الجزء 22

عمر:م عارف ي آسر بس الأنا متأكد منو حسي أنو معتز لو عرف بموضوع زواجك من نرمين م ح يحصل خير..

آسر:و الأنا متأكد منو كمان أنو معتز في وراهو سر تاني..القصه أكبر من قصه حب و شويه جنون..انا متأكد..

عمر:طيب عايز تعمل شنو

آسر:عايز اقابل نورهان

عمر:كان بتمشي كورس بس وقفتو ليها زي اسبوع

آسر:طيب اصل ليها كيف

عمر:م عندك حل بقا غير انو تتكلم معاها تلفون

آسر:لو عرفت انو نرمين معاي قلبها ح يحن

عمر:لو ضمنتا نورهان بنقدر نضمن سامي

آسر:سامي مين

عمر:خطيبا و ف نفس الوقت أخو معتز

آسر:عليك الله خلاص لانو جد راسي جاط..(و بقا بحك ف شعرو..)

انا صحيت من النوم لقيت ورقه قدامي طوالي مسكتها و قريتا كان مكتوب "لمن تصحي أطلعي أكلى ختيت ليك الأكل ف المطبخ بره و أشربي العصير انا طلعتا قريب و ح أجي..أنتبهي لنفسك💕"

ختيت الورقه و مشيت أكلتا لانو كنتا جعانه و م شربتا العصير خليتو ف مكانو..طلعتا و قعدتا ف البلكونه بجد لي فتره م شميت هوا نضيف كنتا محتاجه إنى أقعد ف البلكونه دي كتير و أثناء قعدتي بديت أتذكر ف مواقف م عارفه انا ليه أتذكرتا اصلا..

قبل 4 سنين:

نرمين:يوسف انتا ف حاجه م عايز توريني ليها؟!..

يوسف:نرمين حاجة شنو دي كمان

نرمين:من وين فجأه جبتا القروش دي كلها؟!..معقول المدرسه الجديده دي بتحبك للدرجه دي يعني!

يوسف:نرمين ي حبيبتي قلتا ليك الدروس الخصوصيه كمان كترت أكيد ح يبقا عندي دخل كوويس

نرمين:يوسف انا قلبي واجعني و حاسه انو ف حاجه

يوسف:(باسني ف راسي💕)حبيبتي انتى تعبانه أدخلى نومي

نرمين:طيب ي يوسف تصبح ع خير💔(و مشيت..)

أغلبيه الحاجات الأنا بتذكرا كانت غريبه،م كنتا بتذكر مواقفنا الحلوه بالعكس كنتا بتذكر حاجاتنا الغريبه و شكوكي بس..كأنو عقلي كان عايز ينبهني على حاجه و انا بتجاهل الموضووع..قاطع تفكيري صوت آسر و هو داخل..

آسر:ي جميله

نرمين:..(عاينتا ليهو و أبتسمتا)

آسر:مالك

نرمين:م عارفه

آسر:طيب خلينا نتفق انو نحكي لبعض اي حاجه عشان نقدر نحل القصه دي سريع!

نرمين:(سكتا مسافه)كنتا بتذكر ف يوسف بس

آسر:(سكت مسافه و بقا بفكر..)

نرمين:انتا م عايز توريني حاجه

آسر:اممم لا..بس عايزك تتكلمي مع زول

نرمين:زول منو

آسر:(فتح تلفونو و ضرب ف رقم بعد مسافه جا الصوت..)

نورهان:ألوو..

نرمين:نورهان😢💔(بخلعه)

نورهان:..

"حين وقعت ف الحب أرتطم قلبي و سقط على الأرض و من شدة الألم لم ينهض بعد،و الأن أراك تحمل قلبي النزيف بين يديك و تربت عليه بلطف كأنه جنينك الصغير..ف شكرا ي طبيبي"❤

قاطع قرايه ريان صوت عائشه..

