الجزء 4
انا : انتا جااااادي ؟
مهند : اااااي والله ، وقلنا نجي ونفرخك ونوريكي بالكلام ده . ومنها تقيفي معانا !
انا : اكييييد حاقيف معاكم ، بس هل حتحتاجو لي ؟
مهند : انتي الاساس ياسكينه ، وبدون ماتشعري بي ضغط !
انا : خلاص ان شاء الله .
بعداك قعدوا شويه ، وكلهم طلعوا مشوا علي القسم ، عشان ياخدوا اقوالهم، ومهند كان مشرف علي كل بت بتقعد وتتكلم ، وهم رضوا بالحاجه دي لانو مهند عرض عليهم تسجيل كلامهم واثباتاتهم بالمكالمات والدردشات المحتفظين بيها ، واذا في شهود بيساعدوا اكيد ،،،
بالليل طبعا حصلت حاجه تحير ،،، امي جاتا فجاة حمة تقول يا ليل وانا واخواني داقين السهر معاها ،،، في نص الحمة والجوطه ،امي هضربت ، بقت تتكلم براها " خليني ياحسين النقتلا بس، الا اقتلا وارتاح " هنا بالجد قللقتا علي امي شديد ، وشوية شوية بدينا نصحي فيها ، لحدي ما صحت وكانت عرقاااانه شديد ، اشيل واسال فيها "' في شنو يا امي ؟ "! وهي تشيل وتستغفر ، بعديها اخدت ليها نفس طوووويل كده وعاينت لينا " الله يستر من خولة ، انا المرة دي كان ما دقيتها مابرتاح نهاااائي " اخواني بقوا يضحكوا " ياحجوجه ، صاحية مسخنه شديد ، ورحكاكي هسي دي نمشي ندقها معاكي " امي ابتسمت وشالت نفس طووويل ومرقتو ، بعد تحانيس منس وتشغيلات من اخواني امي نامت ، حتي اتوكلنا نمنا للصباح
الصباح صحينا بدق باب شديد ،اخوي عامر مشا فتح الباب ،، بسسسس اسمع ليكم خولة تصفق وترررددددح " وينا سكينه التافهة بت السجن ، يختي شهر ماتميتيهو دايرة كمان تقلي في ادبك يامعولقة يامعصعصة يا الما بتشبهي البنات ، ""
بس وانا بسمع فيها قمتا من السرير وانا برررجف وبترتع في المشي ، شي سفنجة لابساها ،وسفنجه مافي ،وحالتي كانت صعبة ،بقيت جارية لحدي ما وصلتا الحيوانه دي ،،،وقفتا قصادا " نعم يا عرة النسوان دايرة شنو ؟ "! طبعا ماكملتا كلامي ادتني واحد كف ولذتني ووقعتني وبقت تتكلم " انا يا المطلوقة يا التافهة ياعرة المجتمع انتي بتعلي صوتك وتقلي في ادبك علي ،، انتي والصعلوق الاسمو احمد بتاعك ده ماتبتوا مني ياعواليق ،،، كل شوية اتصل علي يقول لي رجعي لناس سكينه حق ابوهم البو اليشقكم ، وارجع الورقة ،ورقه شنو ياحرامية ياغجر ،،،هووووي ياسكينه اتلمي ولمي صعلوقك معاكي عشان ما ارجعكم السجن تاني ، اصلا شبهكم الوسخ والعفن ياجربانين ،،،
اثناء ماهي بتردح جات اختي بت ابوي رفعتني وبقت بتبكي، " يا امي ياخي حرام عليكي سكينه دي عملت ليكي شنو ؟ ! ،،الساعه الخولة جرتا من شعرها وقومتا ،،عمر وعامر ما استحملو ، جو جاريين وفكوا يد خولة من شعر اختي ،وطردوا خولة برة وكانو شايلين حدايد بهددوا فيها والا اولاد الجيران مسكوها ،،،وفي نص الجوطه دي امي بقت واقفة بتعاين ومقهورة ونظرتا اول مرة ما افهم هي مالا !!!