الجزء 37

محمد طلع من غرفه ابوي و دموعو في عيونو قعد في الكنبه سهي جات طالعه من المطبخ لقتو قاعد خاتي يدينو في راسو ..سهي جات قعدت جمبو..

سهي بقلق:( محمد في شنو? مالك?)

محمد رفع راسو و مسح دموعو..

محمد:( الحقيره...طلعت خاينه...طلعت بتخون ابوي بعد العملو عشانها كلو)

سهي اتخلعت:( شنو? كيف الكلام ده?)

محمد:( الحقيره والله م حاسيبها)

و قام بسرعه مشي علي الباب و سهي بتكورك:( محمد استني محمد)

محمد طلع جمب الباب لقاني انا و مصطفي طالعين.. عاينتا ليهو باستغراب:( محمد في شنو?)

محمد داير يمشي بسرعه بس مصطفي مسكو..

مصطفي:( في شنو ي محمد?)

محمد:( ماشي ل الحقيره الاسمها سميه دي والله م حاسيبها)

قلتا:( ابوي قال ليك شنو?)

محمد:( لقاها بتخونو.. شافها بعيونو)

انا و مصطفي اتخلعنا شديد..

قلتا:( شنو? سميه خانت ابوي?)

محمد:( والله م حاسيبها)

و اتفكا من مصطفي و جرا نزل .. انا و مصطفي جرينا وراهو و سهي بتكورك لينا انو م نسيبو براهو...

مصطفي مسك محمد في الشارع..

قلتا:( استني ي محمد انا ماشه معاك)

مصطفي:( ارح نمشي كلنا)

ركبنا مع مصطفي و مشينا علي بيت سميه...من وصلنا محمد جرا بقي بدق في الباب شديد ..

وقفنا انا و مصطفي وراهو.. جا صلاح فتح الباب.. محمد طوالي مسكو من هدومي...

محمد:( وين اختك الحقيره دي وينا?)

صلاح:( فكني ي محمد)

محمد:( وين اختك الكلبه دي وينا?)

سميه كانت قاعده في الغرفه سمعت كوراكنا برا خافت.. سميه كان اثر الضرب الضربو ليها ابوي و صلاح ظاهر في وشها..

سميه فتحت باب الغرفه عاينت لينا ب خوف..

محمد عاين ليها و مشي عليها وقف قدامها..

محمد بزعل:( انا راجل و م بمد يدي علي مرا... بس انتي م مرا انتي كلبه)

و مدا يدو اداها كف..سميه اتخلعت شديد..

محمد:( خساره فيك العملو ابوي عشانك...خساره.. تفو عليك و علي تربيتك)

و طلع بسرعه...سميه دموعها نازله و صلاح واقف و م قادر يقول كلمه.. انا انبسطا جدا ب كلام محمد معاها و طلعنا انا و مصطفي ورا محمد.. سميه دخلت غرفتها قعدت في السرير و بتبكي.. صلاح قعد في الصاله و الزعل باين عليهو...

مصطفي:( والله ي محمد عملتا الصح..تستاهل انك ضربتها)

قلتا:( ايوا يدوب كده فشيت غلي منها)

محمد:( طلعت كلبه ابوي عمل ااي شي عشانها .. و خسرنا كلنا عشانها في الاخر تطلع كده.. اخس عليها و علي تربيتها)

محمد كان زعلان شديد.. زعلان اكتر مني..

وصلنا البيت لقينا سهي مستنيانا في السلم..

سهي:( مشيتو وين? قلقتوني عليكم)

قلتا:( م تقلقي .. وين ابوي?)

سهي:( راقد جوه)

دخلنا ليهو انا و مصطفي و محمد م حكينا ليهو الحصل بس بقينا نونس فيهو و نتكلم معاهو يحس بينا قريبين منو..

قاعده نور مع ناديه في بيت اهل ناديه.. ناديه كانت بتبكي و زعلانه شديد و نور بتهدي فيها..

نور:(انا م قادره اصدق.. معقوله بعد العمر ده كلو هاني يعرس فيك.. م قادره اصدق الموضوع ده ابدا ..انتي عرفتي كيف ?)

ناديه:(عارفه هو معرس منو?)

نور:( منو?)

ناديه:( متذكره صحبت مريم اللاقيتها مره في بيتكم?)

نور:( علياء?)

ناديه:( ايوا متزوج دي)

نور اتخلعت شديد:( كيف يعني?? )

ناديه:( م عارفه بعرفا من وين.. بس دي هي)

نور:(م قدره اصدق.. و مريم عارفه?)

