الجزء 2

الدكتور هدأني " يا اخت اذا سمحتي اهدي ... انا زاتي زيك كده مستغرب شدييييد والله، كدي قولي بسم الله ووريني الحصل شنو ؟ .. ".. اطمنتا علي امي ،وبقيت بحكي للدكتور " عندنا مرة ابونا جات علينا تحمد السلامه ،، واتونست معا امي ساعه كده وطلعت وبعدها حصل الحصل .." الدكتور عاين لي كده وسكت مساااافه وصلح نظارتو . وصدمني " اسمها خولة مرة ابوكم دي؟ "! طبعا انا اتخلعتا وراسي شيب كللو " اااي عرفتا كيف يادكتور اجي ؟ ".." واحد من اخوانك لمن بنسال فيهم وبنحاول نوعيهم نطق اسمها .. "

بعد قال كلمه اخوانك دي انا تاني طشيت ، وبقيت ماسكه في لياقة القميص ، وبكورك في الدكتور وماواعية بنفسي نهائي ، " اخواني عليك الله هم كويسين وينهم ؟ " وبعداك بقيت اتلفت زي المجنونه ، ' امي وينا ؟ ' .. الدكتور خللا الممرضه تجيني ومسكتني بقيت ببكي وهي بتسكت فيني وتصبر فيني " يا اختي اصبري ، اي شي كعب بتعيشيهو بسبب زول احتسبيهو لوجه الله تعالي *' انا بعديها هدأتا وبس بقيت بقول في " حسبي الله ونعم الوكيل " ... بعد لحظات بسيطه سمعتا صوت اخواني عمر وعامر ... وماسكين امي ، ،، ياخي انا الساعه الاتنفضتا ليكم من الممرضه وجري عليهم ، بقيت حاضناهم وببكي شديد .. وهم متجرسين ، لمن بقوا الناس بتفرجوا فينا ..

رجعنا البيت وقلبي علي اخواني المقطعين قلبي شديد .. وامي ضغطها مرتفع ماقادرة تتكلم .. سرحتا بعيد ونحنا راجعين ،،، حسيت نفسي شايلة جبال علي قلبي .. لحظاتي كلها كعبة بتحمل اي شي فوق راسي

. ياخي نفسي اتبسط وماقادرة ،،قمتا طوالي استغفرتا كتير ، الله يلعن الشيطان الكافر ... اتسندتا علي كتف امي ، وبقيت ببكي ،، امي مسكتني بي يدها وبدون ما تتكلم عرفتها عاوذة تهداني ،،، وصلنا البيت الا بتاع الامجاد نزل اخواني معانا ... الدكتور مديني علاج ليهم لحدي نهاية اليوم كده بشدو حيلهم شوية ..

رقدتا اخواني وبقيت شايلة هم امتحانهم البكرة .. مشيت علي امي لقيتا من الصدمه قاعده في الواطه وبتبكي،، ومن رفعتا راسي اتخلعتا خلعه ، غرفه امي الابواب بتاعت الدولاب مفلسة والهدوم في الواطه ، جريت علي غرفة اخواني لقيت دواليبهم وهدومهم في الارض ،،، في اللحظه ديكي بقا راسي لافي ، لانو لمن ودينا اخواني المستشفي ، غرفتهم كانت سليمه وبرضو حقت امي ،،، جريت علي امي ،،، يا ماما قومي خلي البكا بتتعبي لي ، وبقيت بصرخ " حسبي الله ونعم الوكيل فيكي يا خولة اذا كنتي السبب " ،،، وبقيت ببكي ... امي جاتا قوة من جوة مسكتني وقومتني " يابتي اسمعيني ، كدي اهدي ، انا هسي المقللقي ورقة ابوكي البتثبت حقنا ما لاقياها ، يابتي ساعديني فتشيها ،، طبعا انا اتخلعتا اكتر ، " يا امي دي مصيبه كبيرة ووووووواي يا امي كان لقيناها ماف ، بقيت بفتش في الورقه وما لاقينها وامي تبكي وتقول " الله يرحمك ويغفر ليك يا ابو الوليدات ،، " وتشيل وتبكي وتتحسبن علي خولة ..

طبعا انا وصلتا مرحلة وانا بفتش لمن بقيت زي المجنونه في النهاية انهرتا ورقدتا في السرير وبقيت ببكي شديد ،،، شويتين كده امي نادتني ،مسحتا دموعي ومشيت لامي ، " في شنو يا امي ، لقيتي الورقه ؟ " ،،، ' لالا يابتي بس ده التلفون احمد اتكلمي معاهو ،،

مسكتا التلفون ودار الحوار التالي _:

احمد : سكينه اذيك ؟

انا : اهلين يا احمد !

احمد : اسمعيني امك اتصلت علي وورتني انو الورقة مفقودة ، وشاكين في خولة !

انا : اي والله ده الحاصل ، وانا يا احمد بالجد خلاص فقدتا المنطق ،،

احمد : عايني اصبري ، براحه وبهداوة وبحذر شديد بنشتغل وبنفتشا تمام ،، بس داير اقول ليكي خبر حلو شديد ،، لكن تكتمي ما تطلعي اي حاجه منو لزول، وامك انا كلمتها ،،، طيب

انا اتحمستا : اها فرحني الله يفرحك ،

احمد : بقيت ماسك ادلة قاطعه قانونيا وحسيا وماديا علي ادهم وفضل c/o5 بس وادلتي تثبت علي ادهم ..

انا قاطعتو : كده زاتو كفاية ، الكمال لله وحده ، امسكوا بس ده بس ،

احمد : سكينه انا كان ما مسكتا علي احمد وصياعتو علي البنات حاجه ... مابرتاح ،، وموضوع امل حارقني بالنار والجاز جواي ، زي ما الزول ما بيرضي في اختو كمان مابيرضي في كلام الناس ...

انا : فاهماك يا احمد شديد ، مامشكلة ربنا يفرجا عليك تمام .. واذا في اي شي انا بساعدك ...

احمد : تسلمي يا غالية وموضوع الورقة دي خليها علي ماتشيلي هم ،

انا : طيب تمام ، وتسلم .

قفلتا الخط بخبر المسكوا علي ادهم برررد لي النار الجوة شوية كده ،، قعدتا جمب امي حكيت ليها ، حسيت بيها ما متجاوبة معاي ،، فجأة كده مسكتا من يدها " امي حبيبتي ، ياروحي ، في شنو ؟ ! اخواني ماتشيلي همهم حيصحوا بعدين وحاديهم ادويتهم وحاعمل ليهم عصير ، وسندوتشات وحاقريهم لبكرة اي حاجه حاعملا ، وحامشي معاهم المدرسه ، بس انتي يا حبيبتي ماتللقي طيب ". امي قالت لي ' طيب ' بس حسيتا سرحانه وماسكه يدها نار عروقا بيغلو ونفسها قام وفكت يدي ، وبقت هايجه " انا خولة ما بخليها بقتلها ،والله اقتلها " ماما انفعلت شديد وانا اتوترتا توتر فظيع ،، " ياماما اهدي عليكي

الله بتقعي لي " ،،، من صرختي " بتقعي لي دي ، امي اصلا كان وقعت ' جريت علي الشارع وبقيت بصرخ " امي الحقوا امي ، " جو اولاد الجيران جاريين شالو امي ركبوها وودوها علي اقرب مستوصف وانا بقيت معاها وقلبي في يدي ،،،