الجزء 10
طبعا انا الحرقة مسكت قلبي من جووووه مصاريني ، بس قلتا اصبر " الصبر طيب " المهم بعد امي مشت دايرة تعمل لينا قهوة ،،، احمد جا قعد جمبي ،، دقات قلبي زادت " عارفه يا سكينه انتي جميلة ؟ "! طبعا حسيت بيهو بهين فيني ،لاني صراحه ماشايفه تي ذرة جمال ،،وانا لمن الخجل ملاني ريده " انتا ماجادي طبعا صاح ؟ "! هو " لييه ما جادي ؟ شوفي ياسكينه انتي زولة مؤدبة ومحترمه وعلي طبيعتك ياخي ،في انجذاب بيني وبينك طيب المانع شنو انو انا وانتي مانكون لبعض ؟ "! طبعا انا في اللحظه دي صبت فيني مطرة ورعدة وضربني برق ، وكتحني غبار ،ومسكتني عشراقة ،واحمد يضحك " قلتا شنو يا احمد ؟ "! هنا في اللحظه دي جات امي تخت تربيزة ،سمعتو بيقول لي " انا دايرك علي سنه الله ورسوله ، عاوذ اتزوجك ، عاوذك زوجتي علي الملأ ؟ "! هنا امي ما ادتني فرصة اعبر زاتو ولا اقول احساسي ، فكت ليكم الزغروده الماخمج ،واحمد يضحك ،وجو اخواني من سمعوا الزغاريد ،وامي كلمتهم وهاك يا البشير ، والرقيص ويعرضو ،غايتو ضحكوني ضحك مبااااالغه ،،،وانا بقيت بسكت فيهم " ياجماعه انا ماسالتوني عن رايي ياخي ؟ "! احمد قال لي " كدي قولي خير طيب ' ،، قلتا خير،عارفين لييه قلتها ، ماعشان انا بديت اتكسر في احمد لأ ههههه " والله ياخي شوية كده " ،، قلتها بالجد عشان الفرحه الشفتها في عيون امي واخواني والصحكة الملت البيت وحسيتا وما حبيت اضيعا "'
انا وسرحانه كده ،اتصلو علي احمد قالو ليهو ،قبضنا علي ادهم ومحاكمتو بعد اسبوع ،،، ياخي انا من الفرحه بقيت انطط وازغرد ،احمد استاذنا ومشي لحقهم ،،
ياخي انا عشتا احلللي ايااااام ،،، خولة الحيوانة ، بقت في المكان البشبها ,,,, انتظرت محاكمة ادهم وكانت اطول محاكمة والشارع كان مليااااان شديد ،، وحكموا عليهو باطوول عقوبة انا اسمع بيها ،،، غير الاعمال الشاقة العليهو وغير وغير ،،،
ياخي انا مبسووووطه اخيييييرا ظهر الحق ، وهيفاء طلعوها ، اخوها اعترف وطلعا من السجن ...
بعداك انا وامي واخواني عشنا قرابة الشهر كاااامل مبسوووووطين شديد ،،،وبعد الاوضاع استقرت ، جانا احمد وقعد معاي في الصالون وبرانا ،،،
احمد : اها نعقد ونبدا اسرة ؟ !
انا : احمد انتا راضي عن شكلي ؟ !
احمد : يا الله ياخي ،، يابت الناس انا عاوذك علي سنه الله ورسوله ،،عليكي الله وافقي ،
انا : خلاص بستخير وبكلمك ...
وفعلا فاجأني بعد ثلاثة ايام ،، خللا ادهم يمسح الفيديوهات الكانت قاعده في النت ،، وخللا ادهم ينزل فيديو في اليوتيوب يصرح بغلطوا ، ويتكلم عن كل التفاصيل الحصلت والعملو ،، ادهم بكا واتمرمط شدييييد ،، بس كنتا مرتااااحه شديد انو اخيرا الحق ظهر ،،، ودي استخارتي الظهرت علي احمد ،، ووافقتا بيهو ،، واتزوجنا زواج بسيييط ،،وجميل واهلي كللهم كانو موجودين ،،لبسنا بلدي ،، / واتداولو خبر زواجنا علي مواقع التواصل الاجتماعي ،، .. وكل الناس عرفت الحقيقة ...
واحمد كتر خيروا بنا لي غرفة وهول وصالون صغير في بيت امي ،، وعشتا مبسووووطه شديد ...
اخواني نجحوا ودخلو الجامعه الحمدلله ،،، حق ابوي كفانا ووفانا ،،،
امل اتزوجت وجابت بت حلوة زيها ....
هيام اتواصلت معاي ،،، لحدي ماسافرت للامارات ولاقت نصيبها هناك ...
صبرتا ولقيت ...
وبعدها اتهنيت
الحمد لله ..
...النهاية...