ناديه:( تقريبا عارفه من زمان)

نور:( غايتو الدنيا دي ضيقه شديد)

ناديه:( عمري م حاسامحو...عمري م برجع ليهو)

نور:( ناديه عايني م تخربي بيتك ب يدك)

ناديه:( هو اتخرب و انتهي.. اكتر من كده خراب كيف?)

نور:( عايني انتي ام عيالو و انتي الاولي. ديك بتكون نزوه بس و حيسيبها لانو لو كان دايرها بالجد كان جا كلمك و عمل زواج عدييل بس عشان خايف علي رضاك عشان كده عرس في السر)

ناديه:( نور انتي جنيتي? دايراني اسامحو?)

نور:( اسمعيني كويس)

قاعدين في الصاله برا انا و مصطفي و محمد و سهي..

قلتا:( انا قلقانه علي ابوي ي محمد.. ابوي م كويس)

مصطفي:(لالا م تقلقي هو كويس.. بس ابوكم محتاج ليكم شديد مفروض تكونو جمبو...بقترح تقعدو معاهو كم يوم لمن يبقي كويس)

محمد:( انا م عندي مشكله بقعد معاهو و مستعد اخد اجازه و اقعد جمبو)

مصطفي:( لالا م لدرجه اجازه.. امشي الشغل و تعال اقعد معاهو)

سهي:( و انا كمان حاقعد معاهو )

مصطفي:( و انا برضو حاقعد عشان يحس بينا حولو)

مصطفي كل يوم بكبر في نظري اكتر و اكتر..

مصطفي مشي ل هاني في الشغل قاعد بتكلم معاهو..

هاني:( مرتك غلطانه ي مصطفي.. انا بس عملتا خاطر ليك انت و نور لو م كده كنت اتصرفتا معاها تصرف تاني... يعني تجي تقيف قدامي و قدام ناديه و تقول ل ناديه راجلك متزوج.. معقوله بس?)

مصطفي:( هي زعلت علي تصرفك مع علياء و علياء اهلها ضربوها امها و اخوها و حالتها كانت كعبه هي زعلت عليها شديد عشان كده بدون م تفكر جاتك البيت.. هاني عاين بفكر شويه بس...ماف داعي للمشاكل و مرتك عرفت و خلاص.. و علياء بت كويسه و وثقت فيك و من حقها عليك تصلهم البيت و تعلن العرس بعد داك لو داير طلقها.. بس استر البت ماف داعي تتفضح اكتر من كده.. ا

نت راجل و ود ناس و الما بترضاهو في اهلك م بترضاهو في بنات الناس..و انت علياء بتعرفها كويس هل بتستحق منك ده? بتستحق انك تتبرا منها كده? حرام عليك ربنا بسالك منها يوم القيامه)

كنت بعمل في الغدا مع سهي و معانا مي و ريم.. كنا بنتونس و نضحك و مبسوطين جدا.. بيتنا فيهو راحه غريبه .. بكون مرتاحه جدا فيهو..

محمد جا داخل من الشغل شايل اكياس فواكه..جانا المطبخ ختي الاكياس في الطربيزه...

محمد:( ي سلام دي شنو الريحه دي?)

سهي:( عامله ليك كل الاكل البتحبو)

محمد:( ي سلام ريحه تفتح النفس)

قلتا:( انتي بس الطبختي? شفتي ي محمد مرتك دي نسبت كل التعب ليها)

محمد ضحك:( تسلمو لي الاتنين)

سهي:( وقت م تصلي و تجي حتلقي الاكل جاهز)

محمد:( طيب)

محمد مشي... دقيقتين و جا داخل مصطفي شايل اكياس فواكه برضو ختاها..

مصطفي:( ي سلام الريحه تفتح النفس.. منو الطبخ ده?)

قلتا:( انا طبعا)

مصطفي:( تسلم يدك ي رب)

سهي:( ي سلام و انا تعبي من الصباح راح ساي?)

قلتا:( مش اسي نسبتي الاكل ليك لمن محمد جا?)

سهي ضحكت( ايواا كويس عشان راجلك يعني)

مصطفي:( شكلها دي ريم الطبخت و انتو بتكذبو)

ضحكنا..

مصطفي:( يلا اصلي و اجي)

و مشي...

