل بدون نفس..و قعد بقي بياكل براحه و هو سرحان سهي ركزت ليهو..

سهي:(مالك ي محمد?)

محمد:(ماف شي)

سهي:( مالك طيب مهموم كده وله زعلان?)

محمد:( بعدين بحكي ليك)

سهي بخوف:( م تقلق بي)

محمد:( لالا كلو خير م تقلقي)

سهي:( ان شاءالله)

و بقو بياكلو..خلصو اكل .. محمد رقد في الكنبه قدام التليفزيون و سهي لمت الاكل و عملت الشاي و جابتها ل محمد..

سهي:( اها احكي لي في شنو?)

محمد قام قعد و شال كبايه الشاي..

محمد:( جاني شغل جديد)

سهي بفرح:( كويس طيب ليه زعلان?)

محمد:( شغل ناس مصطفي.. مش هم شغالين في الاسبيرات? دايرين يعملو فرع في بورسودان و دايرين زول كويس يمسك ليهم الشغل هناك زول يثقو فيهو لانو هم م بقدرو يقعدو هناك كتير.. مصطفي كلمني انا قال لي بنعلمك و امشي.. باجرو لي بيت و ممكن اسوقك معاي بس م طوالي.. بعد كم شهر لمن الشغل يستقر...رايك شنو?)

سهي:( و قروشهم احسن من شغلك اسي?)

محمد:( طبعا.. احسن كتير.. مصطفي قال لي وضعك بتحسن كتير)

سهي:( تمام طيب وين المشكله?)

محمد:( م عارف والله.. عشان انا متعود علي الخرطوم و علي شغلي هنا و ناس بيتنا و انتي.. اخلي ده فجاه و امشي حته م بعرفا و شغل م بعرفو)

سهي ابتسمت:(مالو ي محمد..الناس بتسافر من بلد لبلد.. انت هنا م داير تسافر)

محمد:(انتي موافقه يعني? تقدري تعيشي هناك?)

سهي:( ايوا موافقه.. حاجه كويسه ليك اكيد بوافق بيها و محل م انت بتكون قاعد انا مستعده اكون معاك ... انت كدي استخير عشان ترتاح و كلو لخير)

محمد ابتسم بكلام سهي:( ربنا يسهل)

مشينا انا و مصطفي و اخواتي محل راقي اتغدينا... مصطفي كان ظريف جدا و دمو خفيف و هظر و ضحك و ونس اخواتي كتير.. جد انبسطا منو.. و قالو دايرين يمشو الملاهي مصطفي ودانا و لعبنا كلنا ذي الشفع.. قضينا يوم حلو شديد و رجعنا اخر الليل وصلناهم و مشينا ل خيلان مصطفي سلمنا عليهم عشان كانو راجعين بلدهم الصباح بدري.. سلمنا عليهم و مشينا البيت..

مصطفي راقد في السرير و ماسك تلفونو و انا جيت قعـدتا جمبو علي الجهه التانيه و انا مبسوطه منو جدا..

قلتا:(مصطفي شكرا علي اليوم الحلو ده)

مصطفي ابتسم:( العفو يااخ ده اقل واجب.. بعدين اخواتك ديل اخواتي و انا بحب ابسطهم)

قلتا:(ربنا يسعدكم طوالي ي رب)

مصطفي اتحرك قرب لي..

مصطفي:(و انتي?)

قلتا بتوتر:(و انا مالي?)

مصطفي:(حتبقي بعيده مني كده لمتين?)

قلتا:(كفايا الناس القراب منك.. م محتاج ل قربي انا)

مصطفي:(منو القال ليك كده?)

قلتا:(انت)

مصطفي:( م قلتا كده)

قلتا:(ليه? قرب نهي م كفايا?)

مصطفي ضحك.. و انا كشرتا..

قلتا:(مبسوط شديد.. لو عاجباك كده ليه م عرستها من زمان مش شحدوك عليها شحده?)

مصطفي:( ايوا.. بس انا م عايزها م نوع البنات الممكن يعجبوني.. في وحده بس عاجباني اسمها.. مريم عبدالرحمن)

قلتا:(طيب لو م عاجباك بتتكلم معاها ليه?)

مصطفي قعد جمبي و اتكل علي السرير و مسك لي يدي..

