الجزء 15

مروان:انتا كنتا قدوتي ف كل شي ف الحياه دي..بس لأول مره تنزل من عيني للدرجه دي..لأول مره أكتشف انك انسان م بتفكر غير بنفسك..خساره بس(و طلع غرفتو طوالي)

مازن:(بقا ساكت و خاتي يدو ف راسو و بعاين للأرض..💔)

تاني يوم من الصباح ريان صحت مصدعه شديد💔طلعت و شربت الشاي و هيا راجعه الغرفه ابوها ناداها..

عوض:ي ريان

ريان:ايوه ي ابوي

عوض:تعالي أقعدي دايرك

ريان:(قعدت)اها

عوض:انتى عارفه انك أغلى شي عندي صح؟!..ربنا م رزقني ولد بس رزقني انتى و انا جد مبسوط بيك❤عايز قبل م أموت أأمنك على زول يقدرك و يعرف يحافظ عليك..

ريان:ي ابوي ربنا يطول ف عمرك😢

عوض:العمر قصير ي ريان..عشان كده م ح أجبرك ع شي و لا ح اجبرك ع مازن بس انتى فكري برواقه💕

ريان:ان شااء لله😊(مشيت غرفتي و قعدتا هناك بعدها بمسافه مسكتا تلفوني عايزه أضرب لعائشه لقيت 3 مكالمات من مازن💔قلبي بقا بضرب شديد و نفسي قام💔 قبل م افكر زي الناس قام ضرب تاني بقيت ماسكه التلفون مسافه بعدها اخذتا نفس عميق كده و رديت..)الوو

مازن:ريان كيفك

ريان:الحمد لله انتا كيف

مازن:تمام(و سكت)

ريان:م عايز تقول شي تاني!

مازن:انا اصلا ضربتا عشان(و سكت مسافه)انا عارف اول كان مفروض اشوف رأيك قبل اكلم ابوي بس..

ريان:(قاطعتو)انتا بجد عايزني

مازن:(أتذكر كلام ابوهو و انو عمو عوض ابو ريان عيان و كده)ايوه

ريان:و البت الكنتا بتحبها

مازن:تجربه و انتهت

ريان:طيب ليه عمرك م حسستني انو عندك لي مشاعر

مازن:انا كنتا متردد

ريان:و حسي م متردد؟..

مازن:ايوه😊

ريان:..(سكتا)

مازن:انا م ح اجبرك ع شي بس انتى عندك كل الوقت عشان تفكري،،حسي انا ح اقفل عشان عندي شغل

ريان:طيب(و قفلت..)

ريان بقت بجد م عارفه تعمل ايه بس ف النهايه قررت تنسى الشعور البقول ليها لا م تتهوري و مشت ورا قلبها البقول ليها أمكن بحبك❤

"ممكن نقول أنو اغبى افعالنا بتكون لمن نكون ماشين وره قلبنا و متجاهلين عقلنا..أمكن لأنو زي م القلب مرات بكون صح العقل ف الأغلبيه العظمي بكون أصح..💕"

ف جانب تاني..

عائشه:ي مروان كدي اهدا ماف شي م بتحل برواقه

مروان:انتى بتقولي لي اهدا و انتى عارفه أنى بحب ريان

عائشه:انا عارفاها صعبه بس ريان لسه م وافقت

مروان:بس ح توافق😊انا و انتى عارفين انها بتحبو و ح توافق...انا م زعلان لانها ح تتزوج بالعكس زعلان لانو الح تتزوجو ده م بحبها..ريان لو وافقت ح تزعل طول عمرها و انا م بقدر استحمل اشوفا زعلانه💔

عائشه:(سكتت مسافه)احنا م بيدنا شي ي مروان..ح نسكت و نشوف الطريق الهيا عايزه تمشي فيهو ح يوصلنا وين!..

مروان:...

عنده ريان:

عاينت للساعه لقت مواعيد الجامعه جات بس م كان عندها مزاج طوالي رقدت ف السرير و فتحت تكمل روايتا عسى و لعل تلقا جواب قصتا بين أحداث الروايه دي..