قلتا:( ريم و مي غسلو الفواكه دي و ختوها في صحن.. يلا نطلع الاكل)

ختينا الاكل و قعدنا كلنا حول ابوي بناكل و بنضحك.. ابوي كان بعاين لينا ب فرح.. م اكل معانا كتير بس فرح ب لمتنا حولو..

حسيت بفرح كنت بحسو لمن امي كانت عايشه.. فرح كده مشي معاها م رجع و سميه موجوده الا لمن سميه مشت..

قضينا وقت حلو اكلنا و شربنا شاي و مصطفي قال ماشي عشان داير يزور ساره في المصحه و يودي ليها حاجات..

قلتا:( امشي معاك)

مصطفي:( لالا بوديك ليها بكرا.. تاني حاجه ابوك محتاج ليك اكتر)

الوقت داك كنت واقفه قدام باب الشقه موصله مصطفي..

قلتا:( طيب سلم عليها لمن الاقيها)

مصطفي:(طيب)

سكت مساافه و ابتسم..

قلتا:( في شنو بتتبسم براك?)

مصطفي:( داير اقول ليك حاجه)

قلتا:( شنو? )

مصطفي بفرح و هو بعاين لي في عيوني:( هاني حيمشي يتقدم ل علياء الليله)

اتخلعتا شديد و بفرح كوركتا و قلتا:( بالجد?)

مصطفي:( لاقيتو قبيل و اتفقنا علي كده.. امشي ليها عشان تبقي معاها)

فرحت شديد اللحظه ديك و حبيت مصطفي اكتر.. نزلتا راسو ب يدي حبيت عليهو و قلتا:( الله يخليك لي ي راجلي)

مصطفي:( و يخليك لي.. يلا انا ماشي.. وريني البحصل)

قلتا:( طيب)

مصطفي طلع مشي و انا مبسوطه شديد جريت علي التلفون اضرب ل علياء لقيتها ضاربه لي كم مره.. ضربتا ليها ردت من اول جرس..

علياء:( مريم وين انتي لي ساعه بضرب ليك)

قلتا بفرح:( صحي هاني جاي?)

علياء بيآس:( ايوا قال كده...هو و ابوهو و عمو...تعالي شوفي نقدم ليهم شنو و عشان تقعدي معاهم..انا م حاطلع)

قلتا:( طيب بجيك اسي)

كنت مبسوطه جدا ب جيت هاني.. مشيت اشتريت شويه حلويات و مشيت البيت لقيت خالتو ليلي قاعده في الصاله براها سلمتا قالت لي عمها و سامي اسي جايين.. دخلت ل علياء جوه لقيتها قاعده زعلانه و دموعها نازله.. سلمتا عليها سالتها:( ليه بتبكي? م فرحانه?)

علياء:( لا افرح كيف بس بعد العملو ده? لو كان عمل كده من الاول قبل م اهلي يعرفو و قبل م يحصل الحصل ده كنت حاكون مبسوطه بيهو جدا و طايره من الفرح.. بس بعد الحصل ده م قادره افرح و م دايراهو.. هو ضيع حبنا ضيع الفرح ضيع اااي شي.. علي قدر م حبيتو قدر م كرهتو.. بقيت بكرهو بقيت بكرهو شديد)

و بقت تبكي حضنتها علي..

قلتا:( م تبكي.. عليك الله م تبكي...خلاص افرحي شويه بس.. ربنا بعوضك.. ان شاءالله بعوضك)

جا هاني و ابوهو و عمو و اتكلمو و طلبو علياء و ابو هاني اصرا يعقدو.. و جابو مازون تبعهم مفهمنو الموضوع و عمل نفسو عقد ليهم..سمعت زغاريت خالتو ليلي برا حضنتا و باركتا ليها علياء كانت بتبكي و م فرحت ابدا.. خالتو ليلي بعد الناس مشو حست بفرح شويه و الهم الفيها مشي و جات حضنت علياء و باركت ليها..

سميه بتضرب ل الراجل الكانت بتعرفو بس رفض يرد عليها من يوم هرب منها في الاخر ردا عليها..

سميه:( انت ليه م بترد علي?)

الراجل:( عايني هنا ي سميه انا م داير مشاكل و عندي بيت و مرا و عيال ابعدي عني و تاني اوعي تضربي لي)

و قفل الخط في وشها...سميه زعلت من تصرفو و بقت تبكي .. صلاح اخوها كان بحتقرها وبشاكل فيها طوالي و حابسها في البيت و محرم عليها تطلع للجيران ساااي..

نتلاقي♥