الجزء 44

مصطفي:(مالك مبسوطه كده?)

قمتا جيت عليهو و وقفتا قدامو و مسكتا يدينو ب يديني و عاينتا ليهو في وشو..

قلتا:( مصطفي... انا حامل)

مصطفي احتاج ل نص دقيقه حتي استوعب كلامي..

مصطفي بفرح:( بالجد? احلفي?)

قلتا:( والله حبيبي.. الليله مشيت الدكتور و بشرني بالخبر ده)

مصطفي:( ي سلااااااااام ده احلي خبر الليله... الف مبروك علينا حبيبتي)

قلتا:( الله يبارك فيك ي عمري)

مصطفي:( تعالي نكلم امي)

و مسكني من يدي و نزلنا تحت و مصطفي بكورك من فوق:( امي...امي.. ي امي)

لقينا خالتو آمنه قاعده في الصاله جمب المسجل و بتسمع قران و لمن سمعت كوراك مصطفي نزلت الصوت...

آمنه:( في شنو ي مصطفي?)

وقفنا قدامها..

مصطفي:( ي امي.. مريم حامل.. حابقي ابو ي امي حابقي ابو)

آمنه بفرح:( بالجد.. الف الف مبروك حبيبتي)

و حضنتني عليها..

قلتا:( الله يبارك فيك ي خالتو)

آمنه:( ربنا يتم ليك و تقومي بالسلامه ي رب)

قلتا:( ان شاءالله)

مصطفي:( لو جابت بت حاسميها آمنه عليك)

قلتا:( طبعا حاسميها امنه)

آمنه:( الله يبارككم ي رب)

انا و مصطفي و حجه امنه كنا مبسوطين جدددا من الحمل..

تاني يوم قاعده في غرفتي بليل و حجه امنه كانت نامت.. و مصطفي مافيش.. باب الغرفه فتح عاينتا لقيت باكو ورد ظاهر استغربتا و قلتا:( مصطفي!! )

جا داخل مبتسم:( ي عيون مصطفي)

و كان شايل كيس في يدو..

قمتا مشيت عليهو قلتا:( دي شنو الرومانسيات دي?)

مدا لي الورد:( ده عشانك انتي حبيبتي)

شلتا الورد شميتو:( شكرا حبيبي)

مصطفي ختي الكيس في السرير و طلع منو علبه فتحها قدامي كان فيها طقم دهب حلو جدا.. عاينتا ليها بفرح:( و ده كمان لي?)

مصطفي:(طبعا حبيبتي)

ختيت الورد و شلتو منو و قلتا بفرح:( حلو شديد تسلم لي ي رب)

مصطفي:( بالجد عجبك? حاسي اني مقصر معاك)

قلتا:(معقوله بس.. انا بس كفاايا علي اني اشوفك كده مبسوط م دايره حاجه تاني والله)

مصطفي مسك يدي و حبي عليها.. قعدنا في السرير جمب بعض..

مصطفي:(عارفه ي مريم.. اكتر حاجه عجبتني فيك حنيتك دي.. الحاجه الوحيده اللفتت انتباهي ليك.. صح اول من عرفتك و الحادث كنتي صعبه شويه.. بس اول من عرسنا و بقيتي تتعاملي معاي.. لقيتك حنينه جدا.. ذكرتني حنيه امي زمان)

قلتا:( و منها حبيتني?)

مصطفي:( عارفه.. انا م عارف حبيتك متين.. بس فجاه حسيت روحي دايرك جمبي.. دايرك في حياتي.. حسيت حياتي م عندها معني بدونك.. لقيتك مفرحه لي حياتي و مهونه علي ااي شي .. لقيتك مديه حياتي طعم تاني.. عشان كده اتمسكتا بيك و بقيت دايرك في حياتي و رفضتا اتنازل عنك مهما حصل)