مصطفي:( عايني.. احكي ليك.. نهي جاها عريس واحد من اصحابي شافا في العرس و عجبتو و جا كلمني.. و يوم جو هنا و انا قعدتا معاها عشان احكي ليها و تواصلنا كلو كان علي الموضوع ده و قبل يومين لمن لاقيتها كانت عشان تشوفو و يشوفا و طلعنا التلاته مشينا اتغدينا و كده.. بس)

من جواي انبسطا شدييييد بس حاولتا اخفي الفرح ده و قلتا ليهو:( دي حاجه تخليها تقرب منك و تصلح ليك قميصك?)

مصطفي ضحك:(بتغيري يعني?)

كشرتا و قلتا:( لا)

مصطفي:( طيب مركزه كده ليه?)

قلتا:( ولا شي عايزه انوم)

و رقدتا و اتغطيت و انا مبتسمه من كلام مصطفي بس حبيت اقلقو و م اوريهو اني مصدقاهو..

مصطفي قاعد في مكتبو و سرح شويه و شال التلفون دقي..

مصطفي:( نور اذيك)

نور:( مصطفي...تمام والله انت كيفك و كيف مريم?)

مصطفي:(تمام والله الحمدلله.. ميمي كيف?)

نور:(كويسه نايمه)

مصطفي:( كويس طيب...ي نور داير اطلب منك طلب)

نور:( عيوني ليك)

كنت في الشغل و عليا۽ جات عادي بس قالت تعبانه م ركزتا معاها حسيتها نفسيات من زعلها من هاني.. دقي لي رقم غريب.. رديت..

قلتا:( الو)

جاني صوت نور:( ايوا ي مريم انا نور)

قلتا:( اهلين ي نور كيفك?)

نور:( الحمدلله.. انتي لسه في الشغل?)

قلتا:( ايوا.. عايزه حاجه?)

نور:( بتخلصي 3? )

قلتا:( ايوا)

نور:( خلاص رسلي لي اللوكيشن و انا 3 شوكه

حاكون جمب الشغل)

استغربتا من كلام نور بس م قدرتا اسالا و رسلت ليها اللوكيشن.. فعلا 3 جاتني بعربيتها الجديده و كانت مبسوطه.. ركبتا و سلمتا..

سالتها:(ماشين وين?)

نور:( ماشه الكوفير و عازماك معايا.. حنتحنن و نعمل شعرنا و نجي)

و دورت العربيه و مشت طوالي..

مشينا كوفير راقي و هادي جدا.. و بعرفو نور كلهم سلمو عليها شكلها بتجيهم طوالي.. قعدنا و جات الحنانات جابو كتيب حنن اخترنا انا و نور الحنه العايزنها و عملو لينا الحنه و عملنا شعرنا و طلعنا من الكوفير مبسوطين جدا.. مشينا البيت لقينا اميره قاعده و ماسكه ميمي.. من شافتنا كشرت لي..

اميره:( بتك وجعت لي يديني ي نور)

نور:( معليش ي ماما البت الفلبينيه لسه م جات.. الاجراءات بتاعتهم بايخه جدا و طويله)

و شالت بتها بقت تلعب معاها.. انا طلعتا غرفتي غيرتا و عاينتا ل شكلي ب الحنه و شعري...كنت حلوه جدا.. اتمنيت مصطفي يجي بسرعه يشوفني كده.. قعدتا مع نور شويه و مشت بيتهم و طلعتا غرفتي.. قعدتا مستنيه مصطفي يجي.. كنت جد مشتاقه ليهو ..اول مره اشتاق ليهو كده.. قعدتا مشغوله ب تلفوني شويه فتحت الباب و دخل..

مصطفي:(مساء الخير)

قلتا:( مساء النور)

مصطفي عاين للحنه طوالي و ابتسم..

مصطفي:( ده مشوارك مع نور?)

وقفتا و قلتا:(ايوا)

مصطفي قرب علي و شاف الحنه من قريب..

مصطفي:( الحنه حلوه عليك)

ابتسمتا بخجل.. مصطفي مدا يدو مررا علي شعري..

مصطفي:( مريم.. انتي احلي انسانه في الدنيا)

دنقرتا راسي بخجل.. مصطفي مدا يدو رفع لي راسي..

مصطفي:( م تخجلي مني.. انا راجلك)

كان نفسي اقول ليهو كلام كتير بس م قدرتا..

مصطفي:(مريم من يوم دخلتي حياتي.. و حياتي بقي ليها معني.. انا جد مبسوط بيك في حياتي.. و دايرك تبقي معاي فيها للاخر.. موافقه?)

