الجزء 9

طبعا انا زغردتا زغاريد ،،، اوووول مرة اعرف اني زغرااااده كده ،،،،امي مشت صلت ليها ركعتين وحمدت ربنا كتييييير ،،وامي واخواني من شده الفرح حلفوا علي الضابط الا يقعد يتعشي ،،، ,

وفعلا قعد واتعشي معانا ،وكان يوم بالجد حلو شدييييد والله ،،، اليوم داك من السعاده ،مانمنا للصباح ،،، وبس الفجر جا صلينا ،، امي طوالي اتصلت علي احمد ،،،

امي : احمد وليدي ابشر ،ابشر ..

احمد : اها يا يمما ، بشري بشري تب ،اها سامعك .

امي : وصية راجلي وصلتنا امس الحمدلله لحدي عندنا والضابط جانا ...

الخ

امي طبعا حكت ليهو بالتفصيل الممل ، وانا اضحك في امي ، وفي ضحك احمد كان ظاهر بالتلفون ،،

بعديها صبح علي ,,,

احمد : صباح الخير ياسكينه ، ،

انا : صباح النور ،

احمد : طبعا الليلة ماشين نداهم ادهم ،، دعواتكم ...

انا : ياااااارب , تقبضوا عليهو ،وسررريع كمان ،الله معاكم ،،

احمد : اللهم اميييين يااارب العالمين , بوريكي اذا في شي جديد طيب ,,

قفلنا الخط ، وبعدها مشيت اجهز الشاي ،لاخواني وامي , وحاسة انو اليوم غير ومختلف ،ووشي مورد ماعارفه , بس بديت ارتاح لاحمد شديد ماعرفتا نوع احساسي ده شنو ، بس اتاكدتا انو في شي جواي ليهو بعد اتصل علي امي بعد صلاة الظهر وقال ليها " جايي عليكم " لاني مشيت استحميت واندعكتا سممممح بالليفة والصابونة واتمسحتا واتسرحتا واتريحتا ،، وبالجد كنتا مختلفة شديد عن طبيعتي ومبسوطه ،، ولمن جا في البيت ،،، انا جسمي كللو كان متللج شديد، ومن سللم علي انا بقيت ماشو علي المطبخ ، واطقش في السراير والمطبخ ، كباية امسكا وكباية تقع غايتو جنس كبكبة وحاله فظييييعه ،،، المهم لحدي ماجيت وقعدتا معاهم ، سمعتو بيتكلم " طبعا انا ادهم كان قريب مننا شديد ،، لكن فجاة هرب الكلب " وانا المغسة كتلتني