مريم:( ربنا يخليك لي.. عارف...انا كمان م عارفه اني حبيتك متين.. بس تعاملك معاي و انقاذك لي في موضوع العرس.. خلاك تكبر في نظري شديد.. حسيت اني مديونه ليك... حسيت اني مسئوله منك.. و لازم تبقي كويس و مبسوط.. شويه شويه لمن لقيتك بتتونس مع نهي و تضحك..زعلتا شديد.. حسيت نفسي غيرتا منها.. حسيت انو م مفروض تتكلم او تبتسم ساي مع زول غيري.. لحظتها حسيت اني حبيتك.. خوفتا عشان م كنت ضامناك.. خوفتا تكون داير نهي و م دايرني)

مصطفي:( انا ابيت اوريك موضوع نهي طوالي مخصوص عشان اشوف اني فارق معاك وله لا.. و لمن شوفتك مكشره و زعلانه فرحتا جدا.. عرفتا انك بتحبيني و بتغيري علي)

ضحكنا انا و مصطفي و قلتا:( حرام عليك والله)

كلام مصطفي عجبني جدا...كنت طايره من الفرح بيهو..

مصطفي:(بس حاسي اني مقصر عشان م عملتا ليك عرس حلو لا عملتا ليك شهر عسل.. لا ااي شي)

قلتا:( م عاوزه اي شي.. بس كفايا انت)

مصطفي:( خلي امي تستقر و ناس ابوك يجو و الوضع يستقر شويه.. حاسوقك و نسافر اي حته نقعد اسبوع نعوض شويه الفات)

ضحكتا قلتا:( ان شا۽الله)

مصطفي عاين لضحكتني:( مريم انا بحبك جدا)

ضحكتا تاني:( و انا بحبك جدا جدا)

سامي شال شنطو و سافر مع سحر غصب عن كلام امو و ابوهو.. ليلي و علياء زعلو شديد علي سامي و قوه راسو و اختيارو الغلط...

ناديه و هاني علاقتهم في توتر م قدرو يرجعو ذي الاول.. هاني بحاول يرجعا بس ناديه بتتكبر و م راضيه تنسي الحصل..

علياء مشت مع امها السعوديه م قدرت تقعد في االسودان براها...

مصطفي و ابوهو بدو فرع بورسودان و محمد مشي بورسودان و بعد كم شهر رسل ل سهي لحقتو هناك..

ساره اتعالجت و طلعت من المستشفي..و حالتها النفسيه بقت احسن كتير امها و ابوها و اخوانها وقفو جمبها و ساعدوها و رجعت الجامعه عشان تقرا و تجتهد و تتخرج.. آمجد م رجع تاني و لا سال منها و هي غيرت رقمها و قررت تنسي كل الفات و تبدا حياه جديده..

نور قاعده في شقتها مستينه متوكل يجي.. و فعلا متوكل جا راجع البيت و هي جرت ليهو تاخد رضاهو و توعدو م يحصل منها غلط تاني...متوكل اتفهم نور و بين انو مسامحها بس جواهو فقد الثقه فيها..

ابوي و اخواتي جو عاشو معانا في البيت و كانو مبسوطين جدا.. ابوي نسي وجعو من سميه و عاش مبسوط و كان متونس ب حجه امنه و هي متونسه بيهو..

عزالدين و اميره حسو بغلط

هم و جونا لحدي البيت يطلبو رضا و عفو حجه امنه...و حجه امنه ب طيبيتها رضت عنهم.. و طلعو مننا مبسوطين.. الا مصطفي من جواهو م قادر يسامح ابوهو و علاقتهم بقت ب الشغل و بس..

بعد مرور سنه ..

علياء و امها و ابوها رجعو السودان يعيشو فيهو و ابوها قرر يفتح مشروع صغير و علياء كانت بتديرو ليهو.. علياء طبعا ولدت جابت بت ... بليل هم و نايمين الباب دقي.. صحو مخلوعين..

ليلي:(خير في شنو ?)

سيد:( خليك انا الحاشوف)

علياء طلعت من غرفتها طلعو كلهم الصاله.. سيد مشي فتح الباب لقاهو سامي..

سيد بخلعه:( سامي)

سامي شايل شنطتو و باين عليهو زعلان ..

سامي:( اعفي لي ي ابوي) و مسك يد ابوهو حباها و داير يحب علي رجلو .. سيد رفعو و حضنو.. علياء و ليلي ابتسمو ب رجوع سامي ليهم..و سلمو عليهو بدون ااي عتاب...كفايا عرف غلطو و رجع ليهم تاني...