عائشه:ي بت قالو ليك أنزلى العشا جاهز

ريان:م عايزه

عائشه:اجي ي م عايزه

الضي:السمحه م عايزه ليه

ريان:..(سكتا)

عائشه:انا ح استناكم تحت(و نزلت)

الضي:(دخل و قعد قصادي)ي بتي انا عارف انو الموقف ده م ساهل و أنو أكيد أنتى متوقعه ف زعل بينا بس لا بالعكس انا مبسوط شديد أنك قلتي كلامك ده تحت و واجهتيهو قدامنا كلنا

ريان:انا بجد م قصدي أزعلكم💔

الضي:ريان انتى زي بتي و احنا نسينا القصه دي خلاص..ماف اي زعل و الله

ريان:ربنا يخليك لينا(و بستو ف راسو)

الضي:يلا ي بت الأكل براي جعان😂

ريان:طيب ارح😂(نزلنا و صراحه كلهم كانو بتعاملو معاي عادي شديد..بس نهائ م شفتا مازن و قلتا ان شااء لله م اشوفو زاتو..بعد قعدنا مروان نزل من فوق حتى م عاين لي قعد أكل و أتكلم معاهم عادي..)

أبتسام:اها بكره ح تمشو المستشفي الساعه كم

مريم:بكره و الله قالو لينا نجي الساعه 9 صباحا

ريان:انا ح امشي معاكم

مريم:انا ماشه انتى خليكي قاعده ماف داعي..

ريان:(قاطعتا)لا ح امشي

عوض:خلاص بتمشي كلو و لا زعلك ي ريونه😂

ريان:ابوي م تقول لي ريونه

عوض:ريونه😂(و كلهم بقو بضحكو..)

بعد أكلنا انا طلعتا بره الحديقه الجو كان حلو شدييد..و عندهم زي مرجيحه كده قعدتا فيها..

مروان:شنو الخلاك تغيري رأيك فجأه(و جا قعد جمبي..)

ريان:اصلا م كنتا عايزه اوافق بس عشان ابوي وافقتا..

مروان:اها

ريان:م عندك شي تاني داير تقولو!

مروان:شي زي شنو

ريان:زي أنو أنتا كنتا متعصب زياده عن اللزوم لمن عرفتا إنى ح أعرس مازن

مروان:(سكت مسافه)انتى برأيك عملتا كده ليه؟!.

ريان:م عارفه انا عايزه جواب منك😊

مروان:أمكن لانو أنا..

عائشه:ي ريان

ريان:مالك ي بت

عائشه:ياخ تلفونك بضرب ليو ساعه أمسكي

ريان:طيب طيب م تصرخي(و أخذتا التلفون كان رقم غريب رديت و أول م رديت جاني صوت بت بتصرخ..)

_أنتى ي حيوانه م عرفو يربوك صح😡قاعده بتتخافي عشان الاولاد يعاينو ليك😡لكن لعلمك مازن ده لو بقيتي أخر بت م ح ياخذك انتى عارفه كان بقول عنك شنو..كان بقول أنك جاريه وراهو و أنك ميته فيهو و اصلا قال عايزك عشان حنه عليك ي ..(و بقت بتشتم و انا مصدومه بسمع ساي..)

ريان:(قفلتا الخط طوالي لانو بجد حسيت نفسي بت رخيصه شديد بعد سمعتا كلاما ده..)

مروان:ف شنو

ريان:عندك رقم البت البحبها مازن؟!..

مروان:ايوه

ريان:شوفو لي ده هو

عائشه:اجي و ح تضرب ليك ليه هيا؟!.

م

روان:(اخذ تلفوني وشاف الرقم ف تلفونو و طلع فعلا هيا..)قالت ليك شنو

ريان:قالت النفسها تقولو م أكتر

عائشه:ريان كدي فهمينا

ريان:انتو كلكم كنتو عارفين إنى بحبو؟..معقول كان ظاهر للدرجه دي..طيب ليه م نبهتوني

مروان:لأنك بتحبي و لمن حسي بتحبيهو و لو نبهناك م كان ح تستفيدي شي

ريان:اها تمام طيب(و طلعتا فوق طوالي..)

