الجزء 3
وصلنا المستوصف وطوالي امي دخلوها جووة العنبر الخاص ، كشفوا عليها ، ولقوا ضغطها مرة يرتفع مرة ينخفض شديد ، قعدنا لحدي ما استقرت حالتا ، غايتو لحدي مارجعنا ، انا الحيل الفيني كان اتهدا وانتهي ،،،
بالعصر امي كانت نايمه ، واخواني يشيلوا ويرجعوا الفي بطنهم ،، تعبوني تعب شديد ، اجري واعمل في العصاير ليهم عشان جسمهم يعوض ، وامي اصحي فيها زي الشافعه . ءأكل فيها واشرب فيها ، لمن المغرب أذن امي كانت شدت حيلها ،واخواني واحد فيهم بقا تمام ، عامر جاني وحضني عليهو " بحبك ياسكينه ، الله يخليكي لينا وما يحرمنا منك يا امنا وابونا واختنا واخونا " انا لحظتا العبرة مسكتني وبكيت ، وجا عمر عليهو بس ما كان قادر يشيل حيلو .. بقيت بقول ليهم " انتو سندي في الدنيا واخواني حبايبي ، انتو وامي كل شي في دنيتي "... كانت لحظات حزينه مخلوطه بأحاسيس حلوة ... قمتا بعداك قريت اخواني زي ما وعدتا امي حبيبتي ،لقيت امي جهزت الشاي باللقيمات ،،، ياسلاااااااااام بالجد الجو اتقلب فجاة بين لحظه والتانية للحظات حلوة شديييييد ،،، اليوم داك نمتا وانا مطمنه شديد علي امي واخواني ...
الصباح لمن صحينا ،،، مشيت معا اخواني المدرسة وانتظرتهم لحدي ما خلصوا ،،، ونحنا راجعين علي البيت في طرف الشارع هنااااااااك ياهو بيتنا ، بس في شي غريب ،، خلعني وخلع اخواني معاي ، واول كلمه قلناها معا بعض " امي مالا ؟ "! وجرينا زي المجانين علي البيت ،،
ياخي اول شي ثلاثة حافلات كريس واقفات جمب البيت ، وجمبهم عربية ملاكي تبع الامن ،وباب الشارع مفتوح وكمية من البنات واقفات ، بس يلا انا تاني بقيت زي المجنونه وبصرخ ، " امي ، امي مالا ؟ "! فجاة جات من وسط البنات امل ،وهي محبوسة ،وانا طبعا عيوني مليانه دموع ،وقدر الفي كملن وانتهت ،وعيوني مورمات ،ياخي ياها امل زاااااتا ،،جات حضنتني وهداتني " يابت امك كويسة شديد والله ،مافيها اي شي ، يهديكي عايني ليها " .. وجرتني من يدي ،وودتني علي امي ،لقيناها قاعده وتتونس كمان ، وانا من الخلعه الشديدة بركتا في الارض وحيلي بقا ماشايلني ونفسي قايم ، ' الا جات امل وكم بت رفعوني وقعدوني في السرير ،، بعد هدأتا شوية والبنات كللهم قعدوا ، جات امل قعدت جمبي وجمبها زوج اختها اسمو " مهند " ضابط امن ،،،
ودار الحوار التالي _:
مهند : سكينه كيفك ؟
انا : الحمدلله تمام في نعم من ربنا نحمدوا ،،
مهند : طبعا انا زوج اخت امل ،وانتي عارفه الكان حاصل لامل شنو ... ونحنا ورا ادهم وما حنرحموا ما حيينا ،،بس محتاجين ادلة قاطعه . وربنا فرجها الحمدلله ،،
انا : اتشرفنا ،فعلا امل حرقتني من جوة قلبي بس الحمدلله زواجا قرررب ، وربنا ينصر الحق دايما ..
مهند : اللهم امييييين يارب العالمين . طبعا البنات الشايفاهم ديل كللهم لاقو تحرشات وابتزازات من ادهم، ومكالماتو ودردشاتو محتفظين بيها عن ظهر قلب ،، واتحدوا وعاوزين يوقفوهوا عند حدوا ،،،