ساره اتخرجت و الحصل ليها بقي درس ليها.. و نزلت تشتغل مع ابوها و مصطفي في الشركه..و حياتها بقت كويسه و بقت متواصله معاي و بتستشيرني في كل كبيره و صغيره قبل م تعملها و انا كنت مبسوطه بيها جدا..

انا ولدتا جبتا بت صغيره مصطفي سماها امنه طبعا.. و حجه امنه كانت مبسوطه بيها شديد.. مصطفي قرر يعمل لمه و عشاء صغيره في البيت و يعزم كل الحبايب..

مصطفي:( رايك شنو?)

قلتا:(موافقه طبعا)

مصطفي:( اوريك...عندي فكره حلوه لدعوه..بدل نضرب تلفونات و نعزم الناس.. نعمل كرت كده صغيره نكتب عليهو برا( دعوه للفرح) و نكتب جوه الدعوه .. رايك شنو?)

استغربتا من الاسم قلتا:( دعوه للفرح?)

مصطفي بحماس:( ايوا دعوه للفرح و نسيان كل الفات و بدايه حياه جديده و صفحه جديده.. رايك شنو?)

انبسطا جدا ب كلام مصطفي.. قلتا:( فكره حلوه شديد حبيبي)

مصطفي:(تمام حابدا فيها طواالي)

مصطفي عمل الكروت و كتب فيها برا دعوه للفرح.. و رسلها للناس.. ااي زول يسلم الدعوه يستغرب من اسمها و لمن يقرا الدعوه جوه يضحك ...

جهزنا الحديقه بكل الزينه و الانوار و الطراييز و الكراسي و العشاء..

اول طربيزه كانو قاعدين علياء شايله بتها و جمبها راجلها ( عرست واحد كويس شديد.. و ربنا عوضها عن هاني)و امها و ابوها و سامي..

تانيه طربيزه قاعدين عزالدين و ساره و نور و متوكل.. طبعا اميره م رضت تجينا.. جات مره وحده بس عشان امنه تسامحها..

الطربيزه البعدها فيها ناديه و هاني و عيالهم.. هاني كل شويه كان بعاين ل علياء و ل بتو.. و قلبو كان واجعو علي بتو الاتحرم منها و الغيره من راجل علياء...

و اخر طربيزه فيها انا و مصطفي و حجه امنه و ابوي و اخواتي ..و محمد و سهي( سهي عملت العمليه و حملت جابت بت ) هي و محمد مبسوطين بيها شديد...

علياء و ناديه سلمو علي بعض عادي صح ناديه قلبها شايل من عليااء وم بتحمبها بس لمن لقتها عرست اتطمنت شويه..

قضينا وقت جميل جدا...و الفكره عجبت كل الناس و اتفقنا نعمل اللمه كل شهر عن زول ..

متوكل:( اهنيك ي مصطفي علي فكره اللمه دي.. و الله حلو جدا و قضينا وقت حلو شديد)

مصطفي:( خلاص كل شهر بعمل ليكم لمه ان شاءالله)

نور:( لا كل شهر لمه عن زول)

متوكل:( صح والله فكره حلو..خلاص الشهر الجاي اللمه ي جماعه)

نور:( قصدك دعوه للفرح)

ضحكنا..

متوكل:( صح دعوه للفرح.. بالجد هي دعوه للفرح و السرور و كل حاجه)

محمد:( انا الشهر البعدكم ان شاء الله.. بس دعوتي حتبقي في بورسودان م هنا...الشهر الجاي الجو عندنا حيبقي حلو جددا)

هاني:( فكره حلوه والله.. خلاص تمام ي محمد حنجيك لحدي بورسودان م عندك مشكله)

محمد:( خلاص اتفقنا)

هاني:( و البعدها عندي في شقتي)

ناديه:( ايوا لازم تشرفونا كلكم بدون استثناء)

قلنا:( ان شاءالله)

قضينا ليله حلوه جدا مع بعض.. و كانت ضحكاتنا و ونساتنا ماليه البيت...و عشنا في ثبات و نباات..

اخيرا♥♥