ابتسمتا و هزيت راسي ب موافقه..

مصطفي:(ربنا يخليك لي ي مرتي)

و حبي لي علي يدي... انا كنت مبسوطه جدددددا..

قلتا:( و يخليك لي..... احضر ليك الاكل?)

مصطفي:(لا م تمشي انتي.. خلي ام رجب تطلعو لينا.. حتاكلي معاي?)

قلتا:( طيب)

مصطفي م شال عيونو من عيوني...و عيونو كانت بتقول كلام كتييير.. مصطفي دخل استحما و انا كلمتا ام رجب جابت الاكل فوق.. اكلنا و احنا بنتونس.. مصطفي اتكلم و حكي لي و قال كل الفي نفسو م سكت ولا دقيقه..

قضينا ليله حلوه جدا...حسيت انو احنا متفقين و لايقين بطريقه حلوه شديد.. و كان جوانا حب لبعض.. قوي شديد بس م كنا حاسين بيهو..

صحيت الصباح لقيت مصطفي راقد جمبي و بعاين لي..

قلتا:( صباح الخير)

مصطفي:(صباح النور حبيبتي.. شكلك حلو شديد و انتي نايمه)

ابتسمتا..

مصطفي:(لي ساعه بعاين فيك و م قادر اقوم من جمبك)

قلتا:( كده حتتاخر علي شغلك)

مصطفي:( م ماشي ااي شغل حاقعد جمبك هنا بس.. لمن اشبع منك)

قلتا:( يعني ممكن تشبع مني?)

مصطفي:( مستحيل طبعا)

قلتا:( كويس طمنتني.. يلا قوم اجهز و انا كمان مفروض امشي الشغل)

مصطفي:(لازم يعني?)

قلتا:(طبعا يلا)

مصطفي بعد تحانيس قام جهز و انا كمان نزلنا مع بعض.. م لقينا زول في الصاله قعدنا شربنا الشاي و وصلني الشغل و مشي..

عليا۽ ماشه و جايه في غرفتها و شكلها مقلقه شديد.. شويه لبست عبايه و نزلت الصيدليه و جات..

دقت لي انا م رديت كنت في اجتماع..

عليا۽ بخوف دقت ل سحر..

عليا۽:( سحر الحقيني)

سحر جاتها بسرعه.. دقت الباب.. عليا۽ فتحت ليها..

سحر بخوف:( في شنو?)

عليا۽:( انا حامل)

سحر اتخلعت:( حامل?? )

عليا۽ كانت بتبكي و منهاره..

عليا۽:( اعمل شنو انا اسي?)

سحر:(تعالي اقعدي اهدي شويه)

عليا۽:( اعمل شنو? احلو كيف?)

سحر:( كلمتي هاني?)

عليا۽:( لا لسه)

سحر:( كلميهو و خليهو يعلن زواجكم)

عليا۽:( م اظن يقدر.. بخاف من مرتو)

سحر:( خلي مرتو تعرف حيحصل شنو يعني?)

عليا۽:(م عارفه بس خايفه شديد انا)

سحر:( م تخافي...انتي اسي اضربي ليهو و كلميهو)

عليا۽:( طيب)

سحر:(خلي البكي ده اهدي شويه و اضربي ليهو قولي ليهو دايره الاقيك اسي.. امشي الشقه و كلميهو و شوفي رد فعلو)

عليا۽:(طيب.. طيب)

نزل متوكل من عربيتو قدام بيتو...و حسن واقف ماسك الباب..

متوكل:( حسن بكرا الجمعه و انا م حاشتغل.. حاقفل تلفوناتي و دايره ابقي في بيتي بس)

حسن:( حاضر ي سيد متوكل.. اخلي ليك العربيه? )

متوكل:(لالا لو بقينا طالعين بنطلع بعربيه نور...لو احتجتا ليك بضرب ليك تلفون)

حسن:(حاضر)

متوكل:( يلا تصبح علي خير)

حسن:( و انت بخير)

متوكل دخل علي العماره و حسن وقف مكانو زعلان و قلبو واجعو.. ختي يدينو في راسو و قال في نفسو:( انا شنو الورطني الورطه دي.. و هو م حبي يهتما بيها الا اسي? من زمان كان وين.. اعمل شنو اسي)

وقف مسااافه محتار.. في الاخر ركب العربيه و مشي...

نتلاقي♥