أبتهال:(سحبت من احمد التلفون)شكلك نسيت انو عندك ام بتضرب ليك كل يوم و م قاعد ترده عليها

آسر:(سكت مسافه)و الله ي امي انا م نسيت بس عندي اسأله كتيره عايز ليها أجوبه لو م لقيت الأجوبه م ح نرجع عادي نهائ..

أبتهال:انتا بتقول شنو ي ولد؟!..

آسر:علاقتك شنو بقصه نرمين؟!..

أبتهال:(سكتت مسافه)م عندي علاقه طبعا..عايز تدخلني ف الموضوع كمان😡

آسر:امي انتى كيف دخلتي وحده و قبلتيها ف المستشفى و انتى عارفه مسبقا انها م موجوده اصلا..عايزه تقنعيني بياتو طريقه انك م عندك دخل؟!..

أبتهال:ي آسر انتا البت دي جننتك و الموضوع ده م ح اسكت عنو أكتر من كده😡انا حسي عرفتا بالحصل معاها ف المستشفي و انها أنتحرت و م ح أسمح ليك تكمل و تمسك حالتا

آسر:و انا م ح اخليها ي امي

أبتهال:بياتو حق؟..انتا حتى م دكتور رسمي ف المستشفي

آسر:(سكت)

أبتهال:نرمين بعد تطلع من المستشفي م تتعشم تاني تشوفا..و ده اخر كلامي(و قفلت الخط)

آسر بقا ساكت و بفكر يعمل ايه..

آسر:لازم أعمل حاجه قبل امي تتهور و تعمل هيا حاجه..(قاطع تفكيرو تلفونو و هو بضرب)ايوه ي عمر

عمر:ي آسر كيفك

آسر:الحمد لله و انتا

عمر:تمام عارف ضربتا ليك بدري بس بعد العصر م عندي طريقه عشان نتقابل ينفع اشوفك حسي؟..

آسر:انا حسي ف مستشفي () ينفع تجيني هنا؟!..

عمر:بسم الله ليه الحاصل ايه

آسر:موضوع طويل

عمر:طيب جاي عليك

آسر:تمام(آسر دخل علي الغرفه لقاني لسه نايمه فضل ماشي جاي ف الغرفه لمن عمر ضرب ليوو..)

عمر:انا مستنيك ف الكفتريا تحت

آسر:تمام(و نزل ليهو)

عمر:(اول م شافو وقف و سلم عليو)الحاصل شنو عندكم منو عيان

آسر:نرمين💔

عمر:مالا بسم الله💔

آسر:حاولت تنتحر

عمر:لا حول و لا قوه الا بالله انتا جادي؟!..

آسر:ايوه بس حسي كويسه..اها انتا عايز تقول شنو

عمر:بعد م أتكلمتا معاك المره الفاتت مشيت و جبتا ملفات القضيه لمن محمد الختم ابو نرمين فتح بلاغ انو حفيدتو ضايعه..الغريب ف القصه انو نهائ محمد الختم ده م كان مدي القضيه دي للناس الكبار الشغالين عندو بالعكس طلب انو يمسكا واحد صحبي كان يادوب مبتدئ زي...و الأغرب انو م كان متابع شديد اصلا لمن ر

تبتا الأحداث مع كلامك قلتا أمكن عشان هو م كان عندو علاقه قويه مع بتو و حاولتا أتجاهل فكره انو ممكن يكون عمل كده لسبب من الأسباب...بس الغريب و بجد شداني زياده للقصه دي انو يوسف قبل م يموت كان مع محمد الختم ده زاتو..

آسر:كيف عرفتا😳

عمر:عاين و أسمعني كويس ي آسر يوسف قبل م يموت رسل رساله لصحبي حامد و ده الكان ماسك القضيه وقتها..قال ليهو "انا حاليا ماشي أقابل محمد الختم و لو م رجعتا معناتا هو السبب"..

