الجزء 6

طبعا امي فشت لي الفي وجداني كللو ،،، بس جريت عليها وحاولتا افكها ، وياريتني ما اتدخلتا وفكيتا ، ادتني ليكم واحده شحطه بسوط العنج ياخي حار حرورية مبالغه وفكت ليكم خولة وبقت جاية علي ، " انتي مجنونه صح ياسكينه كفتتك ، ودروخت اخوانك ياسجمانه ، وجو سرقوا الورقة ودايراني اسكت ليها " طبعا بالجد حسيت امي جنت عدييييييييييل الجن الواااااحد ده ،، طوالي رجعتا لي ورا ،، يلا الشارع اتملي رجال ونسوان اطفال وعربات وقفت وخولة افندي جاتا هستريا عدييييييل ،، ومن الانفعال العليها غمرت ،،، وامي بكل برود قدام خلق الله ديل كللهم مشت خلتا ومسكتني من يدي ومشينا علي البيت لمن وصلنا ، امي كان نفسا قااايم الا هداتها وعملتا ليها عصير ليمون عشان اعصابا تروووق ،،، يلا بس امي مالحقت تكمل عصيرها ،،، الباب دقا ،ودخل راجل كبييييير في السن اول مرة اشوفوا في حياتي ، عرفنا علي اسمو ' اسمي جعفر " وجا داخل جوة وقعد قصاد امي " عفيت منك ، بررردتي حشاي يامرة حسين " طبعا امي استغربت شديد ،وانا اصلا الاستغراب كملتو ،،امي طوالي سالتو " معليش يا حاج جعفر معليش ماعرفتك ، " الراجل صللح قعدتو وابتسم " انا زمان كنتا متزوج خولة ،وكنتا كبير منها شديد ، كانت داير تسفني وتفلسني ،ومابعيدة اتزوجت زوجك برضو عشان املاكو " ،، طبعا انا الشمار حرقني شديد وجيت قعدتا اتشوبر " دقيقة دقيقة ياعمو كدي احكي لينا بالتفصيل , الراجل بقا يحكي ، وانا وامي نتعجب عند كل تفصيل يقولوا ،،، ياخي خولة تنجاااااازي المعفنة ،، المهم الراجل من خلال ونستو اداني ادلة كتييييرة انها متورطه معا جماعه كدا مصاحبين ادهم ،وهنا ختيت ادهم في راسي ،،،، والراجل بعداك ودعنا وطلع ،، وانا وبقدم فيهو لي برة الشارع ،عاينتا للولد القبل ادخل السجن كان مراقب بيتنا ،وهداااااك واقف بعين ، ولمن عيني جات في عينو قام عمل فيها بتكلم في التلفون ومشا ،وانا جريت جبتا طرحتي ولبستها وجريت الشارع ولمن قرربتا عليهو بقيت ماشه برااااحه وهو ماشي ماقايلني وراهو ...