"أحنا لمن نحب بنكون زي الأغبياء حرفيا كده..تصرفاتنا و نظراتنا و كلامنا كلو بجووط..و م بنعرف أنو أحنا أدينا مشاعر غلط للناس الغلط إلا بعد مشاعرنا دي تتقلب علينا..و لمن تتقلب علينا ح نعيش ف ندم على قدر المشاعر الأديناها ديك.."💔

ف جانب تاني:

مازن مشا لغفران بعد م سأل أصحابو هيا وين..و فعلا لقاها ف مطعم لابسه فستان ضيق و فاكه شعرها و عامله مكياج و بتضحك و تتخافف مع الأولاد..

للحظه بقا بس واقف و بعاين ليها..صح هو عارفه كده من زمان بس ف النهايه دي البت البحبها و نفسو لو تتغير شويه بس..دايما كان بلوم نفسو أنو حبه بت زي دي..و نهائ م أتوقع الحياه تختو بين أنو يختارا كده او يبعد..و هو م كان قادر يبعد فكان بضغط على نفسو و على كرامتو عشان يفضل جمبها..

مازن:غفران

غفران:(عاينت ليهو..)اوهه مازن❤تعال

مازن:انتى التعالى عايزك

غفران:هههه ليه خجلان تتكلم قدام اصحابي يعني😂

مازن:غفران😡

غفران:طيب ي بيبي م تصرخ(و قامت وقفت معاهو بعيد منهم شويه)اها مالك

مازن:خلينا نطلع نتكلم بره

غفران:بس انا عايزه أتكلم هنا

مازن:إنتى طول عمرك ح تفضلي كده يعني

غفران:ايوه و على فكره ضربتا للحيوانه بتاعتك ديك و سمعتا التستاهل تسمعو..

مازن:دقيقه دقيقه..ضربتي لمنو

غفران:ريونه بتاعتك

مازن:و ضربتي قلتي ليها شنو

غفران:قلتا ليها أنها أنسانه رخيصه و تافهه و انو هيا الجاريه وراك بس انتا مستحيل تعاين لوحده زيها لانها..

مازن:(قاطعا)انتى كيف تعملي كده😡(قالا بصرخه كده المطعم كلو بقا يعاين)

غفران:مازن وطي صوتك

مازن:إنتى عارفه الرخيص هنا منو؟!..إنتى م هيا😡لانها عمرها م عملت الحاجات الأنتى بتعملى فيها حسي!عارفه كمان شنو..لو ف زول مفروض م يعاين للتاني فأنا مفروض م أعاين لأشكالك لأنو أشكالك دي م أشكال حب اصلا😡انا دايما بحسه نفسي م راجل و انا جمبك عارفه ليه؟!..لأنو عمري م اتوقعتا أحب انسانه بالشكل ده😡و الليله للمره الألف تثبتي لي شي..انك مستحيل تتغيري و انا م مستعد اتنازل أكتر

غفران:مازن😢

مازن:انتى خليكي ف وسخك ده لاني تعبتا و الله..امشي لشلتك التافهه زيك و تاني نهائ م تضربي لريان لأنها أنظف منك بمراحل😡(و طلع كان فعلا م شايف قدامو و زهجان شديد...أتصل طوالي لصحبو عبد الله..)عبد الله انتا وين

عبد الله:صوتك م طبيعي مالك

مازن:تعبتا و الله

عبد الله:قصدك خسرتا

مازن:كيف يعني

عبد الله:قلتا ليك ريان م بتتعوض و انتا لسه جاري وره غفران بتاعتك..

مازن:..

"ف الحياه لديك فرصه واحده فقط..إن خسرتها فقد خسرت باقي الفرص"💕