آسر:طيب ليه بعد يوسف مات م عملتو شي!😳

عمر:لانو كل حاجه كانت بتقول انو ده حادث فعلا...و م ممكن عشان رساله نمسك محمد الختم!..

آسر:طيب و ليه انتا متأكد للدرجه دي انو م حادث؟..

عمر:لانو ي آسر الحادث الحصل كان بعيد شديد من بيت محمد الختم..و كان ف نفس طريق شغل يوسف..يعني الناس كان ف بالا انو كان ماشي شغلو و أتعرض للحادث ده بس هو م مشا شغلوو و الدليل الرساله الرسلا..

آسر:يعني انتا حسي بالعربي بتقول انو محمد الختم ابو نرمين وره ده كلو..

عمر:ممكن تقول كده

آسر:مستحيل..مهما كان دي حفيدتو مستحيل يقتلا

عمر:انا م متأكد انو قتل بت نرمين بس العارفو انو هو وره موضوع يوسف..

آسر:...

ف جانب تاني:

محمد:(ابو نرمين)ي ناصر انتا بتقول ف شنو

ناصر:ي ابوي و الله امبارح واحد صحبي قال لي انو ف زول عايز يفتح القضيه دي تاني..

محمد:(قاطعو)اصلا م بقدر يفتحا طالما نرمين م طلبت

ناصر:و لو طلبت؟!..

محمد:م ح تطلب م تخاف عندي زوله ح تحسم الموضوع ده😊..

عنده آسر:

آسر رجع الغرفه لقاني يادوب بديت أفتح و جمبي الممرضه..

_انتى حسي كويسه؟!..

نرمين:..(عاينتا ليها مسافه حتى أستوعبتا و أتذكرتا الحصل)

آسر:نرمين💕انتى كويسه..حاسه بشنو

نرمين:..

آسر:عليك الله قولي شي..بس حاجه وحده😢

نرمين:..

آسر:لو عايزه ابكي تانيه..او لو عايزه صرخي..او لو عايزه..

نرمين:(قاطعتو)عايزه وتين😭😭(و بقيت ببكي)

آسر:(جا حضني و بقا ببكي معاي)استغفري أنتى إيمانك اكبر من كده😢

نرمين:(بقيت ببكي زياده😭)

_انا شايفه انو احسن اديها مهدئ

آسر:لا خليها انا م صدقتا اتكلمت(و بقا ماسكني و بقره قرأن لمن م رجعتا نمتا..)

اليوم كلو تقريبا كنتا بصحا ابكي و اصرخ و هو يقره لي قرأن..م أتحرك من جمبي نهائ حتي الصلاه م كان بمشي المسجد💕بليل بعد نمتا قعد و بقا بتذكر ف كلام عمر قبيل لمن قال ليهو..

عمر" ع فكره لو رتبنا الأحداث ح نلقا انو حتي امك عندها يد ف المووضوع..لو عايز تستمر ف اللعبه دي يبقا ح تخسر أمك "

آسر قام و صلي ركعتين و حسه انو بجد الدنيا دي ضاقت بيو بس الحاجه الكمان متأكد منها انو م دايما لازم نمشي وري أحساسنا احنا مفروض نمشي وره الحق بس..نرمين أتظلمت كتير..و لو كان ح يخسر أمو عشان يبرد قلب البت البتعاني حسي قدامو ف هو مستعد للحاجه دي..❤

"مرات لازم نخسر قضايا عشان نفوز ف القضيه الأكبر..أحنا اكبر من انو نمشي ورى أحساسنا بالضعف عشان البنحبهم..الضعف عمرو م كان مع الحب.."

ريان وقفت قرايه و قالت..

انا م ينفع أوافق..م مستعده أفضل ف الشك ده طول عمري(طلعت بره و عايزه تمشي لأبوها سمعت صرخه أمها...

"و حين نختار طريقنا يقوم هو بمفاجأتنا..💙"

معلش اتأخرتا بعدين كده بنزل اتنين تاني..♥